Sam keil 1
1
Sien onen koakeil ualien one mal
1Sien hel en koakeil:
asesein rendemien koa meatin tatisa keil amul asani;
armusiltei sakien onen meatin tisa keil,
vuo arkapiltei vatal koakeil amumon tohtohien en tounah keil onen Ahi.
2Vuo, keil avotin sien
navong along kat mengkatien onen Ahi,
meneai ka vongien, amundem usili.
3Keil asuval vatiai koa mul en vali oai,#Ser 17:8
son heite mal en avong teni,
ka oute sakras varei vakou.
Tounah vasi koa amumoni tahos imok.
4Ka meatin tatisa keil armukteinek.
Keil asuval sume uit koa rotahostei koa eang mul muh lini ran aneite.
5Sakini, Ahi hesan mahien min meatin tatisa keil,
irtotei hetal koakeil ualien one tahos.
6Ven koakeil ualien one tahos,
Ahi helosil kat keil ka hekur koe keil.
Ka koakeil ualien one tisa, amul en sise ten matien.
Iliyochaguliwa sasa
Sam keil 1: pma
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Copyright © 2011 Wycliffe Bible Translators, Inc.