Ngeera 6
6
1Mwana wange, b̯wolitaho musimbo hab̯wa wondi,
rundi okabba mwema wa mwi̱zei̱zi̱,
2olibba okwati̱i̱rwe kweraga kwamu,
weebbohi̱ri̱ na kanwa kaamu.
3Kale nu mwana wange, hondera magezi̱ gankukuha, weejune,
hab̯wakubba oli mu ngalu zaamwe.
Gyenda weehombokereerye,
omwesengereerye!
4Otalaala,
oteebbaka na kwebbaka.
5Weejuna, nka mparaaki gi̱teesu̱ki̱ri̱i̱ri̱ mu̱hi̱gi̱,
nka ki̱nyoni̱ ki̱teesu̱ki̱ri̱ ha mutegu.
6Wonera hali nkakabi, we mugarei,
weetegereza nka kuzikora, obbe mu̱gezi̱!
7Tizigira mwebemberi̱,
habbe mu̱keberi̱, rundi mu̱lemi̱,
8bei̱tu̱ zeebiikira byetaagu byazo ha makesa,
nizisorooza bidyo mu kyanda.
9Ee bei̱tu̱, wee mugarei, olilaala kudwa di̱i̱?
Oli̱si̱si̱mu̱ka mu b̯ulo di̱i̱? B̯wolikoba yati,
10“Kandaaleho kadooli̱, kandindeho kadooli̱,
kammpu̱u̱mu̱u̱lyeho mikono kadooli̱,”
11mwomwo nnaku zi̱li̱kwi̱zi̱ra nka mwi̱bi̱,
ni̱zi̱ku̱ru̱mba nka mutemu.
12Muntu mugwagwa kandi mubiibi
eicala naagobyagobya,
13ku̱mi̱gami̱gi̱ri̱i̱rya mei̱so,
ku̱zi̱gazi̱gi̱i̱zya magulu,
na ngalu mwa kwebbumbiira.
14Mutima gwamwe guteekereza mu b̯ubii,
naaku̱cu̱u̱ki̱ri̱i̱rya bantu.
15Kyokyo ali̱ru̱mb̯wa bizib̯u atakwega,
mu kasu̱mi̱ kadooli̱ alibba acwacwani̱ki̱ri̱.
16Haloho bintu mukaaga Mukama bi̱yaanobi̱ri̱,
bili nka musanju byamuziro:
17mei̱so ga marara, kalimi ka b̯u̱gobya,
ngalu gibbwoma ibbanga,
18mutima guteekerereza mu nkwe,
magulu ganguha kukora kibii,
19mu̱kei̱so abaza byab̯u̱gobya,
na mutab̯ura makaa.
Kwehala Mu̱kali̱ Mwenzi̱
20Mwana wange, weegwanga bbaawu byakukuragira,
ohonderenge maawu bi̱yaakwegeserye.
21Bigambu byab̯u obitenge mu mutima gwamu,
obibbohenge mwi̱coti̱ lyamu.
22Byakwehemberanga mu kulibata kwamu,
byakulindanga weebbaki̱ri̱,
byakulambanga osi̱si̱mu̱ki̱ri̱.
23Kubba biragiro byab̯u, taara,
kwegesya kwab̯u, kyererezi̱,
na bibahab̯ura, muhanda gwa b̯womi.
24Obikwatenge bilikujuna mu̱kali̱ mubiibi,
na b̯ugambu b̯wa mu̱kali̱ mwenzi̱.
25Otalimwegomba b̯urungi b̯wa mubiri,
atali̱ku̱du̱u̱pa na mei̱so gaakulelembuka.
26Kubba malaaya atoolya ki̱yaagu̱li̱sya kayaadya,
bei̱tu̱ mulaala mukaa wondi abba yeeheeri̱yo ku̱kwa.
27Naani yaab̯u̱mbati̱ri̱ mworo mu salaka,
ngoye zaamwe zaalema kuhya?
28Naani yaali̱beeti̱ ha makala gakwokya,
magulu gaamwe gaalema kuhya?
29Kwokwo abba yatyo mulaala mukaa wondi,
yensei̱ akumweha alifubirwa.
30Mwi̱bi̱ yaakuganywirwa,
kubba nzala gyogyo gi̱mwi̱bi̱sya.
31Bei̱tu̱ b̯wakwatwa, ali̱ha mirundi musanju,
nab̯ukimalaho itungu lyamwe lyensei̱.
32Mudulu mwenzi̱, abba atali na magezi̱,
abba naakwezi̱ta yankei.
33Bihuta na muswaru biicala mpeera gyamwe,
Kihemu kyamwe tikilimalika.
34Hab̯wa mei̱ha i̱ba mu̱kali̱ alikwatwa b̯usungu,
naahoora nzi̱go atali na kisa.
35Talikiriza b̯u̱li̱hi̱ b̯wensei̱,
nab̯u̱bali̱teeryaho b̯u̱li̱hi̱, tib̯ulimalaho b̯usungu.
Iliyochaguliwa sasa
Ngeera 6: LUGUNGU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.
Ngeera 6
6
1Mwana wange, b̯wolitaho musimbo hab̯wa wondi,
rundi okabba mwema wa mwi̱zei̱zi̱,
2olibba okwati̱i̱rwe kweraga kwamu,
weebbohi̱ri̱ na kanwa kaamu.
3Kale nu mwana wange, hondera magezi̱ gankukuha, weejune,
hab̯wakubba oli mu ngalu zaamwe.
Gyenda weehombokereerye,
omwesengereerye!
4Otalaala,
oteebbaka na kwebbaka.
5Weejuna, nka mparaaki gi̱teesu̱ki̱ri̱i̱ri̱ mu̱hi̱gi̱,
nka ki̱nyoni̱ ki̱teesu̱ki̱ri̱ ha mutegu.
6Wonera hali nkakabi, we mugarei,
weetegereza nka kuzikora, obbe mu̱gezi̱!
7Tizigira mwebemberi̱,
habbe mu̱keberi̱, rundi mu̱lemi̱,
8bei̱tu̱ zeebiikira byetaagu byazo ha makesa,
nizisorooza bidyo mu kyanda.
9Ee bei̱tu̱, wee mugarei, olilaala kudwa di̱i̱?
Oli̱si̱si̱mu̱ka mu b̯ulo di̱i̱? B̯wolikoba yati,
10“Kandaaleho kadooli̱, kandindeho kadooli̱,
kammpu̱u̱mu̱u̱lyeho mikono kadooli̱,”
11mwomwo nnaku zi̱li̱kwi̱zi̱ra nka mwi̱bi̱,
ni̱zi̱ku̱ru̱mba nka mutemu.
12Muntu mugwagwa kandi mubiibi
eicala naagobyagobya,
13ku̱mi̱gami̱gi̱ri̱i̱rya mei̱so,
ku̱zi̱gazi̱gi̱i̱zya magulu,
na ngalu mwa kwebbumbiira.
14Mutima gwamwe guteekereza mu b̯ubii,
naaku̱cu̱u̱ki̱ri̱i̱rya bantu.
15Kyokyo ali̱ru̱mb̯wa bizib̯u atakwega,
mu kasu̱mi̱ kadooli̱ alibba acwacwani̱ki̱ri̱.
16Haloho bintu mukaaga Mukama bi̱yaanobi̱ri̱,
bili nka musanju byamuziro:
17mei̱so ga marara, kalimi ka b̯u̱gobya,
ngalu gibbwoma ibbanga,
18mutima guteekerereza mu nkwe,
magulu ganguha kukora kibii,
19mu̱kei̱so abaza byab̯u̱gobya,
na mutab̯ura makaa.
Kwehala Mu̱kali̱ Mwenzi̱
20Mwana wange, weegwanga bbaawu byakukuragira,
ohonderenge maawu bi̱yaakwegeserye.
21Bigambu byab̯u obitenge mu mutima gwamu,
obibbohenge mwi̱coti̱ lyamu.
22Byakwehemberanga mu kulibata kwamu,
byakulindanga weebbaki̱ri̱,
byakulambanga osi̱si̱mu̱ki̱ri̱.
23Kubba biragiro byab̯u, taara,
kwegesya kwab̯u, kyererezi̱,
na bibahab̯ura, muhanda gwa b̯womi.
24Obikwatenge bilikujuna mu̱kali̱ mubiibi,
na b̯ugambu b̯wa mu̱kali̱ mwenzi̱.
25Otalimwegomba b̯urungi b̯wa mubiri,
atali̱ku̱du̱u̱pa na mei̱so gaakulelembuka.
26Kubba malaaya atoolya ki̱yaagu̱li̱sya kayaadya,
bei̱tu̱ mulaala mukaa wondi abba yeeheeri̱yo ku̱kwa.
27Naani yaab̯u̱mbati̱ri̱ mworo mu salaka,
ngoye zaamwe zaalema kuhya?
28Naani yaali̱beeti̱ ha makala gakwokya,
magulu gaamwe gaalema kuhya?
29Kwokwo abba yatyo mulaala mukaa wondi,
yensei̱ akumweha alifubirwa.
30Mwi̱bi̱ yaakuganywirwa,
kubba nzala gyogyo gi̱mwi̱bi̱sya.
31Bei̱tu̱ b̯wakwatwa, ali̱ha mirundi musanju,
nab̯ukimalaho itungu lyamwe lyensei̱.
32Mudulu mwenzi̱, abba atali na magezi̱,
abba naakwezi̱ta yankei.
33Bihuta na muswaru biicala mpeera gyamwe,
Kihemu kyamwe tikilimalika.
34Hab̯wa mei̱ha i̱ba mu̱kali̱ alikwatwa b̯usungu,
naahoora nzi̱go atali na kisa.
35Talikiriza b̯u̱li̱hi̱ b̯wensei̱,
nab̯u̱bali̱teeryaho b̯u̱li̱hi̱, tib̯ulimalaho b̯usungu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.