Ngeera 4
4
Weegwanga Kulamba kwa Bbaawu
1Baana bange, mwetegeeryenge kulamba kwa bbaaweenyu̱,
muteho mutima aleke mubbe na kwetegereza,
2hab̯wakubba ndimukubaha magezi̱,
mutalekanga kwegesya kwange.
3Nincaali na bbaabba nka musigazi muto,
nindi mwana nyaki̱mwei̱ wa mmaama, mugonze,
4bbaabba yanzegeseerye yambwera,
“Kwatiranga ki̱mwei̱ bigambu byange,
okwatenge biragiro byange, mwomwo olyomeera,
5Tunga magezi̱, obbe na kwetegereza,
otalibyebeera, otalibirugaho.
6Otaligagumirisana, galikulinda,
waagolokyanga ngonzi, galikuha b̯u̱si̱nge.
7Ki̱handu̱, tunga magezi̱,
nab̯wotalibba na kintu, obbenge na kwetegereza.
8Wendyanga magezi̱ galikufoora wa maani,
b̯woligab̯umbatira gali̱ku̱tu̱ngi̱sya ki̱ti̱i̱ni̱sa.
9Galikulwalya kondo gya byakyo,
galikuha ki̱ti̱i̱ni̱sa.”
10Weegwa mwana wange, ikiriza binkukuweera,
obite mu mutima, mwomwo olyomeera.
11Nkwegeseerye bintu bya magezi̱,
nkwolokeerye mihanda mya mananu.
12Tihaloho kilyekiika mu muhanda gwamu
b̯wolibba nookwi̱ru̱ka, toli̱ki̱i̱bbala.
13Kwatira ki̱mwei̱ bi̱bakwegeseerye, otalibileka,
waabilindanga, kubba byobyo b̯womi b̯wamu.
14Otagyenda mu muhanda gwa babiibi,
habbe kuhunguuka hali nkori̱ za bibii.
15Gu̱gwo muhanda, ogwehalenge,
okwatenge gwamu, niweegyendera.
16Babiibi tibalaala batakoori̱ kibii,
tibeebbaka ku̱doosya bahu̱tei̱ze muntu.
17Kubba banolerwa bidyo bya b̯ubiibi,
na maaci ga b̯u̱nyagi̱.
18Bei̱tu̱ muhanda gwa barungi gwisana kyererezi̱ kya mambya,
ki̱syani̱a ku̱doosya b̯u̱kereeri̱ ki̱mwei̱.
19Muhanda gwa babiibi gwisana nti̱ti̱ gyeitumbi,
b̯ubakiibbala, tibeega ki̱baki̱i̱bbali̱i̱rye.
20Mwana wange, taho mwozo gwamu ha bigambu binkukuweera,
otege ipokopo weegwe ngeera zange.
21Otalibyebeera, oicalenge noobi̱i̱zu̱ka,
obitenge ha mutima gwamu,
22kubba babigumbura bibaha b̯womi,
ni̱bi̱honi̱a mubiri.
23Weegyenderezanga bi̱byo byokuteekereza,
kubba byobyo ndugiiro gya b̯womi.
24Weehalanga lu̱nyu̱mi̱yo lu̱ku̱habi̱sya,
otabazanga bigambu bibiibi.
25Lingiiranga hookugyenda otakumagamaga,
otalinamwo kakwekubiira.
26Teekerezanga, otakakoori̱ kyokwendya kukora,
mwomwo byokukora bilidwereera.
27Weehala bibii, olibatirenge harungi,
otalihuguka b̯umoso rundi ha gwab̯udyo.
Iliyochaguliwa sasa
Ngeera 4: LUGUNGU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.
Ngeera 4
4
Weegwanga Kulamba kwa Bbaawu
1Baana bange, mwetegeeryenge kulamba kwa bbaaweenyu̱,
muteho mutima aleke mubbe na kwetegereza,
2hab̯wakubba ndimukubaha magezi̱,
mutalekanga kwegesya kwange.
3Nincaali na bbaabba nka musigazi muto,
nindi mwana nyaki̱mwei̱ wa mmaama, mugonze,
4bbaabba yanzegeseerye yambwera,
“Kwatiranga ki̱mwei̱ bigambu byange,
okwatenge biragiro byange, mwomwo olyomeera,
5Tunga magezi̱, obbe na kwetegereza,
otalibyebeera, otalibirugaho.
6Otaligagumirisana, galikulinda,
waagolokyanga ngonzi, galikuha b̯u̱si̱nge.
7Ki̱handu̱, tunga magezi̱,
nab̯wotalibba na kintu, obbenge na kwetegereza.
8Wendyanga magezi̱ galikufoora wa maani,
b̯woligab̯umbatira gali̱ku̱tu̱ngi̱sya ki̱ti̱i̱ni̱sa.
9Galikulwalya kondo gya byakyo,
galikuha ki̱ti̱i̱ni̱sa.”
10Weegwa mwana wange, ikiriza binkukuweera,
obite mu mutima, mwomwo olyomeera.
11Nkwegeseerye bintu bya magezi̱,
nkwolokeerye mihanda mya mananu.
12Tihaloho kilyekiika mu muhanda gwamu
b̯wolibba nookwi̱ru̱ka, toli̱ki̱i̱bbala.
13Kwatira ki̱mwei̱ bi̱bakwegeseerye, otalibileka,
waabilindanga, kubba byobyo b̯womi b̯wamu.
14Otagyenda mu muhanda gwa babiibi,
habbe kuhunguuka hali nkori̱ za bibii.
15Gu̱gwo muhanda, ogwehalenge,
okwatenge gwamu, niweegyendera.
16Babiibi tibalaala batakoori̱ kibii,
tibeebbaka ku̱doosya bahu̱tei̱ze muntu.
17Kubba banolerwa bidyo bya b̯ubiibi,
na maaci ga b̯u̱nyagi̱.
18Bei̱tu̱ muhanda gwa barungi gwisana kyererezi̱ kya mambya,
ki̱syani̱a ku̱doosya b̯u̱kereeri̱ ki̱mwei̱.
19Muhanda gwa babiibi gwisana nti̱ti̱ gyeitumbi,
b̯ubakiibbala, tibeega ki̱baki̱i̱bbali̱i̱rye.
20Mwana wange, taho mwozo gwamu ha bigambu binkukuweera,
otege ipokopo weegwe ngeera zange.
21Otalibyebeera, oicalenge noobi̱i̱zu̱ka,
obitenge ha mutima gwamu,
22kubba babigumbura bibaha b̯womi,
ni̱bi̱honi̱a mubiri.
23Weegyenderezanga bi̱byo byokuteekereza,
kubba byobyo ndugiiro gya b̯womi.
24Weehalanga lu̱nyu̱mi̱yo lu̱ku̱habi̱sya,
otabazanga bigambu bibiibi.
25Lingiiranga hookugyenda otakumagamaga,
otalinamwo kakwekubiira.
26Teekerezanga, otakakoori̱ kyokwendya kukora,
mwomwo byokukora bilidwereera.
27Weehala bibii, olibatirenge harungi,
otalihuguka b̯umoso rundi ha gwab̯udyo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025, Wycliffe Bible Translators, Inc. All rights reserved.