Romanos 9
9
Díos kjueyá ti sin Israel
1Janhan la tꞌa̱yahya, ndoá xrja̱nká kixin janhan mé ijnko chojni tinkáchónki Cristo. Ti nkehe tjénka̱yáxian janhan la Ncha̱kuén Díos nchexraxinkaona kixin chaxín tíha. 2Imá tꞌává a̱sená la ko náxrjónhña itjén 3kixin tjínka̱oan kjónté chrókꞌuitjáñehen Díos ti janhan kixin ndá jína chrókuitekaon Cristo ti sin chjasená. 4#Ex. 4:22.*Jehe sin mé tsíkꞌaxrjeníxin sin ti sin Israel, la Díos kꞌuáyéhe̱ chꞌan sin éxi xje̱en chꞌan la ko Díos kꞌuayakohen chꞌan sin la ko kjuajon chꞌan ti kjuachaxíen chꞌan, la ko kja̱xin kꞌuáyéhe̱ sin ti nkehe tsíkꞌe̱to̱an Díos la ko ti ley tsíkjin Moisés la ko kꞌuáyéhe̱ sin ti ixra̱ kuènté ni̱nko la ko ti nkehe tsíndáchro Díos. 5Tsíkꞌaxrjeníxin sin ti sin tsíkꞌaxrjeníxini ósé la ko kja̱xin Cristo tsíkꞌaxrjeníxin ti sin israelita ti ó kꞌóna chꞌan chojni. Jehe chꞌan mé Díos la tꞌe̱tue̱hen chꞌan kaín nkehe. Mé xi̱kaha chróchjéheni chꞌan kjuasáya nkochríxín. Mé xi̱kaha tso̱hen.
6A̱ndá ti nkehe tsochjéhe Díos ti sin Israel la jehya kixin í xiteyáhya tíha. Náhí. Kixin jehya kaín ti sin tsíkꞌaxrjeníxin ti sin israelita mé chaxín kꞌóna sin chojni chjasin Israel, 7#Gn. 21:12.*kixin kaínhña ti sin tsíkꞌaxrjeníxin Abraham chaxín kꞌóna sin xje̱en chꞌan. Díos mé tsíndáche Abraham: “Ti sin tsꞌóna xja̱an mé tsꞌaxrjeníxin sin Isaac.” 8Tíhi mé tienxíni kixin ninkexró xitjahya tsꞌóna xje̱en Díos kixin ti tsíkꞌaxrjeníxin sin nkojín chojni. Náhí. Jehó ti sin titekaon ti nkehe tsíchenka Díos Abraham, mé chaxín tsíkꞌaxrjeníxin sin chꞌan. 9#Gn. 18:10.*Ti nkehe tsíchenka Díos Abraham mé tíhi: “Itsi ijnko ña̱o mé tjan Sara tsochónta tjan ijnko ixjan.”
10La jehya tíhó. Náhí. Kja̱xin ti yaá xje̱en tjan Rebeca la nkoko̱a itꞌé mé itꞌin Isaac, la jeheni tsíkꞌaxrjeníxini Isaac. 11#Gn. 25:23.*A̱ndá ti na̱xa̱ kókjíehya ti ixjan, la ninkehó nkehe jína o̱ jínahña kjuíchꞌe xjan, ndá kjua̱ko̱xi̱n Díos kixin chónta chꞌan kjuachaxin tsjeyá chꞌan nkexro tsꞌéye̱he̱ chꞌan, jehya kixin ti ixra̱ jína kjuíchꞌe sin. 12Ndá chenka Díos ti tjan Rebeca: “Ti chꞌin sa̱o mé sichꞌehe ixra̱ ti chꞌin tsoyo.” 13#Mal. 1:2, 3.*Mé kja̱xin xi̱kaha ichro xroon itén Díos: “Tjua̱ha̱ chꞌin Jacob, a̱ndá chꞌin Esaú la náhí.”
14¿A̱ndá nkehe chróchroni? ¿Á nduáhya tjenka̱yáxin Díos ní? Kjá náhí. 15#Ex. 33:19.*Kixin tsíndáche Díos Moisés: “Tso̱tjua̱ha̱ ti nkexro tjínka̱oan tso̱tjua̱ha̱ la ko tsi̱konoáha̱ ti nkexro tjínka̱oan tsi̱konoáha̱.” 16La ti tjeyá Díos chojni la jehya éxi tjinkaon chojni, o̱ jehya kixin ti ixra̱ ichꞌe sin. Náhí. Díos mé ti̱konoéhe̱ ti jehe sin. 17#Ex. 9:16.*Kixin ti ndáchro xroon itén Díos la ndáchro kuènté ti rey Egipto: “Kjuánjua kjuachaxin kixin jaha mé kꞌóna rey kixin tjínka̱oan chrókjuáko̱xian ti kjuachaxin kuénta̱na kixin kuenté chjasintajni chrókónohe la ko chrókuitekaon ti ni̱ná.” 18Mé xi̱kaha ti tjinkaon Díos tsi̱konoéhe̱ chojni la chaxín tsi̱konoéhe̱ chꞌan sin, a̱ndá ti nkexro tjinkakonhña Díos tsi̱konoéhe̱ la ti̱konoéhña chꞌan.
19A̱ndá tsondáchrora: “A̱ndá ti xi̱kaha la, ¿nkekuènté tꞌeka Díos ijie̱ ti chojni? ¿Nkexro chrókjuacha chrókjuajo̱nko ti nkehe tꞌe̱to̱an Díos?” 20#Is. 29:16; 45:9.*¿Xá nkexro ti jahara kixin chróndáchera Díos xi̱kaha? ¿Á ti ichi̱ tsíkꞌónaxín nche̱tje̱ la jína chróndáche ti nkexro kjuíchꞌéna: “¿Nkekuènté xi̱kaha kjui̱chꞌénani?”, tsixro ní? 21Mé ti nkexro chꞌéna ichi̱ la chónta kjuachaxin sichꞌéna ti nkehe tóxríhi̱n. Ti tjinkaon chꞌan sichꞌéna chꞌan ijnko nkehe imá náxrjón, la sichꞌéna chꞌan o̱ ti tjinkaon chꞌan sichꞌéna chꞌan ijnko nkehe kanhñó náxrjón la jína sichꞌéna chꞌan.
22Mé xi̱kaha kjónté tjinkaon Díos chrókjua̱ko̱xi̱n ti kjuachaxin kuènté chꞌan kixin chrókjuinchekjasóte chꞌan chojni, la kjuacha chꞌan kónínkakonhña chꞌan, la kui̱konoéhe̱ chꞌan ti sin chrókjuinchekꞌitjáña chꞌan. 23Mé xi̱kaha kjua̱ko̱xi̱n Díos ti kjuachaxin imá ijié chónta, kixin jehe chꞌan kui̱konoéhe̱ chꞌan ti jeheni, kixin xi̱kaha tsíkjenka̱yáxin chꞌan ósé kixin náxrjón chrókꞌuejókoni chꞌan ti tꞌe̱to̱axín chꞌan. 24Mé xi̱kaha Díos tsíkjeyá ti jeheni, mé isoni la chojni judío, la ko ísoni la chojni jehya judío. 25#Os. 2:23.*Méxra̱ ndáchro ti xroon tsíkjin Oseas ósé:
Ti sin jehya chjasená la mé tsondáxrja̱n kixin sin chjasená.
La ko ti sin kꞌuétjua̱hya mé tso̱tjua̱ha̱ sin ijie.
26 #
Os. 1:10. *La ko ti chjasin tsíndáche chꞌan: “Jahara jehya chojni chjasená”,
a̱ndá ijie la tsꞌóna sin xje̱en Díos tjechón.
27 #
Is. 10:22, 23. *Kja̱xin nixja Isaías kuènté ti sin israelita, ndáchro: “Kjónté nchónhña chojni tsꞌaxrjeníxin ti sin Israel éxi ti nchesen siín nda̱ñao la tsjéhya ti jehe sin tsjacha sin tsaá sin 28kixin tjoka tsoxiteyá ti nkehe tsíndáchro Díos la sinchekito̱exín chꞌan iji̱é ti chojni chjasintajni.” 29#Is. 1:9.*Ndá kja̱xin Isaías tsíndáchro:
Ti Díos chónta kaín kjuachaxin, ti chrókjuajonhña chꞌan kjuachaxin chrókuaáni isoni,
la chrókꞌuitjáñani kaíni tsíkꞌaxrjeníxini Israel
la í chrókókohyani, chrókꞌuitjáñani éxi kꞌuitjáña ti sin chjasin Sodoma la ko Gomorra.
Ti sin judío la ko ti itan jína
30¿Ndá nkehe tsixroni? Ti sin jehya judío kjueyáhya sin kixin Díos tsꞌóxika iji̱é sin, a̱ndá ijie la kjuacha sin kixin tsoxika iji̱é sin kixin tinkáchónki sin Cristo. 31A̱ndá ti sin israelita chrókjuinchexiteyéhe sin ti ley kixin chrókꞌóxika iji̱é sin, kjánchó kjuachahya sin kjuínchexiteyá sin. 32¿A̱ndá nkekuènté kixin xi̱kaha kꞌuitjahya sin nkexrín tsoxika ti ijie̱ chónta sin? Kixin kjueyáhya sin nkexrín chrókuitekaon sin Díos. Tjinkaon sin kixin jehó ti ixra̱ kjuíchꞌe sin chrókuaáxin sin. La mé xi̱kaha Cristo kꞌóna éxi ijnko ixro̱ ijié kóténki̱xin sin. 33#Is. 28:16.*Mé xi̱kaha chrónkaxín ti xroon itén Díos:
Janhan kjuaké ijnko ixro̱ ti chjasin Jerusalén mé ti ixro̱ tsóténki̱xin sin la ko ti itjo̱ tsꞌánótje̱xi̱n sin.
A̱ndá ti sin chrókuitekaon la tso̱suèhya sin.
Iliyochaguliwa sasa
Romanos 9: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.
Romanos 9
9
Díos kjueyá ti sin Israel
1Janhan la tꞌa̱yahya, ndoá xrja̱nká kixin janhan mé ijnko chojni tinkáchónki Cristo. Ti nkehe tjénka̱yáxian janhan la Ncha̱kuén Díos nchexraxinkaona kixin chaxín tíha. 2Imá tꞌává a̱sená la ko náxrjónhña itjén 3kixin tjínka̱oan kjónté chrókꞌuitjáñehen Díos ti janhan kixin ndá jína chrókuitekaon Cristo ti sin chjasená. 4#Ex. 4:22.*Jehe sin mé tsíkꞌaxrjeníxin sin ti sin Israel, la Díos kꞌuáyéhe̱ chꞌan sin éxi xje̱en chꞌan la ko Díos kꞌuayakohen chꞌan sin la ko kjuajon chꞌan ti kjuachaxíen chꞌan, la ko kja̱xin kꞌuáyéhe̱ sin ti nkehe tsíkꞌe̱to̱an Díos la ko ti ley tsíkjin Moisés la ko kꞌuáyéhe̱ sin ti ixra̱ kuènté ni̱nko la ko ti nkehe tsíndáchro Díos. 5Tsíkꞌaxrjeníxin sin ti sin tsíkꞌaxrjeníxini ósé la ko kja̱xin Cristo tsíkꞌaxrjeníxin ti sin israelita ti ó kꞌóna chꞌan chojni. Jehe chꞌan mé Díos la tꞌe̱tue̱hen chꞌan kaín nkehe. Mé xi̱kaha chróchjéheni chꞌan kjuasáya nkochríxín. Mé xi̱kaha tso̱hen.
6A̱ndá ti nkehe tsochjéhe Díos ti sin Israel la jehya kixin í xiteyáhya tíha. Náhí. Kixin jehya kaín ti sin tsíkꞌaxrjeníxin ti sin israelita mé chaxín kꞌóna sin chojni chjasin Israel, 7#Gn. 21:12.*kixin kaínhña ti sin tsíkꞌaxrjeníxin Abraham chaxín kꞌóna sin xje̱en chꞌan. Díos mé tsíndáche Abraham: “Ti sin tsꞌóna xja̱an mé tsꞌaxrjeníxin sin Isaac.” 8Tíhi mé tienxíni kixin ninkexró xitjahya tsꞌóna xje̱en Díos kixin ti tsíkꞌaxrjeníxin sin nkojín chojni. Náhí. Jehó ti sin titekaon ti nkehe tsíchenka Díos Abraham, mé chaxín tsíkꞌaxrjeníxin sin chꞌan. 9#Gn. 18:10.*Ti nkehe tsíchenka Díos Abraham mé tíhi: “Itsi ijnko ña̱o mé tjan Sara tsochónta tjan ijnko ixjan.”
10La jehya tíhó. Náhí. Kja̱xin ti yaá xje̱en tjan Rebeca la nkoko̱a itꞌé mé itꞌin Isaac, la jeheni tsíkꞌaxrjeníxini Isaac. 11#Gn. 25:23.*A̱ndá ti na̱xa̱ kókjíehya ti ixjan, la ninkehó nkehe jína o̱ jínahña kjuíchꞌe xjan, ndá kjua̱ko̱xi̱n Díos kixin chónta chꞌan kjuachaxin tsjeyá chꞌan nkexro tsꞌéye̱he̱ chꞌan, jehya kixin ti ixra̱ jína kjuíchꞌe sin. 12Ndá chenka Díos ti tjan Rebeca: “Ti chꞌin sa̱o mé sichꞌehe ixra̱ ti chꞌin tsoyo.” 13#Mal. 1:2, 3.*Mé kja̱xin xi̱kaha ichro xroon itén Díos: “Tjua̱ha̱ chꞌin Jacob, a̱ndá chꞌin Esaú la náhí.”
14¿A̱ndá nkehe chróchroni? ¿Á nduáhya tjenka̱yáxin Díos ní? Kjá náhí. 15#Ex. 33:19.*Kixin tsíndáche Díos Moisés: “Tso̱tjua̱ha̱ ti nkexro tjínka̱oan tso̱tjua̱ha̱ la ko tsi̱konoáha̱ ti nkexro tjínka̱oan tsi̱konoáha̱.” 16La ti tjeyá Díos chojni la jehya éxi tjinkaon chojni, o̱ jehya kixin ti ixra̱ ichꞌe sin. Náhí. Díos mé ti̱konoéhe̱ ti jehe sin. 17#Ex. 9:16.*Kixin ti ndáchro xroon itén Díos la ndáchro kuènté ti rey Egipto: “Kjuánjua kjuachaxin kixin jaha mé kꞌóna rey kixin tjínka̱oan chrókjuáko̱xian ti kjuachaxin kuénta̱na kixin kuenté chjasintajni chrókónohe la ko chrókuitekaon ti ni̱ná.” 18Mé xi̱kaha ti tjinkaon Díos tsi̱konoéhe̱ chojni la chaxín tsi̱konoéhe̱ chꞌan sin, a̱ndá ti nkexro tjinkakonhña Díos tsi̱konoéhe̱ la ti̱konoéhña chꞌan.
19A̱ndá tsondáchrora: “A̱ndá ti xi̱kaha la, ¿nkekuènté tꞌeka Díos ijie̱ ti chojni? ¿Nkexro chrókjuacha chrókjuajo̱nko ti nkehe tꞌe̱to̱an Díos?” 20#Is. 29:16; 45:9.*¿Xá nkexro ti jahara kixin chróndáchera Díos xi̱kaha? ¿Á ti ichi̱ tsíkꞌónaxín nche̱tje̱ la jína chróndáche ti nkexro kjuíchꞌéna: “¿Nkekuènté xi̱kaha kjui̱chꞌénani?”, tsixro ní? 21Mé ti nkexro chꞌéna ichi̱ la chónta kjuachaxin sichꞌéna ti nkehe tóxríhi̱n. Ti tjinkaon chꞌan sichꞌéna chꞌan ijnko nkehe imá náxrjón, la sichꞌéna chꞌan o̱ ti tjinkaon chꞌan sichꞌéna chꞌan ijnko nkehe kanhñó náxrjón la jína sichꞌéna chꞌan.
22Mé xi̱kaha kjónté tjinkaon Díos chrókjua̱ko̱xi̱n ti kjuachaxin kuènté chꞌan kixin chrókjuinchekjasóte chꞌan chojni, la kjuacha chꞌan kónínkakonhña chꞌan, la kui̱konoéhe̱ chꞌan ti sin chrókjuinchekꞌitjáña chꞌan. 23Mé xi̱kaha kjua̱ko̱xi̱n Díos ti kjuachaxin imá ijié chónta, kixin jehe chꞌan kui̱konoéhe̱ chꞌan ti jeheni, kixin xi̱kaha tsíkjenka̱yáxin chꞌan ósé kixin náxrjón chrókꞌuejókoni chꞌan ti tꞌe̱to̱axín chꞌan. 24Mé xi̱kaha Díos tsíkjeyá ti jeheni, mé isoni la chojni judío, la ko ísoni la chojni jehya judío. 25#Os. 2:23.*Méxra̱ ndáchro ti xroon tsíkjin Oseas ósé:
Ti sin jehya chjasená la mé tsondáxrja̱n kixin sin chjasená.
La ko ti sin kꞌuétjua̱hya mé tso̱tjua̱ha̱ sin ijie.
26 #
Os. 1:10. *La ko ti chjasin tsíndáche chꞌan: “Jahara jehya chojni chjasená”,
a̱ndá ijie la tsꞌóna sin xje̱en Díos tjechón.
27 #
Is. 10:22, 23. *Kja̱xin nixja Isaías kuènté ti sin israelita, ndáchro: “Kjónté nchónhña chojni tsꞌaxrjeníxin ti sin Israel éxi ti nchesen siín nda̱ñao la tsjéhya ti jehe sin tsjacha sin tsaá sin 28kixin tjoka tsoxiteyá ti nkehe tsíndáchro Díos la sinchekito̱exín chꞌan iji̱é ti chojni chjasintajni.” 29#Is. 1:9.*Ndá kja̱xin Isaías tsíndáchro:
Ti Díos chónta kaín kjuachaxin, ti chrókjuajonhña chꞌan kjuachaxin chrókuaáni isoni,
la chrókꞌuitjáñani kaíni tsíkꞌaxrjeníxini Israel
la í chrókókohyani, chrókꞌuitjáñani éxi kꞌuitjáña ti sin chjasin Sodoma la ko Gomorra.
Ti sin judío la ko ti itan jína
30¿Ndá nkehe tsixroni? Ti sin jehya judío kjueyáhya sin kixin Díos tsꞌóxika iji̱é sin, a̱ndá ijie la kjuacha sin kixin tsoxika iji̱é sin kixin tinkáchónki sin Cristo. 31A̱ndá ti sin israelita chrókjuinchexiteyéhe sin ti ley kixin chrókꞌóxika iji̱é sin, kjánchó kjuachahya sin kjuínchexiteyá sin. 32¿A̱ndá nkekuènté kixin xi̱kaha kꞌuitjahya sin nkexrín tsoxika ti ijie̱ chónta sin? Kixin kjueyáhya sin nkexrín chrókuitekaon sin Díos. Tjinkaon sin kixin jehó ti ixra̱ kjuíchꞌe sin chrókuaáxin sin. La mé xi̱kaha Cristo kꞌóna éxi ijnko ixro̱ ijié kóténki̱xin sin. 33#Is. 28:16.*Mé xi̱kaha chrónkaxín ti xroon itén Díos:
Janhan kjuaké ijnko ixro̱ ti chjasin Jerusalén mé ti ixro̱ tsóténki̱xin sin la ko ti itjo̱ tsꞌánótje̱xi̱n sin.
A̱ndá ti sin chrókuitekaon la tso̱suèhya sin.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.