Romanos 10
10
1Kíchóni, kaín a̱sená nixja̱ha̱ Díos kixin tjínka̱oan kixin ti sin israelita chrókuaá sin. 2Janhan ndáxrja̱n kixin ti sin israelita imá tjinkaon sin chrókjuikosáyehe sin Díos, kjánchó xitjahya kixin jehe sin la nduáhya tienxín sin. 3Noehña sin kixin Díos tꞌoxika iji̱é chojni. A̱ndá jehó sin xritjeyá sin nkexrín chrókꞌóxika sin ti iji̱é sin la titekakonhña sin ti nkehe tsíndáchro Díos kixin tjóá chrókꞌuejó sin. 4Kixin ti ley la ó xiteyá ti ó ikui Cristo. Mé xi̱kaha kaín ti sin tsítekaon Cristo mé tsoxika ti iji̱é sin.
5 #
Lv. 18:5. *A̱ndá ti chrókꞌóxika iji̱é ti ley, la Moisés mé tsíkjin tíhi: “Ti nkexro chrókjuinchexiteyá kaín ti ley la táha chrókꞌuejóchónxin sin.” 6#Dt. 30:12-14.*A̱ndá ti tꞌóxika Díos ti iji̱éni kixin titekaoni ti jehe chꞌan, la chróndáchrohya a̱séni: “¿Xá nkexro sáchrókjui̱ nka̱jní? (Kixin na̱xa̱ chrókjuinkajin sin Cristo.) 7La ko chróndáchrohyara: ¿Xá nkexro jína chrókjuinkajin ti tóye̱ imá ni̱nka siín ti sin tsíkꞌen?” (Kixin chrókuakítsjetaón Cristo ti itjen ti siín ti sin tsíkꞌen.) 8¿Xá nkehe tꞌaxrjexín tíhi? Tíhi mé ndáchro xi̱kihi: “Ti Itén Díos la chjinaxón itjen ti tjejora; tíhi la tꞌaxrjexín ti irꞌuara la ko itjen ti a̱sánra.” Ti itan a mé ti nkehe titekaoni la ko tjakoni. 9Ti irꞌua tsondáchroxian kixin Jesucristo mé Ìnchá, la ko tsitekaoan kaín a̱sán kixin Díos kjuínchexechón Cristo, la tsaá jaha. 10Kixin ti kaín a̱séni tsitekaoni Díos la tsoxika ti iji̱éni, kjánchó irꞌuani tsondáchroxíni kixin titekaoni Jesucristo, ndá Díos sinchekaá ti jeheni.
11 #
Is. 28:16. *Ndáchro xroon itén Díos: “Kaín ti nkexro tsitekaon Díos la tso̱suèhya sin.” 12Kixin Díos la tꞌikon nkokón kaín chojni, á ti sin judío o̱ jehya sin judío. Ìnchéni mé Ìnché kaín chojni, la tsjajon chꞌan kaín nkehe tichánxi̱hin kaín ti sin tjanchehe ti jehe chꞌan. 13#Jl. 2:32.*Méxra̱ kaín ti nkexro tsjanchatóxixín ihni̱é Ìnchéni kixin tsjinki̱tsa Díos, la tsaá sin. 14¿A̱ndá nkexrín chrókjuanchehe sin Díos kixin chrókjuinki̱tsa, ti na̱xa̱ kuítekakonhña sin? ¿La ko nkexrín chrókuitekaon sin Díos ti na̱xa̱ kienhña sin ti itan? ¿La nkexrín chrókuihin sin ti kohya nkexro tsochronka ti itén Díos? 15#Is. 52:7.*¿La nkexrín chrókjuichronka ijnko chojni ti itan ti kohya ijnko nkexro tsochrꞌán ti jehe sin sátsji sin? Éxi ndáchro xroon itén Díos: “Náxrjón ti ó itji ti sin xrichronka ti itan jína kuènté Díos.”
16 #
Is. 53:1. *Kjánchó kaínhña chojni titekaon sin ti itan tsaáxin sin. Éxi ndáchro Isaías: “Ìnchéni, ¿xá nkexro kuitekaon ti itan xrichronkani?” 17Méxra̱ ticháxi̱n tsihin sin, ndá tsitekaon sin, la ti itan tsihin sin mé itén Cristo.
18 #
Sal. 19:4. *A̱ndá janhan tjánchánkia: ¿Á kienhña sin ti itén Díos ní? Kjá ó kuíhin sin. Ndáchro xroon itén Díos:
Ti nkehe kjuako sin la nkuíxín kuíhin chojni,
la ko ti nkehe chrónka sin la ó kjuixraká kuenté chjasintajni.
19 #
Dt. 32:21. *Ndá janhan tjánchánkia ínaá: ¿Xá ti sin Israel la na̱xa̱ kienxínhña sin ní? Senó ndáchro Moisés:
Janhan tsjánjua kjuachaxin kixin jahara tso̱chjioxínra#10:19 tso̱chjioxínra provocaré a celos ijnko chjasin jehya chjasin kuénta̱na;
kixin jahara tso̱ninkákohénra ti chjasin tjenka̱yáxinhña jína.
20 #
Is. 65:1. *La ndáchro Isaías:
Ti sin xritjeyáhya ti janhan, mé kꞌuitja sin ti janhan.
La ko ti sin kjuanchankíhya nkexro ti janhan la kjuánjua kjuachaxin kóchóxin sin ti janhan.
21 #
Is. 65:2. *La ko nixja Isaías kuènté ti sin israelita ndáchro: “Kuenté ña̱o kꞌue̱ya̱ha̱ ijnko chjasin siín chojni titekakonhña la ko jie̱he.”
Iliyochaguliwa sasa
Romanos 10: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.
Romanos 10
10
1Kíchóni, kaín a̱sená nixja̱ha̱ Díos kixin tjínka̱oan kixin ti sin israelita chrókuaá sin. 2Janhan ndáxrja̱n kixin ti sin israelita imá tjinkaon sin chrókjuikosáyehe sin Díos, kjánchó xitjahya kixin jehe sin la nduáhya tienxín sin. 3Noehña sin kixin Díos tꞌoxika iji̱é chojni. A̱ndá jehó sin xritjeyá sin nkexrín chrókꞌóxika sin ti iji̱é sin la titekakonhña sin ti nkehe tsíndáchro Díos kixin tjóá chrókꞌuejó sin. 4Kixin ti ley la ó xiteyá ti ó ikui Cristo. Mé xi̱kaha kaín ti sin tsítekaon Cristo mé tsoxika ti iji̱é sin.
5 #
Lv. 18:5. *A̱ndá ti chrókꞌóxika iji̱é ti ley, la Moisés mé tsíkjin tíhi: “Ti nkexro chrókjuinchexiteyá kaín ti ley la táha chrókꞌuejóchónxin sin.” 6#Dt. 30:12-14.*A̱ndá ti tꞌóxika Díos ti iji̱éni kixin titekaoni ti jehe chꞌan, la chróndáchrohya a̱séni: “¿Xá nkexro sáchrókjui̱ nka̱jní? (Kixin na̱xa̱ chrókjuinkajin sin Cristo.) 7La ko chróndáchrohyara: ¿Xá nkexro jína chrókjuinkajin ti tóye̱ imá ni̱nka siín ti sin tsíkꞌen?” (Kixin chrókuakítsjetaón Cristo ti itjen ti siín ti sin tsíkꞌen.) 8¿Xá nkehe tꞌaxrjexín tíhi? Tíhi mé ndáchro xi̱kihi: “Ti Itén Díos la chjinaxón itjen ti tjejora; tíhi la tꞌaxrjexín ti irꞌuara la ko itjen ti a̱sánra.” Ti itan a mé ti nkehe titekaoni la ko tjakoni. 9Ti irꞌua tsondáchroxian kixin Jesucristo mé Ìnchá, la ko tsitekaoan kaín a̱sán kixin Díos kjuínchexechón Cristo, la tsaá jaha. 10Kixin ti kaín a̱séni tsitekaoni Díos la tsoxika ti iji̱éni, kjánchó irꞌuani tsondáchroxíni kixin titekaoni Jesucristo, ndá Díos sinchekaá ti jeheni.
11 #
Is. 28:16. *Ndáchro xroon itén Díos: “Kaín ti nkexro tsitekaon Díos la tso̱suèhya sin.” 12Kixin Díos la tꞌikon nkokón kaín chojni, á ti sin judío o̱ jehya sin judío. Ìnchéni mé Ìnché kaín chojni, la tsjajon chꞌan kaín nkehe tichánxi̱hin kaín ti sin tjanchehe ti jehe chꞌan. 13#Jl. 2:32.*Méxra̱ kaín ti nkexro tsjanchatóxixín ihni̱é Ìnchéni kixin tsjinki̱tsa Díos, la tsaá sin. 14¿A̱ndá nkexrín chrókjuanchehe sin Díos kixin chrókjuinki̱tsa, ti na̱xa̱ kuítekakonhña sin? ¿La ko nkexrín chrókuitekaon sin Díos ti na̱xa̱ kienhña sin ti itan? ¿La nkexrín chrókuihin sin ti kohya nkexro tsochronka ti itén Díos? 15#Is. 52:7.*¿La nkexrín chrókjuichronka ijnko chojni ti itan ti kohya ijnko nkexro tsochrꞌán ti jehe sin sátsji sin? Éxi ndáchro xroon itén Díos: “Náxrjón ti ó itji ti sin xrichronka ti itan jína kuènté Díos.”
16 #
Is. 53:1. *Kjánchó kaínhña chojni titekaon sin ti itan tsaáxin sin. Éxi ndáchro Isaías: “Ìnchéni, ¿xá nkexro kuitekaon ti itan xrichronkani?” 17Méxra̱ ticháxi̱n tsihin sin, ndá tsitekaon sin, la ti itan tsihin sin mé itén Cristo.
18 #
Sal. 19:4. *A̱ndá janhan tjánchánkia: ¿Á kienhña sin ti itén Díos ní? Kjá ó kuíhin sin. Ndáchro xroon itén Díos:
Ti nkehe kjuako sin la nkuíxín kuíhin chojni,
la ko ti nkehe chrónka sin la ó kjuixraká kuenté chjasintajni.
19 #
Dt. 32:21. *Ndá janhan tjánchánkia ínaá: ¿Xá ti sin Israel la na̱xa̱ kienxínhña sin ní? Senó ndáchro Moisés:
Janhan tsjánjua kjuachaxin kixin jahara tso̱chjioxínra#10:19 tso̱chjioxínra provocaré a celos ijnko chjasin jehya chjasin kuénta̱na;
kixin jahara tso̱ninkákohénra ti chjasin tjenka̱yáxinhña jína.
20 #
Is. 65:1. *La ndáchro Isaías:
Ti sin xritjeyáhya ti janhan, mé kꞌuitja sin ti janhan.
La ko ti sin kjuanchankíhya nkexro ti janhan la kjuánjua kjuachaxin kóchóxin sin ti janhan.
21 #
Is. 65:2. *La ko nixja Isaías kuènté ti sin israelita ndáchro: “Kuenté ña̱o kꞌue̱ya̱ha̱ ijnko chjasin siín chojni titekakonhña la ko jie̱he.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.