Filipenses 3
3
Ti nkehe chaxín sínkí
1Ndá ijie, kíchóni, chrókócháhara kixin tinkachónkira Ìnchéni. Janhan la kꞌoxrjehya kja̱te̱e kjian kaín tíha éxi kuihínra senó, kixin tíha la jína chrókjuinki̱tsa ti jahara. 2Chrotsjehéra jína kixin siín chojni jínahña ixri éxi koni̱a̱ tsíkixikján, la tjinkaon sin chrókóchrítꞌo̱ sin nto̱ara chrókuara xro̱ye kuènté sin judío, kixin xi̱kaha chrókuaára, ichro sin. 3Kjánchó ti chojni chaxín chónta ti xro̱ye kuènté Díos la jeheni tíha, kixin chaxín xraxinkaoni Díos kixin tjinki̱tsa ti Ncha̱kuén chꞌan, la ko imá chéhe̱ni kixin tinkáchónkini Ìnchéni Jesucristo. Méxra̱ tjenka̱yáxinhñani kixin ti chrókuáni xro̱ye kuènté sin judío ndá xi̱kaha chrókuaáxini. Náhí. 4Kjónté kja̱xin janhan jína chróndáxrja̱n kixin ó ncho̱xon kaín tíhi, kixin janhan a̱ntsí kꞌuekuiteka̱oan tíhi. 5#Ro. 11:1; Hch. 23:6; 26:5.*Janhan mé tsíkinchekana sin xro̱ye kuènté ti sin judío ti kꞌuéchonta ijní ña̱o, la janhan mé tsíkꞌaxrjeníxian ti sin israelita la tsíkꞌaxrjeníxian ti sin tsíkꞌaxrjeníxin Benjamín la ko kja̱xin janhan mé tsíkꞌaxrjeníxian ti sin hebreo. La ko janhan mé kꞌuékja̱xin fariseona la kꞌuékinkachónkia ti ley kuènté sin judío éxi tinkáchónki ti sin fariseo. 6#Hch. 8:3; 22:4; 26:9-11.*La janhan chaxín imá kꞌuéninka̱koha̱n ti sin kuènté ni̱nko la ko imá kꞌuékji̱ntaxiteyáha̱ ti ley, la kohya ninkexró tsondáchro kixin chaxínhña tíha. 7Mé kaín tíha kꞌuékji̱tꞌa ósé kixin tsíndáxrja̱n kixin tjete sínkí tíha. A̱ndá ijie tꞌíkua̱n kixin ninkehó sínkíhya kaín tíha, kixin janhan la tinkachónkia Cristo. 8La kja̱xin kaín ti nkehe kꞌuéchonta la tꞌíkua̱n éxi chónkó tíha, kixin a̱ntsí tjetoan chróchoxian Ìnchéni Jesucristo. La kaín ti nkehe kꞌuéchonta la kui̱to̱ha̱ ndáha, la ijie tíha tꞌíkua̱n éxi chji̱nínó ó kixin xi̱kaha jína chrókjuácha chróchoxian Cristo 9la ko nkoko̱a chrókjuakꞌeki̱a̱n chꞌan. La tjéyáhya kixin ti ley chrókótjuáxina. La náhí. Tjínka̱oan kixin Díos sinchetjóána kixin titeka̱oan Cristo. 10Ti nkehe tjínka̱oan la tsochoxián Cristo la ko tsochonta ti kjuachaxin chónta chꞌan ti xechón chꞌan, la tjínka̱oan chrókjuasótexína éxi kjuasótexín chꞌan la ko kjónté chrókꞌuenxian éxi kꞌuénxin chꞌan 11kixin xi̱kaha chrókjuácha chrócho̱ha̱n hasta chróxechóna ínaá.
Pablo tjinkaon tsjacha ti nkehe jína tsjajon Díos
12Ndáxrja̱nhña kixin ó kjuácha kaín tíha, la ko ndáxrja̱nhña kixin ó ndoá itjén. Náhí. Janhan mé tjínka̱oan tsjácha si̱ntaxiteyáha̱ Cristo Jesús, ti nkexro kjueyána senó. 13Jahara kíchóni, janhan na̱xa̱ ndáxrja̱nhña kixin ó kjuácha. La náhí. Ti nkehe tjínka̱oan mé chrókꞌuitjáñana kaín ti nkehe ó kꞌuatsínka. A̱ndá ijie la tsotsjaha̱ jína ti nkehe na̱xa̱ tꞌitjáña tsjácha. 14Kixin xi̱kaha ndá chrókjuácha chrókꞌuayáha̱ ti nkehe sincheki̱to̱na Díos itjen nkaya nka̱jní. Díos mé kꞌuéya̱na kixin xi̱kaha tsꞌayáha̱ tíhi kixin tinkachónkia Jesucristo.
15Méxra̱ kaín ti chojni chaxín tinkáchónki Jesús la xi̱kaha chrókjuénka̱yáxin sin. A̱ndá ti nkojinra tjénka̱yáxinra íjnko nkehe, la Díos mé sinchexraxinkaon ti jahara kixin nduáhya tjejora. 16Méxra̱ ticháxi̱n chrókjuínchexiteyáni ti nkehe ó kjuachani kꞌuitjani.
17 #
1Co. 4:16; 11:1. *Kíchóni, chrókꞌuejora éxi kjuakꞌé janhan, la ko kja̱xin chrótsjehéra nkexrín tjejó ti íso chojni nchexiteyá éxi kjuáko̱xian. 18Nchónhña xrja̱nkaxián, la na̱xa̱ tso̱kja̱te̱e tso̱xrja̱nka, la imá tsja̱nka kixin itsjé chojni tjejó titekakonhña sin la nínkakohen sin ti Cristo kjuákꞌenkáni ntacruz. 19A̱ndá ti ó tsjixixín, la ti sin a mé tsꞌitjáña sin. Ti díos kuènté sin la mé ti nkehe chrókjonie sin la ko ti nkehe chrókꞌui sin ó, la ko jehe sin mé nchenkexín sin ti nkehe chrókósuèxín sin. Jehó tjenka̱yáxin sin ti nkehe siín chjasintajni ó. 20A̱ndá jeheni la chóntani kjuachaxin tsꞌejóni nkaya nka̱jní la ko na̱xa̱ tjejóchóheni kixin tsꞌinkaji̱xi̱n nkaya nka̱jní ti nkexro tsaáxini, mé Ìnchéni Jesucristo tíha. 21Jehe chꞌan mé tsjajon chꞌan ijnko cuerpo ni̱xin tsochóntani, tso̱yóhe̱ éxi ti cuerpo náxrjón chónta chꞌan. A̱ndá ti cuerpo ntaxin náxrjónhña la tsito̱he. Tíha mé tso̱hen kixin chónta chꞌan kjuachaxin ijié tsꞌe̱tue̱hen chꞌan kaín nkehe.
Iliyochaguliwa sasa
Filipenses 3: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.
Filipenses 3
3
Ti nkehe chaxín sínkí
1Ndá ijie, kíchóni, chrókócháhara kixin tinkachónkira Ìnchéni. Janhan la kꞌoxrjehya kja̱te̱e kjian kaín tíha éxi kuihínra senó, kixin tíha la jína chrókjuinki̱tsa ti jahara. 2Chrotsjehéra jína kixin siín chojni jínahña ixri éxi koni̱a̱ tsíkixikján, la tjinkaon sin chrókóchrítꞌo̱ sin nto̱ara chrókuara xro̱ye kuènté sin judío, kixin xi̱kaha chrókuaára, ichro sin. 3Kjánchó ti chojni chaxín chónta ti xro̱ye kuènté Díos la jeheni tíha, kixin chaxín xraxinkaoni Díos kixin tjinki̱tsa ti Ncha̱kuén chꞌan, la ko imá chéhe̱ni kixin tinkáchónkini Ìnchéni Jesucristo. Méxra̱ tjenka̱yáxinhñani kixin ti chrókuáni xro̱ye kuènté sin judío ndá xi̱kaha chrókuaáxini. Náhí. 4Kjónté kja̱xin janhan jína chróndáxrja̱n kixin ó ncho̱xon kaín tíhi, kixin janhan a̱ntsí kꞌuekuiteka̱oan tíhi. 5#Ro. 11:1; Hch. 23:6; 26:5.*Janhan mé tsíkinchekana sin xro̱ye kuènté ti sin judío ti kꞌuéchonta ijní ña̱o, la janhan mé tsíkꞌaxrjeníxian ti sin israelita la tsíkꞌaxrjeníxian ti sin tsíkꞌaxrjeníxin Benjamín la ko kja̱xin janhan mé tsíkꞌaxrjeníxian ti sin hebreo. La ko janhan mé kꞌuékja̱xin fariseona la kꞌuékinkachónkia ti ley kuènté sin judío éxi tinkáchónki ti sin fariseo. 6#Hch. 8:3; 22:4; 26:9-11.*La janhan chaxín imá kꞌuéninka̱koha̱n ti sin kuènté ni̱nko la ko imá kꞌuékji̱ntaxiteyáha̱ ti ley, la kohya ninkexró tsondáchro kixin chaxínhña tíha. 7Mé kaín tíha kꞌuékji̱tꞌa ósé kixin tsíndáxrja̱n kixin tjete sínkí tíha. A̱ndá ijie tꞌíkua̱n kixin ninkehó sínkíhya kaín tíha, kixin janhan la tinkachónkia Cristo. 8La kja̱xin kaín ti nkehe kꞌuéchonta la tꞌíkua̱n éxi chónkó tíha, kixin a̱ntsí tjetoan chróchoxian Ìnchéni Jesucristo. La kaín ti nkehe kꞌuéchonta la kui̱to̱ha̱ ndáha, la ijie tíha tꞌíkua̱n éxi chji̱nínó ó kixin xi̱kaha jína chrókjuácha chróchoxian Cristo 9la ko nkoko̱a chrókjuakꞌeki̱a̱n chꞌan. La tjéyáhya kixin ti ley chrókótjuáxina. La náhí. Tjínka̱oan kixin Díos sinchetjóána kixin titeka̱oan Cristo. 10Ti nkehe tjínka̱oan la tsochoxián Cristo la ko tsochonta ti kjuachaxin chónta chꞌan ti xechón chꞌan, la tjínka̱oan chrókjuasótexína éxi kjuasótexín chꞌan la ko kjónté chrókꞌuenxian éxi kꞌuénxin chꞌan 11kixin xi̱kaha chrókjuácha chrócho̱ha̱n hasta chróxechóna ínaá.
Pablo tjinkaon tsjacha ti nkehe jína tsjajon Díos
12Ndáxrja̱nhña kixin ó kjuácha kaín tíha, la ko ndáxrja̱nhña kixin ó ndoá itjén. Náhí. Janhan mé tjínka̱oan tsjácha si̱ntaxiteyáha̱ Cristo Jesús, ti nkexro kjueyána senó. 13Jahara kíchóni, janhan na̱xa̱ ndáxrja̱nhña kixin ó kjuácha. La náhí. Ti nkehe tjínka̱oan mé chrókꞌuitjáñana kaín ti nkehe ó kꞌuatsínka. A̱ndá ijie la tsotsjaha̱ jína ti nkehe na̱xa̱ tꞌitjáña tsjácha. 14Kixin xi̱kaha ndá chrókjuácha chrókꞌuayáha̱ ti nkehe sincheki̱to̱na Díos itjen nkaya nka̱jní. Díos mé kꞌuéya̱na kixin xi̱kaha tsꞌayáha̱ tíhi kixin tinkachónkia Jesucristo.
15Méxra̱ kaín ti chojni chaxín tinkáchónki Jesús la xi̱kaha chrókjuénka̱yáxin sin. A̱ndá ti nkojinra tjénka̱yáxinra íjnko nkehe, la Díos mé sinchexraxinkaon ti jahara kixin nduáhya tjejora. 16Méxra̱ ticháxi̱n chrókjuínchexiteyáni ti nkehe ó kjuachani kꞌuitjani.
17 #
1Co. 4:16; 11:1. *Kíchóni, chrókꞌuejora éxi kjuakꞌé janhan, la ko kja̱xin chrótsjehéra nkexrín tjejó ti íso chojni nchexiteyá éxi kjuáko̱xian. 18Nchónhña xrja̱nkaxián, la na̱xa̱ tso̱kja̱te̱e tso̱xrja̱nka, la imá tsja̱nka kixin itsjé chojni tjejó titekakonhña sin la nínkakohen sin ti Cristo kjuákꞌenkáni ntacruz. 19A̱ndá ti ó tsjixixín, la ti sin a mé tsꞌitjáña sin. Ti díos kuènté sin la mé ti nkehe chrókjonie sin la ko ti nkehe chrókꞌui sin ó, la ko jehe sin mé nchenkexín sin ti nkehe chrókósuèxín sin. Jehó tjenka̱yáxin sin ti nkehe siín chjasintajni ó. 20A̱ndá jeheni la chóntani kjuachaxin tsꞌejóni nkaya nka̱jní la ko na̱xa̱ tjejóchóheni kixin tsꞌinkaji̱xi̱n nkaya nka̱jní ti nkexro tsaáxini, mé Ìnchéni Jesucristo tíha. 21Jehe chꞌan mé tsjajon chꞌan ijnko cuerpo ni̱xin tsochóntani, tso̱yóhe̱ éxi ti cuerpo náxrjón chónta chꞌan. A̱ndá ti cuerpo ntaxin náxrjónhña la tsito̱he. Tíha mé tso̱hen kixin chónta chꞌan kjuachaxin ijié tsꞌe̱tue̱hen chꞌan kaín nkehe.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.