Gálatas 5
5
Jína chrókꞌuejora kixin kuaáxinra Cristo
1Cristo mé kuaáxini, la ti ley í tꞌe̱tue̱nhña ti jeheni. Méxra̱ ndoá chrókꞌuejora la jína titekáonra Cristo la í chrókjanhñara chrókꞌónara ijnko chojni tꞌítuehen.
2Tihínra, janhan, Pablo, ndáxrja̱n kixin ti na̱xa̱ chrókuara xro̱ye éxi tꞌe̱to̱an ti ley, la ó chónkó tinkachónkira Cristo. 3Méxra̱ tjínka̱oan tso̱xrja̱nka ínaá kixin ti nkojín nkexro itsa ti xro̱ye éxi tꞌe̱to̱an ti ley, la ticháxi̱n sinchexiteyá sin kaín ti ley tsíkjajon Moisés. 4A̱ndá jahara, ti tjinkáonra tsꞌónara ijnko chojni jína kixin nchexiteyéhéra ti ley, la ó chónkó tíha kixin kui̱to̱héra Cristo la ko ti tjua̱hára Díos. 5A̱ndá jeheni kjuasáye Ncha̱kuén Díos tjinki̱tsa, la tjejóchóheni kixin tsjintaxín chrókótjóá ti iji̱éni kixin titekaoni Cristo. 6Kixin ti tinkáchónkini Jesucristo, la í jehya tjetoan ti xro̱ye. A̱ntsí tjetoan chrókuinkáchónkini Ìnchéni, la tíha chrókjuinki̱tsa chrókꞌuejóni jína la ko chrótjue̱heni kíchóni.
7Jahara la ó jína kꞌuejora. A̱ndá ijie, ¿xá nkexro kꞌue̱to̱an kixin tsi̱to̱héra ti nkehe chaxín? 8Ti nkehe tjejochꞌera, la jehya ti nkehe tjinkaon Díos, ti nkexro kjueyá ti jahara. 9#1Co. 5:6.*Ó nohara éxi ndáchro sin, intsíkoá ti nkehe tꞌánkíxin nio̱tja̱, la nchekꞌánkí kuenté ti ichꞌo. 10Ndá janhan ó nona kixin Ìnchéni tsjinki̱tsa kixin tsjenka̱yáxinhñara íjnko nkehe nduáhya. Kjánchó Díos sinchekjasóte kaín ti nkexro xritjixrónkáxin ti nkehe jína.
11Kíchóni, ti na̱xa̱ chróndáxrja̱n kixin chrókua chojni xro̱ye éxi tꞌe̱to̱an ti ley, la ti sin judío la í chrókónínkakonahña sin. Ndá ti xi̱kaha la chrókꞌuándaxiénhña sin ti itan jína chronka nkexrín kꞌuénxin Cristo ti ntacruz. 12Méxra̱ ti sin ixri tjixronkáxin, tꞌe̱to̱an kixin itsara xro̱ye, la ícha jína jehya jehó xro̱ye chrókua sin. Náhí. Chrókóchríjin sin kuenté ti parte a.
13Jahara kíchóni, Díos kjueyá ti jahara kixin tsaára. Méxra̱ chrókjuénka̱yáxinhñara kixin jína chrókjui̱chꞌera kaín nkehe nduáhya. Ícha jína chrókjuinki̱tsa kichuara la ko chrótjue̱héra kichuara. 14#Lv. 19:18.*Kixin kaín ti nkehe ndáchro ti ley mé tꞌóna éxi nkoko̱a nkehe la ndáchro: “Chrotjue̱heni kíchóni éxi tju̱éxini a̱séni.” 15A̱ndá ti nchexiteyáhyara tíhi, ndá ninkákohénra kichuara la ko ntehe kichuara, la jahóra si̱nchekꞌitjáñara ti sin kichuara.
Ti nkehe tjajon Ncha̱kuén Díos
16Méxra̱ ndáxrja̱n: Tꞌejora éxi tjinkaon Ncha̱kuén Díos, la chrókjuénka̱yáxinhñara si̱chꞌera ti nkehe jínahña tjénka̱yáxinra. 17#Ro. 7:15-23.*Kixin ti nkehe jínahña tjénka̱yáxinra la tjajo̱nko ti Ncha̱kuén Díos, la ti nkehe tjinkaon Ncha̱kuén Díos la tjajo̱nko ti nkehe jínahña tjénka̱yáxinra. La yóí nínkakohen kícho. Méxra̱ xitjahya si̱chꞌera ti nkehe jína tjénka̱yáxinra. 18Ndá ti tsitekáonra ti nkehe tjinkaon Ncha̱kuén Díos, la í tꞌe̱tua̱nhñara ti ley.
19Kaín ti nkehe jínahña ichꞌe chojni la xra̱hya tjatso̱ani: kixin tóxríhi̱n sin tsochónta sin ókjé chojnichjin o̱ ókjé chojnindoa, tjenka̱yáxin sin nkehe jínahña, la ko náxrjónhña, 20tinkáchónki sin nkehe tsíkjano̱ña, la ko nchexro̱a̱n sin, nínkakohen kícho sin, tjeyá sin kjuanínkaon, chjio sin, xra̱hya tónínkaon sin, tjinkaon sin itsjé nkehe kixin jehó sin jína tsꞌejó sin, tjinkaon tsꞌaxrjentá sin, tꞌóxika̱ye̱he kícho sin, 21chji̱no̱xíhin sin, tjàya sin, tjasin sin kia la tókoan sin la nduáhya tjenka̱yáxin sin, la ko tjenka̱yáxin sin íso nkehe jínahña. La éxi senó tjo̱nka̱ra, ti nkexro xi̱kaha ichꞌe la xrokjuahya tsjiji sin ti itjen Díos tꞌe̱to̱an.
22A̱ndá ti Ncha̱kuén Díos tꞌe̱tue̱hen a̱séni la tjue̱he kíchóni, tso̱chéhe̱ni, kjuaxróxin tsꞌejóni, tso̱nínkakonhñani, nkojína tsꞌejókoni kíchóni, tjinki̱tsani íso chojni, nchexiteyáni ti nkehe ndáchroni, 23nkehyani la ko tjachani tꞌe̱tue̱nheni a̱séni. Ndá ti xi̱kaha sichꞌeni la kohya nijnko ley tsjanchia ijie tsjasótexíni. 24Méxra̱ ti chojni tinkáchónki Jesucristo, la chꞌehya sin ti nkehe tjinkaon cuerpoé sin, la í xraxinkakonhña sin ti nkehe jínahña kꞌuékjenka̱yáxin sin. 25Mé xi̱kaha ti tjejókoni Ncha̱kuén Díos, la ticháxi̱n tsíto̱heni kixin Ncha̱kuén Díos tsꞌe̱tue̱hen ti jeheni.
26La sinchenkehyani la ko chrókjua̱cha̱xi̱nhñani kíchóni la ko chrókóchji̱no̱xíenhñani ti nkehe ichꞌe íjnko kíchóni.
Iliyochaguliwa sasa
Gálatas 5: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.
Gálatas 5
5
Jína chrókꞌuejora kixin kuaáxinra Cristo
1Cristo mé kuaáxini, la ti ley í tꞌe̱tue̱nhña ti jeheni. Méxra̱ ndoá chrókꞌuejora la jína titekáonra Cristo la í chrókjanhñara chrókꞌónara ijnko chojni tꞌítuehen.
2Tihínra, janhan, Pablo, ndáxrja̱n kixin ti na̱xa̱ chrókuara xro̱ye éxi tꞌe̱to̱an ti ley, la ó chónkó tinkachónkira Cristo. 3Méxra̱ tjínka̱oan tso̱xrja̱nka ínaá kixin ti nkojín nkexro itsa ti xro̱ye éxi tꞌe̱to̱an ti ley, la ticháxi̱n sinchexiteyá sin kaín ti ley tsíkjajon Moisés. 4A̱ndá jahara, ti tjinkáonra tsꞌónara ijnko chojni jína kixin nchexiteyéhéra ti ley, la ó chónkó tíha kixin kui̱to̱héra Cristo la ko ti tjua̱hára Díos. 5A̱ndá jeheni kjuasáye Ncha̱kuén Díos tjinki̱tsa, la tjejóchóheni kixin tsjintaxín chrókótjóá ti iji̱éni kixin titekaoni Cristo. 6Kixin ti tinkáchónkini Jesucristo, la í jehya tjetoan ti xro̱ye. A̱ntsí tjetoan chrókuinkáchónkini Ìnchéni, la tíha chrókjuinki̱tsa chrókꞌuejóni jína la ko chrótjue̱heni kíchóni.
7Jahara la ó jína kꞌuejora. A̱ndá ijie, ¿xá nkexro kꞌue̱to̱an kixin tsi̱to̱héra ti nkehe chaxín? 8Ti nkehe tjejochꞌera, la jehya ti nkehe tjinkaon Díos, ti nkexro kjueyá ti jahara. 9#1Co. 5:6.*Ó nohara éxi ndáchro sin, intsíkoá ti nkehe tꞌánkíxin nio̱tja̱, la nchekꞌánkí kuenté ti ichꞌo. 10Ndá janhan ó nona kixin Ìnchéni tsjinki̱tsa kixin tsjenka̱yáxinhñara íjnko nkehe nduáhya. Kjánchó Díos sinchekjasóte kaín ti nkexro xritjixrónkáxin ti nkehe jína.
11Kíchóni, ti na̱xa̱ chróndáxrja̱n kixin chrókua chojni xro̱ye éxi tꞌe̱to̱an ti ley, la ti sin judío la í chrókónínkakonahña sin. Ndá ti xi̱kaha la chrókꞌuándaxiénhña sin ti itan jína chronka nkexrín kꞌuénxin Cristo ti ntacruz. 12Méxra̱ ti sin ixri tjixronkáxin, tꞌe̱to̱an kixin itsara xro̱ye, la ícha jína jehya jehó xro̱ye chrókua sin. Náhí. Chrókóchríjin sin kuenté ti parte a.
13Jahara kíchóni, Díos kjueyá ti jahara kixin tsaára. Méxra̱ chrókjuénka̱yáxinhñara kixin jína chrókjui̱chꞌera kaín nkehe nduáhya. Ícha jína chrókjuinki̱tsa kichuara la ko chrótjue̱héra kichuara. 14#Lv. 19:18.*Kixin kaín ti nkehe ndáchro ti ley mé tꞌóna éxi nkoko̱a nkehe la ndáchro: “Chrotjue̱heni kíchóni éxi tju̱éxini a̱séni.” 15A̱ndá ti nchexiteyáhyara tíhi, ndá ninkákohénra kichuara la ko ntehe kichuara, la jahóra si̱nchekꞌitjáñara ti sin kichuara.
Ti nkehe tjajon Ncha̱kuén Díos
16Méxra̱ ndáxrja̱n: Tꞌejora éxi tjinkaon Ncha̱kuén Díos, la chrókjuénka̱yáxinhñara si̱chꞌera ti nkehe jínahña tjénka̱yáxinra. 17#Ro. 7:15-23.*Kixin ti nkehe jínahña tjénka̱yáxinra la tjajo̱nko ti Ncha̱kuén Díos, la ti nkehe tjinkaon Ncha̱kuén Díos la tjajo̱nko ti nkehe jínahña tjénka̱yáxinra. La yóí nínkakohen kícho. Méxra̱ xitjahya si̱chꞌera ti nkehe jína tjénka̱yáxinra. 18Ndá ti tsitekáonra ti nkehe tjinkaon Ncha̱kuén Díos, la í tꞌe̱tua̱nhñara ti ley.
19Kaín ti nkehe jínahña ichꞌe chojni la xra̱hya tjatso̱ani: kixin tóxríhi̱n sin tsochónta sin ókjé chojnichjin o̱ ókjé chojnindoa, tjenka̱yáxin sin nkehe jínahña, la ko náxrjónhña, 20tinkáchónki sin nkehe tsíkjano̱ña, la ko nchexro̱a̱n sin, nínkakohen kícho sin, tjeyá sin kjuanínkaon, chjio sin, xra̱hya tónínkaon sin, tjinkaon sin itsjé nkehe kixin jehó sin jína tsꞌejó sin, tjinkaon tsꞌaxrjentá sin, tꞌóxika̱ye̱he kícho sin, 21chji̱no̱xíhin sin, tjàya sin, tjasin sin kia la tókoan sin la nduáhya tjenka̱yáxin sin, la ko tjenka̱yáxin sin íso nkehe jínahña. La éxi senó tjo̱nka̱ra, ti nkexro xi̱kaha ichꞌe la xrokjuahya tsjiji sin ti itjen Díos tꞌe̱to̱an.
22A̱ndá ti Ncha̱kuén Díos tꞌe̱tue̱hen a̱séni la tjue̱he kíchóni, tso̱chéhe̱ni, kjuaxróxin tsꞌejóni, tso̱nínkakonhñani, nkojína tsꞌejókoni kíchóni, tjinki̱tsani íso chojni, nchexiteyáni ti nkehe ndáchroni, 23nkehyani la ko tjachani tꞌe̱tue̱nheni a̱séni. Ndá ti xi̱kaha sichꞌeni la kohya nijnko ley tsjanchia ijie tsjasótexíni. 24Méxra̱ ti chojni tinkáchónki Jesucristo, la chꞌehya sin ti nkehe tjinkaon cuerpoé sin, la í xraxinkakonhña sin ti nkehe jínahña kꞌuékjenka̱yáxin sin. 25Mé xi̱kaha ti tjejókoni Ncha̱kuén Díos, la ticháxi̱n tsíto̱heni kixin Ncha̱kuén Díos tsꞌe̱tue̱hen ti jeheni.
26La sinchenkehyani la ko chrókjua̱cha̱xi̱nhñani kíchóni la ko chrókóchji̱no̱xíenhñani ti nkehe ichꞌe íjnko kíchóni.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.