Efesios 1
1
Pablo kji̱hin xroon ti sin ni̱nko Éfeso
1 #
Hch. 18:19-21; 19:1. *Janhan Pablo, kjueyá Díos kꞌóna apóstol kuènté Jesucristo kixin xi̱kaha kóxríhi̱n chꞌan. Mé ikjian ti xroon i chrꞌahánra jahara tjejora Éfeso tinkachónkira Díos la ko titekáonra Ìnchéni Jesucristo. 2Itꞌéni Díos la ko Ìnchéni Jesucristo sincheñaora la ko tsꞌayéhéra ti kjuaxróxin tjajon chꞌan.
Tsꞌáyéhe̱ni ti nkehe jína kuènté Cristo
3Chjéheni kjuasáya Díos, Itꞌé Ìnchéni Jesucristo, kixin Díos mé kjuíncheñao ti jeheni tinkáchónkini Ìnchéni Jesucristo la ko kjuajon chꞌan kaín nkehe jína kjui̱xi̱n nkaya nka̱jní. 4Díos mé kjueyá ti jeheni ti na̱xa̱ kꞌónahña chjasintajni kixin chrókuinkáchónkini Cristo la ko tjóá chrókꞌuejóni ti itjen chꞌan, í chróchóntahyani ninkehó ijie̱. 5Imá tjue̱he Díos ti jeheni, a̱ndá tsíkjeyá chꞌan ti jeheni kixin tsꞌónani xje̱en chꞌan kixin tsinkáchónkini Jesucristo. Kaín tíhi mé tsíkjenka̱yáxin Díos ósé. 6Mé xi̱kaha nkochríxín tsochjéheni kjuasáya Díos kixin ti kjuachaxin ijié kjua̱ko̱xi̱n chꞌan ti kjuíncheñao chꞌan ti jeheni kixin tsinkáchónkini ti xje̱en chꞌan imá tjue̱he chꞌan. 7#Col. 1:14.*Díos imá tjue̱he ti jeheni, ndá kjuínchekaá chꞌan ti jeheni kixin ti Xje̱en chꞌan kjuenka̱yákohe̱n ti iji̱éni. Mé xi̱kaha kjue̱nka̱ chꞌan kixin tso̱tjuáxin kaín ti ijie̱ chóntani. 8Díos mé kjua̱ko̱xi̱n kixin imá tjue̱he ti jeheni la ko kja̱xin kjuajon chꞌan kjuaxrexinkaon jína la ko kjuachaxin ijié kixin chrókienxíni jína. 9La kja̱xin kjuínchenohe Díos ti jeheni ti nkehe jehó chꞌan tsíkjenka̱yáxin chꞌan, mé ti nkehe tjinkaon chꞌan chróxiteyá kixin ikui Cristo, la tíha mé ninkexró kónoehña. 10Ti nkehe tsíkjenka̱yáxin Díos la tsoxiteyá ti tsjixraká ti ña̱o tsíndáchro chꞌan. Landá ti ña̱o a la Díos tsjajon kjuachaxin kixin Jesucristo tsꞌe̱tue̱hen kaín nkehe, ti nkehe siín nka̱jní la ko chjasintajni.
11Kixin ti tinkáchónkini Cristo, la Díos tsíkjeyá ti jeheni ósé kixin tsꞌáyéhe̱ni ti nkehe tsjajon chꞌan tsi̱to̱nhe̱ni. Mé kaín tíhi tso̱hen éxi tsíkjenka̱yáxin Díos. 12Mé xi̱kaha kaíni ó kuitekaoni Cristo, mé chróchjéheni kjuasáya Díos kixin ti kjuachaxin ijié chónta chꞌan. 13Kja̱xin jahara ó kuihínra ti itan jína, chronka nkexrín tsaáxini, a̱ndá ó kuinkachónkira Cristo. La kꞌónara chojni kuènté Díos kixin kꞌuayéhéra ti Ncha̱kuén Díos, éxi tsíndáchro chꞌan. 14Ti kꞌuáyéhe̱ni ti Ncha̱kuén Díos mé noexíni kixin tsꞌáyéhe̱ni kaín ti nkehe tsjajon chꞌan ti ó tsjintaxín sinchekaá chꞌan ti jeheni kꞌónani xje̱en chꞌan. Méxra̱ chrókjuikosáyeheni Díos kixin ti kjuachaxin ijié chónta chꞌan.
Kjuanchia Pablo kixin a̱ntsí tso̱nohe sin
15Mé xi̱kaha janhan ó kui̱ha̱n kixin imá tinkachónkira Ìnchéni Jesús la ko imá tjue̱héra kaín ti íso sin tinkáchónki Díos, 16méxra̱ janhan la ti̱tua̱hya tja̱ha̱ kjuasáya Díos kixin ti jahara, la ti ó nixja̱ha̱ chꞌan mé xráxinka̱oan ti jahara. 17Tjáncháha̱ Díos, Itꞌé Ìnchéni Jesucristo, imá chónta kjuachaxin, kixin Ncha̱kuén chꞌan chrókjuintanohara jína kixin chrókiénxinra ti nkehe kuènté Díos kixin jína tsochoxínra ti jehe chꞌan. 18La ko kja̱xin tjáncháha̱ Díos kixin jehe chꞌan chrótjáhara ti kjuaxrexinkaon jína kixin chrókónohara kaín ti nkehe chrókꞌuejochohénra kixin xi̱kaha tsíkꞌeya̱ha̱ra chꞌan, la ko tso̱nohara kixin imá tjete ti nkehe sincheki̱to̱nhe̱n chꞌan ti sin kuènté chꞌan. 19La ko kja̱xin tso̱nohara kixin ti kjuachaxin kuènté Díos mé ijnko nkehe imá ijié, mé chóntahya nketí tsjeje̱xin. Ti kjuachaxin kuènté Díos mé ichꞌe ixra̱ nkaya a̱séni kixin jeheni tinkáchónkini Cristo. Mé tíhi nkokón kjuachaxin kjua̱ko̱xi̱n Díos 20#Sal. 110:1.*ti ó kjuínchexechón chꞌan Cristo la ko kjuajon chꞌan kjuachaxin kjuákꞌetja̱xi̱n Cristo ti itja chꞌan chjina ti nkaya nka̱jní. 21A̱ndá xi̱kaha kꞌuáyéhe̱ Cristo kjuachaxin tsꞌe̱tue̱hen kaín nkehe siín nka̱jní la ko chjasintajni, ijie la ko nkochríxín. 22#Sal. 8:6.#Col. 1:18.*Mé xi̱kaha Díos chjéhe Cristo kjuachaxin tsꞌe̱tue̱hen kaín nkehe siín, la ko kjuajon chꞌan kjuachaxin kixin Cristo tsꞌe̱tue̱hen ti ni̱nko, mé tꞌaxrjexín kixin jehe chꞌan mé ikja ti ni̱nko. 23Ti ni̱nko mé ti cuerpo kuènté Cristo, la jehó Cristo mé tꞌe̱tue̱hen tíhi la ko jehó chꞌan mé kuènté kaín ti nkehe siín.
Iliyochaguliwa sasa
Efesios 1: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.