2 Corintios 1
1
Nixje̱he̱ Pablo ti sin Corintio
1 #
Hch. 18:1. *Janhan Pablo, Díos kjueyá ti janhan kixin si̱tꞌaha̱ Ìnchéni Jesucristo ixra̱, la ko kíchóni Timoteo ikjian ti xroon i chrꞌahánra jahara tjejora ni̱nkué Díos itjen chjasin Corinto la ko kaín ti íso sin kíchóni tinkáchónki Díos tjejó Acaya. 2Kjuasáye Itꞌéni Díos la ko Ìnchéni Jesucristo chrókjuintañaora la ko chrótjáhara kjuaxróxin.
Ti kjuasóte chꞌin Pablo
3Chjéheni kjuasáya Díos, Itꞌé Ìnchéni Jesucristo kixin jehe chꞌan mé ti̱konoéhe̱ chꞌan ti jeheni la ko tjajon chꞌan kjuachéhe̱ nkochríxín. 4Jehe chꞌan mé tjinki̱tsa chꞌan ti jeheni ti ó itsi ijnko nkehe náxrjónhña tsꞌatsínkani kixin kja̱xini tsjachani tsjinki̱tsani íso sin ti ó tsꞌatsínka sin nkojín nkehe náxrjónhña éxi jehe chꞌan kjuínki̱tsa chꞌan ti jeheni. 5Mé xi̱kaha tjejótjasóteni éxi kjuasóte Cristo la kja̱xin Díos imá tsjinki̱tsa ti jeheni kixin tinkáchónkini Cristo. 6Tjejótjasóteni kixin jahara la kjuaxróxin chrókꞌuejora la ko chróchontara kjuachón nkochríxín. Díos tjinki̱tsa ti jeheni kixin kja̱xin jeheni jína chrókjuinki̱tsani ti jahara kixin chrókjuachara kjónté chrókjuasótexínra éxi tjejótjasóteni. 7Ó noheni kixin chaxín tinkachónkira Díos la ko noheni kixin tjejotjasótiara éxi jeheni tjejótjasóteni, la Díos sinchechéhe̱ ti jahara éxi nchechéhe̱ chꞌan ti jeheni.
8 #
1Co. 15:32. *Jahara kíchóni, tjinkaoni kixin tso̱nohara kixin imá kjuasóteni ti kꞌuéjoni Asia. La imá náxrjónhña kóheni la í chrókjuachahyani, la kjuénka̱yáxini kixin í chrókjanhñani ntihi, ntahó chrókꞌuenxíni. 9Kónoheni kixin ntahó chrókꞌuenxíni, kjánchó xi̱kaha kóhen kixin chrókꞌuitjani a̱ntsí chrókuitekaoni Díos, ti nkexro tjacha nchexechón chojni tsíkꞌen, kixin ti jehóni la chrókjuachahyani. 10Díos mé kjuínki̱tsa ti jeheni kixin siín nchónhña nkehe chrókꞌuenxíni. Méxra̱ ó noheni kixin chaxín na̱xa̱ tsjinki̱tsa chꞌan la ko tsꞌayakohen chꞌan ti jeheni. 11Méxra̱ tjínki̱tsara nixjehéra Díos kixin tsjinki̱tsa chꞌan ti jeheni. A̱ndá ti itsjé chojni chrókjuanchehe Díos kixin tsjinki̱tsa ti jeheni, ndá chrꞌéxi̱n la itsjé chojni tsochjéhe sin Díos kjuasáya kixin chaxín kjuínki̱tsa chꞌan ti jeheni.
Nkekuènté sákjuihya Pablo Corinto
12Chéhe̱ni kixin noheni ndoá kꞌuéjoni ntihi chjasintajni la kjuíchꞌiyehyani ninkexró, la xi̱kaha jína kꞌuejókoni ti jahara. La jehya kjuachaxin kuènténi ndá kjuachani tíha. Náhí. Ti kjuachaxin kuènté Díos mé kjuínki̱tsa ti jeheni la jína kꞌuéjoni. 13A̱ndá ijie ichrꞌán ti xroon í, la kjinhña nkehe chrókiénxinhñara. Ikjian ti nkehe a̱ntsí xra̱hya kixin chrókjuacha chrókjui̱nchekuáxinra la ko chrókiénxinra. Tjínka̱oan kixin chrókiénxinra kaín tíhi jína. 14A̱ndá ijie ó tinkakiénxinra intsí, ndá xi̱kaha ti ó tsokjan Ìnchéni Jesús la tso̱cháhara kixin jína kjuakoni la ko kja̱xin jeheni tso̱chéhe̱ni kixin jahara jína kuitekáonra.
15Mé xi̱kaha kjuénka̱yáxian kixin sa̱o chrókjuasántsjahára ndá xi̱kaha chrókócháhara kixin yàya chrókjuasán ti tjejora. 16#Hch. 19:21.*Kjuenka̱yáxian kixin chrókjuasántsjahára sa̱o ti ó sáchrókjuia Macedonia la ko chrókjuasántsjahára ínaá ti ó chrókja̱nxian ntiha. Ndá xi̱kaha chrókjuínki̱tsara ti janhan ti ó sáchrókjuia Judea. 17¿Á tjénka̱yáxinra kixin nduáhya kjuénka̱yáxian janhan ti ó ndáxrja̱n senó kixin chrókjuasán ntiha ní? O̱, ¿á tjénka̱yáxinra kixin níxja éxi ijnko chojni tinkáchónkihya Díos kixin sa̱o chróndáxrja̱n, jeén tsjasán, ndá chrꞌéxi̱n la náhí ní? Ti xi̱kaha la nduáhya tjénka̱yáxinra. 18Díos la tjetsjehe kixin jehya ndáxrja̱n jeén, ndá chrꞌéxi̱n la náhí 19#Hch. 18:5.*kixin ti xje̱en Díos, Ìnchéni Jesucristo ti nkexro kjua̱ko̱xi̱n Silvano, Timoteo la ko janhan ti kꞌuéjoni ntiha, la xi̱kahña kꞌuéndáchro chꞌan, kjuíchꞌiyahya chꞌan ninkehó. Kaín ti nkehe ndáchro chꞌan la chaxín xiteyá. 20Kixin kaín ti nkehe tsíchronka Díos la mé Cristo kjuínchexiteyá. Mé xi̱kaha ti ó chjéheni Díos kjuasáya la mé ndáchroni “Mé xi̱kaha tso̱hen”, kixin ti kjuachaxin ijié kuènté Cristo Jesús. 21Díos mé kjuínki̱tsa ti jeheni la ko ti jahara kixin kaíni jína chrókuinkáchónkini Cristo la Díos mé nchetjóá ti jeheni 22ko kjua̱ko̱xi̱n chꞌan kixin kuènté chꞌan ti jeheni la kjuajon chꞌan ijnko xro̱ye, mé ti Ncha̱kuén chꞌan kixin tso̱noexíni kixin chaxín tsꞌáyéhe̱ni ti nkehe tsjajon chꞌan chrꞌéxi̱n.
23A̱ndá ti na̱xa̱ kjuasánhya Corinto éxi kjuénka̱yáxian la Díos la tjetsjehe kixin kjuasánhya kixin tjínka̱konhña chrókóxakohanra kixin chrókjuenduáhara ínaá. 24Jehya kixin chrókuétua̱hanra kixin chrókuinkachónkira Ìnchéni kixin ó nona kixin ndoá tinkachónkira chꞌan. Méxra̱ tjinkaoan tsjinki̱tsa ti jahara kixin a̱ntsí chrókócháhara.
Iliyochaguliwa sasa
2 Corintios 1: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.
2 Corintios 1
1
Nixje̱he̱ Pablo ti sin Corintio
1 #
Hch. 18:1. *Janhan Pablo, Díos kjueyá ti janhan kixin si̱tꞌaha̱ Ìnchéni Jesucristo ixra̱, la ko kíchóni Timoteo ikjian ti xroon i chrꞌahánra jahara tjejora ni̱nkué Díos itjen chjasin Corinto la ko kaín ti íso sin kíchóni tinkáchónki Díos tjejó Acaya. 2Kjuasáye Itꞌéni Díos la ko Ìnchéni Jesucristo chrókjuintañaora la ko chrótjáhara kjuaxróxin.
Ti kjuasóte chꞌin Pablo
3Chjéheni kjuasáya Díos, Itꞌé Ìnchéni Jesucristo kixin jehe chꞌan mé ti̱konoéhe̱ chꞌan ti jeheni la ko tjajon chꞌan kjuachéhe̱ nkochríxín. 4Jehe chꞌan mé tjinki̱tsa chꞌan ti jeheni ti ó itsi ijnko nkehe náxrjónhña tsꞌatsínkani kixin kja̱xini tsjachani tsjinki̱tsani íso sin ti ó tsꞌatsínka sin nkojín nkehe náxrjónhña éxi jehe chꞌan kjuínki̱tsa chꞌan ti jeheni. 5Mé xi̱kaha tjejótjasóteni éxi kjuasóte Cristo la kja̱xin Díos imá tsjinki̱tsa ti jeheni kixin tinkáchónkini Cristo. 6Tjejótjasóteni kixin jahara la kjuaxróxin chrókꞌuejora la ko chróchontara kjuachón nkochríxín. Díos tjinki̱tsa ti jeheni kixin kja̱xin jeheni jína chrókjuinki̱tsani ti jahara kixin chrókjuachara kjónté chrókjuasótexínra éxi tjejótjasóteni. 7Ó noheni kixin chaxín tinkachónkira Díos la ko noheni kixin tjejotjasótiara éxi jeheni tjejótjasóteni, la Díos sinchechéhe̱ ti jahara éxi nchechéhe̱ chꞌan ti jeheni.
8 #
1Co. 15:32. *Jahara kíchóni, tjinkaoni kixin tso̱nohara kixin imá kjuasóteni ti kꞌuéjoni Asia. La imá náxrjónhña kóheni la í chrókjuachahyani, la kjuénka̱yáxini kixin í chrókjanhñani ntihi, ntahó chrókꞌuenxíni. 9Kónoheni kixin ntahó chrókꞌuenxíni, kjánchó xi̱kaha kóhen kixin chrókꞌuitjani a̱ntsí chrókuitekaoni Díos, ti nkexro tjacha nchexechón chojni tsíkꞌen, kixin ti jehóni la chrókjuachahyani. 10Díos mé kjuínki̱tsa ti jeheni kixin siín nchónhña nkehe chrókꞌuenxíni. Méxra̱ ó noheni kixin chaxín na̱xa̱ tsjinki̱tsa chꞌan la ko tsꞌayakohen chꞌan ti jeheni. 11Méxra̱ tjínki̱tsara nixjehéra Díos kixin tsjinki̱tsa chꞌan ti jeheni. A̱ndá ti itsjé chojni chrókjuanchehe Díos kixin tsjinki̱tsa ti jeheni, ndá chrꞌéxi̱n la itsjé chojni tsochjéhe sin Díos kjuasáya kixin chaxín kjuínki̱tsa chꞌan ti jeheni.
Nkekuènté sákjuihya Pablo Corinto
12Chéhe̱ni kixin noheni ndoá kꞌuéjoni ntihi chjasintajni la kjuíchꞌiyehyani ninkexró, la xi̱kaha jína kꞌuejókoni ti jahara. La jehya kjuachaxin kuènténi ndá kjuachani tíha. Náhí. Ti kjuachaxin kuènté Díos mé kjuínki̱tsa ti jeheni la jína kꞌuéjoni. 13A̱ndá ijie ichrꞌán ti xroon í, la kjinhña nkehe chrókiénxinhñara. Ikjian ti nkehe a̱ntsí xra̱hya kixin chrókjuacha chrókjui̱nchekuáxinra la ko chrókiénxinra. Tjínka̱oan kixin chrókiénxinra kaín tíhi jína. 14A̱ndá ijie ó tinkakiénxinra intsí, ndá xi̱kaha ti ó tsokjan Ìnchéni Jesús la tso̱cháhara kixin jína kjuakoni la ko kja̱xin jeheni tso̱chéhe̱ni kixin jahara jína kuitekáonra.
15Mé xi̱kaha kjuénka̱yáxian kixin sa̱o chrókjuasántsjahára ndá xi̱kaha chrókócháhara kixin yàya chrókjuasán ti tjejora. 16#Hch. 19:21.*Kjuenka̱yáxian kixin chrókjuasántsjahára sa̱o ti ó sáchrókjuia Macedonia la ko chrókjuasántsjahára ínaá ti ó chrókja̱nxian ntiha. Ndá xi̱kaha chrókjuínki̱tsara ti janhan ti ó sáchrókjuia Judea. 17¿Á tjénka̱yáxinra kixin nduáhya kjuénka̱yáxian janhan ti ó ndáxrja̱n senó kixin chrókjuasán ntiha ní? O̱, ¿á tjénka̱yáxinra kixin níxja éxi ijnko chojni tinkáchónkihya Díos kixin sa̱o chróndáxrja̱n, jeén tsjasán, ndá chrꞌéxi̱n la náhí ní? Ti xi̱kaha la nduáhya tjénka̱yáxinra. 18Díos la tjetsjehe kixin jehya ndáxrja̱n jeén, ndá chrꞌéxi̱n la náhí 19#Hch. 18:5.*kixin ti xje̱en Díos, Ìnchéni Jesucristo ti nkexro kjua̱ko̱xi̱n Silvano, Timoteo la ko janhan ti kꞌuéjoni ntiha, la xi̱kahña kꞌuéndáchro chꞌan, kjuíchꞌiyahya chꞌan ninkehó. Kaín ti nkehe ndáchro chꞌan la chaxín xiteyá. 20Kixin kaín ti nkehe tsíchronka Díos la mé Cristo kjuínchexiteyá. Mé xi̱kaha ti ó chjéheni Díos kjuasáya la mé ndáchroni “Mé xi̱kaha tso̱hen”, kixin ti kjuachaxin ijié kuènté Cristo Jesús. 21Díos mé kjuínki̱tsa ti jeheni la ko ti jahara kixin kaíni jína chrókuinkáchónkini Cristo la Díos mé nchetjóá ti jeheni 22ko kjua̱ko̱xi̱n chꞌan kixin kuènté chꞌan ti jeheni la kjuajon chꞌan ijnko xro̱ye, mé ti Ncha̱kuén chꞌan kixin tso̱noexíni kixin chaxín tsꞌáyéhe̱ni ti nkehe tsjajon chꞌan chrꞌéxi̱n.
23A̱ndá ti na̱xa̱ kjuasánhya Corinto éxi kjuénka̱yáxian la Díos la tjetsjehe kixin kjuasánhya kixin tjínka̱konhña chrókóxakohanra kixin chrókjuenduáhara ínaá. 24Jehya kixin chrókuétua̱hanra kixin chrókuinkachónkira Ìnchéni kixin ó nona kixin ndoá tinkachónkira chꞌan. Méxra̱ tjinkaoan tsjinki̱tsa ti jahara kixin a̱ntsí chrókócháhara.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.