l Tesalonicenses 5
5
1Kjánchó ti ña̱o tso̱hen tíhi, kíchóni, la í ticháxi̱nhña na̱xa̱ chrókjini íjnko nkehe. 2#Mt. 24:43; Lc. 12:39; 2Pe. 3:10.*Jahara ó nohara jína kixin titàyé itsi ti ña̱o tsokjan Ìnchéni, éxi chrókui ijnko xíche̱e ti ó sítie, chrókuikꞌixehen ijnko nchia. 3Ti ó tsondáchro chojni: “Ijie kjuaxróxin tjejóni la ko ninkehó nkehe náxrjónhña sítóhen”, ndá titàyé itsié ti kjuaxikaon ijié la ko kjuachrakon ijié. Éxi ijnko tjachjin jóhya tjan titàya̱ itsié ti ña̱o itsi ti kjuatjoté kixin sinchekokjíhi tjan xje̱en tjan, la xitjahya tsondáchro tjan “Náhí”, mé xi̱kaha tso̱hen ti chojni titekakonhña, la tsochóntahya sin nketí tsaáxin sin. 4A̱ndá jahara kíchóni, jehya sítie chrókꞌuejora kixin chróchrakonra ti ó itsi Ìnchéni éxi chrókui ijnko xíche̱e chrókjuíntachrakonra. 5Kaínra tjejora ti tꞌinkaséña. Méxra̱ jeheni la jehya tjejóhyani ti sítie. 6Méxra̱, chrókꞌuejójuahyani éxi tjejójua ti íso sin, chrókꞌuejótsjeheni, la chrókjuénka̱yáxini jína. 7Kixin ti sin tjejójua, la tjejójua sin ti sítie, la ko ti sin tókoan, la sítie tókoan sin. 8#Is. 59:17; Ef. 6:13-17.*A̱ndá jeheni la tꞌejóni ti tꞌinkaséña, méxra̱ ticháxi̱n jína chrókjuénka̱yáxini, la jína chrókꞌuejóni chrókuinkáchónkini Ìnchéni la ko chrótjue̱heni chꞌan. Ìnchéni mé tsꞌayakohen ti jeheni kixin tsaáni, éxi ijnko soldado tsíkꞌinkáya ika tsíkꞌónaxín chika kixin kohya nkehe tso̱hen ti ntakuin. Mé chrókꞌuejóchóheni itsi Ìnchéni kixin tsaáxini, éxi ti soldado xrasin kásko̱ tꞌayakohen ikja. 9Díos kꞌuéye̱hya ti jeheni kixin chrókjuinchekjasóte chꞌan ti jeheni. Náhí. Kjueyá chꞌan ti jeheni kixin chrókuaáxini Ìnchéni Jesucristo. 10Jesucristo mé kꞌuenyákohe̱n ti jeheni kixin chrókꞌuejókoni chꞌan nkochríxín, á tjejóchóni o̱ tsíkꞌeni. 11Méxra̱ chrókócháhara, la ko chrókjuínki̱tsara kichuara kixin jína chrókꞌuejora éxi xráxín nchexiteyára.
Pablo nchexraxinkaon ti sin tinkáchónki Cristo
12Kíchóni, xrja̱noáhára kixin chróchontehéra kjuasàya ti sin tjejóchꞌe ixra̱ kuènté Díos ntiha, tjejótaón sin nti̱a, chronka sin itén Ìnchéni. 13Chrochontehéra sin kjuasàya la ko chrótjue̱héra sin kixin ti ixra̱ tjejóchꞌe sin. A̱ndá jahara kaínra nkojína chrókꞌuejoko̱ara kichuara.
14Méxra̱ tétua̱hanra kíchóni, kixin chrókjuénduehéra ti sin tjinkakonhña sichꞌe ixra̱, la ko kja̱xin jína chrónixjehéra ti sin kꞌóxrjé a̱sén kixin tso̱chéhe̱ sin, la ko chrókjuínki̱tsara ti sin na̱xa̱ noehña, la ko chrókónínkakuénhñara ninkexró.
15Ninkehó nkehe nduáhya chrókjui̱chꞌehyara ti sin nduáhya kjuitꞌahara. Ícha jína chrókjuáko̱xinra nkehe jína kixin tsꞌikon kaín chojni kixin jína tꞌejora.
16Méxra̱ chrókóchéhe̱ a̱sánra nkochríxín. 17Chrokui̱to̱éhyara chrónixjehéra Díos nkochríxín. 18Kjónté ichrén nkehe chrókóhanra, la chróchje̱héra Díos kjuasáya kixin xi̱kaha tjinkaon chꞌan chrókjuáko̱xinra kixin tinkachónkira Ìnchéni Cristo Jesús.
19Tókꞌánkáhyara ti xrohi kuènté Ncha̱kuén Díos. 20Chrochontehéra kjuasàya ti nkehe tjako ti sin kíchóni, chrónkaxín sin ti kjuachaxin kuènté Díos. 21Chrotsjehéra jína ti nkehe tjejóchꞌe sin. A̱ndá ti jína tja̱ko̱xi̱n sin la chrókuitekáonra. 22Chrokui̱to̱héra kaín nkehe jínahña.
23Díos mé tjajon kaín kjuaxróxin la ko jehe chꞌan mé chrókjuinchetjóára chꞌan la ko chrókꞌuayakohen chꞌan ti ncha̱kuánra la ko ti a̱sánra la ko ti cuerpo kuèntára kixin tsochóntahya ninkehó ijie̱ ti ó itsi Ìnchéni Jesucristo. 24Díos, ti nkexro kjueyá ti jahara, mé jína, la ko kaín ti nkehe ndáchro chꞌan la tsoxiteyá.
Kjuixixín níxja Pablo
25Kíchóni, nixjehéra Díos kixin tsjinki̱tsa chꞌan kaíni 26la ko nkojína nixjehéra kaín ti sin kíchóni tꞌejoko̱ara.
27Tꞌe̱to̱axíni ti kjuachaxin kuènté Ìnchéni kixin nchekuáxinra ti xroon chrꞌahánra kixin tsihin kaín ti sin kíchóni tjejó ntiha.
28Ìnchéni Jesucristo, ti nkexro tjue̱he ti jeheni, mé sintañaora kaínra. Mé xi̱kaha tso̱hen. Ó tjen.
Iliyochaguliwa sasa
l Tesalonicenses 5: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.
l Tesalonicenses 5
5
1Kjánchó ti ña̱o tso̱hen tíhi, kíchóni, la í ticháxi̱nhña na̱xa̱ chrókjini íjnko nkehe. 2#Mt. 24:43; Lc. 12:39; 2Pe. 3:10.*Jahara ó nohara jína kixin titàyé itsi ti ña̱o tsokjan Ìnchéni, éxi chrókui ijnko xíche̱e ti ó sítie, chrókuikꞌixehen ijnko nchia. 3Ti ó tsondáchro chojni: “Ijie kjuaxróxin tjejóni la ko ninkehó nkehe náxrjónhña sítóhen”, ndá titàyé itsié ti kjuaxikaon ijié la ko kjuachrakon ijié. Éxi ijnko tjachjin jóhya tjan titàya̱ itsié ti ña̱o itsi ti kjuatjoté kixin sinchekokjíhi tjan xje̱en tjan, la xitjahya tsondáchro tjan “Náhí”, mé xi̱kaha tso̱hen ti chojni titekakonhña, la tsochóntahya sin nketí tsaáxin sin. 4A̱ndá jahara kíchóni, jehya sítie chrókꞌuejora kixin chróchrakonra ti ó itsi Ìnchéni éxi chrókui ijnko xíche̱e chrókjuíntachrakonra. 5Kaínra tjejora ti tꞌinkaséña. Méxra̱ jeheni la jehya tjejóhyani ti sítie. 6Méxra̱, chrókꞌuejójuahyani éxi tjejójua ti íso sin, chrókꞌuejótsjeheni, la chrókjuénka̱yáxini jína. 7Kixin ti sin tjejójua, la tjejójua sin ti sítie, la ko ti sin tókoan, la sítie tókoan sin. 8#Is. 59:17; Ef. 6:13-17.*A̱ndá jeheni la tꞌejóni ti tꞌinkaséña, méxra̱ ticháxi̱n jína chrókjuénka̱yáxini, la jína chrókꞌuejóni chrókuinkáchónkini Ìnchéni la ko chrótjue̱heni chꞌan. Ìnchéni mé tsꞌayakohen ti jeheni kixin tsaáni, éxi ijnko soldado tsíkꞌinkáya ika tsíkꞌónaxín chika kixin kohya nkehe tso̱hen ti ntakuin. Mé chrókꞌuejóchóheni itsi Ìnchéni kixin tsaáxini, éxi ti soldado xrasin kásko̱ tꞌayakohen ikja. 9Díos kꞌuéye̱hya ti jeheni kixin chrókjuinchekjasóte chꞌan ti jeheni. Náhí. Kjueyá chꞌan ti jeheni kixin chrókuaáxini Ìnchéni Jesucristo. 10Jesucristo mé kꞌuenyákohe̱n ti jeheni kixin chrókꞌuejókoni chꞌan nkochríxín, á tjejóchóni o̱ tsíkꞌeni. 11Méxra̱ chrókócháhara, la ko chrókjuínki̱tsara kichuara kixin jína chrókꞌuejora éxi xráxín nchexiteyára.
Pablo nchexraxinkaon ti sin tinkáchónki Cristo
12Kíchóni, xrja̱noáhára kixin chróchontehéra kjuasàya ti sin tjejóchꞌe ixra̱ kuènté Díos ntiha, tjejótaón sin nti̱a, chronka sin itén Ìnchéni. 13Chrochontehéra sin kjuasàya la ko chrótjue̱héra sin kixin ti ixra̱ tjejóchꞌe sin. A̱ndá jahara kaínra nkojína chrókꞌuejoko̱ara kichuara.
14Méxra̱ tétua̱hanra kíchóni, kixin chrókjuénduehéra ti sin tjinkakonhña sichꞌe ixra̱, la ko kja̱xin jína chrónixjehéra ti sin kꞌóxrjé a̱sén kixin tso̱chéhe̱ sin, la ko chrókjuínki̱tsara ti sin na̱xa̱ noehña, la ko chrókónínkakuénhñara ninkexró.
15Ninkehó nkehe nduáhya chrókjui̱chꞌehyara ti sin nduáhya kjuitꞌahara. Ícha jína chrókjuáko̱xinra nkehe jína kixin tsꞌikon kaín chojni kixin jína tꞌejora.
16Méxra̱ chrókóchéhe̱ a̱sánra nkochríxín. 17Chrokui̱to̱éhyara chrónixjehéra Díos nkochríxín. 18Kjónté ichrén nkehe chrókóhanra, la chróchje̱héra Díos kjuasáya kixin xi̱kaha tjinkaon chꞌan chrókjuáko̱xinra kixin tinkachónkira Ìnchéni Cristo Jesús.
19Tókꞌánkáhyara ti xrohi kuènté Ncha̱kuén Díos. 20Chrochontehéra kjuasàya ti nkehe tjako ti sin kíchóni, chrónkaxín sin ti kjuachaxin kuènté Díos. 21Chrotsjehéra jína ti nkehe tjejóchꞌe sin. A̱ndá ti jína tja̱ko̱xi̱n sin la chrókuitekáonra. 22Chrokui̱to̱héra kaín nkehe jínahña.
23Díos mé tjajon kaín kjuaxróxin la ko jehe chꞌan mé chrókjuinchetjóára chꞌan la ko chrókꞌuayakohen chꞌan ti ncha̱kuánra la ko ti a̱sánra la ko ti cuerpo kuèntára kixin tsochóntahya ninkehó ijie̱ ti ó itsi Ìnchéni Jesucristo. 24Díos, ti nkexro kjueyá ti jahara, mé jína, la ko kaín ti nkehe ndáchro chꞌan la tsoxiteyá.
Kjuixixín níxja Pablo
25Kíchóni, nixjehéra Díos kixin tsjinki̱tsa chꞌan kaíni 26la ko nkojína nixjehéra kaín ti sin kíchóni tꞌejoko̱ara.
27Tꞌe̱to̱axíni ti kjuachaxin kuènté Ìnchéni kixin nchekuáxinra ti xroon chrꞌahánra kixin tsihin kaín ti sin kíchóni tjejó ntiha.
28Ìnchéni Jesucristo, ti nkexro tjue̱he ti jeheni, mé sintañaora kaínra. Mé xi̱kaha tso̱hen. Ó tjen.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.