1 Corintios 9
9
Ti kjuachaxin kuènté ti nkexro chꞌehe ixra̱ Díos
1Chaxín janhan la kohya nkexro tꞌe̱tua̱na kixin chonta kjuachaxin kixin janhan mé ijnko apóstol kjueyá Díos la ko kꞌuíkua̱n Ìnchéni Jesucristo. La jahara mé kuitekáonra kixin ti ixra̱ kjui̱tꞌa kuènté chꞌan. 2Kjá iso sin la titekakonhña kixin janhan mé ijnko apóstol kjueyá Díos. Kjánchó jahara la kuitekáonra kixin janhan la ijnko apóstol kixin tíha kjuáko̱xinra ti kuinkachónkira Ìnchéni.
3Méxra̱ tíhi ndátjan ti sin xritjonta ti janhan: 4¿Á chóntahyani kjuachaxin kixin tsoxrajon nkehe sinieni o̱ nkehe itsꞌini ní? 5¿Á chóntahyani kjuachaxin kixin chrókuákjani ijnko nkexro chjin tinkáchónki Ìnchéni éxi ti íso sin apóstol la ko ti sin kícho Ìnchéni, la ko Pedro ní? 6¿Xá jehó janhan la ko Bernabé ticháxi̱n sichꞌexíni ixra̱ itjani ndá jína sinieni ní? 7¿Xá ijnko soldado la chi̱cha̱ko̱en tsꞌe̱naxín ti nkehe tsicháxi̱hin ní?, o̱ ¿xá nkexro tꞌe̱nka̱xin ijnko inta uva ndá niehña ti ito tꞌóna?, o̱ ¿xá nkexro tꞌayakohen kolélo ndá tꞌihya ti tsje̱en va? 8Tjénka̱yáxinhñara kixin janhuán kjuénka̱yáxian tíhi. Náhí. Kixin kja̱xin ti xroon tsíkjin chꞌin Moisés la xi̱kaha nixja. 9#Dt. 25:4; 1Ti. 5:18.*Ndáchro ti xroon kuènté ley: “Chrokꞌuejoyáhyara nkehe irꞌua ti koxinta ti ó tsinkátja va ti noatrigo ti ó tꞌónkehe#9:9 tꞌónkehe kja̱xin tꞌóntajin sin noa.” Kjá Díos la ndáchrohya tíhi kixin jehó ti̱konoéhe̱ chꞌan ti koxinta. 10Náhí. Ti̱konóe̱he̱ chꞌan ti jeheni kja̱xin. Mé xi̱kaha nixja ti ley kixin xi̱kaha chrókꞌuejóxini jína. Méxra̱ ti nkexro kjuínchentá inche la ko ti nkexro tꞌónkehe noa, la chóhen sin tsákja sin iso ti nkehe tsíkꞌóna. 11#Ro. 15:27.*Mé xi̱kaha, ti ó kjuakoni ti itén Díos kuihínra la tíha éxi ti noa kꞌue̱nka̱ni ijnko nonte, la xi̱kaha chóntani kjuachaxin tsjanchiani ichrén nkehe tichánxi̱hini. 12A̱ndá ti íso sin chónta kjuachaxin tjanchahára nkehe la, ¿á jehya a̱ntsí chóntani kjuachaxin kixin tsjachiani ichrén nkehe tsicháxi̱hini ní?
Kjánchó jeheni kjónté chóntani ti kjuachaxin a, la tjanchahyani ninkehó, kjónté kanhñó jína tjejóni la tjinkakonhñani tsjanchiani ichrén nkehe kixin tso̱kohya nkehe tsꞌinkákonhe̱n ti itén Cristo tjakoni. 13#Dt. 18:1.*Jahara la ó nohara kixin ti nkexro ichꞌe ixra̱ kuènté ni̱nko la ntiha tꞌaxrjeníxin ti nkehe inie sin. Ti sin tꞌóñáxin iko ti altar tsꞌáyéhe̱ Díos, la xrájon ti into chroxihi sin Díos kixin sinie sin. 14#Mt. 10:10; Lc. 10:7.*Mé xi̱kaha kꞌue̱to̱an Ìnchéni kja̱xin, kixin ti nkexro ichꞌe ixra̱ xrichronka ti itan tsaáxini, mé ntiha tsꞌaxrjeníxin ti nkehe sinie sin. 15Kjánchó janhan, kjónté chonta kjuachaxin chrókjuanchahara ichrén nkehe, la xi̱kahña itꞌa̱ la ko kjinhña ti xroon i kixin jahara chrókjuájonra ichrén nkehe. Náhí. Kjónté chrókꞌuenxian kjinta la chrókjuanchahyara ninkehó kixin tjínka̱konhña kixin nkojín nkexro chrókuakitsjena ti kjuachéhe̱ chonta.
16Janhan la jehya nta̱hnke kixin tjàkua ti itan tsaáxini. Náhí. Janhan la ticháxi̱n si̱tꞌa ti ixra̱ kꞌue̱to̱an Díos, la nóa ti janhan ti chróxrja̱nkahya ti itan jína. 17A̱ndá ti janhuán chrókóxrìna chrónixja ti itan jína la ó chonta ti nkehe tsjácha. Kjánchó tjàkua ti itén Díos kixin xi̱kaha kꞌuítua̱na ndá xi̱kaha nta̱xiteyá ti ixra̱ kjuajon Díos. 18¿A̱ndá nkehe kjuácha janhan? Kixin imá chàna xrja̱nkaxián ti itán ni̱xin la ninkehó tjáncháhyara. La kuito̱ha ti kjuachaxin chróchónta kixin chrókjuanchahara chrókjuínki̱tsara ti janhan.
19Méxra̱ kjónté kohya nkexro tꞌe̱tue̱hen ti janhan, la kꞌóna éxi ijnko nkexro chꞌexón ixra̱ kixin xi̱kaha a̱ntsí itsjé chojni chrókuitekaon sin Cristo. 20Ti kjuakꞌé ti siín ti sin judío la kja̱xian kꞌóna éxi jehe sin, kixin xi̱kaha chrókjuácha kixin chrókuitekaon sin kja̱xin sin. A̱ndá ti tjínka̱oan chrókjuácha ti sin tjejónchexiteyéhe ti ley kuènté Moisés, la kja̱xin janhan si̱ntaxiteyá ti ley, kjónté ti ley la í tꞌe̱tue̱nhña ti janhan. 21A̱ndá ti chrókjuácha nkojín ti sin nchexiteyéhya ti ley kuènté Moisés la janhan kꞌóna éxi jehe sin, la jehya tꞌaxrjexín kixin nta̱xiteyáhya ti ley. Náhí. Nta̱xiteyá ti nkehe kꞌue̱to̱an Díos kixin xi̱kaha nta̱xiteyá ti nkehe kꞌue̱to̱an Cristo. 22Ti kjuakꞌé ti tjejó ti sin na̱xa̱ kanhñó tienxín, la kja̱xin kꞌóna éxi jehe sin kixin chrókjuácha chrókuitekaon nkojín ti jehe sin. Janhan la kꞌóna éxi nkojnko ti jehe sin kixin xi̱kaha chrókjuácha kixin chrókuaá nkojín sin. 23Mé xi̱kaha kaín tíha tjétꞌa̱ kixin chrókuihin sin ti itan ni̱xin tsaáxin sin kixin tjínka̱oan tsꞌayáha̱ ti nkehe jína tjajon ti itan ni̱xin.
24Jahara la ó nohara kixin ijnko carrera la itsjé chojni tinká, kjánchó ijnko chojni ó tsjacha ijnko nkehe. A̱ndá jahara xi̱kaha chrókuinkara kaínra kixin chrókjuachara ijnko nkehe náxrjón tsjajon Ìnchéni. 25Kaín ti sin tinká la tóxakohen sin tito̱he sin kaín ti nkehe tꞌinkákohe̱n kixin jína tsjacha sin tsinká sin, kixin tjinkaon sin tsjacha sin ijnko corona tjaka tsjeje̱. A̱ndá jeheni ichꞌeni ixra̱ kuènté Díos kixin tsꞌáyéhe̱ni ijnko corona xrokjuahya tsjeje̱. 26A̱ndá janhan, la jehya tinká éxi ijnko chojni noehña nketí sátsji la ko jehya éxi ijnko chojni noehña ichꞌe ixra̱. 27Janhan la tétua̱nha̱n a̱sená kixin jína chrókjui̱tꞌa ti ixra̱ i, kixin tóxakona kixin chrókjuáchahya jína kjónté kjuákohá itsjé chojni.
Iliyochaguliwa sasa
1 Corintios 9: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.
1 Corintios 9
9
Ti kjuachaxin kuènté ti nkexro chꞌehe ixra̱ Díos
1Chaxín janhan la kohya nkexro tꞌe̱tua̱na kixin chonta kjuachaxin kixin janhan mé ijnko apóstol kjueyá Díos la ko kꞌuíkua̱n Ìnchéni Jesucristo. La jahara mé kuitekáonra kixin ti ixra̱ kjui̱tꞌa kuènté chꞌan. 2Kjá iso sin la titekakonhña kixin janhan mé ijnko apóstol kjueyá Díos. Kjánchó jahara la kuitekáonra kixin janhan la ijnko apóstol kixin tíha kjuáko̱xinra ti kuinkachónkira Ìnchéni.
3Méxra̱ tíhi ndátjan ti sin xritjonta ti janhan: 4¿Á chóntahyani kjuachaxin kixin tsoxrajon nkehe sinieni o̱ nkehe itsꞌini ní? 5¿Á chóntahyani kjuachaxin kixin chrókuákjani ijnko nkexro chjin tinkáchónki Ìnchéni éxi ti íso sin apóstol la ko ti sin kícho Ìnchéni, la ko Pedro ní? 6¿Xá jehó janhan la ko Bernabé ticháxi̱n sichꞌexíni ixra̱ itjani ndá jína sinieni ní? 7¿Xá ijnko soldado la chi̱cha̱ko̱en tsꞌe̱naxín ti nkehe tsicháxi̱hin ní?, o̱ ¿xá nkexro tꞌe̱nka̱xin ijnko inta uva ndá niehña ti ito tꞌóna?, o̱ ¿xá nkexro tꞌayakohen kolélo ndá tꞌihya ti tsje̱en va? 8Tjénka̱yáxinhñara kixin janhuán kjuénka̱yáxian tíhi. Náhí. Kixin kja̱xin ti xroon tsíkjin chꞌin Moisés la xi̱kaha nixja. 9#Dt. 25:4; 1Ti. 5:18.*Ndáchro ti xroon kuènté ley: “Chrokꞌuejoyáhyara nkehe irꞌua ti koxinta ti ó tsinkátja va ti noatrigo ti ó tꞌónkehe#9:9 tꞌónkehe kja̱xin tꞌóntajin sin noa.” Kjá Díos la ndáchrohya tíhi kixin jehó ti̱konoéhe̱ chꞌan ti koxinta. 10Náhí. Ti̱konóe̱he̱ chꞌan ti jeheni kja̱xin. Mé xi̱kaha nixja ti ley kixin xi̱kaha chrókꞌuejóxini jína. Méxra̱ ti nkexro kjuínchentá inche la ko ti nkexro tꞌónkehe noa, la chóhen sin tsákja sin iso ti nkehe tsíkꞌóna. 11#Ro. 15:27.*Mé xi̱kaha, ti ó kjuakoni ti itén Díos kuihínra la tíha éxi ti noa kꞌue̱nka̱ni ijnko nonte, la xi̱kaha chóntani kjuachaxin tsjanchiani ichrén nkehe tichánxi̱hini. 12A̱ndá ti íso sin chónta kjuachaxin tjanchahára nkehe la, ¿á jehya a̱ntsí chóntani kjuachaxin kixin tsjachiani ichrén nkehe tsicháxi̱hini ní?
Kjánchó jeheni kjónté chóntani ti kjuachaxin a, la tjanchahyani ninkehó, kjónté kanhñó jína tjejóni la tjinkakonhñani tsjanchiani ichrén nkehe kixin tso̱kohya nkehe tsꞌinkákonhe̱n ti itén Cristo tjakoni. 13#Dt. 18:1.*Jahara la ó nohara kixin ti nkexro ichꞌe ixra̱ kuènté ni̱nko la ntiha tꞌaxrjeníxin ti nkehe inie sin. Ti sin tꞌóñáxin iko ti altar tsꞌáyéhe̱ Díos, la xrájon ti into chroxihi sin Díos kixin sinie sin. 14#Mt. 10:10; Lc. 10:7.*Mé xi̱kaha kꞌue̱to̱an Ìnchéni kja̱xin, kixin ti nkexro ichꞌe ixra̱ xrichronka ti itan tsaáxini, mé ntiha tsꞌaxrjeníxin ti nkehe sinie sin. 15Kjánchó janhan, kjónté chonta kjuachaxin chrókjuanchahara ichrén nkehe, la xi̱kahña itꞌa̱ la ko kjinhña ti xroon i kixin jahara chrókjuájonra ichrén nkehe. Náhí. Kjónté chrókꞌuenxian kjinta la chrókjuanchahyara ninkehó kixin tjínka̱konhña kixin nkojín nkexro chrókuakitsjena ti kjuachéhe̱ chonta.
16Janhan la jehya nta̱hnke kixin tjàkua ti itan tsaáxini. Náhí. Janhan la ticháxi̱n si̱tꞌa ti ixra̱ kꞌue̱to̱an Díos, la nóa ti janhan ti chróxrja̱nkahya ti itan jína. 17A̱ndá ti janhuán chrókóxrìna chrónixja ti itan jína la ó chonta ti nkehe tsjácha. Kjánchó tjàkua ti itén Díos kixin xi̱kaha kꞌuítua̱na ndá xi̱kaha nta̱xiteyá ti ixra̱ kjuajon Díos. 18¿A̱ndá nkehe kjuácha janhan? Kixin imá chàna xrja̱nkaxián ti itán ni̱xin la ninkehó tjáncháhyara. La kuito̱ha ti kjuachaxin chróchónta kixin chrókjuanchahara chrókjuínki̱tsara ti janhan.
19Méxra̱ kjónté kohya nkexro tꞌe̱tue̱hen ti janhan, la kꞌóna éxi ijnko nkexro chꞌexón ixra̱ kixin xi̱kaha a̱ntsí itsjé chojni chrókuitekaon sin Cristo. 20Ti kjuakꞌé ti siín ti sin judío la kja̱xian kꞌóna éxi jehe sin, kixin xi̱kaha chrókjuácha kixin chrókuitekaon sin kja̱xin sin. A̱ndá ti tjínka̱oan chrókjuácha ti sin tjejónchexiteyéhe ti ley kuènté Moisés, la kja̱xin janhan si̱ntaxiteyá ti ley, kjónté ti ley la í tꞌe̱tue̱nhña ti janhan. 21A̱ndá ti chrókjuácha nkojín ti sin nchexiteyéhya ti ley kuènté Moisés la janhan kꞌóna éxi jehe sin, la jehya tꞌaxrjexín kixin nta̱xiteyáhya ti ley. Náhí. Nta̱xiteyá ti nkehe kꞌue̱to̱an Díos kixin xi̱kaha nta̱xiteyá ti nkehe kꞌue̱to̱an Cristo. 22Ti kjuakꞌé ti tjejó ti sin na̱xa̱ kanhñó tienxín, la kja̱xin kꞌóna éxi jehe sin kixin chrókjuácha chrókuitekaon nkojín ti jehe sin. Janhan la kꞌóna éxi nkojnko ti jehe sin kixin xi̱kaha chrókjuácha kixin chrókuaá nkojín sin. 23Mé xi̱kaha kaín tíha tjétꞌa̱ kixin chrókuihin sin ti itan ni̱xin tsaáxin sin kixin tjínka̱oan tsꞌayáha̱ ti nkehe jína tjajon ti itan ni̱xin.
24Jahara la ó nohara kixin ijnko carrera la itsjé chojni tinká, kjánchó ijnko chojni ó tsjacha ijnko nkehe. A̱ndá jahara xi̱kaha chrókuinkara kaínra kixin chrókjuachara ijnko nkehe náxrjón tsjajon Ìnchéni. 25Kaín ti sin tinká la tóxakohen sin tito̱he sin kaín ti nkehe tꞌinkákohe̱n kixin jína tsjacha sin tsinká sin, kixin tjinkaon sin tsjacha sin ijnko corona tjaka tsjeje̱. A̱ndá jeheni ichꞌeni ixra̱ kuènté Díos kixin tsꞌáyéhe̱ni ijnko corona xrokjuahya tsjeje̱. 26A̱ndá janhan, la jehya tinká éxi ijnko chojni noehña nketí sátsji la ko jehya éxi ijnko chojni noehña ichꞌe ixra̱. 27Janhan la tétua̱nha̱n a̱sená kixin jína chrókjui̱tꞌa ti ixra̱ i, kixin tóxakona kixin chrókjuáchahya jína kjónté kjuákohá itsjé chojni.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.