1 Corintios 7
7
Ti kjuaxrexinkaon tsꞌáyéhe̱ ti chojni tsíkóte̱he
1A̱ndá ijie tsjáta̱ha̱ ti nkehe tsíkjinra kjuanchankíra kixin, ¿á jína kixin chrókóte̱ehya chojni? Janhan ndáxrja̱n kixin ícha jína chrókóte̱ehya chojni. 2Kjánchó ti imá siín ijie̱, la ícha jína kixin nkojnko chojnindoa la tsochónta ichjién la ko nkojnko chojnichjin tsochónta xìi kixin chrókjuasinhña sin ijie̱. 3Méxra̱ ti chojnindoa la ko ti ichjién la tichánxi̱n jehó sin sinchechéhe̱ kícho sin. 4Ti chojnichjin la jehya kuènté ti cuerpo chónta, tíha la kuènté ti xìi tjan, a̱ndá ti chojnindoa la jehya kuènté ti cuerpo chónta, tíha la kuènté ti ichjién. 5Méxra̱ jehya chrókjui̱nchexra̱xiénhñara kichuara.#7:5 chrókjui̱nchexra̱xiénhñara kichuara no os neguéis el uno al otro chróndáchrohyara náhi Kjánchó ti nkoko̱a chrókjuénka̱yáxinra kixin tsocho̱hénra iso ña̱o kixin kaín a̱sánra tsonixjehéra Díos. La chrꞌéxi̱n chrókónkojiéra ínaá, kixin chrókui̱to̱éhyara kixin ti Jínahña chrókjuacha chrókjuitꞌayahara ndá chrókjuásinra ijie̱.
6Kaín tíhi la tjo̱nka̱ra kixin tso̱nohara, kjánchó jehya tétua̱hanra kixin xi̱kaha chrókjui̱chꞌera. 7Janhan ndáxrja̱n kixin kaín chojnindoa la chrókꞌuejó éxi janhan, kjánchó Díos la chjéhe kjuachaxin nkojnko chojni; iso sin la ijnko nkehe tjenka̱yáxin sin, íso sin la íjnko nkehe.
8Ndá tíhi ndáxrja̱n kixin ti chojni na̱xa̱ tóte̱ehya la ko ti chojni ikꞌán la ícha jína chrókóte̱ehya sin ínaá, la chrókꞌuejó sin éxi janhan. 9Kjánchó ti tsjachahya sin tsꞌe̱tue̱hen a̱sén sin, la ícha jína chrókóte̱he sin kixin nkochríxínhña chrókjuakꞌe a̱sén sin ijnko chojni.
10 #
Mt. 5:32; 19:9; Mr. 10:11, 12; Lc. 16:18. *A̱ndá ti nkexro ó kjuixin kóte̱he̱, la tétua̱han kixin ti chojnichjin la chrókuíto̱ehya ti xìi. Jehya kjuachaxin kuénta̱na této̱anxián tíhi. Náhí. Tíhi la kjuachaxin kuènté Ìnchéni této̱anxián. 11A̱ndá ti ijnko chojnichjin chrókjuáke̱he̱ ti xìi, la í chrókuákjahya tjan íjnko chojni o̱ ícha jína chrónixje̱he̱ kícho sin ndá chrókóyóxin la chrókjuìin ti kjuanínkaon siín. Kja̱xin xi̱kaha ti chojnindoa la chrókjuáke̱ehya ti ichjién.
12A̱ndá ti íso sin la tétua̱nha̱n sin janhan, jehya nkehe kuènté Ìnchéni; kixin ti ijnko nkexro chónta ichjién tinkáchónkihya Díos, la kjónté xi̱kaha tjinkaon tjan chrókjuakꞌeko tjan ti xìi tjan, la chrókjuáke̱ehya chꞌan tjan. 13La kja̱xin ti ijnko chojnichjin chónta xìi tinkáchónkihya Díos, ndá kjónté xi̱kaha tjinkaon chꞌan chrókjuakꞌeko chꞌan ti jehe tjan, la kja̱xin tjan chrókjuáke̱ehya tjan ti jehe chꞌan. 14Kixin ti xìi tjan tinkáchónkihya Ìnchéni la tso̱chjinehe chꞌan Díos kixin ti ichjién chꞌan tinkáchónki Díos; a̱ndá ti tjan tinkáchónkihya Díos la ó tso̱chjinehe tjan Díos kixin ti xìi tjan la tinkáchónki Díos. Ndá ti chrókóxi̱kahya la ti xje̱en sin la chrókóchóxinhña Díos, la ijie ó tso̱chjinehe sin Díos. 15A̱ndá ti chojnindoa o̱ ti chojnichjin tinkáchónkihya Díos ndá tjinkaon chrókjuáke̱he̱ kícho sin, la jína tsíto̱he kícho sin, kixin ti xi̱kaha la í tsicháxi̱nhña chrókꞌuejóko kícho sin, kixin Díos la tjinkaon kixin kjuaxróxin chrókꞌuejó sin. 16Jahara chojnichjin o̱ chojnindoa tsíkóte̱he tinkáchónki Díos la jína chrókjuínki̱tsara ti xìára o̱ ti ichjiánra tinkáchónkihya Díos kixin chrókuaá sin.
Imá tjetoan kixin sinchexiteyéheni Díos
17A̱ndá nkojnko chojni la chrókjuénka̱yáxin éxi kjuajon Ìnchéni kjuachaxin kꞌuáyéhe̱ sin, la ko chrókꞌuejó sin éxi ti na̱ntá kjueyá Díos ti jehe sin. Tíha tétua̱nha̱n kaín ni̱nko. 18Ti kjueyá Díos ijnko nkexro chónta xro̱ye kuènté ti sin judío, la xi̱kahó chrókuíto̱he chꞌan. A̱ndá ti kjueyá Díos ijnko nkexro chóntahya xro̱ye, la xi̱kahó chrókjuákꞌe chꞌan. 19Ti chónta sin ti xro̱ye o̱ náhí la tjetuanhña tíha. Ti nkehe imá ticháxi̱n la chrókjuínchexiteyáni ti nkehe tꞌe̱to̱an Díos. 20Nkojnkoni la chrókꞌuejóni éxi kꞌuéjoni ti kuitekaoni Cristo. 21A̱ndá ti jaha kjuákꞌe éxi ijnko chojni chꞌexón ixra̱ ti kjueyá Díos, la chrókóxakuanhña xi̱kahó chrókjui̱chꞌe ixra̱. Kjánchó ti chróchonta kjuachaxin kixin sáchrókjuia, la jína sáchrókjuia. 22Kixin ti nkexro chꞌexón ixra̱ ti kjueyá Ìnchéni la mé ijie ó chónta kjuachaxin la jína sichꞌehe ixra̱ Díos. La xi̱kaha kja̱xin ti nkexro kuékꞌe̱to̱an ti ó kjueyá Ìnchéni la ijie jehe sin sichꞌehe sin ixra̱ Cristo. 23Díos la imá tjete kꞌue̱naxín chꞌan ti jahara. Méxra̱ chrókui̱to̱éhyara kixin ijnko chojni chrókꞌue̱tue̱hen ti jahara. 24Méxra̱ nkojnkora jahara kíchóni, chrókꞌuejora éxi kꞌuejora ti kjueyá Díos ti jahara kixin tsinkachónkira chꞌan.
25A̱ndá ti chojnichjin na̱xa̱ tóte̱ehya la kohya nkojín nkehe kuènté Ìnchéni tsétua̱ha̱n sin, kjánchó tso̱xrja̱nka ti nkehe tjénka̱yáxian la jína chrókuitekáonra kixin Ìnchéni mé kui̱konoána chꞌan kixin jína chrókjuakꞌé chrókjuinki̱tsa ti jahara. 26A̱ndá janhan tjénka̱yáxian kixin ícha jína kixin ti chojnindoa la chrókjueyáhya sin ichjin kixin ijie la kjuaxróxinhña tjejóni. 27Ti chontara ichjiánra la chrókjuáke̱ehyara tjan. A̱ndá ti chontahyara ichjiánra la chrókjuéyáhyara. 28Ti chrókóta̱hara la jehya ijie̱ tíha, la ko ti ijnko tjan tjarisoá tso̱te̱he la kja̱xin jehya ijie̱. A̱ndá ti sin tóte̱he la tsochónta sin nchónhña kjuaxikaon, mé xi̱kaha ndáxrja̱n tíhi kixin chrókꞌuatsínkahyara kaín tíha.
29Kíchóni, ti nkehe tjínka̱oan tso̱tjo̱nkara la tíhi: Kixin í séhya ndá tsjeje̱ chjasintajni. Mé xi̱kaha ti chojni chónta ichjién, la chrókjuénka̱yáxin sin éxi chóntahya sin ichjién sin. 30Ti nkexro tꞌává la chrókꞌuejó sin éxi tꞌáváhya sin. Ti nkexro chéhe̱ la chrókꞌuejó sin éxi chèhya sin. Ti nkexro tꞌe̱na la chrókꞌuejó sin éxi jehya kuènté sin ti nkehe kꞌue̱na sin. 31A̱ndá ti nkexro kjuacha itsjé nkehe siín chjasintajni la chrókꞌuejó sin éxi ninkehó chóntahya sin, kixin kaín ti nkehe tꞌikoni siín ntihi la ó tinkákꞌatsínka la ko tsjeje̱.
32Janhan tjínka̱oan kixin chrókóxakuanhñara. Ti chojnindoa chóntahya ichjién la a̱ntsí tóxakohen ichꞌe ti ixra̱ kuènté Ìnchéni la xi̱kaha nchechéhe̱ chꞌan Ìnchéni. 33A̱ndá ti chojni ó tsíkóte̱he la a̱ntsí tóxakohen sin ti nkehe siín chjasintajni kixin tjinkaon sin sinchechéhe̱ sin ti ichjién sin. 34La xi̱kaha kja̱xin ti tjan tsíkóte̱he la ókjé tjenka̱yáxin tjan ke ti tjan na̱xa̱ tóte̱ehya kixin ti tjan na̱xa̱ tóte̱ehya la a̱ntsí tóxakohen tjan ti ixra̱ kuènté Ìnchéni kixin Díos sinchetjóá ti cuerpo kuènté tjan la ko ti a̱sén tjan. A̱ndá ti tjan ó kóte̱he̱ la tóxakohen tjan ti nkehe siín chjasintajni kixin xi̱kaha tjinkaon tjan sinchechéhe̱ tjan ti xìi tjan.
35Mé xi̱kaha ndáxrja̱n kixin jína tsꞌejora, jehya kixin tétua̱hanra. Náhí. Tjínka̱oan kixin nkojína chrókꞌuejora la jehó Ìnchéni chrókjui̱chꞌehéra ixra̱.
36A̱ndá ti nkojinra tjénka̱yáxinra kixin ó chrókóte̱he ijnko xja̱anra ichjin kixin ó chónta tjan nánó, la ncho̱xon tso̱te̱he tjan la jehya ijie̱ tíha. 37A̱ndá ti nkojinra tjinkákonhñara tso̱ta̱hara la tsjachara tsétue̱hénra a̱sánra la a̱ntsí jína tíha, jehya ijie̱. 38Mé xi̱kaha ti nkexro tso̱te̱he la ncho̱xon. A̱ndá ti nkexro tjinkakonhña tso̱te̱he la a̱ntsí jína tíha.
39Ti tjan tsíkóte̱he la ticháxi̱n sinchexiteyá tjan ti ley kóte̱exin tjan kixin tsjakꞌeko tjan ti xìi tjan ti na̱xa̱ tjechón chꞌan. A̱ndá ti ó chrókꞌuen ti xìi tjan, la siín kjuachaxin tso̱te̱he tjan ínaá, kjánchó jehó ijnko nkexro tinkáchónki Ìnchéni chrókjueyá tjan. 40Kjánchó a̱ntsí jína chrókjuákꞌe tjan jehó tjan, í chrókóte̱ehya tjan. Mé xi̱kaha tjénka̱yáxian janhan kixin kja̱xin chonta ti Ncha̱kuén Díos.
Iliyochaguliwa sasa
1 Corintios 7: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.
1 Corintios 7
7
Ti kjuaxrexinkaon tsꞌáyéhe̱ ti chojni tsíkóte̱he
1A̱ndá ijie tsjáta̱ha̱ ti nkehe tsíkjinra kjuanchankíra kixin, ¿á jína kixin chrókóte̱ehya chojni? Janhan ndáxrja̱n kixin ícha jína chrókóte̱ehya chojni. 2Kjánchó ti imá siín ijie̱, la ícha jína kixin nkojnko chojnindoa la tsochónta ichjién la ko nkojnko chojnichjin tsochónta xìi kixin chrókjuasinhña sin ijie̱. 3Méxra̱ ti chojnindoa la ko ti ichjién la tichánxi̱n jehó sin sinchechéhe̱ kícho sin. 4Ti chojnichjin la jehya kuènté ti cuerpo chónta, tíha la kuènté ti xìi tjan, a̱ndá ti chojnindoa la jehya kuènté ti cuerpo chónta, tíha la kuènté ti ichjién. 5Méxra̱ jehya chrókjui̱nchexra̱xiénhñara kichuara.#7:5 chrókjui̱nchexra̱xiénhñara kichuara no os neguéis el uno al otro chróndáchrohyara náhi Kjánchó ti nkoko̱a chrókjuénka̱yáxinra kixin tsocho̱hénra iso ña̱o kixin kaín a̱sánra tsonixjehéra Díos. La chrꞌéxi̱n chrókónkojiéra ínaá, kixin chrókui̱to̱éhyara kixin ti Jínahña chrókjuacha chrókjuitꞌayahara ndá chrókjuásinra ijie̱.
6Kaín tíhi la tjo̱nka̱ra kixin tso̱nohara, kjánchó jehya tétua̱hanra kixin xi̱kaha chrókjui̱chꞌera. 7Janhan ndáxrja̱n kixin kaín chojnindoa la chrókꞌuejó éxi janhan, kjánchó Díos la chjéhe kjuachaxin nkojnko chojni; iso sin la ijnko nkehe tjenka̱yáxin sin, íso sin la íjnko nkehe.
8Ndá tíhi ndáxrja̱n kixin ti chojni na̱xa̱ tóte̱ehya la ko ti chojni ikꞌán la ícha jína chrókóte̱ehya sin ínaá, la chrókꞌuejó sin éxi janhan. 9Kjánchó ti tsjachahya sin tsꞌe̱tue̱hen a̱sén sin, la ícha jína chrókóte̱he sin kixin nkochríxínhña chrókjuakꞌe a̱sén sin ijnko chojni.
10 #
Mt. 5:32; 19:9; Mr. 10:11, 12; Lc. 16:18. *A̱ndá ti nkexro ó kjuixin kóte̱he̱, la tétua̱han kixin ti chojnichjin la chrókuíto̱ehya ti xìi. Jehya kjuachaxin kuénta̱na této̱anxián tíhi. Náhí. Tíhi la kjuachaxin kuènté Ìnchéni této̱anxián. 11A̱ndá ti ijnko chojnichjin chrókjuáke̱he̱ ti xìi, la í chrókuákjahya tjan íjnko chojni o̱ ícha jína chrónixje̱he̱ kícho sin ndá chrókóyóxin la chrókjuìin ti kjuanínkaon siín. Kja̱xin xi̱kaha ti chojnindoa la chrókjuáke̱ehya ti ichjién.
12A̱ndá ti íso sin la tétua̱nha̱n sin janhan, jehya nkehe kuènté Ìnchéni; kixin ti ijnko nkexro chónta ichjién tinkáchónkihya Díos, la kjónté xi̱kaha tjinkaon tjan chrókjuakꞌeko tjan ti xìi tjan, la chrókjuáke̱ehya chꞌan tjan. 13La kja̱xin ti ijnko chojnichjin chónta xìi tinkáchónkihya Díos, ndá kjónté xi̱kaha tjinkaon chꞌan chrókjuakꞌeko chꞌan ti jehe tjan, la kja̱xin tjan chrókjuáke̱ehya tjan ti jehe chꞌan. 14Kixin ti xìi tjan tinkáchónkihya Ìnchéni la tso̱chjinehe chꞌan Díos kixin ti ichjién chꞌan tinkáchónki Díos; a̱ndá ti tjan tinkáchónkihya Díos la ó tso̱chjinehe tjan Díos kixin ti xìi tjan la tinkáchónki Díos. Ndá ti chrókóxi̱kahya la ti xje̱en sin la chrókóchóxinhña Díos, la ijie ó tso̱chjinehe sin Díos. 15A̱ndá ti chojnindoa o̱ ti chojnichjin tinkáchónkihya Díos ndá tjinkaon chrókjuáke̱he̱ kícho sin, la jína tsíto̱he kícho sin, kixin ti xi̱kaha la í tsicháxi̱nhña chrókꞌuejóko kícho sin, kixin Díos la tjinkaon kixin kjuaxróxin chrókꞌuejó sin. 16Jahara chojnichjin o̱ chojnindoa tsíkóte̱he tinkáchónki Díos la jína chrókjuínki̱tsara ti xìára o̱ ti ichjiánra tinkáchónkihya Díos kixin chrókuaá sin.
Imá tjetoan kixin sinchexiteyéheni Díos
17A̱ndá nkojnko chojni la chrókjuénka̱yáxin éxi kjuajon Ìnchéni kjuachaxin kꞌuáyéhe̱ sin, la ko chrókꞌuejó sin éxi ti na̱ntá kjueyá Díos ti jehe sin. Tíha tétua̱nha̱n kaín ni̱nko. 18Ti kjueyá Díos ijnko nkexro chónta xro̱ye kuènté ti sin judío, la xi̱kahó chrókuíto̱he chꞌan. A̱ndá ti kjueyá Díos ijnko nkexro chóntahya xro̱ye, la xi̱kahó chrókjuákꞌe chꞌan. 19Ti chónta sin ti xro̱ye o̱ náhí la tjetuanhña tíha. Ti nkehe imá ticháxi̱n la chrókjuínchexiteyáni ti nkehe tꞌe̱to̱an Díos. 20Nkojnkoni la chrókꞌuejóni éxi kꞌuéjoni ti kuitekaoni Cristo. 21A̱ndá ti jaha kjuákꞌe éxi ijnko chojni chꞌexón ixra̱ ti kjueyá Díos, la chrókóxakuanhña xi̱kahó chrókjui̱chꞌe ixra̱. Kjánchó ti chróchonta kjuachaxin kixin sáchrókjuia, la jína sáchrókjuia. 22Kixin ti nkexro chꞌexón ixra̱ ti kjueyá Ìnchéni la mé ijie ó chónta kjuachaxin la jína sichꞌehe ixra̱ Díos. La xi̱kaha kja̱xin ti nkexro kuékꞌe̱to̱an ti ó kjueyá Ìnchéni la ijie jehe sin sichꞌehe sin ixra̱ Cristo. 23Díos la imá tjete kꞌue̱naxín chꞌan ti jahara. Méxra̱ chrókui̱to̱éhyara kixin ijnko chojni chrókꞌue̱tue̱hen ti jahara. 24Méxra̱ nkojnkora jahara kíchóni, chrókꞌuejora éxi kꞌuejora ti kjueyá Díos ti jahara kixin tsinkachónkira chꞌan.
25A̱ndá ti chojnichjin na̱xa̱ tóte̱ehya la kohya nkojín nkehe kuènté Ìnchéni tsétua̱ha̱n sin, kjánchó tso̱xrja̱nka ti nkehe tjénka̱yáxian la jína chrókuitekáonra kixin Ìnchéni mé kui̱konoána chꞌan kixin jína chrókjuakꞌé chrókjuinki̱tsa ti jahara. 26A̱ndá janhan tjénka̱yáxian kixin ícha jína kixin ti chojnindoa la chrókjueyáhya sin ichjin kixin ijie la kjuaxróxinhña tjejóni. 27Ti chontara ichjiánra la chrókjuáke̱ehyara tjan. A̱ndá ti chontahyara ichjiánra la chrókjuéyáhyara. 28Ti chrókóta̱hara la jehya ijie̱ tíha, la ko ti ijnko tjan tjarisoá tso̱te̱he la kja̱xin jehya ijie̱. A̱ndá ti sin tóte̱he la tsochónta sin nchónhña kjuaxikaon, mé xi̱kaha ndáxrja̱n tíhi kixin chrókꞌuatsínkahyara kaín tíha.
29Kíchóni, ti nkehe tjínka̱oan tso̱tjo̱nkara la tíhi: Kixin í séhya ndá tsjeje̱ chjasintajni. Mé xi̱kaha ti chojni chónta ichjién, la chrókjuénka̱yáxin sin éxi chóntahya sin ichjién sin. 30Ti nkexro tꞌává la chrókꞌuejó sin éxi tꞌáváhya sin. Ti nkexro chéhe̱ la chrókꞌuejó sin éxi chèhya sin. Ti nkexro tꞌe̱na la chrókꞌuejó sin éxi jehya kuènté sin ti nkehe kꞌue̱na sin. 31A̱ndá ti nkexro kjuacha itsjé nkehe siín chjasintajni la chrókꞌuejó sin éxi ninkehó chóntahya sin, kixin kaín ti nkehe tꞌikoni siín ntihi la ó tinkákꞌatsínka la ko tsjeje̱.
32Janhan tjínka̱oan kixin chrókóxakuanhñara. Ti chojnindoa chóntahya ichjién la a̱ntsí tóxakohen ichꞌe ti ixra̱ kuènté Ìnchéni la xi̱kaha nchechéhe̱ chꞌan Ìnchéni. 33A̱ndá ti chojni ó tsíkóte̱he la a̱ntsí tóxakohen sin ti nkehe siín chjasintajni kixin tjinkaon sin sinchechéhe̱ sin ti ichjién sin. 34La xi̱kaha kja̱xin ti tjan tsíkóte̱he la ókjé tjenka̱yáxin tjan ke ti tjan na̱xa̱ tóte̱ehya kixin ti tjan na̱xa̱ tóte̱ehya la a̱ntsí tóxakohen tjan ti ixra̱ kuènté Ìnchéni kixin Díos sinchetjóá ti cuerpo kuènté tjan la ko ti a̱sén tjan. A̱ndá ti tjan ó kóte̱he̱ la tóxakohen tjan ti nkehe siín chjasintajni kixin xi̱kaha tjinkaon tjan sinchechéhe̱ tjan ti xìi tjan.
35Mé xi̱kaha ndáxrja̱n kixin jína tsꞌejora, jehya kixin tétua̱hanra. Náhí. Tjínka̱oan kixin nkojína chrókꞌuejora la jehó Ìnchéni chrókjui̱chꞌehéra ixra̱.
36A̱ndá ti nkojinra tjénka̱yáxinra kixin ó chrókóte̱he ijnko xja̱anra ichjin kixin ó chónta tjan nánó, la ncho̱xon tso̱te̱he tjan la jehya ijie̱ tíha. 37A̱ndá ti nkojinra tjinkákonhñara tso̱ta̱hara la tsjachara tsétue̱hénra a̱sánra la a̱ntsí jína tíha, jehya ijie̱. 38Mé xi̱kaha ti nkexro tso̱te̱he la ncho̱xon. A̱ndá ti nkexro tjinkakonhña tso̱te̱he la a̱ntsí jína tíha.
39Ti tjan tsíkóte̱he la ticháxi̱n sinchexiteyá tjan ti ley kóte̱exin tjan kixin tsjakꞌeko tjan ti xìi tjan ti na̱xa̱ tjechón chꞌan. A̱ndá ti ó chrókꞌuen ti xìi tjan, la siín kjuachaxin tso̱te̱he tjan ínaá, kjánchó jehó ijnko nkexro tinkáchónki Ìnchéni chrókjueyá tjan. 40Kjánchó a̱ntsí jína chrókjuákꞌe tjan jehó tjan, í chrókóte̱ehya tjan. Mé xi̱kaha tjénka̱yáxian janhan kixin kja̱xin chonta ti Ncha̱kuén Díos.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.