1 Corintios 14
14
Ti nixja sin ókjé ngiva
1Chrokóxakohanra chaxín chrótjue̱héra kichuara la ko kja̱xin chrókjuanchehéra Díos kixin chrótjáhara chꞌan kjuachaxin chrónixjara ti itén chꞌan. 2Ti nkexro nixja ijnko ngiva tienxínhña chojni la Díos nixje̱he̱ sin, jehya chojni nixje̱he̱ sin, kixin kohya nkexro tienxín ti nkehe nixja sin, kixin nixja sin ti nkehe ninkexró tienxínhña, jehó Ncha̱kuén Díos. 3A̱ndá ti nkexro chrónkaxín ijnko nkehe tjajon Díos la tienxín ti íso sin, méxra̱ nixje̱he̱ sin ti íso chojni ndá xi̱kaha tjinki̱tsa sin kixin a̱ntsí chrókienxín sin ti nkehe kuènté Díos la ko chrókóchéhe̱ sin. 4Ti nkexro nixja íjnko ngiva tienxínhña chojni mé jehó tso̱nohe a̱ntsí ti nkehe kuènté Díos. A̱ndá ti nkexro chrónkaxín ti nkehe tjajon Díos mé tsjinki̱tsa ti sin kuènté ni̱nko kixin a̱ntsí chrókꞌuitja sin ti nkehe kuènté Díos.
5Janhan tjínka̱oan kixin kaínra chrónixjara íjnko ngiva tienxínhña chojni, kjánchó a̱ntsí chrókóchàna kixin chróchontara kjuachaxin chróchro̱nkara ti nkehe tjinkaon Díos. Kixin kanhñó tjetoan ti chrónixjaxinra íjnko ngiva ti noahñara tso̱chro̱nkaxínra nkehe tꞌaxrjexín, kixin chrókuihin kaín ti sin tinkáchónki Ìnchéni ndá a̱ntsí chrókꞌuánkí ti nkehe nohe sin kuènté Díos. 6Mé xi̱kaha kíchóni, ti chrókjuasántsjahára ndá chrónixjáxinra íjnko ngiva tienxínhña chojni la ó chónkó tíha. Ícha jína chrónixja ti ngiva nohara la chróxrja̱nkaxian ti nkehe kjuajon Díos la o̱ ti nkehe kuènté Díos na̱xa̱ noahñara, o̱ ijnko nkehe tjinkaon Díos chrókónohara.
7Mé xi̱kaha ti ijnko flauta o̱ ijnko arpa, la nkokón chróndáchro la, ¿nkexrín chrókjuatso̱ani nkexéhe ti tjendáchro? 8La xi̱kaha ti siín guerra ndá nduáhya chrókꞌuánoa sin ti trompeta, la ninkexró chrókóxakuenhña sáchrókjuikjajo̱n. 9Mé xi̱kaha kja̱xin ti jahara ti nixjara ijnko ngiva tienxínhña chojni, la éxi xri̱nto̱ ó nixjehéra kixin ninkexró tienxínhña. 10Chaxín ti chjasintajni la itsjé ngiva siín la kaín ti ngiva la siín chojni tienxín. 11A̱ndá ti nkojín nkexro tsonixjana ndá tsia̱nxinhña ti nkehe ndáchro sin, la ti nkexro a, la tsjenka̱yáxin kixin ókjé chjasin tsíkjixian janhan la ko kja̱xin janhan xi̱kaha tsjenka̱yáxian ti nkojín nkexro tsienxínhña ti nkehe níxja janhan. 12Méxra̱ ti tjinkáonra chrókꞌuayéhéra ijnko ixra̱ kuènté Ncha̱kuén Díos, la chrókóxakohanra tsꞌayéhéra ijnko ixra̱ chrókjuinki̱tsa ti sin kuènté ni̱nko kixin a̱ntsí chrókꞌuitja sin ti nkehe kuènté Díos.
13Méxra̱ ti nkexro nixja íjnko ngiva tienxínhña chojni la chrókjuanchehe sin Díos kixin chrókjuacha sin chróchronkaxín sin nkehe tꞌaxrjexín tíha. 14La xi̱kaha ti chrótja̱xian Díos kjuasáya íjnko ngiva tienxínhña chojni, la a̱sená ó níxja̱xia̱n Díos, kjánchó tíhi la chrókjuinki̱tsahya ti janhan kixin kja̱xin janhan tia̱nxi̱nhña ti nkehe tjéndáxrja̱n. 15Ndá, ¿nkehe chrókjui̱tꞌa? Ícha jína a̱sená chrónixja̱xia̱n Díos la kja̱xin chrókia̱nxia̱n, chrótsje himno, la kaín a̱sená chrótsje la ko kja̱xin chrókia̱nxia̱n. 16Kixin ti chjéxínra kjuasáya Díos ti a̱sánra ó ndá tjejótihin íso chojni tienxínhña, ¿la nkexrín kixin ti sin na̱xa̱ kienxínhña chróndáchro “Mé xi̱kaha tso̱hen”, ti kienxínhña sin ti nkehe nixjara? 17Kixin kjónté imá náxrjón chróchje̱héra Díos kjuasáya, a̱ndá ti tienxínhña ti sin tjejótihin, la tíha xrokjuahya tsjinki̱tsa ti jehe sin kixin tienxínhña sin. 18Janhan la tja̱ha̱ Díos kjuasáya kixin a̱ntsí chonta kjuachaxin níxja íjnko ngiva tienxínhña chojni ke kaínra. 19Kjánchó ti tónkotsé ti sin ni̱nko la a̱ntsí tjínka̱oan chrónixja kjónté inꞌó palabra chrókienxín sin la xi̱kaha chrókjuinki̱tsa ti jehe sin, ke chrónixja ite mil palabra chrónixja̱xian íjnko ngiva tienxínhña chojni.
20Kíchóni, chrókꞌuejora éxi chájan na̱xa̱ noehña nkehe ti ijie̱. Kjánchó chrókjuénka̱yáxinhñara éxi chájan, tjénka̱yáxinra éxi chojni nte̱to. 21#Is. 28:11, 12.*Ti xroon tsíkjin sin ósé mé ndáchro: “Tsonixja̱xia̱n ókjé ngiva la ko itén chojni ókjé kixin tsihin ti sin Israel la kjónté xi̱kaha la tsitekakonhña sin ti nkehe tsonixja, ichro Ìnchéni.” 22Mé xi̱kaha ti nixja̱xi̱n chojni íjnko ngiva tienxínhña chojni mé tíha la ijnko kjuaxroan ijié tꞌikon ti sin na̱xa̱ tinkáchónkihya Ìnchéni, kjánchó tsjinki̱tsahya ti sin titekaon. A̱ndá ti chronka chojni ijnko nkehe kjuajon Díos, mé tíha la tsjinki̱tsa ti sin tinkáchónki Ìnchéni. 23A̱ndá ti ó tónkotséra ni̱nko, ndá kaínra nixjara íjnko ngiva tienxínhña chojni, ndá ti chrókꞌuixehen ijnko chojni na̱xa̱ tienxínhña tíha o̱ ijnko chojni na̱xa̱ tinkáchónkihya Ìnchéni, la chróndáchro sin kixin locora. 24A̱ndá ti kaínra chróchro̱nkara ijnko nkehe kjuajon Díos ndá chrókꞌuixehen ni̱nko ijnko nkexro tinkáchónkihya Ìnchéni, o̱ na̱xa̱ tienhñé, ndá chrókuihin sin ti nkehe tjejonixjara la chróxraxinkaon sin ti ijie̱ chónta sin la ko chrókjuénka̱yáxin sin ti nkehe kuíhin sin. 25Ndá xi̱kaha tso̱noxín ti nkehe imó tjenka̱yáxin a̱sén sin, ndá tsꞌejótꞌo̱xin sin tsjikosáyehe sin Díos la tsondáchro sin kixin chaxín Díos tjejokoara.
Ti tónkotséni ni̱nko
26A̱ndá jahara kíchóni, ti tónkotséra ni̱nko la nkojinra la chrókuatsꞌínkara chrótsjera salmo, la ijnkora la chrókjuàkora, íjnkora la chróchro̱nkara ti nkehe kjuíntanohara Díos, íjnkora la chrónixjaxinra ijnko ngiva tienxínhña chojni, la íjnkora chróchro̱nkaxínra nkehe tꞌaxrjexín tíha. Kjánchó kaín tíhi chrókóhen kixin ti sin kuènté ni̱nko la chrókꞌuitja sin a̱ntsí kuènté Díos. 27A̱ndá ti nkojín nkexro chrónixja íjnko ngiva tienxínhña chojni la yaá o̱ iní sin ó chrónixja la nkojnko sin chrókꞌuatsínka sin, la ko ijnko nkexro chróchronkaxín ti nkehe níxja sin. 28A̱ndá ti kohya ninkexró chróchronkaxín ti ngiva a, la ícha jína chrónixjaxinhña sin tíhi nkaxehen ni̱nko. Ícha jína jehó sin chrónixje̱xi̱n sin Díos nkaya a̱sén sin ó. 29A̱ndá ti nkojín nkexro tsonixja nkehe kuènté Díos, la jehó chrónixja yaá o̱ yꞌá sin ó. Ndá ti sin tjejótihin mé chrókjuénka̱yáxin sin á ncho̱xon ti nkehe chrónka sin o̱ náhí. 30A̱ndá ti nkojín ti nkexro tjejótja̱xi̱n kꞌuáyéhe̱ ijnko nkehe kuènté Díos tsochronka la ti nkexro tjenixja la chrókjuajon sin kjuachaxin kixin chrónixja ti nkexro a. 31Ndá xi̱kaha la nkojnkora chróchro̱nkara ti nkehe kjuajon Díos la xi̱kaha kaínra chrókꞌuitjára la ko a̱ntsí chrókócháhara. 32Ti nkexro nixja nkehe kuènté Díos la jína tsjenka̱yáxin á isé chrónixja o̱ náhí, 33kixin Díos la tjinkaon ti kjuaxróxin, tjinkakonhña chꞌan kixin nduáhya chrókꞌuejóni.
Ndoá chrókꞌuejora éxi kuehen kaín sin ni̱nko xi̱kaha chrókjui̱chꞌera. 34A̱ndá ti chojnichjin la chrótání chrókꞌuejó, chrókjohya kícho sin ti tjejótihin sin itén Díos. Kixin kohya kjuachaxin tsonixja sin, ícha jína chrókjua̱ko̱xi̱n sin kixin tjikosáyehe sin ti xìi sin éxi ndáchro ti ley tsíkjin Moisés. 35A̱ndá ti tjinkaon sin chrókꞌuitja sin ichrén nkehe la chrókjuanchankíhi sin ti xìi sin ti ó tjiji sin ndo̱e sin, kixin náxrjónhña tꞌikoni nixja ti chojnichjin ti ó síxrako nkaxehen ni̱nko.
36Jehya jahara kjuaxrjeníxin ti itén Díos la ko jehya jahóra kꞌuayéhéra tíha. Náhí. 37Ti nkojín nkexro tjenka̱yáxin kixin jína nixja itén Díos o̱ tjenka̱yáxin kixin chaxín nchexiteyéhe ti Ncha̱kuén Díos la chrókónohe sin kixin ti nkehe tjékjian la ijnko nkehe chaxín kꞌue̱to̱an Díos. 38A̱ndá ti nkexro tjinkakonhña tsitekaon tíhi la chrókiénhñara ti nkehe ichro sin.
39Méxra̱ kíchóni, chrókóxakohanra kixin chrónixjara ti itan kuenté Díos la chróndáchrohyara kixin xrokjuahya tsonixja̱xi̱n sin ókjé ngiva 40kjánchó kaín tíha la ndoá la ko nkojína chrókóhen.
Iliyochaguliwa sasa
1 Corintios 14: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.
1 Corintios 14
14
Ti nixja sin ókjé ngiva
1Chrokóxakohanra chaxín chrótjue̱héra kichuara la ko kja̱xin chrókjuanchehéra Díos kixin chrótjáhara chꞌan kjuachaxin chrónixjara ti itén chꞌan. 2Ti nkexro nixja ijnko ngiva tienxínhña chojni la Díos nixje̱he̱ sin, jehya chojni nixje̱he̱ sin, kixin kohya nkexro tienxín ti nkehe nixja sin, kixin nixja sin ti nkehe ninkexró tienxínhña, jehó Ncha̱kuén Díos. 3A̱ndá ti nkexro chrónkaxín ijnko nkehe tjajon Díos la tienxín ti íso sin, méxra̱ nixje̱he̱ sin ti íso chojni ndá xi̱kaha tjinki̱tsa sin kixin a̱ntsí chrókienxín sin ti nkehe kuènté Díos la ko chrókóchéhe̱ sin. 4Ti nkexro nixja íjnko ngiva tienxínhña chojni mé jehó tso̱nohe a̱ntsí ti nkehe kuènté Díos. A̱ndá ti nkexro chrónkaxín ti nkehe tjajon Díos mé tsjinki̱tsa ti sin kuènté ni̱nko kixin a̱ntsí chrókꞌuitja sin ti nkehe kuènté Díos.
5Janhan tjínka̱oan kixin kaínra chrónixjara íjnko ngiva tienxínhña chojni, kjánchó a̱ntsí chrókóchàna kixin chróchontara kjuachaxin chróchro̱nkara ti nkehe tjinkaon Díos. Kixin kanhñó tjetoan ti chrónixjaxinra íjnko ngiva ti noahñara tso̱chro̱nkaxínra nkehe tꞌaxrjexín, kixin chrókuihin kaín ti sin tinkáchónki Ìnchéni ndá a̱ntsí chrókꞌuánkí ti nkehe nohe sin kuènté Díos. 6Mé xi̱kaha kíchóni, ti chrókjuasántsjahára ndá chrónixjáxinra íjnko ngiva tienxínhña chojni la ó chónkó tíha. Ícha jína chrónixja ti ngiva nohara la chróxrja̱nkaxian ti nkehe kjuajon Díos la o̱ ti nkehe kuènté Díos na̱xa̱ noahñara, o̱ ijnko nkehe tjinkaon Díos chrókónohara.
7Mé xi̱kaha ti ijnko flauta o̱ ijnko arpa, la nkokón chróndáchro la, ¿nkexrín chrókjuatso̱ani nkexéhe ti tjendáchro? 8La xi̱kaha ti siín guerra ndá nduáhya chrókꞌuánoa sin ti trompeta, la ninkexró chrókóxakuenhña sáchrókjuikjajo̱n. 9Mé xi̱kaha kja̱xin ti jahara ti nixjara ijnko ngiva tienxínhña chojni, la éxi xri̱nto̱ ó nixjehéra kixin ninkexró tienxínhña. 10Chaxín ti chjasintajni la itsjé ngiva siín la kaín ti ngiva la siín chojni tienxín. 11A̱ndá ti nkojín nkexro tsonixjana ndá tsia̱nxinhña ti nkehe ndáchro sin, la ti nkexro a, la tsjenka̱yáxin kixin ókjé chjasin tsíkjixian janhan la ko kja̱xin janhan xi̱kaha tsjenka̱yáxian ti nkojín nkexro tsienxínhña ti nkehe níxja janhan. 12Méxra̱ ti tjinkáonra chrókꞌuayéhéra ijnko ixra̱ kuènté Ncha̱kuén Díos, la chrókóxakohanra tsꞌayéhéra ijnko ixra̱ chrókjuinki̱tsa ti sin kuènté ni̱nko kixin a̱ntsí chrókꞌuitja sin ti nkehe kuènté Díos.
13Méxra̱ ti nkexro nixja íjnko ngiva tienxínhña chojni la chrókjuanchehe sin Díos kixin chrókjuacha sin chróchronkaxín sin nkehe tꞌaxrjexín tíha. 14La xi̱kaha ti chrótja̱xian Díos kjuasáya íjnko ngiva tienxínhña chojni, la a̱sená ó níxja̱xia̱n Díos, kjánchó tíhi la chrókjuinki̱tsahya ti janhan kixin kja̱xin janhan tia̱nxi̱nhña ti nkehe tjéndáxrja̱n. 15Ndá, ¿nkehe chrókjui̱tꞌa? Ícha jína a̱sená chrónixja̱xia̱n Díos la kja̱xin chrókia̱nxia̱n, chrótsje himno, la kaín a̱sená chrótsje la ko kja̱xin chrókia̱nxia̱n. 16Kixin ti chjéxínra kjuasáya Díos ti a̱sánra ó ndá tjejótihin íso chojni tienxínhña, ¿la nkexrín kixin ti sin na̱xa̱ kienxínhña chróndáchro “Mé xi̱kaha tso̱hen”, ti kienxínhña sin ti nkehe nixjara? 17Kixin kjónté imá náxrjón chróchje̱héra Díos kjuasáya, a̱ndá ti tienxínhña ti sin tjejótihin, la tíha xrokjuahya tsjinki̱tsa ti jehe sin kixin tienxínhña sin. 18Janhan la tja̱ha̱ Díos kjuasáya kixin a̱ntsí chonta kjuachaxin níxja íjnko ngiva tienxínhña chojni ke kaínra. 19Kjánchó ti tónkotsé ti sin ni̱nko la a̱ntsí tjínka̱oan chrónixja kjónté inꞌó palabra chrókienxín sin la xi̱kaha chrókjuinki̱tsa ti jehe sin, ke chrónixja ite mil palabra chrónixja̱xian íjnko ngiva tienxínhña chojni.
20Kíchóni, chrókꞌuejora éxi chájan na̱xa̱ noehña nkehe ti ijie̱. Kjánchó chrókjuénka̱yáxinhñara éxi chájan, tjénka̱yáxinra éxi chojni nte̱to. 21#Is. 28:11, 12.*Ti xroon tsíkjin sin ósé mé ndáchro: “Tsonixja̱xia̱n ókjé ngiva la ko itén chojni ókjé kixin tsihin ti sin Israel la kjónté xi̱kaha la tsitekakonhña sin ti nkehe tsonixja, ichro Ìnchéni.” 22Mé xi̱kaha ti nixja̱xi̱n chojni íjnko ngiva tienxínhña chojni mé tíha la ijnko kjuaxroan ijié tꞌikon ti sin na̱xa̱ tinkáchónkihya Ìnchéni, kjánchó tsjinki̱tsahya ti sin titekaon. A̱ndá ti chronka chojni ijnko nkehe kjuajon Díos, mé tíha la tsjinki̱tsa ti sin tinkáchónki Ìnchéni. 23A̱ndá ti ó tónkotséra ni̱nko, ndá kaínra nixjara íjnko ngiva tienxínhña chojni, ndá ti chrókꞌuixehen ijnko chojni na̱xa̱ tienxínhña tíha o̱ ijnko chojni na̱xa̱ tinkáchónkihya Ìnchéni, la chróndáchro sin kixin locora. 24A̱ndá ti kaínra chróchro̱nkara ijnko nkehe kjuajon Díos ndá chrókꞌuixehen ni̱nko ijnko nkexro tinkáchónkihya Ìnchéni, o̱ na̱xa̱ tienhñé, ndá chrókuihin sin ti nkehe tjejonixjara la chróxraxinkaon sin ti ijie̱ chónta sin la ko chrókjuénka̱yáxin sin ti nkehe kuíhin sin. 25Ndá xi̱kaha tso̱noxín ti nkehe imó tjenka̱yáxin a̱sén sin, ndá tsꞌejótꞌo̱xin sin tsjikosáyehe sin Díos la tsondáchro sin kixin chaxín Díos tjejokoara.
Ti tónkotséni ni̱nko
26A̱ndá jahara kíchóni, ti tónkotséra ni̱nko la nkojinra la chrókuatsꞌínkara chrótsjera salmo, la ijnkora la chrókjuàkora, íjnkora la chróchro̱nkara ti nkehe kjuíntanohara Díos, íjnkora la chrónixjaxinra ijnko ngiva tienxínhña chojni, la íjnkora chróchro̱nkaxínra nkehe tꞌaxrjexín tíha. Kjánchó kaín tíhi chrókóhen kixin ti sin kuènté ni̱nko la chrókꞌuitja sin a̱ntsí kuènté Díos. 27A̱ndá ti nkojín nkexro chrónixja íjnko ngiva tienxínhña chojni la yaá o̱ iní sin ó chrónixja la nkojnko sin chrókꞌuatsínka sin, la ko ijnko nkexro chróchronkaxín ti nkehe níxja sin. 28A̱ndá ti kohya ninkexró chróchronkaxín ti ngiva a, la ícha jína chrónixjaxinhña sin tíhi nkaxehen ni̱nko. Ícha jína jehó sin chrónixje̱xi̱n sin Díos nkaya a̱sén sin ó. 29A̱ndá ti nkojín nkexro tsonixja nkehe kuènté Díos, la jehó chrónixja yaá o̱ yꞌá sin ó. Ndá ti sin tjejótihin mé chrókjuénka̱yáxin sin á ncho̱xon ti nkehe chrónka sin o̱ náhí. 30A̱ndá ti nkojín ti nkexro tjejótja̱xi̱n kꞌuáyéhe̱ ijnko nkehe kuènté Díos tsochronka la ti nkexro tjenixja la chrókjuajon sin kjuachaxin kixin chrónixja ti nkexro a. 31Ndá xi̱kaha la nkojnkora chróchro̱nkara ti nkehe kjuajon Díos la xi̱kaha kaínra chrókꞌuitjára la ko a̱ntsí chrókócháhara. 32Ti nkexro nixja nkehe kuènté Díos la jína tsjenka̱yáxin á isé chrónixja o̱ náhí, 33kixin Díos la tjinkaon ti kjuaxróxin, tjinkakonhña chꞌan kixin nduáhya chrókꞌuejóni.
Ndoá chrókꞌuejora éxi kuehen kaín sin ni̱nko xi̱kaha chrókjui̱chꞌera. 34A̱ndá ti chojnichjin la chrótání chrókꞌuejó, chrókjohya kícho sin ti tjejótihin sin itén Díos. Kixin kohya kjuachaxin tsonixja sin, ícha jína chrókjua̱ko̱xi̱n sin kixin tjikosáyehe sin ti xìi sin éxi ndáchro ti ley tsíkjin Moisés. 35A̱ndá ti tjinkaon sin chrókꞌuitja sin ichrén nkehe la chrókjuanchankíhi sin ti xìi sin ti ó tjiji sin ndo̱e sin, kixin náxrjónhña tꞌikoni nixja ti chojnichjin ti ó síxrako nkaxehen ni̱nko.
36Jehya jahara kjuaxrjeníxin ti itén Díos la ko jehya jahóra kꞌuayéhéra tíha. Náhí. 37Ti nkojín nkexro tjenka̱yáxin kixin jína nixja itén Díos o̱ tjenka̱yáxin kixin chaxín nchexiteyéhe ti Ncha̱kuén Díos la chrókónohe sin kixin ti nkehe tjékjian la ijnko nkehe chaxín kꞌue̱to̱an Díos. 38A̱ndá ti nkexro tjinkakonhña tsitekaon tíhi la chrókiénhñara ti nkehe ichro sin.
39Méxra̱ kíchóni, chrókóxakohanra kixin chrónixjara ti itan kuenté Díos la chróndáchrohyara kixin xrokjuahya tsonixja̱xi̱n sin ókjé ngiva 40kjánchó kaín tíha la ndoá la ko nkojína chrókóhen.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.