Zab 40
40
Shukrani kwa Kuponywa na Sala ya kutaka Msaada
Kwa mwimbishaji. Ya Daudi. Zaburi.
1Nalimngoja BWANA kwa saburi,
Akaniinamia akakisikia kilio changu.
2Akanipandisha toka shimo la uharibifu,
Toka udongo wa utelezi;
Akaisimamisha miguu yangu mwambani,
Akaziimarisha hatua zangu.
3Akatia wimbo mpya kinywani mwangu,
Ndio sifa zake Mungu wetu.
Wengi wataona na kuogopa,
Nao watamtumaini BWANA
4 #
Zab 2:12
Heri aliyemfanya BWANA kuwa tumaini lake,
Wala hakuwaelekea wenye kiburi,
Wala hao wanaogeukia uongo.
5 #
Isa 55:8
Ee BWANA, Mungu wangu, umefanya kwa wingi
Miujiza yako na mawazo yako kwetu;
Hakuna awezaye kufananishwa nawe;
Kama ningependa kuyatangaza na kuyahubiri,
Ni mengi sana hayahesabiki.
6 #
Ebr 10:5-7; Hos 6:6; Mt 9:13 Dhabihu na matoleo hukupendezwa nazo,
Masikio yangu umeyazibua,
Kafara na sadaka za dhambi hukuzitaka.
7 #
Lk 24:44; Yn 5:39; Mdo 10:43; Ebr 10:7 Ndipo niliposema, Tazama nimekuja,
(Katika gombo la chuo nimeandikiwa,)
8 #
Ayu 23:12; Yer 15:16; Yn 4:34; Rum 7:22 Kuyafanya mapenzi yako,
Ee Mungu wangu, ndiyo furaha yangu;
Naam, sheria yako imo moyoni mwangu.
9 #
Zab 139:2
Nimehubiri habari za haki katika kusanyiko kubwa.
Sikuizuia midomo yangu; Ee BWANA, unajua.
10 #
Mdo 20:20; Rum 1:16,17; Flp 3:9 Sikusitiri haki yako moyoni mwangu;
Nimetangaza uaminifu wako na wokovu wako.
Sikuficha fadhili zako wala kweli yako
Katika kusanyiko kubwa.
11 #
Zab 43:3
Nawe, BWANA, usinizuilie rehema zako,
Fadhili zako na kweli yako na zinihifadhi daima.
12 #
Zab 38:4
Kwa maana mabaya yasiyohesabika
Yamenizunguka mimi.
Maovu yangu yamenipata,
Wala siwezi kuona.
Yamezidi kuliko nywele za kichwa changu,
Na moyo wangu umeniacha.
13Ee BWANA, uwe radhi kuniokoa,
Ee BWANA, unisaidie hima.
14Waaibike, wafedheheke pamoja,
Wanaoitafuta nafsi yangu waiangamize.
Warudishwe nyuma, watahayarishwe,
Wapendezwao na shari yangu.
15Wakae hali ya ukiwa, na iwe aibu yao,
Wanaoniambia, Ewe! Ewe!
16Washangilie, wakufurahie,
Wote wakutafutao.
Waupendao wokovu wako
Waseme daima, Atukuzwe BWANA.
17 #
Neh 5:19; Yon 1:6 Nami ni maskini na mhitaji,
Bwana atanitunza.
Ndiwe msaada wangu na mwokozi wangu,
Ee Mungu wangu, usikawie.
Iliyochaguliwa sasa
Zab 40: SUV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Swahili Union Version (SUV): © Bible Society of Tanzania and Bible Society of Kenya, 1952, 1997. All rights reserved. lt/pgt ltpgtSwahili Union Version (SUV): Hakimiliki -1952, 1997: kwa: Chama cha Biblia cha Tanzania na Chama cha Biblia cha Kenya. Haki zote zimehifadhiwa.