Tomong Betom Yɛsu 11
11
Bitrus a misang fwom de a ga ra
1E jeng yane mo, betom Yɛsu tanga bwang bemat-raa e yɛnɛ̂ sevwêl Yudiya ba wok, bemat de ba sé BeYuda wɛt ba ga sey rehâ Dagwi. 2Bemat behak ba sé de ba ye, ka sede mwât yere dyuk a hwo raa Yɛsu, ko a sé gbing-gbing be wɔ́ a yɛ e cwɛl. Jeng de Bitrus a toyo e Yɛrusalɛm, bemat o yɛn a hwo ɛ na neha detidetu, 3ba yang ɛ, “Hwà wɔ̀ yel e ji lɔ̂ bemat beduk de ba ga wɔ́ a yɛn e cwɛl wɛt, ko hwà re pyɛ́ na yɛn!” 4Yaga ano, Bitrus a hwo misang a yɛn yɛɛlɛl pyɛ̂ mwa de ya té, a pɛrɛ yi e susu mo, a ye:
5“Ma sè e ji repomô Yafa e de râ won, ko bá dura a me pyɛ cak e ji negwi-ywey. Ma di pyɛ cak de yá sè sede gwogbɔng gwopyɛ banga. Bá sè gyira gwɛ yi e lagwi e bato-kwɔng gwɛ banaas, ko ya gyirik vey e dem de ma sè ɛ̀. 6Sede ma ye ganga e ji mo, ma di nezap ngyāma detidetu, mwa na ngyāma rê banama, na pyɛ̂ gabaga tanga benon hey. 7Ko ma wok fwɔ hwak de gwa yang me, ‘À Bitrus, sogo! Yɛt ngyāma mo na hwo re.’ 8Ko ma toyo a yɛ, ma ye, ‘Kée wey, à Darwey! Vit a pyɛ cak de ya sé kyiri e ji negwɔn mot kɛ de ya sé ligis de ya ga sang yel e nu hom.’ 9Fwɔ mo gwa to vey gbak yi e lagwi, gwa ye, ‘Pyɛ de Dagwi a ga tɛ̀ yɛ jɛrɛ, hwo jut yɛ, ya sé kyiri wɛt!’ 10Hemo ha té ano zang tat, ko e bama mo, ba to jut pyɛ́ mo mwa vɔk e lagwi. 11E ji jeng o, bemat betat de ba tomo hɛn vey na me yi e Kaisariya ba pom e lɔ de ma sè sangal ɛ̀. 12Gabik Dagwi ha ha a me, me tó yey nà raa hɛn wɛt. Ano kwong, begwa mot bemat-raa vemo betyiimin yi e Yafa ba dopɛ̀ e me vɔk e Kaisariya. Ko jeng de wot a wul hwomo, wot a yel e lɔ̂ mwat wane mo. 13A ha a wot gwong de a di tom-lagwi e tumal e ji lɔ mɛ, a yang ɛ, ‘Tomo bemat vɔk e Yafa na be wɔ̀ yila Simɔn de be to tang ɛ, à Bitrus. 14Há de a rɔda ha a hwo ha rɔda tɛ̀ be sey neken mō tanga ne belɔ mō mwa.’ 15E bama de ma hwo ha, Gabik Jɛrɛ ha hwo e ra bemat o, tyɛng sede remo de há kana hwo e ra wot e mɛsɛng o. 16Ko ma bare na pyɛ de Darwey Yɛsu á kana ha wɔgɔ, ‘Yohana á kana tɛ̀sɛ a bemat batisma na nshi, ko Darwey ê tɛ̀ a yin batisma na Gabik Jɛrɛ.’ 17Dagwi a nɔ̂ng bemat beduk vane mo nɔrɔ hining o de á kana nɔng ot e jeng de wot a sey tsak o na Darwey Yɛsu Kristi. Sede remo de a sé ano, me ma sé wǎ de mê bare, mê kyɛm na me ra retek na Dagwi arɛt?”
18Jeng de yɛn a wok há hemo, yɛn a sǎ yuu, ko yɛn a hwo somo Dagwi, ba ye, “Wot a di, Dagwi a ga nɔ̂ng bemât yére dyuk gwong na be doyo yi e banɛn mɛn, na be to sey neken ne mwin.”
Ekilisiya e repomô Antyokya
19E bama de ba mɔrɔ Istifanus, ba hwo tak a bwang bemat-raa reyɔm arɔng. Yaga ano, yɛn a shara hɛn e nekwɔn detidetu. Behak ba kyè wɔ e tyɛl Finikya, behak wɔ e rezîk Kipirus, ko behak wɔ e gbɔng repomô Antyokya. Yɛn a kyě ha a BeYuda zɔng rehâ Yɛsu. 20Bemat o behak de yɛn a sé yi e Kipirus tanga Kirene yɛn a kyè vɔk e Antyokya, ko yɛn a hwo shara a bemat de ba sé BeYuda wɛt Yɛgɛt Yat e ra Darwey Yɛsu arɔng.
21Darwey a sɛlɛ hɛn, a nɔng ɛn reto, ko bemat pyak de ba wok há mɛn yɛn a sey tsak o, ko yɛn a doyo na be raa Darwey Yɛsu.
22Bemât ekilisiya e Yɛrusalɛm yɛn a wok pyɛ́ de ya té e Antyokya, ko yɛn a tomo Barnabas wɔ e hwomo. 23Jeng de a wul, ko a di fwom de Dagwi a ra yi na nerat mɛ, a vɔk yey pyɛng. A ha a yɛn, yɛn a re nuyel na vɔ̂k yey ting, na yɛn a to raa Darwey na yey mɛn mwa. 24Yɛ Barnabas o á sè mwat rwat de Gabik Jɛrɛ há vɔk reto e ra yɛ, ko á sey tsak o na Dagwi sana tô yey. E jeng o, bemat pyak bá hwo raa Darwey Yɛsu.
25A vane ano, Barnabas a kyè vɔk e repomô Tarsus, na a wɔ̀ jāma Saulus. 26Jeng de a sɛ̀ ɛ, a vey na yɛ e Antyokya. Yɛn a sangal e hwomo na bemât ekilisiya mo shey hining burang, ko yɛn a basa a bemat pyak rehâ Dagwi. A sé e repomô Antyokya mo de ba tānga hwo yishi bemat-raa, à Bemat-Raà Kristi.
27E jeng yane, bezarap Dagwi behak ba sogo yi e Yɛrusalɛm vɔk e Antyokya. 28Hwak e ji mɛn de ba tang ɛ, à Agabus a sogo e tumal, ko yi na retô Gabik Dagwi a hwo há a bemat pyɛ de ya rɔda ba té wɔgɔ, vyong vyes sizɔng ya rɔda hwo e jêy mwa. (Ko di, vyong o yá hwo e jeng de Kalaudiyus á sè Da vwel BeRoma.) 29Ko bemat-raa mo yɛn a yong ɛ̀ na kawɛ e ji mɛn a nɔng pyɛ de ya sé tyɛng na gap mɛ, na be tomo sɛlɛ vɔk na begwa mɛn bemat-raa de ba sé e sevwêl Yudiya. 30Yɛn a ra ano mo, ko yɛn a tomo sɛlɛ mɛn o vɔk na bemakûk ekilisiya e vɔ Barnabas tanga Saulus.
Iliyochaguliwa sasa
Tomong Betom Yɛsu 11: bomBI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2009 Nigeria Bible Translation Trust and Wycliffe Bible Translators, Inc. in cooperation with Berom Language and Translation Board
New Testament originally published by © 1984 International Bible Society and Nigeria Bible Translation Trust
Tomong Betom Yɛsu 11
11
Bitrus a misang fwom de a ga ra
1E jeng yane mo, betom Yɛsu tanga bwang bemat-raa e yɛnɛ̂ sevwêl Yudiya ba wok, bemat de ba sé BeYuda wɛt ba ga sey rehâ Dagwi. 2Bemat behak ba sé de ba ye, ka sede mwât yere dyuk a hwo raa Yɛsu, ko a sé gbing-gbing be wɔ́ a yɛ e cwɛl. Jeng de Bitrus a toyo e Yɛrusalɛm, bemat o yɛn a hwo ɛ na neha detidetu, 3ba yang ɛ, “Hwà wɔ̀ yel e ji lɔ̂ bemat beduk de ba ga wɔ́ a yɛn e cwɛl wɛt, ko hwà re pyɛ́ na yɛn!” 4Yaga ano, Bitrus a hwo misang a yɛn yɛɛlɛl pyɛ̂ mwa de ya té, a pɛrɛ yi e susu mo, a ye:
5“Ma sè e ji repomô Yafa e de râ won, ko bá dura a me pyɛ cak e ji negwi-ywey. Ma di pyɛ cak de yá sè sede gwogbɔng gwopyɛ banga. Bá sè gyira gwɛ yi e lagwi e bato-kwɔng gwɛ banaas, ko ya gyirik vey e dem de ma sè ɛ̀. 6Sede ma ye ganga e ji mo, ma di nezap ngyāma detidetu, mwa na ngyāma rê banama, na pyɛ̂ gabaga tanga benon hey. 7Ko ma wok fwɔ hwak de gwa yang me, ‘À Bitrus, sogo! Yɛt ngyāma mo na hwo re.’ 8Ko ma toyo a yɛ, ma ye, ‘Kée wey, à Darwey! Vit a pyɛ cak de ya sé kyiri e ji negwɔn mot kɛ de ya sé ligis de ya ga sang yel e nu hom.’ 9Fwɔ mo gwa to vey gbak yi e lagwi, gwa ye, ‘Pyɛ de Dagwi a ga tɛ̀ yɛ jɛrɛ, hwo jut yɛ, ya sé kyiri wɛt!’ 10Hemo ha té ano zang tat, ko e bama mo, ba to jut pyɛ́ mo mwa vɔk e lagwi. 11E ji jeng o, bemat betat de ba tomo hɛn vey na me yi e Kaisariya ba pom e lɔ de ma sè sangal ɛ̀. 12Gabik Dagwi ha ha a me, me tó yey nà raa hɛn wɛt. Ano kwong, begwa mot bemat-raa vemo betyiimin yi e Yafa ba dopɛ̀ e me vɔk e Kaisariya. Ko jeng de wot a wul hwomo, wot a yel e lɔ̂ mwat wane mo. 13A ha a wot gwong de a di tom-lagwi e tumal e ji lɔ mɛ, a yang ɛ, ‘Tomo bemat vɔk e Yafa na be wɔ̀ yila Simɔn de be to tang ɛ, à Bitrus. 14Há de a rɔda ha a hwo ha rɔda tɛ̀ be sey neken mō tanga ne belɔ mō mwa.’ 15E bama de ma hwo ha, Gabik Jɛrɛ ha hwo e ra bemat o, tyɛng sede remo de há kana hwo e ra wot e mɛsɛng o. 16Ko ma bare na pyɛ de Darwey Yɛsu á kana ha wɔgɔ, ‘Yohana á kana tɛ̀sɛ a bemat batisma na nshi, ko Darwey ê tɛ̀ a yin batisma na Gabik Jɛrɛ.’ 17Dagwi a nɔ̂ng bemat beduk vane mo nɔrɔ hining o de á kana nɔng ot e jeng de wot a sey tsak o na Darwey Yɛsu Kristi. Sede remo de a sé ano, me ma sé wǎ de mê bare, mê kyɛm na me ra retek na Dagwi arɛt?”
18Jeng de yɛn a wok há hemo, yɛn a sǎ yuu, ko yɛn a hwo somo Dagwi, ba ye, “Wot a di, Dagwi a ga nɔ̂ng bemât yére dyuk gwong na be doyo yi e banɛn mɛn, na be to sey neken ne mwin.”
Ekilisiya e repomô Antyokya
19E bama de ba mɔrɔ Istifanus, ba hwo tak a bwang bemat-raa reyɔm arɔng. Yaga ano, yɛn a shara hɛn e nekwɔn detidetu. Behak ba kyè wɔ e tyɛl Finikya, behak wɔ e rezîk Kipirus, ko behak wɔ e gbɔng repomô Antyokya. Yɛn a kyě ha a BeYuda zɔng rehâ Yɛsu. 20Bemat o behak de yɛn a sé yi e Kipirus tanga Kirene yɛn a kyè vɔk e Antyokya, ko yɛn a hwo shara a bemat de ba sé BeYuda wɛt Yɛgɛt Yat e ra Darwey Yɛsu arɔng.
21Darwey a sɛlɛ hɛn, a nɔng ɛn reto, ko bemat pyak de ba wok há mɛn yɛn a sey tsak o, ko yɛn a doyo na be raa Darwey Yɛsu.
22Bemât ekilisiya e Yɛrusalɛm yɛn a wok pyɛ́ de ya té e Antyokya, ko yɛn a tomo Barnabas wɔ e hwomo. 23Jeng de a wul, ko a di fwom de Dagwi a ra yi na nerat mɛ, a vɔk yey pyɛng. A ha a yɛn, yɛn a re nuyel na vɔ̂k yey ting, na yɛn a to raa Darwey na yey mɛn mwa. 24Yɛ Barnabas o á sè mwat rwat de Gabik Jɛrɛ há vɔk reto e ra yɛ, ko á sey tsak o na Dagwi sana tô yey. E jeng o, bemat pyak bá hwo raa Darwey Yɛsu.
25A vane ano, Barnabas a kyè vɔk e repomô Tarsus, na a wɔ̀ jāma Saulus. 26Jeng de a sɛ̀ ɛ, a vey na yɛ e Antyokya. Yɛn a sangal e hwomo na bemât ekilisiya mo shey hining burang, ko yɛn a basa a bemat pyak rehâ Dagwi. A sé e repomô Antyokya mo de ba tānga hwo yishi bemat-raa, à Bemat-Raà Kristi.
27E jeng yane, bezarap Dagwi behak ba sogo yi e Yɛrusalɛm vɔk e Antyokya. 28Hwak e ji mɛn de ba tang ɛ, à Agabus a sogo e tumal, ko yi na retô Gabik Dagwi a hwo há a bemat pyɛ de ya rɔda ba té wɔgɔ, vyong vyes sizɔng ya rɔda hwo e jêy mwa. (Ko di, vyong o yá hwo e jeng de Kalaudiyus á sè Da vwel BeRoma.) 29Ko bemat-raa mo yɛn a yong ɛ̀ na kawɛ e ji mɛn a nɔng pyɛ de ya sé tyɛng na gap mɛ, na be tomo sɛlɛ vɔk na begwa mɛn bemat-raa de ba sé e sevwêl Yudiya. 30Yɛn a ra ano mo, ko yɛn a tomo sɛlɛ mɛn o vɔk na bemakûk ekilisiya e vɔ Barnabas tanga Saulus.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2009 Nigeria Bible Translation Trust and Wycliffe Bible Translators, Inc. in cooperation with Berom Language and Translation Board
New Testament originally published by © 1984 International Bible Society and Nigeria Bible Translation Trust