Roma 8
8
Asu Wanoŋine Gege Makone
1Kristo Yesurop weku qeturage gemami, borikinane turuŋine, ŋei yewa eŋano iwa mi wakoniyake. 2Eya wane asu wane ra rokop don, eyaŋo yemo Kristo Yesurop qeturage weku gege, eya waraŋkaki sari ŋebonge, yewaŋo na borikine so seuseu wane ra rokop dongo ŋine siwotnange. 3Ra rokop donŋo eya maine mi okangi rap, yemo onoka wane ŋei ŋenze kepe wane tanik manikze sogine, eyaŋo ra rokop don qeki ketke, Kaisaleŋo okange, eŋe borikinane turuŋine ŋei ŋenane raki paki, eŋine Gipole wemedep weku birakaki ketke, oŋo sari borikine mama ŋenane sola tanik mage more borikinane turuŋine seukke. 4Kaisale eŋe iwa okange, yemo ra rokop don koboboine eyaŋo ŋenane kotozo watkeki, ŋene Asu wane tanik manik wane rokopko gekenane yale okanŋonge, ŋei ŋenze kepo masi tanik manik qotkoine yewarop gekenane mida. 5Ŋei diwa eŋe gege sogine eya waneka motpi wet dereret so mali malipene pamaike, ŋo ŋei diyawa edo Asuŋo edangi eya wane rokopko gege gemami, eŋane wet dereretene yemo Asuŋo okangei wane ramaike, eya waneka motpi pamaike. 6Ŋine wet dereretŋine sogi gege eya wane more gekei, eya wane weleine yemo seuseu marat-kaikei, ŋo wet derereret ŋine Asu waneka more gekei, yemo ŋine eya wane weleine eya mo gege togon so wet pesek maratkakei. 7Eso yalinane ŋei mane eŋe wet deŋeretine sogi gege eya waneka wetke geyake, eŋe Kaisale ŋabakayake, onoka wane eŋe Kaisale wane ra rokop don eya dere mi tewekmaike, eya wane so eŋe maine mi dere qelaŋane more ŋaŋaemaike. 8Ŋei gegeene sogi gege eya teweke magemami, eŋane Kaisaleŋo detki mi menageyake so mi menaŋ okanmaike.
9Ŋo ŋine siluŋ gege mageŋine sogine eyaŋo raki eya wane rokop mi gemami, Kaisale wane Asuŋo ŋinane kotoŋino gemaikeo, yemo ŋine Asuŋo ramaike, eya wane rokop gemami. Ŋei mane Kristo wane Asu mi ma gemaike, eŋe eŋane ŋei biŋek mi geyake. 10Ŋo Kristoŋo ŋinane kotoŋino gemaikeo, yemo ŋinane solaŋine eya baŋ seukeyake yemo onoka wane borikinane turuŋine, ŋo siluŋ Asu eyaŋo yemo ŋinane gege ŋine ŋibonmaike, onoka wane ŋine Kaisale wano koboboine bira ŋunge, eya wane. 11Kaisale wane Asu oŋo Yesu seuseuwoŋine ma wirikkaki wisikae wiyeke, oŋo ŋinane kotoŋino mere kito okanmaikeo, yemo eŋe Kristo seuseuwoŋine ma wirikkaki wisikae wiyekeŋo baŋ kotoŋino Asuine gemaike, eŋane raki paki sola ŋine seuseune eya yaleka gege ma wakone ŋibongi wisikae wiye more gege togon geyake.
Asurop Okane More Kaisale Wane Ŋerep Medep Lele Gekene
12Eya wane, kimakopne, ŋene sotaze weneŋ pamaike, eyamo ŋei gege mageze sogine eyaŋo raki, eya wane rokop gekenane mida. 13Ŋo ŋine gege mageŋine sogine eyaŋo raki eya wane rokop gekei, yemo ŋine baŋ seukkei. Ŋo ŋine Asu wane zonomgo tanik manik ŋine borikine eya qeu seuk wareyake, yemo ŋine baŋ wisika ka ge arikei. 14Kaisale wane Asuŋo kito qesiŋ okanongi gemami, ŋei yewa eŋe Kaisale wane gipolekoune. 15Asu Kaisaleŋo ŋibonge, eyaŋo qelit qeqe mi ŋibu okanmaike, so eyaŋo kaet mi ma wakone ŋibon okanmaike. Yale okan-ŋuniyakane tungo yemo Asuŋo ŋibuki, Kaisale wane dokoine okanmami, so Asu wane zonomgoka ŋene Kaisale arokka ramaine, “Magaze, magaze!” 16Kaisale wane Asu Koboboineŋo ŋenane asu eya mo qesiŋka more wet dereretine malotke mangi, ŋene mo Kaisale wane magu me dokoine eya mo dere qelaŋane gemaine. 17Pakimo, ŋene mo Kaisale wane dokoine gemainane, eŋe ŋenane mosop biŋekze warekaki pamaike, eya baŋ ŋene eŋine ŋei ŋerep magukoune ŋo welaine okangene. Eya mo ŋene mo Kristorop weneŋ welaine okangene, so ŋene Kristorop weneŋ eŋano takotke eŋane wikilerop gemainane, baŋ eŋane qeli ewe zonomine kotino eŋinerop qelaŋan kotino gekene.
Baŋ Ŋado Ŋene Qeli Ewe Zonom Suwaine Maratkakene
18Na detmaile, ŋene naso iwa gemaine yewao wikile detmaine, eya korop qeli ewe zonomine qelaŋan ŋado tingo ma wakone ŋeboniyake, eyarop maine mi rokop osikene. 19Yeye kine kine kepe so qeli koto ma wakon onge, eŋe korop qomene tiŋ taŋaŋaŋ qeki, Kaisaleŋo dokokoune tingo ma wakon oniyakane tomaka pamami. 20Yeye kine kine qeliwo so kepeo ma wakon onge, eŋe korop seuke mida sololok okangei wane rake, enŋene simileenane mida, onoka wane ŋo yemo Kaisaleŋo yale okangei wane detke, kop yewa wakon onge ŋo siluŋ iwa weneŋ detke. 21Yeye kine kine qeliwo so kepeo ma wakon onge, eŋe edomka naso maneo maine seuke gotot wane qelit qeqe eya wane mulapko ŋine siwot naguwi rap, paki Kaisale wane dokoine eŋerop qeturage qeli ewe zonom qelaŋan mulap midaine yewao takotkekei. 22Ŋene detmaine, Kaisaleŋo yeye kine kine ma wakon wareke, eŋe mo qei ŋineka wikile dere sari mageu, ukude naso iwa gemaine yewao qemaike, wikile yemo ŋerep maneŋo medep mayakane wikile detmaike, eya wane rokop. 23Siluŋ yeye kine kine ma wakon onge, eya edoka yale mi okanmami, ŋene Kaisale wane Asuine lewine bakom yale makone, ŋene yaleka dokoine gemaine, eya wane kine Kaisaleŋo solaze ma siwotŋongi paki ma wesakeyakane toma ge more, wetzeŋo wikile detmaine. 24Ŋene eya tomaka gekone, eya wane eŋe koso ŋebuke, ŋo ŋene yeye mane wane tomaka ge more wele kakeneo, yemo koso ŋado wele kaikenane mi tomakakene. Ŋei maŋo yeye wele deineŋo kaki pakimo, koso kayakane tomaka geyake? 25Ŋo ŋene siluŋ yeye mane wele mi kakeneo, yemo ŋene bororom eya wane toma kaikene.
26Numa weku yewaka, Asuŋo ŋei set pelek zane yaleka sari qesiŋŋon okanmaike. Ŋene mi detmaine, onoka wane meŋenkaikene, eya wane Asu oŋomka ŋenane Kaisale meŋenka more, don saŋep ŋeiŋo mi qeqine, eya qe okanmaike. 27Pakimo Kaisale eŋe ŋei koto baŋem potki ketki ka okanmaike, oŋo Asu wane wet wane kine eya detmaike, onoka wane Asuŋo Kaisale eŋine ŋeikoune eŋane Kaisale meŋen kamaike, so Kaisale eŋine simile eya mogare okanmaike.
28Ŋene detmaine, Kaisaleŋo yeye kine kine korop ma okanmaike, yemo mainane, ŋei wet maep okanka okanmami, eŋe ma menaŋ oniyakane. Ŋei yewa edora newan oniyakane detki pakane edora newan onge. 29Kaisaleŋo ŋeiwa mo alakan ma wesakonge, yewa eŋe yaleka eŋine Gipolane rokop okangei wane matokonge, wane Gipoleŋo ŋolekoune loutne eŋane keuweno lewine kisageyake. 30Eso Kaisale eŋe ŋei alakan ma wesakonge, eŋe edora newanonge, so ŋeiwa edora newanonge, eŋe yaleka eŋinerop koboboine gekeiwane biraonge. Eŋinerop koboboine gekei wane biraonge, ŋei yewa eŋe yaleka eŋine qeli ewe zonominane qelaŋane, eya ebonge.
Kaisale Wane Qom Borikŋo Kristo Yesu Wano Zok Pake, Eya Wane Kine Kine Maneŋo Eŋane Metoŋine Mi Makokŋoniyake
31Kaisaleŋo masi korop iwa make, eya ka more ŋene daleo maine raikene? Kaisaleŋo kima okanŋon maikeo, yemo maŋo ŋaba ŋoniyake? 32Eŋe yaleka eŋine Gipole mi mawalukkake, siluŋ ŋeneka korop sunka ŋebonge! Eŋe eŋine Gipole sunka ŋebonge, wane eŋe yeye kine kine natne korop lewine midaine baŋ mi ŋeboniyake me? 33Kaisaleŋo ŋei ŋerewekoune ma wesak ŋonge, eŋe maŋo dongo bira ŋoniyake? Kaisale oŋomka ‘sotze midaine,’ ŋedoramaike! 34Wane ŋei maneŋo maine turuŋine ŋeboniyakane done ŋedaniyake? Midakaka! Kristo Yesu eŋe wekuŋo seukke, me koso ma wirikkaki wisikae wiyeke, paki Kaisale wane wonino metmaike, eŋe Kaisaleŋo qesiŋ-ŋoniyakane olat okanmaike! 35Pakimo maŋo me onokakaŋo Kristo wane wet maepkoŋine maine mapok ŋoniyake? Umatŋo maine eya okaniyake, me wikile wakileŋo, me ŋengu kitoŋo, bodiŋo, me aboŋ midaine gegeŋo, me ŋetne ŋetneŋo, me seuseuŋo? Eya Midakaka! 36Eya wane Kaisale wane ekapŋo iwa yale ramaike,
“Geŋane ra more ŋene kaiwe kiroine seuseu wane ŋetno bira-ŋonmami, ŋene lama ebu ari more engumami, yale okan ŋonmami.”
37Midaka, yeye kine kine umatne iwa eya wane kotino Kristo eŋe wet maep okan ŋongane, ŋene umat korop qe more yuwanka okanmaine! 38Na detlukmaile, kine kine maneŋo Kristo eŋane wet maepko ŋine maine mi mapok ŋoniyake. Seu seuŋo, me kepo gegeŋo, me aŋeloŋo, me qeli ŋei waom natne edo, me zonomŋo, iwa gemaineŋo, me ŋado gekene eyaŋo, 39me kine kine weti qeliwo ŋine, me qela Ŋei Borikinane kepe bano ŋine, yeye kine kine korop ma wakon onwareke, eya ŋine maneŋo baŋ mane mi eweke more, Kaisale wane wet maep yewa ŋenane biŋek, Kristo Yesu ŋenane Waomze eŋane ra more okan ŋonge, eya ŋine mapokŋon lukeyake.
Iliyochaguliwa sasa
Roma 8: onsNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.
Roma 8
8
Asu Wanoŋine Gege Makone
1Kristo Yesurop weku qeturage gemami, borikinane turuŋine, ŋei yewa eŋano iwa mi wakoniyake. 2Eya wane asu wane ra rokop don, eyaŋo yemo Kristo Yesurop qeturage weku gege, eya waraŋkaki sari ŋebonge, yewaŋo na borikine so seuseu wane ra rokop dongo ŋine siwotnange. 3Ra rokop donŋo eya maine mi okangi rap, yemo onoka wane ŋei ŋenze kepe wane tanik manikze sogine, eyaŋo ra rokop don qeki ketke, Kaisaleŋo okange, eŋe borikinane turuŋine ŋei ŋenane raki paki, eŋine Gipole wemedep weku birakaki ketke, oŋo sari borikine mama ŋenane sola tanik mage more borikinane turuŋine seukke. 4Kaisale eŋe iwa okange, yemo ra rokop don koboboine eyaŋo ŋenane kotozo watkeki, ŋene Asu wane tanik manik wane rokopko gekenane yale okanŋonge, ŋei ŋenze kepo masi tanik manik qotkoine yewarop gekenane mida. 5Ŋei diwa eŋe gege sogine eya waneka motpi wet dereret so mali malipene pamaike, ŋo ŋei diyawa edo Asuŋo edangi eya wane rokopko gege gemami, eŋane wet dereretene yemo Asuŋo okangei wane ramaike, eya waneka motpi pamaike. 6Ŋine wet dereretŋine sogi gege eya wane more gekei, eya wane weleine yemo seuseu marat-kaikei, ŋo wet derereret ŋine Asu waneka more gekei, yemo ŋine eya wane weleine eya mo gege togon so wet pesek maratkakei. 7Eso yalinane ŋei mane eŋe wet deŋeretine sogi gege eya waneka wetke geyake, eŋe Kaisale ŋabakayake, onoka wane eŋe Kaisale wane ra rokop don eya dere mi tewekmaike, eya wane so eŋe maine mi dere qelaŋane more ŋaŋaemaike. 8Ŋei gegeene sogi gege eya teweke magemami, eŋane Kaisaleŋo detki mi menageyake so mi menaŋ okanmaike.
9Ŋo ŋine siluŋ gege mageŋine sogine eyaŋo raki eya wane rokop mi gemami, Kaisale wane Asuŋo ŋinane kotoŋino gemaikeo, yemo ŋine Asuŋo ramaike, eya wane rokop gemami. Ŋei mane Kristo wane Asu mi ma gemaike, eŋe eŋane ŋei biŋek mi geyake. 10Ŋo Kristoŋo ŋinane kotoŋino gemaikeo, yemo ŋinane solaŋine eya baŋ seukeyake yemo onoka wane borikinane turuŋine, ŋo siluŋ Asu eyaŋo yemo ŋinane gege ŋine ŋibonmaike, onoka wane ŋine Kaisale wano koboboine bira ŋunge, eya wane. 11Kaisale wane Asu oŋo Yesu seuseuwoŋine ma wirikkaki wisikae wiyeke, oŋo ŋinane kotoŋino mere kito okanmaikeo, yemo eŋe Kristo seuseuwoŋine ma wirikkaki wisikae wiyekeŋo baŋ kotoŋino Asuine gemaike, eŋane raki paki sola ŋine seuseune eya yaleka gege ma wakone ŋibongi wisikae wiye more gege togon geyake.
Asurop Okane More Kaisale Wane Ŋerep Medep Lele Gekene
12Eya wane, kimakopne, ŋene sotaze weneŋ pamaike, eyamo ŋei gege mageze sogine eyaŋo raki, eya wane rokop gekenane mida. 13Ŋo ŋine gege mageŋine sogine eyaŋo raki eya wane rokop gekei, yemo ŋine baŋ seukkei. Ŋo ŋine Asu wane zonomgo tanik manik ŋine borikine eya qeu seuk wareyake, yemo ŋine baŋ wisika ka ge arikei. 14Kaisale wane Asuŋo kito qesiŋ okanongi gemami, ŋei yewa eŋe Kaisale wane gipolekoune. 15Asu Kaisaleŋo ŋibonge, eyaŋo qelit qeqe mi ŋibu okanmaike, so eyaŋo kaet mi ma wakone ŋibon okanmaike. Yale okan-ŋuniyakane tungo yemo Asuŋo ŋibuki, Kaisale wane dokoine okanmami, so Asu wane zonomgoka ŋene Kaisale arokka ramaine, “Magaze, magaze!” 16Kaisale wane Asu Koboboineŋo ŋenane asu eya mo qesiŋka more wet dereretine malotke mangi, ŋene mo Kaisale wane magu me dokoine eya mo dere qelaŋane gemaine. 17Pakimo, ŋene mo Kaisale wane dokoine gemainane, eŋe ŋenane mosop biŋekze warekaki pamaike, eya baŋ ŋene eŋine ŋei ŋerep magukoune ŋo welaine okangene. Eya mo ŋene mo Kristorop weneŋ welaine okangene, so ŋene Kristorop weneŋ eŋano takotke eŋane wikilerop gemainane, baŋ eŋane qeli ewe zonomine kotino eŋinerop qelaŋan kotino gekene.
Baŋ Ŋado Ŋene Qeli Ewe Zonom Suwaine Maratkakene
18Na detmaile, ŋene naso iwa gemaine yewao wikile detmaine, eya korop qeli ewe zonomine qelaŋan ŋado tingo ma wakone ŋeboniyake, eyarop maine mi rokop osikene. 19Yeye kine kine kepe so qeli koto ma wakon onge, eŋe korop qomene tiŋ taŋaŋaŋ qeki, Kaisaleŋo dokokoune tingo ma wakon oniyakane tomaka pamami. 20Yeye kine kine qeliwo so kepeo ma wakon onge, eŋe korop seuke mida sololok okangei wane rake, enŋene simileenane mida, onoka wane ŋo yemo Kaisaleŋo yale okangei wane detke, kop yewa wakon onge ŋo siluŋ iwa weneŋ detke. 21Yeye kine kine qeliwo so kepeo ma wakon onge, eŋe edomka naso maneo maine seuke gotot wane qelit qeqe eya wane mulapko ŋine siwot naguwi rap, paki Kaisale wane dokoine eŋerop qeturage qeli ewe zonom qelaŋan mulap midaine yewao takotkekei. 22Ŋene detmaine, Kaisaleŋo yeye kine kine ma wakon wareke, eŋe mo qei ŋineka wikile dere sari mageu, ukude naso iwa gemaine yewao qemaike, wikile yemo ŋerep maneŋo medep mayakane wikile detmaike, eya wane rokop. 23Siluŋ yeye kine kine ma wakon onge, eya edoka yale mi okanmami, ŋene Kaisale wane Asuine lewine bakom yale makone, ŋene yaleka dokoine gemaine, eya wane kine Kaisaleŋo solaze ma siwotŋongi paki ma wesakeyakane toma ge more, wetzeŋo wikile detmaine. 24Ŋene eya tomaka gekone, eya wane eŋe koso ŋebuke, ŋo ŋene yeye mane wane tomaka ge more wele kakeneo, yemo koso ŋado wele kaikenane mi tomakakene. Ŋei maŋo yeye wele deineŋo kaki pakimo, koso kayakane tomaka geyake? 25Ŋo ŋene siluŋ yeye mane wele mi kakeneo, yemo ŋene bororom eya wane toma kaikene.
26Numa weku yewaka, Asuŋo ŋei set pelek zane yaleka sari qesiŋŋon okanmaike. Ŋene mi detmaine, onoka wane meŋenkaikene, eya wane Asu oŋomka ŋenane Kaisale meŋenka more, don saŋep ŋeiŋo mi qeqine, eya qe okanmaike. 27Pakimo Kaisale eŋe ŋei koto baŋem potki ketki ka okanmaike, oŋo Asu wane wet wane kine eya detmaike, onoka wane Asuŋo Kaisale eŋine ŋeikoune eŋane Kaisale meŋen kamaike, so Kaisale eŋine simile eya mogare okanmaike.
28Ŋene detmaine, Kaisaleŋo yeye kine kine korop ma okanmaike, yemo mainane, ŋei wet maep okanka okanmami, eŋe ma menaŋ oniyakane. Ŋei yewa edora newan oniyakane detki pakane edora newan onge. 29Kaisaleŋo ŋeiwa mo alakan ma wesakonge, yewa eŋe yaleka eŋine Gipolane rokop okangei wane matokonge, wane Gipoleŋo ŋolekoune loutne eŋane keuweno lewine kisageyake. 30Eso Kaisale eŋe ŋei alakan ma wesakonge, eŋe edora newanonge, so ŋeiwa edora newanonge, eŋe yaleka eŋinerop koboboine gekeiwane biraonge. Eŋinerop koboboine gekei wane biraonge, ŋei yewa eŋe yaleka eŋine qeli ewe zonominane qelaŋane, eya ebonge.
Kaisale Wane Qom Borikŋo Kristo Yesu Wano Zok Pake, Eya Wane Kine Kine Maneŋo Eŋane Metoŋine Mi Makokŋoniyake
31Kaisaleŋo masi korop iwa make, eya ka more ŋene daleo maine raikene? Kaisaleŋo kima okanŋon maikeo, yemo maŋo ŋaba ŋoniyake? 32Eŋe yaleka eŋine Gipole mi mawalukkake, siluŋ ŋeneka korop sunka ŋebonge! Eŋe eŋine Gipole sunka ŋebonge, wane eŋe yeye kine kine natne korop lewine midaine baŋ mi ŋeboniyake me? 33Kaisaleŋo ŋei ŋerewekoune ma wesak ŋonge, eŋe maŋo dongo bira ŋoniyake? Kaisale oŋomka ‘sotze midaine,’ ŋedoramaike! 34Wane ŋei maneŋo maine turuŋine ŋeboniyakane done ŋedaniyake? Midakaka! Kristo Yesu eŋe wekuŋo seukke, me koso ma wirikkaki wisikae wiyeke, paki Kaisale wane wonino metmaike, eŋe Kaisaleŋo qesiŋ-ŋoniyakane olat okanmaike! 35Pakimo maŋo me onokakaŋo Kristo wane wet maepkoŋine maine mapok ŋoniyake? Umatŋo maine eya okaniyake, me wikile wakileŋo, me ŋengu kitoŋo, bodiŋo, me aboŋ midaine gegeŋo, me ŋetne ŋetneŋo, me seuseuŋo? Eya Midakaka! 36Eya wane Kaisale wane ekapŋo iwa yale ramaike,
“Geŋane ra more ŋene kaiwe kiroine seuseu wane ŋetno bira-ŋonmami, ŋene lama ebu ari more engumami, yale okan ŋonmami.”
37Midaka, yeye kine kine umatne iwa eya wane kotino Kristo eŋe wet maep okan ŋongane, ŋene umat korop qe more yuwanka okanmaine! 38Na detlukmaile, kine kine maneŋo Kristo eŋane wet maepko ŋine maine mi mapok ŋoniyake. Seu seuŋo, me kepo gegeŋo, me aŋeloŋo, me qeli ŋei waom natne edo, me zonomŋo, iwa gemaineŋo, me ŋado gekene eyaŋo, 39me kine kine weti qeliwo ŋine, me qela Ŋei Borikinane kepe bano ŋine, yeye kine kine korop ma wakon onwareke, eya ŋine maneŋo baŋ mane mi eweke more, Kaisale wane wet maep yewa ŋenane biŋek, Kristo Yesu ŋenane Waomze eŋane ra more okan ŋonge, eya ŋine mapokŋon lukeyake.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.