Aposolo 24
24
Yuda Ŋetne Eŋe Sisariya Matko Paulo Dongo Birakakoi
1Kaiwe mama mete mane ari qoeki, ŋado mosop ŋei Pris Wawaine, Ananiyas eŋe so Yuda ŋei sele natne so numa mot mot ŋei mane, eŋetine Tertulus, eŋe weneŋ Sisariya arikoi, paki eŋe ware ware Peliks wane kaitko wakone more, Paulo dongo birakakoi. 2Roma gavaman wane kepe ware ware, Yuda kepe wane ŋetne suwaine, Peliks eŋe Paulo oraki sariki, Tertulus eŋe kiyeke more, don urata Paulo solaino qe more, qesat don olale rake,
“Ŋei suwaine ware ware Peliks, goŋo mo mapik ŋonom, ŋene met met weku mane maratka peyam maine gemaine, kawali kine kine midakaka, ge dereretŋone weku mane, ge ŋenane tego eya qesiŋone more, kine kine korop makoboe warekone, sogino mat korop eya bori worine pake, 3eya wane ŋene qom menaŋ suwaine zok marat kamaine, paki mo ŋene bakomŋone kitomaine. 4Ŋo na naso kiroine zok mi mawaluk ganikale, na ge qeson ganmaile, ge ŋene wet maep okanŋone more, donze bomitne iwa det nannom. 5Ŋene ŋei iwa kaŋem, eŋe umat loutne zok ma wakonmaike, eŋe Yuda keuweno ŋaba ŋaba okane more, kawali ma wakongi, Yuda mat korop so kepe korop, ŋei iwa eŋe ŋetne ma kisaŋgi, ŋenane magu yewa ma mapok onbi, tego mane okane gemami, magu yewa eŋe eŋetene Nasaret edoramami, eŋane ŋetne. 6Eŋe yaleka Bakom Urum maki di kitoyakane okangi, so ŋene malip kakone, pakiso ŋene ŋenze ra rokop don numa yewao okora more dongo bira kaikenane rakone. 7Ŋo kawali ware ware ŋetne suwaine Lisiyas oŋo sari more, ŋene togogole qe mage more, metezo ŋine oma ŋonge. 8Pakiso Lisiyas eŋe don solaino qe rakoi, eŋe geŋano maine sari wakonikei wane qebinonge, eya wane ge ŋei iwa qesonkaikeneo, ge goŋom baŋ kine kine korop ŋene don solaino qe okanka warine, eya maine detkaikene.” Tertulusŋo yale rake. 9Yuda eŋe takotke more, Paulo don solaino qekoi, paki mapitka ra qelaŋane rakoi, “Don iwa korop, eya welekakatne.”
Paulo Eŋe Peliks Wano Kineine Ra Qelaŋange
10Pakiso, kepe ware ware ŋetne suwaineŋo Paulo wano metineŋo qe sikane more qebinkaki, Paulo eŋe don iwa yale maingeke,
“Na det ganmaile, ge koma loutne ŋei ŋerep magu iwa eŋane dere wano wanok ŋei gekone, eya wane na detpe qomne menaŋgi, don iwa geŋano wekumane main gekale. 11Ŋo ge qeson nanikene, yemo ge goŋom don iwa yale maine desikene, kaiwe mama 12, eya wane bano na Yerusalem bakom kitokalane kisi maep wane arikole, 12pakiso, Yuda eŋe na nanbi, ŋei manerop dongo kawali Bakom Urum kotino mi yakukote, me eŋe nanbi ŋei ŋerep qomene qepokkole, Yuda ŋei ŋerep eŋane lewa lewaŋ urum kotino me yewao me yewao mat suwaine kotino, yemo midakaka. 13Me eŋe dongo bira nanmami, iwa eya wane kine maine ra wakone ginbi, ge detnom, don eyaŋo wele, eyamo midakaka. 14Ŋo na don wele wekuku yemo ge ra qelaŋan ganbe, na numa yewa mogatmaile, yemo, ‘numa mane wane tego,’ na numa yewa mogatmaile so na aso ŋabokopze eŋane Kaisale meŋenka okanmaile, ŋo na yaleka yeye kine kine korop Mose wane ra rokop don numa kotino qeqine so propet eŋaneekap yewao pamaike, eya detluk waremaile. 15Na eya malipka more, Kaisaleŋo ŋei seuseune ma wirik oniyakane toma gemaile, wane eŋe baŋ ŋei maine koboine kisi maep mali malip korop so ŋei borikine kisi maep mali malip midaine koropka weneŋ ma wirirk-oniyake wane eŋe yalewaka malipka more, Kaisale toma kamami, eŋe baŋ yalewa okanoniyake. 16Eso eya wane na naso baŋem togogole more, wetne koboboine Kaisale wane deo payakane, so ŋei eŋanoken paki, borikine mane Kaisale wane me ŋei eŋano mi wakoniyakane, wetke ge okanmaile.
17“Na mo koma natne yewao Yerusalem qelige ari mat natne yewao gekole, na wesi natne ma sari kimakopze ŋei ŋerep magukopne ket qeqine, wesi aboŋ midaine qesiŋ ongalane arimaŋkole, so Bakom Urum bakom weneŋ ma sarimaŋkole. 18Na yale okane more Bakom Urum kotino wa mawe kine kine wakone Kaisale wane kaitko qelaŋangi, eŋe marat nangoi, yemo na koboboine, eyamo ŋei ŋerep loutneŋo narop mi metkoi midaka, me ŋei natne eŋe ukat yau yaup mane mi mamaŋkoi. 19Ŋo Yuda natne Isaiya ŋine, eŋe weneŋ yewa metkoi, edo na neu luknangoi, eŋe naŋane detpi borimaikeo, yemo eŋe edom geŋane kaitko sari more iwa dongo maine birananikei. 20Me midakao, ŋei iwa eŋe mo Kaunsol eŋano metkoi, yewa edo detpi, na don rakole, eya detonnom, edo golasikei eŋe naŋano onoka umat mane marat kakoi, naso na Kaunsol eŋane kaitko okorakole, yewao 21so yewao na don weku sogino eŋane kaitko okora more, iwa yale boka rakole, don yewa mo eŋe mi siminonge, ‘Kaisale eŋe ŋei seuseune eya baŋ ma wirik oniyake, na eya detluk kamaile, pakimo eŋe kine yemda waneka na iwa ŋinane kaitko dongo bira nanmami.’ ” Paulo eŋe yale rake.
22Peliks eŋe doku tau tau loutne eŋane mali malip so masiyene eya eŋe suwaine mogare gemami, eya eŋe mo derelukke, eya wane Paulo eŋe don ra warekimo, Yuda eŋe toma mesikei wane, Peliks eŋe edane rake, “Baŋ kawali ware ware ŋetne suwaine Lisiyas ketkiso, na ŋinane don yewa makoboekale.” 23Paki eŋe ware ware ŋetne suwaine olatke, eŋe Paulo mulapko birakayake, ŋo eŋe mulap urumgo togole zok mi birakayake. So Paulo eŋe kimakoune edo kine kine qesiŋkakei, eya wane mi rawet onge.
Peliks Eŋe Paulo Koma Etke Yale Mulap Urumgo Birakaki Metke
24Kaiwe mama natne ari qoeki, Peliks eŋe ŋanomine Drusila weneŋ ketkoik, ŋerep yewa Drusila eŋe Yuda maguwo ŋine, pakimo Peliks eŋe donine natne desiyakane Paulo ora newankake, Pauloŋo olale rake, “Doku tau tau magu eŋe Kristo Yesu malipka lukmami, eya wane ge yale waka malip kaikene.” 25Paulo eŋe olatke nasoo baŋ Waom eŋe ŋene korop don uratao bira ŋoniyake, eya wane masi tanik makoboekei wane eŋe rake, so ŋei ŋene iwa yaleoka okan okan mamaze eya makoboekene. Yale rakimo, Peliks eŋe kaetkake, pakimo olale rake, “Ge iwa yaleoka arinom, baŋ naso natneo koso naso paniniyakeo, gora newan ganikale.” 26So Peliks eŋe kine kine mane wane weneŋ tomake, eŋe wetke rake, Paulo eŋe wesi natne baŋ niniyake, eya wane eŋe naso baŋem ora newankaki sari naso baŋem eŋerop weneŋ metmaŋkoik.
27Yale gemage, koma etke qoe ariki, mo ŋado Porsius Pestusŋo Peliks wane urata eya make, so Peliks eŋe okangi Yuda wet pese desikei wane, eŋe Paulo eya koso mulap urumgo togole metke.
Iliyochaguliwa sasa
Aposolo 24: onsNT
Kuonyesha
Shirikisha
Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.
Aposolo 24
24
Yuda Ŋetne Eŋe Sisariya Matko Paulo Dongo Birakakoi
1Kaiwe mama mete mane ari qoeki, ŋado mosop ŋei Pris Wawaine, Ananiyas eŋe so Yuda ŋei sele natne so numa mot mot ŋei mane, eŋetine Tertulus, eŋe weneŋ Sisariya arikoi, paki eŋe ware ware Peliks wane kaitko wakone more, Paulo dongo birakakoi. 2Roma gavaman wane kepe ware ware, Yuda kepe wane ŋetne suwaine, Peliks eŋe Paulo oraki sariki, Tertulus eŋe kiyeke more, don urata Paulo solaino qe more, qesat don olale rake,
“Ŋei suwaine ware ware Peliks, goŋo mo mapik ŋonom, ŋene met met weku mane maratka peyam maine gemaine, kawali kine kine midakaka, ge dereretŋone weku mane, ge ŋenane tego eya qesiŋone more, kine kine korop makoboe warekone, sogino mat korop eya bori worine pake, 3eya wane ŋene qom menaŋ suwaine zok marat kamaine, paki mo ŋene bakomŋone kitomaine. 4Ŋo na naso kiroine zok mi mawaluk ganikale, na ge qeson ganmaile, ge ŋene wet maep okanŋone more, donze bomitne iwa det nannom. 5Ŋene ŋei iwa kaŋem, eŋe umat loutne zok ma wakonmaike, eŋe Yuda keuweno ŋaba ŋaba okane more, kawali ma wakongi, Yuda mat korop so kepe korop, ŋei iwa eŋe ŋetne ma kisaŋgi, ŋenane magu yewa ma mapok onbi, tego mane okane gemami, magu yewa eŋe eŋetene Nasaret edoramami, eŋane ŋetne. 6Eŋe yaleka Bakom Urum maki di kitoyakane okangi, so ŋene malip kakone, pakiso ŋene ŋenze ra rokop don numa yewao okora more dongo bira kaikenane rakone. 7Ŋo kawali ware ware ŋetne suwaine Lisiyas oŋo sari more, ŋene togogole qe mage more, metezo ŋine oma ŋonge. 8Pakiso Lisiyas eŋe don solaino qe rakoi, eŋe geŋano maine sari wakonikei wane qebinonge, eya wane ge ŋei iwa qesonkaikeneo, ge goŋom baŋ kine kine korop ŋene don solaino qe okanka warine, eya maine detkaikene.” Tertulusŋo yale rake. 9Yuda eŋe takotke more, Paulo don solaino qekoi, paki mapitka ra qelaŋane rakoi, “Don iwa korop, eya welekakatne.”
Paulo Eŋe Peliks Wano Kineine Ra Qelaŋange
10Pakiso, kepe ware ware ŋetne suwaineŋo Paulo wano metineŋo qe sikane more qebinkaki, Paulo eŋe don iwa yale maingeke,
“Na det ganmaile, ge koma loutne ŋei ŋerep magu iwa eŋane dere wano wanok ŋei gekone, eya wane na detpe qomne menaŋgi, don iwa geŋano wekumane main gekale. 11Ŋo ge qeson nanikene, yemo ge goŋom don iwa yale maine desikene, kaiwe mama 12, eya wane bano na Yerusalem bakom kitokalane kisi maep wane arikole, 12pakiso, Yuda eŋe na nanbi, ŋei manerop dongo kawali Bakom Urum kotino mi yakukote, me eŋe nanbi ŋei ŋerep qomene qepokkole, Yuda ŋei ŋerep eŋane lewa lewaŋ urum kotino me yewao me yewao mat suwaine kotino, yemo midakaka. 13Me eŋe dongo bira nanmami, iwa eya wane kine maine ra wakone ginbi, ge detnom, don eyaŋo wele, eyamo midakaka. 14Ŋo na don wele wekuku yemo ge ra qelaŋan ganbe, na numa yewa mogatmaile, yemo, ‘numa mane wane tego,’ na numa yewa mogatmaile so na aso ŋabokopze eŋane Kaisale meŋenka okanmaile, ŋo na yaleka yeye kine kine korop Mose wane ra rokop don numa kotino qeqine so propet eŋaneekap yewao pamaike, eya detluk waremaile. 15Na eya malipka more, Kaisaleŋo ŋei seuseune ma wirik oniyakane toma gemaile, wane eŋe baŋ ŋei maine koboine kisi maep mali malip korop so ŋei borikine kisi maep mali malip midaine koropka weneŋ ma wirirk-oniyake wane eŋe yalewaka malipka more, Kaisale toma kamami, eŋe baŋ yalewa okanoniyake. 16Eso eya wane na naso baŋem togogole more, wetne koboboine Kaisale wane deo payakane, so ŋei eŋanoken paki, borikine mane Kaisale wane me ŋei eŋano mi wakoniyakane, wetke ge okanmaile.
17“Na mo koma natne yewao Yerusalem qelige ari mat natne yewao gekole, na wesi natne ma sari kimakopze ŋei ŋerep magukopne ket qeqine, wesi aboŋ midaine qesiŋ ongalane arimaŋkole, so Bakom Urum bakom weneŋ ma sarimaŋkole. 18Na yale okane more Bakom Urum kotino wa mawe kine kine wakone Kaisale wane kaitko qelaŋangi, eŋe marat nangoi, yemo na koboboine, eyamo ŋei ŋerep loutneŋo narop mi metkoi midaka, me ŋei natne eŋe ukat yau yaup mane mi mamaŋkoi. 19Ŋo Yuda natne Isaiya ŋine, eŋe weneŋ yewa metkoi, edo na neu luknangoi, eŋe naŋane detpi borimaikeo, yemo eŋe edom geŋane kaitko sari more iwa dongo maine birananikei. 20Me midakao, ŋei iwa eŋe mo Kaunsol eŋano metkoi, yewa edo detpi, na don rakole, eya detonnom, edo golasikei eŋe naŋano onoka umat mane marat kakoi, naso na Kaunsol eŋane kaitko okorakole, yewao 21so yewao na don weku sogino eŋane kaitko okora more, iwa yale boka rakole, don yewa mo eŋe mi siminonge, ‘Kaisale eŋe ŋei seuseune eya baŋ ma wirik oniyake, na eya detluk kamaile, pakimo eŋe kine yemda waneka na iwa ŋinane kaitko dongo bira nanmami.’ ” Paulo eŋe yale rake.
22Peliks eŋe doku tau tau loutne eŋane mali malip so masiyene eya eŋe suwaine mogare gemami, eya eŋe mo derelukke, eya wane Paulo eŋe don ra warekimo, Yuda eŋe toma mesikei wane, Peliks eŋe edane rake, “Baŋ kawali ware ware ŋetne suwaine Lisiyas ketkiso, na ŋinane don yewa makoboekale.” 23Paki eŋe ware ware ŋetne suwaine olatke, eŋe Paulo mulapko birakayake, ŋo eŋe mulap urumgo togole zok mi birakayake. So Paulo eŋe kimakoune edo kine kine qesiŋkakei, eya wane mi rawet onge.
Peliks Eŋe Paulo Koma Etke Yale Mulap Urumgo Birakaki Metke
24Kaiwe mama natne ari qoeki, Peliks eŋe ŋanomine Drusila weneŋ ketkoik, ŋerep yewa Drusila eŋe Yuda maguwo ŋine, pakimo Peliks eŋe donine natne desiyakane Paulo ora newankake, Pauloŋo olale rake, “Doku tau tau magu eŋe Kristo Yesu malipka lukmami, eya wane ge yale waka malip kaikene.” 25Paulo eŋe olatke nasoo baŋ Waom eŋe ŋene korop don uratao bira ŋoniyake, eya wane masi tanik makoboekei wane eŋe rake, so ŋei ŋene iwa yaleoka okan okan mamaze eya makoboekene. Yale rakimo, Peliks eŋe kaetkake, pakimo olale rake, “Ge iwa yaleoka arinom, baŋ naso natneo koso naso paniniyakeo, gora newan ganikale.” 26So Peliks eŋe kine kine mane wane weneŋ tomake, eŋe wetke rake, Paulo eŋe wesi natne baŋ niniyake, eya wane eŋe naso baŋem ora newankaki sari naso baŋem eŋerop weneŋ metmaŋkoik.
27Yale gemage, koma etke qoe ariki, mo ŋado Porsius Pestusŋo Peliks wane urata eya make, so Peliks eŋe okangi Yuda wet pese desikei wane, eŋe Paulo eya koso mulap urumgo togole metke.
Iliyochaguliwa sasa
:
Kuonyesha
Shirikisha
Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.