2 Timoti 1
1
Pauloŋo Kibi Atak Etke Koso Qe Timoti Mange
1Na Paulo, na Yesu Kristo wane aposolo, na Yesu Kristoŋo gegeze ma wakonge, eya wane kisi maepine ra wakongalane, Kaisale eŋine simileinane na aposolo biranange.
2Timoti, gipon maepne, kibi iwa qe ginmaile, Magaze Kaisale so Waomze Kristo Yesu eto maine sot turuŋŋone qelige more mosopgane so peyam ginkeik.
Bakom Kito Kito so Matogole Matogole Don
3Aso ŋabokopne eŋe Kaisale wane masi tanik yewa mogare, wet koboboine qelitine qe sari gekoi, pakimo na yalewaka wetne koboboineka paki, Kaisale wane numa yewa mogatmaile. Na naso baŋem ruwoo so kaiweo geŋane detsoroke more, meŋe meŋengo Kaisale bakomine kito olat okanmaile. 4Na geŋane deŋone dokune eya wane detsorok okanmaile, so ganbe paki, wet pesek desikalane zok nanmaike. 5Na mali malipŋone wele pa ginmaike, eya wane detsorok okanmaile, mali malip yaline, eya yemo alakan migaŋone, Lois so nagaŋone Yunis erano weneŋ pake, pakimo na detlukmaile, mali malip yewa ge weneŋ pa ginmaike. 6Eya wane na wetŋone qe wisikaewe, ge Kaisale wane bakom geŋano pamaike yewa desikene, na metene leweŋono motkole, naso yewao ge bakom yewa makone, ukude ge bakom yewa koso qe wirikenom, ŋeiŋo gerep puwanbi zemaike, yale ze suwayake. 7Pakiso iwa yale desikene, Kaisaleŋo Asu ŋebonge, yewa zonomze qeki kesiyakane mi ŋebonge, Kaisale wane Asuŋo togolekenane zonom, wet maep so ŋedomka wet dereretzane sawe masuluke ware nagukenane qe watŋonge. 8Eya wane ge Waomzane kisi maep donine ra qelaŋanikenane misuk gamu ganiyake, me mulap ŋeiine naŋane don raikenane misuk wererepkekene. Eya wane turuŋine yemo ge Kaisaleŋo zonom ginmaike, rokop narop kisi maep don ra qelaŋangenane wikile kutno wakene. 9Kaisaleŋo eŋine ŋei ŋerep magukoune ware-onikenane raki paki ŋebuke so ŋedorake. Eya mo ŋenze mainezane ra more midakaka, eŋe oŋomka detki pakane, wet maepinane yalewa okanŋonge. Kaisale eŋe mokaka qei kino qeli so kepe mi ma wakonotke, naso yewao Kristo Yesu wano wet maepine yewa ŋebonge. 10Ŋo wele yemo turuŋze mayakane kepeo ketke, Kristo Yesu eŋano wakonge paki, eŋane urata mamao Kaisale wet maepine didiwo wakonge. Kristo Yesuŋo seuseu wane zonom kito pelekki paki, kisi maep donze gege so kinekine gege togon, yewa ma qelaŋane ŋebonge. 11Pakimo kisi maep don yewa ra qelaŋanikalane, Kaisaleŋo na aposolo so kito ŋibo ŋibon bira nange. 12Kine yalewa wane na wikile wakile kutno gemaile, ŋo siluŋ na yewa wane mi gamu nanmaike, midakaka, onoka wane, na ŋei wa detluk kamaile, eŋane wet etkeka mi detmaile. Midakaka, na iwa yale detlukmaile, eŋe zonomineropŋo urata meteno motke, yewa maine warekaki mayakatneka naso baŋem pa ari mageki, Naso suwaine yewa bomileyake. 13Don welekatne yewa wane tegoine kito gingole, yewaka magekene. Eyamo oŋa oŋa yale yewaŋo numa mayakatne sikan gangi, ŋei ŋerep natne kito ebongene, eya wane ge Kristo Yesu wano kito more mali malip korop so wet maep korop ge more, yale okanikene. 14Asu koboboine kotozo gemaike, eŋane zonomŋo qesiŋ gangi, dereret wele mayakatne qe watke ginge, yewa ware kaikene. 15Ge mo detmaine, Asiya kepeo ŋine ŋei ŋerep natne, eŋe so Pigelus so Hemogenes, eŋe narop kinekine natne maikei wane walukmami. 16Waomŋo maine wet maepine Onesiporus wane weŋem sota-wekoune sikan-oniyake, onoka wane eŋe na mulap urumgo metpe, eŋe naso baŋem qelipkenan okange. Na mulap urumgo metpe, eŋe eya wane mi gamukake, 17Onesiporus eŋe siluŋ Roma kepeo sari lotkeki mi azoŋgi yewaoka kiyeke zuwaŋnane sari mage marat nange. 18Waomŋo maine qesiŋkaki, naso suwaino, yewao Waom wano ŋine wet maep marat kayake! So na Epeso matko gewe, eŋe atak zok loutne qesiŋ nange, eya ge mo detlukmaine.
Iliyochaguliwa sasa
2 Timoti 1: onsNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.
2 Timoti 1
1
Pauloŋo Kibi Atak Etke Koso Qe Timoti Mange
1Na Paulo, na Yesu Kristo wane aposolo, na Yesu Kristoŋo gegeze ma wakonge, eya wane kisi maepine ra wakongalane, Kaisale eŋine simileinane na aposolo biranange.
2Timoti, gipon maepne, kibi iwa qe ginmaile, Magaze Kaisale so Waomze Kristo Yesu eto maine sot turuŋŋone qelige more mosopgane so peyam ginkeik.
Bakom Kito Kito so Matogole Matogole Don
3Aso ŋabokopne eŋe Kaisale wane masi tanik yewa mogare, wet koboboine qelitine qe sari gekoi, pakimo na yalewaka wetne koboboineka paki, Kaisale wane numa yewa mogatmaile. Na naso baŋem ruwoo so kaiweo geŋane detsoroke more, meŋe meŋengo Kaisale bakomine kito olat okanmaile. 4Na geŋane deŋone dokune eya wane detsorok okanmaile, so ganbe paki, wet pesek desikalane zok nanmaike. 5Na mali malipŋone wele pa ginmaike, eya wane detsorok okanmaile, mali malip yaline, eya yemo alakan migaŋone, Lois so nagaŋone Yunis erano weneŋ pake, pakimo na detlukmaile, mali malip yewa ge weneŋ pa ginmaike. 6Eya wane na wetŋone qe wisikaewe, ge Kaisale wane bakom geŋano pamaike yewa desikene, na metene leweŋono motkole, naso yewao ge bakom yewa makone, ukude ge bakom yewa koso qe wirikenom, ŋeiŋo gerep puwanbi zemaike, yale ze suwayake. 7Pakiso iwa yale desikene, Kaisaleŋo Asu ŋebonge, yewa zonomze qeki kesiyakane mi ŋebonge, Kaisale wane Asuŋo togolekenane zonom, wet maep so ŋedomka wet dereretzane sawe masuluke ware nagukenane qe watŋonge. 8Eya wane ge Waomzane kisi maep donine ra qelaŋanikenane misuk gamu ganiyake, me mulap ŋeiine naŋane don raikenane misuk wererepkekene. Eya wane turuŋine yemo ge Kaisaleŋo zonom ginmaike, rokop narop kisi maep don ra qelaŋangenane wikile kutno wakene. 9Kaisaleŋo eŋine ŋei ŋerep magukoune ware-onikenane raki paki ŋebuke so ŋedorake. Eya mo ŋenze mainezane ra more midakaka, eŋe oŋomka detki pakane, wet maepinane yalewa okanŋonge. Kaisale eŋe mokaka qei kino qeli so kepe mi ma wakonotke, naso yewao Kristo Yesu wano wet maepine yewa ŋebonge. 10Ŋo wele yemo turuŋze mayakane kepeo ketke, Kristo Yesu eŋano wakonge paki, eŋane urata mamao Kaisale wet maepine didiwo wakonge. Kristo Yesuŋo seuseu wane zonom kito pelekki paki, kisi maep donze gege so kinekine gege togon, yewa ma qelaŋane ŋebonge. 11Pakimo kisi maep don yewa ra qelaŋanikalane, Kaisaleŋo na aposolo so kito ŋibo ŋibon bira nange. 12Kine yalewa wane na wikile wakile kutno gemaile, ŋo siluŋ na yewa wane mi gamu nanmaike, midakaka, onoka wane, na ŋei wa detluk kamaile, eŋane wet etkeka mi detmaile. Midakaka, na iwa yale detlukmaile, eŋe zonomineropŋo urata meteno motke, yewa maine warekaki mayakatneka naso baŋem pa ari mageki, Naso suwaine yewa bomileyake. 13Don welekatne yewa wane tegoine kito gingole, yewaka magekene. Eyamo oŋa oŋa yale yewaŋo numa mayakatne sikan gangi, ŋei ŋerep natne kito ebongene, eya wane ge Kristo Yesu wano kito more mali malip korop so wet maep korop ge more, yale okanikene. 14Asu koboboine kotozo gemaike, eŋane zonomŋo qesiŋ gangi, dereret wele mayakatne qe watke ginge, yewa ware kaikene. 15Ge mo detmaine, Asiya kepeo ŋine ŋei ŋerep natne, eŋe so Pigelus so Hemogenes, eŋe narop kinekine natne maikei wane walukmami. 16Waomŋo maine wet maepine Onesiporus wane weŋem sota-wekoune sikan-oniyake, onoka wane eŋe na mulap urumgo metpe, eŋe naso baŋem qelipkenan okange. Na mulap urumgo metpe, eŋe eya wane mi gamukake, 17Onesiporus eŋe siluŋ Roma kepeo sari lotkeki mi azoŋgi yewaoka kiyeke zuwaŋnane sari mage marat nange. 18Waomŋo maine qesiŋkaki, naso suwaino, yewao Waom wano ŋine wet maep marat kayake! So na Epeso matko gewe, eŋe atak zok loutne qesiŋ nange, eya ge mo detlukmaine.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.