2 Korinti 2
2
1Eso na eya wane wetne maingekole, na sari ge ŋunbe ŋine wikile desikei rawe paki mi sarikole. 2Ŋo na sari wikile ŋibongole, ra yemo maŋo na oi bakomne okannangi wet pesek detpe rap? Weku wa oi bakomne okaniyake eya mo noŋom wikile mangole. 3Eya wane na kibi yewa ŋinane qekole, na ŋinano mi sarikalane nange, sarige ŋeiwa oi bakom okan-nangi wetne peseyake, eŋe wikile mangalane ra more yeine metkole. Onoka wane, na ŋinane korop detkole, yemo naŋane oi bakomne eyaŋo korop ŋinane oi bakom okanmaike. 4Na kibiwa ŋinane yemo wikilerop so qom umat korop so dene doku roku mere qekole, kibi eya kau, eyaŋo wet ŋine maki boriyakane mida. Kibi eyaŋo wet ŋine qelotkeki, noŋo ŋinane korop wetne zok manerop pamaike, eya desikei wane.
Ŋei Mane Masi Borikine Okanŋongi Turuŋine Birakene
5Mane eŋe ŋei natne matali-ongi wetene borimaikeo, eŋe naka mi okannanike, eŋe siluŋ ŋine korop okan-ŋunike, me ŋinano natneka mane okanonike. Yewao na eŋe don togoleka okan kakalane mi nange. 6Ŋine ŋei loutneŋo ŋei iwa numa iwa yale okengo rokouno makoboe kakoi, 7eya wane ŋine turuŋine biraka manbi paki, olale wetne ma pesekau, so eŋe wikileŋo zok misuk maŋo sok kayake. 8Eya wane na qebin-ŋunmaile, ŋine wet ŋine eŋane zok motpi payake. 9Na kine iwa yale wane, kibi yewa qe ŋibongole, ŋine naso baŋem eweke more naŋane don ŋidangole, eyadere teweke ma gemami, me dale? Eya wane kine desikalane nange. 10Ŋine ŋei mane sot mane daleo okanike, eŋane turuŋine qeliŋka manikeiwo, na yalewaka eŋane turuŋine qeliŋka manikale. So na turuŋine mo qeliŋka manile, yemo ŋene koropŋo turuŋine qeliŋka manikene. So mane yemo na ŋinane ra more Kristo wane kaitko turuŋine qeliŋka manile, eya yemo na ŋine korop qesiŋ-ŋunikale. 11Onoka wane Ŋei Borikine esopkaki eŋane isi yewaŋo ŋene mi yuwan-ŋone matali ŋoniyake, eya wane. Ŋene Ŋei Borikinane tanik manik kine kineine borikine, eya wane kine mi ŋaŋae kamaine.
Yesu Wano Kito Togolekene
12Kristo wane Donkisi Maine raikale, na Troas matko ari lotkekole, eya mo Waomŋo naŋane urata mama wane numa lalaŋge. 13Ŋo naŋane dereretneŋo maine mi okange, yemo iwa yale na kimane Titus yewa mi marat kakole, eya wane na eŋe qeliŋone koso Makedoniya arikole.
14Ŋo bakom kakapa yemo Kaisale okankaikene! Iwa yale wane, Kaisaleŋo Kristo qeliŋkaki, Ŋei Borikine so eŋane magu yuwanongi paki ŋebuki qelaŋ gege qelige eŋane magu okangone, eya wane ŋene Kristo wane Kisi Maep don rasu waekene, so eŋane qelaŋan so zonom ŋene takot-ŋongi, ŋene ŋei natne edanŋem don yewaŋo suwa yewao me yewao arimaike, yemo kawat qoune simile teine eya wane qouneŋo suwa arimaike, yale. 15Iwa yale wane, ŋene yemo kawat qoune simile teine yale, Kristoŋo Kaisale wano biraŋonge, eya wane qouneŋo suwa more ŋeiwa gege wane biŋek so seuseu wane biŋek weneŋ engumaike. 16Seuseu wane biŋek eŋe tebakau ket more seuseu qoune lele more engu ki seukmami, ŋo gege wane biŋek eŋe tebakau ket more gege qoune lele more, qe wirik-ongi gemami. Urata yaline maŋo maki kopkeyake? Mane midaka! 17Ŋene ŋei zok loutneŋo okan okanmami, yale mi okan okanmaine. Ŋei zok loutneŋo Kaisale wane don wane detpi sola wane aboŋ warage ne urataene okan okanmaike. Ŋo ŋene yemo wet qelaŋan gorop ge more Kaisale wane don wane so Kaisale wane kaitko Kristo wano makatake more Kisi Maep ra okanmaine.
Iliyochaguliwa sasa
2 Korinti 2: onsNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.
2 Korinti 2
2
1Eso na eya wane wetne maingekole, na sari ge ŋunbe ŋine wikile desikei rawe paki mi sarikole. 2Ŋo na sari wikile ŋibongole, ra yemo maŋo na oi bakomne okannangi wet pesek detpe rap? Weku wa oi bakomne okaniyake eya mo noŋom wikile mangole. 3Eya wane na kibi yewa ŋinane qekole, na ŋinano mi sarikalane nange, sarige ŋeiwa oi bakom okan-nangi wetne peseyake, eŋe wikile mangalane ra more yeine metkole. Onoka wane, na ŋinane korop detkole, yemo naŋane oi bakomne eyaŋo korop ŋinane oi bakom okanmaike. 4Na kibiwa ŋinane yemo wikilerop so qom umat korop so dene doku roku mere qekole, kibi eya kau, eyaŋo wet ŋine maki boriyakane mida. Kibi eyaŋo wet ŋine qelotkeki, noŋo ŋinane korop wetne zok manerop pamaike, eya desikei wane.
Ŋei Mane Masi Borikine Okanŋongi Turuŋine Birakene
5Mane eŋe ŋei natne matali-ongi wetene borimaikeo, eŋe naka mi okannanike, eŋe siluŋ ŋine korop okan-ŋunike, me ŋinano natneka mane okanonike. Yewao na eŋe don togoleka okan kakalane mi nange. 6Ŋine ŋei loutneŋo ŋei iwa numa iwa yale okengo rokouno makoboe kakoi, 7eya wane ŋine turuŋine biraka manbi paki, olale wetne ma pesekau, so eŋe wikileŋo zok misuk maŋo sok kayake. 8Eya wane na qebin-ŋunmaile, ŋine wet ŋine eŋane zok motpi payake. 9Na kine iwa yale wane, kibi yewa qe ŋibongole, ŋine naso baŋem eweke more naŋane don ŋidangole, eyadere teweke ma gemami, me dale? Eya wane kine desikalane nange. 10Ŋine ŋei mane sot mane daleo okanike, eŋane turuŋine qeliŋka manikeiwo, na yalewaka eŋane turuŋine qeliŋka manikale. So na turuŋine mo qeliŋka manile, yemo ŋene koropŋo turuŋine qeliŋka manikene. So mane yemo na ŋinane ra more Kristo wane kaitko turuŋine qeliŋka manile, eya yemo na ŋine korop qesiŋ-ŋunikale. 11Onoka wane Ŋei Borikine esopkaki eŋane isi yewaŋo ŋene mi yuwan-ŋone matali ŋoniyake, eya wane. Ŋene Ŋei Borikinane tanik manik kine kineine borikine, eya wane kine mi ŋaŋae kamaine.
Yesu Wano Kito Togolekene
12Kristo wane Donkisi Maine raikale, na Troas matko ari lotkekole, eya mo Waomŋo naŋane urata mama wane numa lalaŋge. 13Ŋo naŋane dereretneŋo maine mi okange, yemo iwa yale na kimane Titus yewa mi marat kakole, eya wane na eŋe qeliŋone koso Makedoniya arikole.
14Ŋo bakom kakapa yemo Kaisale okankaikene! Iwa yale wane, Kaisaleŋo Kristo qeliŋkaki, Ŋei Borikine so eŋane magu yuwanongi paki ŋebuki qelaŋ gege qelige eŋane magu okangone, eya wane ŋene Kristo wane Kisi Maep don rasu waekene, so eŋane qelaŋan so zonom ŋene takot-ŋongi, ŋene ŋei natne edanŋem don yewaŋo suwa yewao me yewao arimaike, yemo kawat qoune simile teine eya wane qouneŋo suwa arimaike, yale. 15Iwa yale wane, ŋene yemo kawat qoune simile teine yale, Kristoŋo Kaisale wano biraŋonge, eya wane qouneŋo suwa more ŋeiwa gege wane biŋek so seuseu wane biŋek weneŋ engumaike. 16Seuseu wane biŋek eŋe tebakau ket more seuseu qoune lele more engu ki seukmami, ŋo gege wane biŋek eŋe tebakau ket more gege qoune lele more, qe wirik-ongi gemami. Urata yaline maŋo maki kopkeyake? Mane midaka! 17Ŋene ŋei zok loutneŋo okan okanmami, yale mi okan okanmaine. Ŋei zok loutneŋo Kaisale wane don wane detpi sola wane aboŋ warage ne urataene okan okanmaike. Ŋo ŋene yemo wet qelaŋan gorop ge more Kaisale wane don wane so Kaisale wane kaitko Kristo wano makatake more Kisi Maep ra okanmaine.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.