1 Kirinti 15
15
Yesu Wane Wiye Wiyeinane Don
1Eso kima kopne, iwa yemo kisi maep don Wele Maine ŋidanbe detkoi, eya waneka koso ra ŋidanbe detpi! Ŋine kisi maep mo ma gemami pakimo yewao gesoke malipka togole okoramami. 2Kisi maep don yewa ŋine ŋidangole, eya wane ŋine Kaisaleŋo ŋibuyake, ŋine kisi maep don Maine ŋidangole, yewa malipka ma gekeiwo, me malipka mageu siuke ŋibongeo, yemo mali malip wele midaine.
3Na Kisi maep don lewine weku ningi makole, yewaka ŋine ŋibongole, don wele iwa yale, Kristo eŋe kisi maep don sogino mo qekoi, eya wane rokopko borikine zane turuŋine seukke. 4Paki eŋe deŋesereo birakau kaiwe karewe pa more koso wisikae wiyeke. Kisi maep don sogino mo qekoi, eya wane rokopko. 5Wiye more mikepka Petoro wakonkake, ŋado Aposolo magukoune 12 wakononge. 6Pakimo ŋado magukoune 500 eŋano wakongi naso wekuwoka kakoi. Eŋano ŋine koropŋo wisika gemami, so natneŋo mo seukkoi. 7Pakimo ŋado koso Yakop wakonkake, eya ŋine koso aposolo magukoune korop wakononge.
8Paulo na dokoine eŋane magu kotino mi gekole, ŋado na qoi qoine wakon nange, naso yewao aposolo magukoune eŋano takotnange. 9O, na aposolo korop eŋane ketkele meene, eya wane na ŋeiŋo aposolo maine mi norakei wane, na Kaisale wane doku tau tau magu engu matali qetali okanongole. 10Ŋo na aposolo okangole, yemo Kaisale wet maepinane ra more okangole. So wet maepine ninge, yewaŋo naŋano wele midaine mi okange. Midaka. Na urata gerereune so togoleka makole, eyaŋo aposolo natne korop eŋane rokop yuwanmaike. So na noŋomka onokaneŋo mawerap, Kaisale wet maepine naŋano pakane makole. 11Eso eya wane mo noŋo makole, me edo makoi, eya wane don mida. Ŋene koropŋo kisi maep iwaka ŋidan okanmaine, pakimo ŋine kisi maep yewa dere malip kakoi.
Yesu Seu Seuwo Ŋine Wiyekane Ŋene Wiyekene
12Iwa Kristo eŋe Kaisaleŋo seuseuwo ŋine ma wirikkaki wisikae wiyeke, ŋene kisi maep don yalewa ra ŋidan okanmaine. Pakimo ŋinane keuwo ŋine natneŋo onoka wane seuseuwo ŋine wisikae wiye wiye mi pamaike ra okanmami me? 13Seu seuwo ŋine wisikae wiye wiye welekatne mi pamaike, yale ra bisop kekeneo, yemo ŋene Kaisaleŋo Kristo seuseuwo ŋine mi ma wirikkaki wiyeke yewa ra bisop kaikene. 14So Kristo eŋe Kaisaleŋo seuseuwo ŋine mi ma wirikkaki wisikae wiyekeo, yemo kisi maep raraze wele midaine okaniyake, so mali malipŋine yaleka wele midaine okaniyake. 15So yewaka mida, ŋene Kaisale eŋe Kristo seuseuwo ŋine mi ma wirikkaki wisikae wiyekeo, ŋene aŋazeŋo ra takot okanka more iwa yale raikene, eŋe Kristo seuseuwo ŋine ma wirikkaki wisikae wiyeke. Yale ra more Kaisale wane isi ŋeikoune okanikene. Onoka wane ŋene Kaisale eŋe Kristo seuseuwo ŋine ma wirikkaki wisikae wiyeke, yale ra wakongone. Ŋo Kaisaleŋo ŋei seuseune welekatne mi ma wirikongi wisikae wiyekoiwo, yemo eŋe Kristo yaleka mi ma wirikkaki wisikae wiyekirap. 16Onoka wane ŋei seuseune Kaisaleŋo mi ma wirikongi wisikae wiyekei yale raikeneo, yemo Kaisaleŋo Kristo yaleka seuseuwo ŋine mi ma wirikkaki wisikae wiyeke raikene. 17So Kaisaleŋo Kristo seuseuwo ŋine welekatne mi ma wirikkaki wisikae wiyekeo, yemo mali malipŋine wele midaine okane mi qesiŋ ŋuniyake. Paki mo ŋine borikine ŋinerop ge more midakei. 18So Kristo detlukkau paki seukkoi, eŋe yaleka mo siuke mida lelekoi. 19Ŋene Kristo wane dereret ge more, kepe iwa wane gege mage eya waneka weku toma gekeneo, yemo ŋei natne qom borik okan okanmami, eŋe korop yuwan one more ŋedo qom borik zok manerop okangene. Baŋ Kristoŋo ŋene mi ŋebuyake.
Seu Seuwo Ŋine Wisikae Wiye Wiye Yemo Tegeoo Wiyekei
20Ŋo yale mida, Kristo eŋe welekatne Kaisaleŋo seuseuwo ŋine ma wirikkaki, wisikae wiyeke, eya mo euwo kine kine mo lewine kiyeke wele wakon okanmaike, yalewa ŋei seuseune pamami, eŋe alakane ebongi paki wiyeke, eya wane ŋei seuseune eŋe baŋ wisikae wiyekei. 21Ŋei maneŋo seuseu kiyeke ŋebonge, yaleka ŋei maneŋo seuseuwo ŋine wisikae wiye wiye kiyeke ŋebonge. 22Adam wane ra more seuk okanmaine, yale waka Kristo wane ra more seuseuwo ŋine baŋ korop wisikae wiye warekene. 23So weku weku wiyekenane rake, rokop wisikae wiye warekene, lewine Kristoŋo alakane wiyeke, eya wane, ŋadino Kristo sariyake, naso yewao magukoune korop wiye warekene. 24Wiye wareŋem mo naso qoe wareyake, pakimo Kristo eŋe wawaine, ŋei waom urata, ware ware zonom gorop, so sorin borin gorop, korop ebu ket biraon wareyake. Pakimo ŋei waom urataine eya mo mainge Kaisale Magak maniyake. 25Onoka wane, iwa yemo Kristo eŋe ŋei waom urataine ma ari mageki qoeki, Kaisaleŋo ŋabakoune korop ebu ket kiine bano biraone more la-pelek-onwareyake. 26Eso ŋabakoune natne maket biraon ware mo ŋaba suwaine eŋe ŋado qe matali-kayake so maki gegeine siukeyake, yemo seuseu. 27Onoka wane kisi maep sogine Kaisale wane ekap eyaŋo iwa yale ramaike, “Yeye kine kine korop Kaisaleŋo mo kiye tabeinane bango biraone more gesoke lapelekke ma ket biraon-wareke.” Wane baŋ naso-o wa mo, maki siuke mida lele-wareyake. Don iwa yemo Kaisaleŋo eŋine medep Kristo wane kiye tabe-inane bango weneŋ mi ramaike, eŋe Magak eŋino bira-onge raki, ŋedo deŋem yale qou qou mi okaniyakane, ŋene desikene. Yeye kine kine eya mo korop maket more Kristo wane kiye tabeinane bango bira-ongi, Kristoŋo gesokkane la-pelekone maket biraon-warekane, baŋ naso-o wamo maki mida lele-warekei. Wane ŋene don eya mo didiwo so tingo detmaine so koso detŋem “Yeye kine kine korop mo.” Kaisale eŋineka wane mi okaniyake, so eyaŋo eŋineka mida! 28Eya yemo Kristo wane Magakŋo qesiŋka more yeye kine kine eya korop mo ebu ket more eŋine bango bira-on-wareki paki, maki mida lele-warekei. So, Medepine eŋine yalewaka ket more Kaisale wane bango geyake.
29Don iwaŋo welekatne mi okanmaikeo, yemo ŋinane keuwo ŋine onoka wane ŋei natneŋo seuseune eŋane tungo, Peyam doku tauon okanmami? Ŋo welekatne, ŋei seuseune maneŋo mi wisikae wiyeyakeo, yemo eŋe onoka wane seuseune eŋane tungo peyam doku tau-on okanmami? 30Eso ŋenzane yaleka, ŋene don isisine eya wane ra more ŋetne ŋetne kutno wikile gekoneŋo gemaine? Midakaka! 31Kimakopne, na Kristo Yesu ŋenane Waomze, eŋane ra more uratanane wele ŋine okangoi eya wane wetne menaŋmaike. Don iwa welekatne. Na kaiwe baŋem ŋinane ra more seuseu maratka okanmaile. 32Na Epeso matko gekole, eyao naŋane ŋaba ŋei korop osom zubaine yale eŋerop kawali qekole. Eya sola mawa mawa wane okangoleo, yemo onoka maine mane maikale? Mane midaka! Seu seuwo ŋine wisikae wiye wiye mi pamaikeo, yemo yeine. So ŋei qelaŋ natne ra okanmami, iwa yale, “Ŋene ŋara so doku ne bat okanŋem. Ŋene qaeki maine seukkene. Seukŋem oŋa oŋaze siukeyake. Waomze mane mi gemaike, yemo sot turuŋze mi marat-kaikene!” Na don eya ramaile, wele midadaine!
33Ŋo ŋei natneŋo misuk isiŋunikei, “Ŋei borikine yau yaup gegine eŋerop geu, matali ŋunbi kisi maep qeliŋgei.” 34Ŋine qelaŋ masi yeine qeliŋgei, pakimo wetŋine wisikaeki, koboboine ge more, borikine koso mi maikei. Ŋinano ŋine natneŋo Kaisale ŋaŋae kamami. Na don iwa rawe dere gamu-ŋuniyake.
Seu Seuwo Ŋine Wisikae Wiye Wiye Kine Mane Wiyekene
35Ŋei natneŋo iwa yale mane qesonikei. Ŋei seuseune eŋe daleo okane wisikae wiyekei? Eŋe sola tanikene dalino ma more wiyekei? 36Ŋine qelaŋ ŋei! Ŋine kine kine ebot okanmami yewa yaup mi sa okanmaike, eseune gototki komine sa okanmaike. 37So ŋine kine kine kepeo ebot okanmami, yemo kaweunerop mi ebot okanmami. Ŋine segoŋ me wit me kine kine natne eya woune ka ebot okanmami, pakimo komine so metine ŋado sa okanmaike. 38Pakimo, Kaisale eŋe detluke more tanikine ra mange, eya wane kopka sa more wakon okanmaike, wounane kop tanikine kine mane kine mane wakon okanmaike.
39Sola korop, eya wane kine yale waka wekuka mi pamaike, ŋei solaze eŋe wekuka, osom eŋane solaene eŋe mane, naŋi eŋane solaene eŋe mane, zawon eŋane sola eŋe mane.
40So qeliwane kine kine pamaike, so kepe wane kine kine. Ŋo qeli wane kine kine eŋane kibiene weku, kepe wane kine kine eŋane kibiyene mane. 41Kepe deinane kibiine weku, meso wane kibiine kine mane, so serekin eŋe kineene kine mane kine mane.
42Seu seuwo ŋine wisikae wiye wiye, eya wane kine yewaka pamaike. Sola kepeo dukonmaine, eyaŋo mida midaine. Sola wisikae wiyemaikeŋo yemo mi midayake. 43Kepeo ebotmaineŋo ewine midaine, wisikae wiye wiyeŋo qelaŋanerop. Kepeo ebotmaineŋo zonomine midaine, wisikae wiye wiyeŋo zonomine gege togon gorop. 44Sola kepeo motmaineŋo kepeo solarop, sola wisikae wiye wiyeŋo qeli solarop. Kepe sola pamaike yalewaka qeli sola qelaŋan zonominerop pamaike.
Adam Wane Ŋosa Ŋabo
45Eya wane Kaisale wane ekapŋo iwa yale ramaike, “Adam alakan wakonge, eŋe oŋa oŋarop okane wisikae wiyeke.” Ŋado Adam mane eŋe Asurop okane gege ma wakone ebo ebon eya wane welaine okange. 46Asu wane kine kine yewaŋo alakan mi wakonge, kepe wane kine kine yewaŋo alakan wakonge, Ŋo Asu wane kine kine yewaŋo ŋado wakonge. 47Alakan Adam eŋe kepeo ŋine, Kaisaleŋo kepeŋo make. Ŋado Adam mane eŋe qeliwo ŋine. 48Kepeo ŋine ŋei geke, rokop yewaka kepeo ŋine ŋeikoune gemaine. Qeliwo ŋine ŋei geke, rokop yalewaka qeliwo ŋine ŋeikoune gekene. 49Eso ŋene kepeŋo ŋei Adam make, eŋane oŋa oŋaine gemaine rokop, yale waka qeliwo ŋine ŋei Yesu ketke eŋane oŋa oŋaine gekene.
Yesu Lotkeki Kepeo Gege Wane Sola Kito Qokkene
50Kimakopne don mane iwa rawe detpi. Solaze kepeŋo mamaine yewaŋo Kaisale wane qeli mat gege togon mi maratkayake. So kine kine mida midaineŋo geuluke, gege togon maine mi maratkayake.
51Na don sane mane ŋidanbe detpi. Ŋene korop mi seuk warekene, ŋene baŋ koropŋo kepe solaze kito qokkene. 52Naso qoi qoino romon ŋado arokki ikopka deze ilikitneŋo kilitikmaike, yale tureŋongi yale okangene. Romon arokki, ŋei seuseune eŋe gege togon wane wisikae wiyekei, pakimo ŋene wisikaune gemaineŋo solaze korop kito qokkene. 53Yemo iwa yale, solaze mida midaine iwa kito qoke more ma gege togon wane yewa biraŋem kesiyake, solaze seuseu wane biŋek, iwa kito qoke more gege togon wane biŋek yewa qorot nagukene. 54Eso solaze mida midainane biŋek iwa kito qoke more, ma gege togon wane, yewa qorot nagukene, so seuseu wane biŋek iwa kito qoke more solaze ma gege togon wane biŋek yewa qorot nagukene. Naso yewao kisi maep dongo iwa yale qeqine, yewa wele okaniyake, “Gege togonŋo seuseu zonom korop qe ma ket biraka more maki siukke.”
55“O seuseu, geŋane zonom diyawa? O seuseu, geŋane wikile wakileŋone diyawa?” 56Borikineŋo seuseu wane wakele so ŋetne ŋetne okan okanmaike, so Rara Togon Donŋo borikinane nabok pa more zonom man okanmaike. 57Ŋo ŋene Kaisale ewine kito magekene! Oŋo Waomze Yesu Kristo talekaki gege wane zonom ma wakone ŋebongi, kawali qe more, ŋei borikine so eŋane urata korop yuwanka okanmaine.
58Eso eya wane kima maepkopne, ŋine gesoke togole luke okorakei. Pakiso Waom wane urata naso baŋem togole more makei. Waom wane ra more urata mau wele midaine mi okaniyake, eya dere so makei.
Iliyochaguliwa sasa
1 Kirinti 15: onsNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.
1 Kirinti 15
15
Yesu Wane Wiye Wiyeinane Don
1Eso kima kopne, iwa yemo kisi maep don Wele Maine ŋidanbe detkoi, eya waneka koso ra ŋidanbe detpi! Ŋine kisi maep mo ma gemami pakimo yewao gesoke malipka togole okoramami. 2Kisi maep don yewa ŋine ŋidangole, eya wane ŋine Kaisaleŋo ŋibuyake, ŋine kisi maep don Maine ŋidangole, yewa malipka ma gekeiwo, me malipka mageu siuke ŋibongeo, yemo mali malip wele midaine.
3Na Kisi maep don lewine weku ningi makole, yewaka ŋine ŋibongole, don wele iwa yale, Kristo eŋe kisi maep don sogino mo qekoi, eya wane rokopko borikine zane turuŋine seukke. 4Paki eŋe deŋesereo birakau kaiwe karewe pa more koso wisikae wiyeke. Kisi maep don sogino mo qekoi, eya wane rokopko. 5Wiye more mikepka Petoro wakonkake, ŋado Aposolo magukoune 12 wakononge. 6Pakimo ŋado magukoune 500 eŋano wakongi naso wekuwoka kakoi. Eŋano ŋine koropŋo wisika gemami, so natneŋo mo seukkoi. 7Pakimo ŋado koso Yakop wakonkake, eya ŋine koso aposolo magukoune korop wakononge.
8Paulo na dokoine eŋane magu kotino mi gekole, ŋado na qoi qoine wakon nange, naso yewao aposolo magukoune eŋano takotnange. 9O, na aposolo korop eŋane ketkele meene, eya wane na ŋeiŋo aposolo maine mi norakei wane, na Kaisale wane doku tau tau magu engu matali qetali okanongole. 10Ŋo na aposolo okangole, yemo Kaisale wet maepinane ra more okangole. So wet maepine ninge, yewaŋo naŋano wele midaine mi okange. Midaka. Na urata gerereune so togoleka makole, eyaŋo aposolo natne korop eŋane rokop yuwanmaike. So na noŋomka onokaneŋo mawerap, Kaisale wet maepine naŋano pakane makole. 11Eso eya wane mo noŋo makole, me edo makoi, eya wane don mida. Ŋene koropŋo kisi maep iwaka ŋidan okanmaine, pakimo ŋine kisi maep yewa dere malip kakoi.
Yesu Seu Seuwo Ŋine Wiyekane Ŋene Wiyekene
12Iwa Kristo eŋe Kaisaleŋo seuseuwo ŋine ma wirikkaki wisikae wiyeke, ŋene kisi maep don yalewa ra ŋidan okanmaine. Pakimo ŋinane keuwo ŋine natneŋo onoka wane seuseuwo ŋine wisikae wiye wiye mi pamaike ra okanmami me? 13Seu seuwo ŋine wisikae wiye wiye welekatne mi pamaike, yale ra bisop kekeneo, yemo ŋene Kaisaleŋo Kristo seuseuwo ŋine mi ma wirikkaki wiyeke yewa ra bisop kaikene. 14So Kristo eŋe Kaisaleŋo seuseuwo ŋine mi ma wirikkaki wisikae wiyekeo, yemo kisi maep raraze wele midaine okaniyake, so mali malipŋine yaleka wele midaine okaniyake. 15So yewaka mida, ŋene Kaisale eŋe Kristo seuseuwo ŋine mi ma wirikkaki wisikae wiyekeo, ŋene aŋazeŋo ra takot okanka more iwa yale raikene, eŋe Kristo seuseuwo ŋine ma wirikkaki wisikae wiyeke. Yale ra more Kaisale wane isi ŋeikoune okanikene. Onoka wane ŋene Kaisale eŋe Kristo seuseuwo ŋine ma wirikkaki wisikae wiyeke, yale ra wakongone. Ŋo Kaisaleŋo ŋei seuseune welekatne mi ma wirikongi wisikae wiyekoiwo, yemo eŋe Kristo yaleka mi ma wirikkaki wisikae wiyekirap. 16Onoka wane ŋei seuseune Kaisaleŋo mi ma wirikongi wisikae wiyekei yale raikeneo, yemo Kaisaleŋo Kristo yaleka seuseuwo ŋine mi ma wirikkaki wisikae wiyeke raikene. 17So Kaisaleŋo Kristo seuseuwo ŋine welekatne mi ma wirikkaki wisikae wiyekeo, yemo mali malipŋine wele midaine okane mi qesiŋ ŋuniyake. Paki mo ŋine borikine ŋinerop ge more midakei. 18So Kristo detlukkau paki seukkoi, eŋe yaleka mo siuke mida lelekoi. 19Ŋene Kristo wane dereret ge more, kepe iwa wane gege mage eya waneka weku toma gekeneo, yemo ŋei natne qom borik okan okanmami, eŋe korop yuwan one more ŋedo qom borik zok manerop okangene. Baŋ Kristoŋo ŋene mi ŋebuyake.
Seu Seuwo Ŋine Wisikae Wiye Wiye Yemo Tegeoo Wiyekei
20Ŋo yale mida, Kristo eŋe welekatne Kaisaleŋo seuseuwo ŋine ma wirikkaki, wisikae wiyeke, eya mo euwo kine kine mo lewine kiyeke wele wakon okanmaike, yalewa ŋei seuseune pamami, eŋe alakane ebongi paki wiyeke, eya wane ŋei seuseune eŋe baŋ wisikae wiyekei. 21Ŋei maneŋo seuseu kiyeke ŋebonge, yaleka ŋei maneŋo seuseuwo ŋine wisikae wiye wiye kiyeke ŋebonge. 22Adam wane ra more seuk okanmaine, yale waka Kristo wane ra more seuseuwo ŋine baŋ korop wisikae wiye warekene. 23So weku weku wiyekenane rake, rokop wisikae wiye warekene, lewine Kristoŋo alakane wiyeke, eya wane, ŋadino Kristo sariyake, naso yewao magukoune korop wiye warekene. 24Wiye wareŋem mo naso qoe wareyake, pakimo Kristo eŋe wawaine, ŋei waom urata, ware ware zonom gorop, so sorin borin gorop, korop ebu ket biraon wareyake. Pakimo ŋei waom urataine eya mo mainge Kaisale Magak maniyake. 25Onoka wane, iwa yemo Kristo eŋe ŋei waom urataine ma ari mageki qoeki, Kaisaleŋo ŋabakoune korop ebu ket kiine bano biraone more la-pelek-onwareyake. 26Eso ŋabakoune natne maket biraon ware mo ŋaba suwaine eŋe ŋado qe matali-kayake so maki gegeine siukeyake, yemo seuseu. 27Onoka wane kisi maep sogine Kaisale wane ekap eyaŋo iwa yale ramaike, “Yeye kine kine korop Kaisaleŋo mo kiye tabeinane bango biraone more gesoke lapelekke ma ket biraon-wareke.” Wane baŋ naso-o wa mo, maki siuke mida lele-wareyake. Don iwa yemo Kaisaleŋo eŋine medep Kristo wane kiye tabe-inane bango weneŋ mi ramaike, eŋe Magak eŋino bira-onge raki, ŋedo deŋem yale qou qou mi okaniyakane, ŋene desikene. Yeye kine kine eya mo korop maket more Kristo wane kiye tabeinane bango bira-ongi, Kristoŋo gesokkane la-pelekone maket biraon-warekane, baŋ naso-o wamo maki mida lele-warekei. Wane ŋene don eya mo didiwo so tingo detmaine so koso detŋem “Yeye kine kine korop mo.” Kaisale eŋineka wane mi okaniyake, so eyaŋo eŋineka mida! 28Eya yemo Kristo wane Magakŋo qesiŋka more yeye kine kine eya korop mo ebu ket more eŋine bango bira-on-wareki paki, maki mida lele-warekei. So, Medepine eŋine yalewaka ket more Kaisale wane bango geyake.
29Don iwaŋo welekatne mi okanmaikeo, yemo ŋinane keuwo ŋine onoka wane ŋei natneŋo seuseune eŋane tungo, Peyam doku tauon okanmami? Ŋo welekatne, ŋei seuseune maneŋo mi wisikae wiyeyakeo, yemo eŋe onoka wane seuseune eŋane tungo peyam doku tau-on okanmami? 30Eso ŋenzane yaleka, ŋene don isisine eya wane ra more ŋetne ŋetne kutno wikile gekoneŋo gemaine? Midakaka! 31Kimakopne, na Kristo Yesu ŋenane Waomze, eŋane ra more uratanane wele ŋine okangoi eya wane wetne menaŋmaike. Don iwa welekatne. Na kaiwe baŋem ŋinane ra more seuseu maratka okanmaile. 32Na Epeso matko gekole, eyao naŋane ŋaba ŋei korop osom zubaine yale eŋerop kawali qekole. Eya sola mawa mawa wane okangoleo, yemo onoka maine mane maikale? Mane midaka! Seu seuwo ŋine wisikae wiye wiye mi pamaikeo, yemo yeine. So ŋei qelaŋ natne ra okanmami, iwa yale, “Ŋene ŋara so doku ne bat okanŋem. Ŋene qaeki maine seukkene. Seukŋem oŋa oŋaze siukeyake. Waomze mane mi gemaike, yemo sot turuŋze mi marat-kaikene!” Na don eya ramaile, wele midadaine!
33Ŋo ŋei natneŋo misuk isiŋunikei, “Ŋei borikine yau yaup gegine eŋerop geu, matali ŋunbi kisi maep qeliŋgei.” 34Ŋine qelaŋ masi yeine qeliŋgei, pakimo wetŋine wisikaeki, koboboine ge more, borikine koso mi maikei. Ŋinano ŋine natneŋo Kaisale ŋaŋae kamami. Na don iwa rawe dere gamu-ŋuniyake.
Seu Seuwo Ŋine Wisikae Wiye Wiye Kine Mane Wiyekene
35Ŋei natneŋo iwa yale mane qesonikei. Ŋei seuseune eŋe daleo okane wisikae wiyekei? Eŋe sola tanikene dalino ma more wiyekei? 36Ŋine qelaŋ ŋei! Ŋine kine kine ebot okanmami yewa yaup mi sa okanmaike, eseune gototki komine sa okanmaike. 37So ŋine kine kine kepeo ebot okanmami, yemo kaweunerop mi ebot okanmami. Ŋine segoŋ me wit me kine kine natne eya woune ka ebot okanmami, pakimo komine so metine ŋado sa okanmaike. 38Pakimo, Kaisale eŋe detluke more tanikine ra mange, eya wane kopka sa more wakon okanmaike, wounane kop tanikine kine mane kine mane wakon okanmaike.
39Sola korop, eya wane kine yale waka wekuka mi pamaike, ŋei solaze eŋe wekuka, osom eŋane solaene eŋe mane, naŋi eŋane solaene eŋe mane, zawon eŋane sola eŋe mane.
40So qeliwane kine kine pamaike, so kepe wane kine kine. Ŋo qeli wane kine kine eŋane kibiene weku, kepe wane kine kine eŋane kibiyene mane. 41Kepe deinane kibiine weku, meso wane kibiine kine mane, so serekin eŋe kineene kine mane kine mane.
42Seu seuwo ŋine wisikae wiye wiye, eya wane kine yewaka pamaike. Sola kepeo dukonmaine, eyaŋo mida midaine. Sola wisikae wiyemaikeŋo yemo mi midayake. 43Kepeo ebotmaineŋo ewine midaine, wisikae wiye wiyeŋo qelaŋanerop. Kepeo ebotmaineŋo zonomine midaine, wisikae wiye wiyeŋo zonomine gege togon gorop. 44Sola kepeo motmaineŋo kepeo solarop, sola wisikae wiye wiyeŋo qeli solarop. Kepe sola pamaike yalewaka qeli sola qelaŋan zonominerop pamaike.
Adam Wane Ŋosa Ŋabo
45Eya wane Kaisale wane ekapŋo iwa yale ramaike, “Adam alakan wakonge, eŋe oŋa oŋarop okane wisikae wiyeke.” Ŋado Adam mane eŋe Asurop okane gege ma wakone ebo ebon eya wane welaine okange. 46Asu wane kine kine yewaŋo alakan mi wakonge, kepe wane kine kine yewaŋo alakan wakonge, Ŋo Asu wane kine kine yewaŋo ŋado wakonge. 47Alakan Adam eŋe kepeo ŋine, Kaisaleŋo kepeŋo make. Ŋado Adam mane eŋe qeliwo ŋine. 48Kepeo ŋine ŋei geke, rokop yewaka kepeo ŋine ŋeikoune gemaine. Qeliwo ŋine ŋei geke, rokop yalewaka qeliwo ŋine ŋeikoune gekene. 49Eso ŋene kepeŋo ŋei Adam make, eŋane oŋa oŋaine gemaine rokop, yale waka qeliwo ŋine ŋei Yesu ketke eŋane oŋa oŋaine gekene.
Yesu Lotkeki Kepeo Gege Wane Sola Kito Qokkene
50Kimakopne don mane iwa rawe detpi. Solaze kepeŋo mamaine yewaŋo Kaisale wane qeli mat gege togon mi maratkayake. So kine kine mida midaineŋo geuluke, gege togon maine mi maratkayake.
51Na don sane mane ŋidanbe detpi. Ŋene korop mi seuk warekene, ŋene baŋ koropŋo kepe solaze kito qokkene. 52Naso qoi qoino romon ŋado arokki ikopka deze ilikitneŋo kilitikmaike, yale tureŋongi yale okangene. Romon arokki, ŋei seuseune eŋe gege togon wane wisikae wiyekei, pakimo ŋene wisikaune gemaineŋo solaze korop kito qokkene. 53Yemo iwa yale, solaze mida midaine iwa kito qoke more ma gege togon wane yewa biraŋem kesiyake, solaze seuseu wane biŋek, iwa kito qoke more gege togon wane biŋek yewa qorot nagukene. 54Eso solaze mida midainane biŋek iwa kito qoke more, ma gege togon wane, yewa qorot nagukene, so seuseu wane biŋek iwa kito qoke more solaze ma gege togon wane biŋek yewa qorot nagukene. Naso yewao kisi maep dongo iwa yale qeqine, yewa wele okaniyake, “Gege togonŋo seuseu zonom korop qe ma ket biraka more maki siukke.”
55“O seuseu, geŋane zonom diyawa? O seuseu, geŋane wikile wakileŋone diyawa?” 56Borikineŋo seuseu wane wakele so ŋetne ŋetne okan okanmaike, so Rara Togon Donŋo borikinane nabok pa more zonom man okanmaike. 57Ŋo ŋene Kaisale ewine kito magekene! Oŋo Waomze Yesu Kristo talekaki gege wane zonom ma wakone ŋebongi, kawali qe more, ŋei borikine so eŋane urata korop yuwanka okanmaine.
58Eso eya wane kima maepkopne, ŋine gesoke togole luke okorakei. Pakiso Waom wane urata naso baŋem togole more makei. Waom wane ra more urata mau wele midaine mi okaniyake, eya dere so makei.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2012, Wycliffe Bible Translators, Inc. All rights reserved.