ငဝ်ႈ 50
50
1 ယူဝ်းသႅပ်ႈ၊ၵေႃႈၵူမ်ႈလူင်းၵႃႈၼိူဝ်ၼႃႈပေႃႈမၼ်းလႄႈႁွင်ႉႁႆႈယူႇၸုပ်ႇၼူမ်ယူႇဢေႃႈ။- 2မိူဝ်ႈၼၼ်ႉ၊မၼ်းပူင်ဢမိင်ႉႁႂ်ႈသြႃႇမေႃယႃတင်းလၢႆဢဝ်ယႃႈယႃမဵဝ်းၼၢမ်ႇသႃႇသႂ်ႇပၼ်တႃးပၼ်တူဝ်တၢႆပေႃႈမၼ်းဢမ်ႇႁႂ်ႈလႆႈတူႇလႆႈၼဝ်ႈၼၼ်ႉဢေႃႈ။- 3ၸွမ်းၼင်ႇထုင်းၽိင်ႈမိုဝ်ႉဝၼ်းဢၼ်လုမ်းလႃးတႃးပၼ်တူဝ်တၢႆဢမ်ႇႁႂ်ႈလႆႈတူႇလႆႈၼဝ်ႈထူၼ်ႈတဵမ်သီႇသိပ်းဝၼ်းပူၼ်ႉယဝ်ႉသေၵေႃႈ၊ၵူၼ်းဢေးၵျိပ်ႉ၊ၶဝ်ဢွၼ်ၵၼ်မႆႈၶီထိုင်ၸႂ်ပုၼ်ႈမၼ်းၸဵတ်းသိပ်းဝၼ်းဢေႃႈ။
4မိူဝ်ႈဢၼ်ဝၼ်းဢၼ်မႆႈၸႂ်ၶီၸႂ်ပူၼ်ႉၵႂႃႇယဝ်ႉၼၼ်ႉ၊ယူဝ်းသႅပ်ႈ၊လၢတ်ႈတေႃႇၵူၼ်းၼႂ်းႁၢင်ႈၼႂ်းႁေႃၼၼ်ႉလႄႈဝႃႈ၊ “ၶႅၼ်းတေႃႈလဝ်ႈလၢတ်ႈထိုင်တီႈၶုၼ်ႁေႃၶမ်းလႄႈဝႃႈ၊- 5‘မိူဝ်ႈဢၼ်ပေႃႈၵဝ်ၶႃႈၸမ်တၵ်းတၢႆၼၼ်ႉမၼ်းႁႂ်ႈၵဝ်ၶႃႈဝႆႉၵတိသဵတ်ႈၸႃႇလွင်ႈဢၼ်ၵဝ်ၶႃႈတၵ်းလႆႈသၢင်းၵျူဝ်ႇတူဝ်မၼ်းၵႃႈၼႂ်းၶုမ်ပႃႇႁဵဝ်ႈဢၼ်မၼ်းမႄးႁႅၼ်းဝႆႉၵႃႈတီႈမိူင်းၶႃႇၼၼ်ႇ၊ပုၼ်ႉဢေႃႈ။ ပိူဝ်ႈၼႆလႄႈၶႅၼ်းတေႃႈပၼ်ဢၶႂၢင်ႉႁႂ်ႈၵဝ်ၶႃႈလႆႈၵႂႃႇသၢင်းၵျူဝ်ႇပေႃႈၵဝ်ၶႃႈသေၵမ်းၶႃႈ၊ပေႃးယဝ်ႉၸင်ႇ၊တေပွၵ်ႈၶိုၼ်းမႃးၵႃႈတီႈၼႆႈယူႇဢေႃႈ၊’ ဝႃႈၼင်ႇၼႆတၢင်ႇလဝ်ႈပၼ်သေၵမ်း၊” ဝႃႈၼင်ႇၼႆဢေႃႈ။
6ၶုၼ်ႁေႃၶမ်းမိူင်းဢေးၵျိပ်ႉ၊ၵေႃႈမီးဢမိင်ႉလႄႈဝႃႈ၊ “ၵႂႃႇလႄႈသၢင်းၵျူဝ်ႇပေႃႈမႂ်းၸွမ်းၼင်ႇဢၼ်မႂ်းလႆႈဝႆႉၵတိသဵတ်ႈၸႃႇၼၼ်ႉတႃႉ၊” ဝႃႈၼင်ႇၼႆဢေႃႈ။
7 ယူဝ်းသႅပ်ႈ၊ၶိုၼ်ႈၵႂႃႇႁႂ်ႈလႆႈသၢင်းၵျူဝ်ႇပေႃႈမၼ်းဢေႃႈ။ ၸႃႉၸဵမ်မူးမၢတ်ႈၽွင်းမိူင်းတင်းသဵင်ႈတင်းလူင်ၵူၼ်းၵႄႇၵူၼ်းႁူဝ်လႂ်တင်းၵႄႇၵၢင်ႉဢိင်မိူင်း၊မိူင်းဢေးၵျိပ်ႉ၊တင်းသဵင်ႈတင်းလူင်ဢွၼ်ၵၼ်ၵႂႃႇၸွမ်းသူင်ႇဢေႃႈ။- 8ၵူၼ်းႁိူၼ်းၵူၼ်းယေးမၼ်းလႂ်၊ၵူၼ်းႁိူၼ်းၵူၼ်းယေးပီႈဢၢႆႈမၼ်းလႂ်၊ဢိၵ်ႇတင်းၵူၼ်းႁိူၼ်းၵူၼ်းယေးပေႃႈမၼ်းၵႃႈမီးတင်းသဵင်ႈတင်းလူင်ၵေႃႈဢွၼ်ၵၼ်ၸွမ်းသူင်ႇဢေႃႈ။ ၵူၺ်းမီးလုၵ်ႈဢွၼ်ႇလႂ်တင်းၽုင်သူဝ်း၊ၽုင်ဝူဝ်းတရိၵ်ႈသၢၼ်ႇလႂ်၊ၵိုတ်းဝႆႉယူႇတီႈဢိူင်ႇၵေႃးသိၼ်း၊ဢေႃႈ။- 9ၼႆႉၵူၺ်းဢမ်ႇၵႃး၊တပ်ႉလေႃႉရထႃးလႂ်၊တင်းတပ်ႉၵူၼ်းၶီႇမႃႉလႂ်ၵေႃႈဢွၼ်ၵၼ်ၸွမ်းသူင်ႇလႄႈပဵၼ်တပ်ႉပဵၼ်တႃႇဢၼ်ယႂ်ႇၼႃႇလူင်လၢင်ဢေႃႈ။
10မိူဝ်ႈဢၼ်ၶဝ်ႁွတ်ႈၵႂႃႇထိုင်ၵႃႈတီႈတလၢင်းယဵပ်ႇၶဝ်ႈဢႃႇတတ်ႉ၊ဢၼ်မီးၽၢႆႇဝၼ်းဢွၵ်ႇၼမ်ႉယေႃးတၢၼ်ႇ၊ၼၼ်ႉၸိုင်၊သမ်ႉႁဵတ်းတၢင်းဢၼ်တူပ်းဢူၵ်းႁွင်ႉႁႆႈယႂ်ႇၼႃႇႁိုင်တၢၼ်ႇတၢၼ်ႇဢေႃႈ။ ယူဝ်းသႅပ်ႈ၊ႁဵတ်းတၢင်းဢၼ်မႆႈၸႂ်ထိုင်ၸႂ်တီႈၼၼ်ႈၸဵတ်းဝၼ်းဢေႃႈ။- 11ၶႃႈဝၢၼ်ႈၵူၼ်းမိူင်းမိူင်းၶႃႇၼၼ်ႇ၊ၶဝ်လႆႈႁၼ်ၵူၼ်းၸိူဝ်းၼၼ်ႉႁဵတ်းတၢင်းဢၼ်မႆႈၶီထိုင်ၸႂ်ၵႃႈတီႈတလၢင်းယဵပ်ႇၶဝ်ႈဢႃႇတတ်ႉ၊ၼၼ်ႉလႄႈၶဝ်လၢတ်ႈလႄႈဝႃႈ၊ “ၵူၼ်းဢေးၵျိပ်ႉ၊ၸိူဝ်းၼႆႉသင်ပႄႉမႃးႁဵတ်းတၢင်းဢၼ်မႆႈၶီထိုင်ၸႂ်ထၼ်ႇၼႆႉ၊” ဝႃႈၼင်ႇၼႆဢေႃႈ။ ပိူဝ်ႈၼႆလႄႈၶဝ်ႁွင်ႉႁဵၵ်ႈတီႈၼၼ်ႈၸိုဝ်ႈဝႃႈ၊ဢပေးလမိၸရိမ်ႇ၊#50:11 “ဢပေးလမိၸရိမ်ႇ” ပွင်ႇဝႃႈ၊ “ၵူၼ်းမဵဝ်းဢေးၵျိပ်ႉၶဝ်ဝႆႉပဵၼ်လွင်ႈတၢင်းဢၼ်မႆႈဢၼ်ၶီ” ဢေႃႈ။
12ၼင်ႇၼၼ်လႄႈလုၵ်ႈၸၢႆးယႃႇၵုပ်ႈ၊ၸိူဝ်းၼၼ်ႉ၊ဢွၼ်ၵၼ်ႁဵတ်းၸွမ်းၵႃႈၼင်ႇဢၼ်ပေႃႈၶဝ်သင်ႇလၢတ်ႈဝႆႉၼၼ်ႉဢေႃႈ။- 13ၶဝ်ဢွၼ်ၵၼ်ဢဝ်တူဝ်တၢႆမၼ်းၵႂႃႇၵႃႈတီႈမိူင်းၶႃႇၼၼ်ႇ၊လႄႈသၢင်းၵျူဝ်ႇၵႃႈၼႂ်းႁူးထမ်ႈဢၼ်မီးၼႂ်းတူင်ႈၼႃးမၵ်ႉပေႇလႃႉ၊ၽၢႆႇဝၼ်းဢွၵ်ႇမမ်ႇရေႇ၊ဢၼ်ဢႃႇပြႃႇႁၢမ်ႇ၊သိုဝ်ႉဢဝ်ၵႃႈတီႈဢေႇၽရုၼ်ႇ၊ၵူၼ်းမဵဝ်းႁိတ်ႉတိ၊ပုၼ်ႈတႃႇႁႂ်ႈပဵၼ်ပႃႇႁဝ်ႈတူဝ်ၸဝ်ႈၵဝ်ႇပိူင်ႇၼၼ်ႉဢေႃႈ။- 14ဝၢႆးသေဢၼ်ယူဝ်းသႅပ်ႈ၊သၢင်းၵျူဝ်ႇပေႃႈမၼ်းယဝ်ႉၼၼ်ႉပႃးဢဝ်ၸဵမ်ပီႈဢၢႆႈၼွင်ႉၸၢႆးမၼ်းဢိၵ်ႇတင်းၶဝ်ၸိူဝ်းဢၼ်ၶိုၼ်ႈၵႂႃႇၸွမ်းသူင်ႇတူဝ်တၢႆယႃႇၵုပ်ႈ၊ၸိူဝ်းၼၼ်ႉတင်းသဵင်ႈတင်းလူင်ၶိုၼ်းမိူဝ်းၵႂႃႇၸူးမိူင်းဢေးၵျိပ်ႉ၊ဢေႃႈ။
ယူဝ်းသႅပ်ႈပၼ်ႁႅင်းတီႈပီႈၼွင်ႉမၼ်း
15ဝၢႆးသေပေႃႈၶဝ်တၢႆယဝ်ႉၼၼ်ႉ၊ပီႈဢၢႆႈယူဝ်းသႅပ်ႈ၊ၸိူဝ်းၼၼ်ႉလၢတ်ႈလႄႈဝႃႈ၊ “ၸၢင်ႈၶႄးယူဝ်းသႅပ်ႈ၊ယင်းတေၸင်းႁဝ်းလႄႈတၵ်းတွပ်ႇတႅၼ်းပၼ်ၵႃႈဢၼ်ႁဝ်းႁဵတ်းႁုၵ်းႁဵတ်းႁၢႆႉတေႃႇမၼ်းၵမ်းဢွၼ်တၢင်းၼၼ်ႉႁိုဝ်ဢမ်ႇႁု၊” ဝႃႈၼင်ႇၼႆလႄႈ၊- 16ပွႆႇၵူၼ်းၵေႃႉၼိုင်ႈၵႂႃႇတီႈယူဝ်းသႅပ်ႈ၊လႄႈလဝ်ႈလၢတ်ႈဝႃႈ၊ “ပေႃႈၸဝ်ႈႁဝ်းၼၼ်ႉၸူဝ်ႈမၼ်းဢမ်ႇပႆႇတၢႆၼၼ်ႉသင်ႇလၢတ်ႈဝႆႉတီႈၶႃႈၸဝ်ႈတင်းလၢႆလႄႈဝႃႈ၊- 17‘ၵႂႃႇလၢတ်ႈတီႈယူဝ်းသႅပ်ႈ၊လႄႈဝႃႈ၊ၶႅၼ်းတေႃႈပွႆႇၶႂၢင်းပၼ်တၢင်းၽိတ်းဢၼ်ပီႈဢၢႆႈမႂ်းတင်းလၢႆၽိတ်းပိူင်ႈမႂ်းဝႆႉၼၼ်ႉသေၵမ်း၊’ ဝႃႈၼင်ႇၼႆဝႆႉတီႈၶႃႈဢေႃႈ။ တေႃႈလဵဝ်ၼႆႉၶႅၼ်းတေႃႈပွႆႇၶႂၢင်းပၼ်တၢင်းၽိတ်းဢၼ်ႁဝ်းၶႃႈ၊ၶႃႈၽြႃးပဵၼ်ၸဝ်ႈပေႃႈၸဝ်ႈႁဝ်းၸိူဝ်းၼႆႉၽိတ်းပိူင်ႈၼၼ်ႉသေၵမ်းၶႃႈ၊” ဝႃႈၼင်ႇၼႆဢေႃႈ။ မိူဝ်ႈဢၼ်မၼ်းငိၼ်းၵႂၢမ်းၼၼ်ႉယူဝ်းသႅပ်ႈ၊ၼမ်ႉတႃတူၵ်းဢေႃႈ။
18မိူဝ်ႈၼၼ်ႉ၊ပီႈဢၢႆႈမၼ်းၸိူဝ်းၼၼ်ႉမႃးလႄႈဢွၼ်ၵၼ်ၶုပ်ႉမူပ်ႇၵႃႈတီႈၽၢႆႇၼႃႈမၼ်းလႄႈလဝ်ႈလၢတ်ႈဝႃႈ၊ “ႁဝ်းၶႃႈမီးယူႇၵႃႈတီႈၽၢႆႇၼႃႈၸဝ်ႈႁဝ်းၸိူဝ်ႉၼင်ႇၶႃႈၵူၼ်းၸႂ်ႉတီႈၶႃႈဢေႃႈ၊” ဝႃႈၼင်ႇၼႆဢေႃႈ။
19 ယူဝ်းသႅပ်ႈ၊ၵေႃႈလၢတ်ႈတီႈၶဝ်လႄႈဝႃႈ၊ “ယႃႇပေမႆႈၸႂ်။ ၵဝ်ၶႃႈပဵၼ်ၵေႃႉတၢင်တူဝ်ၽြႃးပဵၼ်ၸဝ်ႈၵေႃႈဢမ်ႇၸႂ်ႈ။- 20သူၵျၢမ်ႇပွင်ဢၼ်ႁုၵ်းဢၼ်ႁၢႆႉသႂ်ႇၵဝ်ၶႃႈသေၵေႃႈ၊ၽြႃးပဵၼ်ၸဝ်ႈလႅၵ်ႈလၢႆႈႁႂ်ႈပဵၼ်ဢၵျူဝ်းၵျေးၸူးႁႂ်ႈလႆႈၵႄႇသႄႇဢသၢၵ်ႈၵူၼ်းၼမ်ၼႃႇႁႂ်ႈလႆႈဢသၢၵ်ႈလိပ်းယူႇၸိူဝ်ႉၼင်ႇဢၼ်ပဵၼ်ယူႇဝၼ်းမိူဝ်ႈၼႆႉၼၼ်ႉယဝ်ႉ။- 21ပိူဝ်ႈၼႆလႄႈယႃႇပေမႆႈၸႂ်။ ၵဝ်ၶႃႈတၵ်းလဵင်ႉလူသူ၊ဢိၵ်ႇတင်းလုၵ်ႈလၢင်းသူတင်းလၢႆဢေႃႈ၊” ဝႃႈၼင်ႇၼႆလၢတ်ႈၵႂၢမ်းမႅတ်ႈတႃႇတေႃႇၶဝ်ႁႂ်ႈၶဝ်ပျေႇၸႂ်ၼိမ်ၸႂ်ဢေႃႈ။
တၢင်းတၢႆယူဝ်းသႅပ်ႈ
22ႁဵတ်းၼၼ်လႄႈယူဝ်းသႅပ်ႈ၊ယူႇသဝ်းၵႃႈတီႈမိူင်းဢေးၵျိပ်ႉ၊ႁူမ်ႈလူၺ်ႈၵၼ်တင်းၵူၼ်းႁိူၼ်းၵူၼ်းယေးပေႃႈမၼ်းၸိူဝ်းၼၼ်ႉယူႇလႄႈဢသၢၵ်ႈၶိုတ်ႈထိုင်ပၢၵ်ႇပၢႆႈသိပ်းပီဢေႃႈ။- 23မၼ်းယင်းလႆႈႁၼ်လုၵ်ႈလၢၼ်ဢေႇၽရိမ်ႇ၊လႄႈလုၵ်ႈလၢင်းမႃႇၶိရႃႉ၊ဢၼ်ပဵၼ်လုၵ်ႈၸၢႆးမၼႃႇသေႇ၊ၼၼ်ႉၵေႃႈ လႆႈၵိူတ်ႇလဵင်ႉၵႃႈၼိူဝ်တၵ်းမၼ်းဢေႃႈ။- 24ယူဝ်းသႅပ်ႈ၊ၵေႃႈလၢတ်ႈတီႈပီႈဢၢႆႈမၼ်းတင်းလၢႆလႄႈဝႃႈ၊ “ဝၼ်းတၢႆၵဝ်ၶႃႈၸမ်တၵ်းထိုင်ယဝ်ႉ။ ၽြႃးပဵၼ်ၸဝ်ႈတၵ်းမႃးလူထိင်းသူဢမၢၼ်ႇၶၼ်ပဵၼ်လႄႈတၵ်းဢဝ်သူဢွၵ်ႇသေမိူင်းၼႆႉၶိုၼ်းသူင်ႇသူၸူးတီႈမိူင်းဢၼ်မၼ်းၸဝ်ႈဝႆႉၵတိတီႈဢႃႇပြႃႇႁၢမ်ႇ၊ဢိၸၢၵ်ႈ၊ဢိၵ်ႇတင်းယႃႇၵုပ်ႈ၊ၼၼ်ႉဢေႃႈ၊” ဝႃႈၼင်ႇၼႆဢေႃႈ။- 25ၵမ်းၼၼ်ႉ၊ယူဝ်းသႅပ်ႈ၊ႁႂ်ႈၵူၼ်းမဵဝ်းဢိသရေး၊တင်းလၢႆတိူင်ႇဝႃႈၵတိတီႈမၼ်းလႄႈဝႃႈ၊ “မိူဝ်ႈဢၼ်ၽြႃးပဵၼ်ၸဝ်ႈသူင်ႇသူပွၵ်ႈၵႂႃႇၶိုၼ်းတီႈမိူင်းၼၼ်ႉၸိုင်၊ဢဝ်လုပ်ႇၵဝ်ၶႃႈဢွၵ်ႇသေမိူင်းၼႆႉမိူဝ်းၶိုၼ်းၵႂႃႇၸွမ်းသေၵမ်း၊” ဝႃႈၼင်ႇၼႆဢေႃႈ။- 26ယူဝ်းသႅပ်ႈ၊ၵေႃႈဢသၢၵ်ႈလႆႈပၢၵ်ႇသိပ်းပီလႄႈတၢႆၵႂႃႇဢေႃႈ။ ၶဝ်ဢဝ်ယႃႈယႃမဵဝ်းၼၢမ်ႇသႃႇလႂ်သႂ်ႇတူဝ်တၢႆမၼ်းၼင်ႇႁိုဝ်တေဢမ်ႇတူႇဢမ်ႇၼဝ်ႈၼၼ်ႉသေယဝ်ႉ၊သႂ်ႇၵွမ်ႇဝႆႉၵႃႈတီႈမိူင်းဢေးၵျိပ်ႉ၊ဝႆႉဢေႃႈ။
ၵျၢမ်းငဝ်ႈၵမ်ႇၽႃႇယဝ်ႉယဝ်ႉဢေႃႈ။
Iliyochaguliwa sasa
ငဝ်ႈ 50: SHNCL
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
ငဝ်ႈ 50
50
1 ယူဝ်းသႅပ်ႈ၊ၵေႃႈၵူမ်ႈလူင်းၵႃႈၼိူဝ်ၼႃႈပေႃႈမၼ်းလႄႈႁွင်ႉႁႆႈယူႇၸုပ်ႇၼူမ်ယူႇဢေႃႈ။- 2မိူဝ်ႈၼၼ်ႉ၊မၼ်းပူင်ဢမိင်ႉႁႂ်ႈသြႃႇမေႃယႃတင်းလၢႆဢဝ်ယႃႈယႃမဵဝ်းၼၢမ်ႇသႃႇသႂ်ႇပၼ်တႃးပၼ်တူဝ်တၢႆပေႃႈမၼ်းဢမ်ႇႁႂ်ႈလႆႈတူႇလႆႈၼဝ်ႈၼၼ်ႉဢေႃႈ။- 3ၸွမ်းၼင်ႇထုင်းၽိင်ႈမိုဝ်ႉဝၼ်းဢၼ်လုမ်းလႃးတႃးပၼ်တူဝ်တၢႆဢမ်ႇႁႂ်ႈလႆႈတူႇလႆႈၼဝ်ႈထူၼ်ႈတဵမ်သီႇသိပ်းဝၼ်းပူၼ်ႉယဝ်ႉသေၵေႃႈ၊ၵူၼ်းဢေးၵျိပ်ႉ၊ၶဝ်ဢွၼ်ၵၼ်မႆႈၶီထိုင်ၸႂ်ပုၼ်ႈမၼ်းၸဵတ်းသိပ်းဝၼ်းဢေႃႈ။
4မိူဝ်ႈဢၼ်ဝၼ်းဢၼ်မႆႈၸႂ်ၶီၸႂ်ပူၼ်ႉၵႂႃႇယဝ်ႉၼၼ်ႉ၊ယူဝ်းသႅပ်ႈ၊လၢတ်ႈတေႃႇၵူၼ်းၼႂ်းႁၢင်ႈၼႂ်းႁေႃၼၼ်ႉလႄႈဝႃႈ၊ “ၶႅၼ်းတေႃႈလဝ်ႈလၢတ်ႈထိုင်တီႈၶုၼ်ႁေႃၶမ်းလႄႈဝႃႈ၊- 5‘မိူဝ်ႈဢၼ်ပေႃႈၵဝ်ၶႃႈၸမ်တၵ်းတၢႆၼၼ်ႉမၼ်းႁႂ်ႈၵဝ်ၶႃႈဝႆႉၵတိသဵတ်ႈၸႃႇလွင်ႈဢၼ်ၵဝ်ၶႃႈတၵ်းလႆႈသၢင်းၵျူဝ်ႇတူဝ်မၼ်းၵႃႈၼႂ်းၶုမ်ပႃႇႁဵဝ်ႈဢၼ်မၼ်းမႄးႁႅၼ်းဝႆႉၵႃႈတီႈမိူင်းၶႃႇၼၼ်ႇ၊ပုၼ်ႉဢေႃႈ။ ပိူဝ်ႈၼႆလႄႈၶႅၼ်းတေႃႈပၼ်ဢၶႂၢင်ႉႁႂ်ႈၵဝ်ၶႃႈလႆႈၵႂႃႇသၢင်းၵျူဝ်ႇပေႃႈၵဝ်ၶႃႈသေၵမ်းၶႃႈ၊ပေႃးယဝ်ႉၸင်ႇ၊တေပွၵ်ႈၶိုၼ်းမႃးၵႃႈတီႈၼႆႈယူႇဢေႃႈ၊’ ဝႃႈၼင်ႇၼႆတၢင်ႇလဝ်ႈပၼ်သေၵမ်း၊” ဝႃႈၼင်ႇၼႆဢေႃႈ။
6ၶုၼ်ႁေႃၶမ်းမိူင်းဢေးၵျိပ်ႉ၊ၵေႃႈမီးဢမိင်ႉလႄႈဝႃႈ၊ “ၵႂႃႇလႄႈသၢင်းၵျူဝ်ႇပေႃႈမႂ်းၸွမ်းၼင်ႇဢၼ်မႂ်းလႆႈဝႆႉၵတိသဵတ်ႈၸႃႇၼၼ်ႉတႃႉ၊” ဝႃႈၼင်ႇၼႆဢေႃႈ။
7 ယူဝ်းသႅပ်ႈ၊ၶိုၼ်ႈၵႂႃႇႁႂ်ႈလႆႈသၢင်းၵျူဝ်ႇပေႃႈမၼ်းဢေႃႈ။ ၸႃႉၸဵမ်မူးမၢတ်ႈၽွင်းမိူင်းတင်းသဵင်ႈတင်းလူင်ၵူၼ်းၵႄႇၵူၼ်းႁူဝ်လႂ်တင်းၵႄႇၵၢင်ႉဢိင်မိူင်း၊မိူင်းဢေးၵျိပ်ႉ၊တင်းသဵင်ႈတင်းလူင်ဢွၼ်ၵၼ်ၵႂႃႇၸွမ်းသူင်ႇဢေႃႈ။- 8ၵူၼ်းႁိူၼ်းၵူၼ်းယေးမၼ်းလႂ်၊ၵူၼ်းႁိူၼ်းၵူၼ်းယေးပီႈဢၢႆႈမၼ်းလႂ်၊ဢိၵ်ႇတင်းၵူၼ်းႁိူၼ်းၵူၼ်းယေးပေႃႈမၼ်းၵႃႈမီးတင်းသဵင်ႈတင်းလူင်ၵေႃႈဢွၼ်ၵၼ်ၸွမ်းသူင်ႇဢေႃႈ။ ၵူၺ်းမီးလုၵ်ႈဢွၼ်ႇလႂ်တင်းၽုင်သူဝ်း၊ၽုင်ဝူဝ်းတရိၵ်ႈသၢၼ်ႇလႂ်၊ၵိုတ်းဝႆႉယူႇတီႈဢိူင်ႇၵေႃးသိၼ်း၊ဢေႃႈ။- 9ၼႆႉၵူၺ်းဢမ်ႇၵႃး၊တပ်ႉလေႃႉရထႃးလႂ်၊တင်းတပ်ႉၵူၼ်းၶီႇမႃႉလႂ်ၵေႃႈဢွၼ်ၵၼ်ၸွမ်းသူင်ႇလႄႈပဵၼ်တပ်ႉပဵၼ်တႃႇဢၼ်ယႂ်ႇၼႃႇလူင်လၢင်ဢေႃႈ။
10မိူဝ်ႈဢၼ်ၶဝ်ႁွတ်ႈၵႂႃႇထိုင်ၵႃႈတီႈတလၢင်းယဵပ်ႇၶဝ်ႈဢႃႇတတ်ႉ၊ဢၼ်မီးၽၢႆႇဝၼ်းဢွၵ်ႇၼမ်ႉယေႃးတၢၼ်ႇ၊ၼၼ်ႉၸိုင်၊သမ်ႉႁဵတ်းတၢင်းဢၼ်တူပ်းဢူၵ်းႁွင်ႉႁႆႈယႂ်ႇၼႃႇႁိုင်တၢၼ်ႇတၢၼ်ႇဢေႃႈ။ ယူဝ်းသႅပ်ႈ၊ႁဵတ်းတၢင်းဢၼ်မႆႈၸႂ်ထိုင်ၸႂ်တီႈၼၼ်ႈၸဵတ်းဝၼ်းဢေႃႈ။- 11ၶႃႈဝၢၼ်ႈၵူၼ်းမိူင်းမိူင်းၶႃႇၼၼ်ႇ၊ၶဝ်လႆႈႁၼ်ၵူၼ်းၸိူဝ်းၼၼ်ႉႁဵတ်းတၢင်းဢၼ်မႆႈၶီထိုင်ၸႂ်ၵႃႈတီႈတလၢင်းယဵပ်ႇၶဝ်ႈဢႃႇတတ်ႉ၊ၼၼ်ႉလႄႈၶဝ်လၢတ်ႈလႄႈဝႃႈ၊ “ၵူၼ်းဢေးၵျိပ်ႉ၊ၸိူဝ်းၼႆႉသင်ပႄႉမႃးႁဵတ်းတၢင်းဢၼ်မႆႈၶီထိုင်ၸႂ်ထၼ်ႇၼႆႉ၊” ဝႃႈၼင်ႇၼႆဢေႃႈ။ ပိူဝ်ႈၼႆလႄႈၶဝ်ႁွင်ႉႁဵၵ်ႈတီႈၼၼ်ႈၸိုဝ်ႈဝႃႈ၊ဢပေးလမိၸရိမ်ႇ၊#50:11 “ဢပေးလမိၸရိမ်ႇ” ပွင်ႇဝႃႈ၊ “ၵူၼ်းမဵဝ်းဢေးၵျိပ်ႉၶဝ်ဝႆႉပဵၼ်လွင်ႈတၢင်းဢၼ်မႆႈဢၼ်ၶီ” ဢေႃႈ။
12ၼင်ႇၼၼ်လႄႈလုၵ်ႈၸၢႆးယႃႇၵုပ်ႈ၊ၸိူဝ်းၼၼ်ႉ၊ဢွၼ်ၵၼ်ႁဵတ်းၸွမ်းၵႃႈၼင်ႇဢၼ်ပေႃႈၶဝ်သင်ႇလၢတ်ႈဝႆႉၼၼ်ႉဢေႃႈ။- 13ၶဝ်ဢွၼ်ၵၼ်ဢဝ်တူဝ်တၢႆမၼ်းၵႂႃႇၵႃႈတီႈမိူင်းၶႃႇၼၼ်ႇ၊လႄႈသၢင်းၵျူဝ်ႇၵႃႈၼႂ်းႁူးထမ်ႈဢၼ်မီးၼႂ်းတူင်ႈၼႃးမၵ်ႉပေႇလႃႉ၊ၽၢႆႇဝၼ်းဢွၵ်ႇမမ်ႇရေႇ၊ဢၼ်ဢႃႇပြႃႇႁၢမ်ႇ၊သိုဝ်ႉဢဝ်ၵႃႈတီႈဢေႇၽရုၼ်ႇ၊ၵူၼ်းမဵဝ်းႁိတ်ႉတိ၊ပုၼ်ႈတႃႇႁႂ်ႈပဵၼ်ပႃႇႁဝ်ႈတူဝ်ၸဝ်ႈၵဝ်ႇပိူင်ႇၼၼ်ႉဢေႃႈ။- 14ဝၢႆးသေဢၼ်ယူဝ်းသႅပ်ႈ၊သၢင်းၵျူဝ်ႇပေႃႈမၼ်းယဝ်ႉၼၼ်ႉပႃးဢဝ်ၸဵမ်ပီႈဢၢႆႈၼွင်ႉၸၢႆးမၼ်းဢိၵ်ႇတင်းၶဝ်ၸိူဝ်းဢၼ်ၶိုၼ်ႈၵႂႃႇၸွမ်းသူင်ႇတူဝ်တၢႆယႃႇၵုပ်ႈ၊ၸိူဝ်းၼၼ်ႉတင်းသဵင်ႈတင်းလူင်ၶိုၼ်းမိူဝ်းၵႂႃႇၸူးမိူင်းဢေးၵျိပ်ႉ၊ဢေႃႈ။
ယူဝ်းသႅပ်ႈပၼ်ႁႅင်းတီႈပီႈၼွင်ႉမၼ်း
15ဝၢႆးသေပေႃႈၶဝ်တၢႆယဝ်ႉၼၼ်ႉ၊ပီႈဢၢႆႈယူဝ်းသႅပ်ႈ၊ၸိူဝ်းၼၼ်ႉလၢတ်ႈလႄႈဝႃႈ၊ “ၸၢင်ႈၶႄးယူဝ်းသႅပ်ႈ၊ယင်းတေၸင်းႁဝ်းလႄႈတၵ်းတွပ်ႇတႅၼ်းပၼ်ၵႃႈဢၼ်ႁဝ်းႁဵတ်းႁုၵ်းႁဵတ်းႁၢႆႉတေႃႇမၼ်းၵမ်းဢွၼ်တၢင်းၼၼ်ႉႁိုဝ်ဢမ်ႇႁု၊” ဝႃႈၼင်ႇၼႆလႄႈ၊- 16ပွႆႇၵူၼ်းၵေႃႉၼိုင်ႈၵႂႃႇတီႈယူဝ်းသႅပ်ႈ၊လႄႈလဝ်ႈလၢတ်ႈဝႃႈ၊ “ပေႃႈၸဝ်ႈႁဝ်းၼၼ်ႉၸူဝ်ႈမၼ်းဢမ်ႇပႆႇတၢႆၼၼ်ႉသင်ႇလၢတ်ႈဝႆႉတီႈၶႃႈၸဝ်ႈတင်းလၢႆလႄႈဝႃႈ၊- 17‘ၵႂႃႇလၢတ်ႈတီႈယူဝ်းသႅပ်ႈ၊လႄႈဝႃႈ၊ၶႅၼ်းတေႃႈပွႆႇၶႂၢင်းပၼ်တၢင်းၽိတ်းဢၼ်ပီႈဢၢႆႈမႂ်းတင်းလၢႆၽိတ်းပိူင်ႈမႂ်းဝႆႉၼၼ်ႉသေၵမ်း၊’ ဝႃႈၼင်ႇၼႆဝႆႉတီႈၶႃႈဢေႃႈ။ တေႃႈလဵဝ်ၼႆႉၶႅၼ်းတေႃႈပွႆႇၶႂၢင်းပၼ်တၢင်းၽိတ်းဢၼ်ႁဝ်းၶႃႈ၊ၶႃႈၽြႃးပဵၼ်ၸဝ်ႈပေႃႈၸဝ်ႈႁဝ်းၸိူဝ်းၼႆႉၽိတ်းပိူင်ႈၼၼ်ႉသေၵမ်းၶႃႈ၊” ဝႃႈၼင်ႇၼႆဢေႃႈ။ မိူဝ်ႈဢၼ်မၼ်းငိၼ်းၵႂၢမ်းၼၼ်ႉယူဝ်းသႅပ်ႈ၊ၼမ်ႉတႃတူၵ်းဢေႃႈ။
18မိူဝ်ႈၼၼ်ႉ၊ပီႈဢၢႆႈမၼ်းၸိူဝ်းၼၼ်ႉမႃးလႄႈဢွၼ်ၵၼ်ၶုပ်ႉမူပ်ႇၵႃႈတီႈၽၢႆႇၼႃႈမၼ်းလႄႈလဝ်ႈလၢတ်ႈဝႃႈ၊ “ႁဝ်းၶႃႈမီးယူႇၵႃႈတီႈၽၢႆႇၼႃႈၸဝ်ႈႁဝ်းၸိူဝ်ႉၼင်ႇၶႃႈၵူၼ်းၸႂ်ႉတီႈၶႃႈဢေႃႈ၊” ဝႃႈၼင်ႇၼႆဢေႃႈ။
19 ယူဝ်းသႅပ်ႈ၊ၵေႃႈလၢတ်ႈတီႈၶဝ်လႄႈဝႃႈ၊ “ယႃႇပေမႆႈၸႂ်။ ၵဝ်ၶႃႈပဵၼ်ၵေႃႉတၢင်တူဝ်ၽြႃးပဵၼ်ၸဝ်ႈၵေႃႈဢမ်ႇၸႂ်ႈ။- 20သူၵျၢမ်ႇပွင်ဢၼ်ႁုၵ်းဢၼ်ႁၢႆႉသႂ်ႇၵဝ်ၶႃႈသေၵေႃႈ၊ၽြႃးပဵၼ်ၸဝ်ႈလႅၵ်ႈလၢႆႈႁႂ်ႈပဵၼ်ဢၵျူဝ်းၵျေးၸူးႁႂ်ႈလႆႈၵႄႇသႄႇဢသၢၵ်ႈၵူၼ်းၼမ်ၼႃႇႁႂ်ႈလႆႈဢသၢၵ်ႈလိပ်းယူႇၸိူဝ်ႉၼင်ႇဢၼ်ပဵၼ်ယူႇဝၼ်းမိူဝ်ႈၼႆႉၼၼ်ႉယဝ်ႉ။- 21ပိူဝ်ႈၼႆလႄႈယႃႇပေမႆႈၸႂ်။ ၵဝ်ၶႃႈတၵ်းလဵင်ႉလူသူ၊ဢိၵ်ႇတင်းလုၵ်ႈလၢင်းသူတင်းလၢႆဢေႃႈ၊” ဝႃႈၼင်ႇၼႆလၢတ်ႈၵႂၢမ်းမႅတ်ႈတႃႇတေႃႇၶဝ်ႁႂ်ႈၶဝ်ပျေႇၸႂ်ၼိမ်ၸႂ်ဢေႃႈ။
တၢင်းတၢႆယူဝ်းသႅပ်ႈ
22ႁဵတ်းၼၼ်လႄႈယူဝ်းသႅပ်ႈ၊ယူႇသဝ်းၵႃႈတီႈမိူင်းဢေးၵျိပ်ႉ၊ႁူမ်ႈလူၺ်ႈၵၼ်တင်းၵူၼ်းႁိူၼ်းၵူၼ်းယေးပေႃႈမၼ်းၸိူဝ်းၼၼ်ႉယူႇလႄႈဢသၢၵ်ႈၶိုတ်ႈထိုင်ပၢၵ်ႇပၢႆႈသိပ်းပီဢေႃႈ။- 23မၼ်းယင်းလႆႈႁၼ်လုၵ်ႈလၢၼ်ဢေႇၽရိမ်ႇ၊လႄႈလုၵ်ႈလၢင်းမႃႇၶိရႃႉ၊ဢၼ်ပဵၼ်လုၵ်ႈၸၢႆးမၼႃႇသေႇ၊ၼၼ်ႉၵေႃႈ လႆႈၵိူတ်ႇလဵင်ႉၵႃႈၼိူဝ်တၵ်းမၼ်းဢေႃႈ။- 24ယူဝ်းသႅပ်ႈ၊ၵေႃႈလၢတ်ႈတီႈပီႈဢၢႆႈမၼ်းတင်းလၢႆလႄႈဝႃႈ၊ “ဝၼ်းတၢႆၵဝ်ၶႃႈၸမ်တၵ်းထိုင်ယဝ်ႉ။ ၽြႃးပဵၼ်ၸဝ်ႈတၵ်းမႃးလူထိင်းသူဢမၢၼ်ႇၶၼ်ပဵၼ်လႄႈတၵ်းဢဝ်သူဢွၵ်ႇသေမိူင်းၼႆႉၶိုၼ်းသူင်ႇသူၸူးတီႈမိူင်းဢၼ်မၼ်းၸဝ်ႈဝႆႉၵတိတီႈဢႃႇပြႃႇႁၢမ်ႇ၊ဢိၸၢၵ်ႈ၊ဢိၵ်ႇတင်းယႃႇၵုပ်ႈ၊ၼၼ်ႉဢေႃႈ၊” ဝႃႈၼင်ႇၼႆဢေႃႈ။- 25ၵမ်းၼၼ်ႉ၊ယူဝ်းသႅပ်ႈ၊ႁႂ်ႈၵူၼ်းမဵဝ်းဢိသရေး၊တင်းလၢႆတိူင်ႇဝႃႈၵတိတီႈမၼ်းလႄႈဝႃႈ၊ “မိူဝ်ႈဢၼ်ၽြႃးပဵၼ်ၸဝ်ႈသူင်ႇသူပွၵ်ႈၵႂႃႇၶိုၼ်းတီႈမိူင်းၼၼ်ႉၸိုင်၊ဢဝ်လုပ်ႇၵဝ်ၶႃႈဢွၵ်ႇသေမိူင်းၼႆႉမိူဝ်းၶိုၼ်းၵႂႃႇၸွမ်းသေၵမ်း၊” ဝႃႈၼင်ႇၼႆဢေႃႈ။- 26ယူဝ်းသႅပ်ႈ၊ၵေႃႈဢသၢၵ်ႈလႆႈပၢၵ်ႇသိပ်းပီလႄႈတၢႆၵႂႃႇဢေႃႈ။ ၶဝ်ဢဝ်ယႃႈယႃမဵဝ်းၼၢမ်ႇသႃႇလႂ်သႂ်ႇတူဝ်တၢႆမၼ်းၼင်ႇႁိုဝ်တေဢမ်ႇတူႇဢမ်ႇၼဝ်ႈၼၼ်ႉသေယဝ်ႉ၊သႂ်ႇၵွမ်ႇဝႆႉၵႃႈတီႈမိူင်းဢေးၵျိပ်ႉ၊ဝႆႉဢေႃႈ။
ၵျၢမ်းငဝ်ႈၵမ်ႇၽႃႇယဝ်ႉယဝ်ႉဢေႃႈ။
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia