Sefaniya 3
3
Yelusalemu yangutagusigwa
1Mochona hemwe wanhu wa Yelusalemu,
mlingubunza na mkokomoche na mlingubelenhuka.
2Hamlinguhulichiza makanyo
ne kukunda kukanyigwa.
Hamlingitumbila kwa Mkulu Nguluwi,
ne kuwa habehi na Nguluwi wa hemwe.
3Vilongozi wake ndo misimba jilingubuma,
watagusa wake ndo mibwa ja kisolo jiwele na nzala ng'hatu mhela wa matinazo,
hajilinguleka choneche kwa chiwalo cha mitondo.
4Waloli wake hawalingudita chinhu kwa kulolela goya na walingubelenhuka.
Watambika wake nawavidita vinhu vyelile viwe vikokomoche
na kwajiliza malajizo ga Nguluwi kwa chiwalo cha hewo wawo.
5Ila Mkulu Nguluwi yawele Yelusalemu ndo yatanganiche,
halingudita mbuli yoneche yihile.
Chila mitondo kangulajilaga hachi ya heye,
ena, chila zuwa halingulemwela,
ila wehile wahela soni ne hado.
6Mkulu Nguluwi kangulonga,
“Nandiwadumya wanhu wa isi zinji,
ngome za hewo nandizibomola.
Nzila zawo nandiziwifya,
haduhu yalingukola amo.
Miji jawo najiwifigwa,
haduhu ne yumwe yalechigwe mkomu.
7Nandijesa, ‘Ndikomya Yelusalemu wondumba na kugakunda makanyo,
wahalechile kukumbuchila vyondiugazile.’
Ila wanhu wake nawali na maya lukami
ga kudita madito gawo gehile.
8Lelo, mmbeteze,
zuwa lyondikwima kulavya ulonjelezi.
Nanyamula kuwakungajiza wanhu wa isi na undewa,
na kuwalajila kuzudila kwa heni,
na ng'halazi ya heni yeng'ha ing'hang'hale.
Isi yeng'ha yolakazwa kwa chiluli cha fihi ya ng'halazi ya heni.
9Mhela awo ndojeliza milomo ja wanhu wa isi zeng'ha,
leka walicheme itagwa lya heni Mkulu Nguluwi,
na kung'holela mijito kwa kunuwila kumwe.
10Kulawa kumwambu mwa nzanda za Kushi
wanhu wa heni walingufugamila heni,
wanhu wa heni wawele nawasambaluka,
wongalila ndolendole.
11“Zuwa alyo, hambasigwa soni,
kwa chiwalo cha madito ga hemwe ga kumbelenhuka,
kwa vila ndowosa hali hemwe,
wala walingidaya na kiyipa ukulu.
Namwe hamuweza kidaya kahi kuli chidunda cha heni chelile.
12Ndowalechela wanhu wawele liholile na walingunyenyetela,
walingitumbila kikala goya kwa itagwa lya heni Mkulu Nguluwi.
13Waisilaeli wasigale,
hawoileka hachi ne kulonga udesi,
uhadi hauwa kuli milomo ja hewo.
Wolya na kuwasa,
haduhu munhu yoneche yawele kowadita wadumbe.”
Lwimbo lwa kusangalala
14Wimbe kwa lizi likulu, gwa Siyoni,
gwa Isilaeli ulavye lizi.
Usangalale na kutowa luchenze kwa nhumbula ya hegwe yeng'ha,
gwa Yelusalemu!
15Mkulu Nguluwi nakawosela utaguso uwele wahawafichile,
nakawawinga wang'honyo wa hemwe.
Mkulu Nguluwi, mndewa wa Isilaeli ka hamwe na hemwe,
hamlinguganigwa kudumba magazo kahi.
16Zuwa alyo, muji wa Yelusalemu wolonjelwa,
“Uleche kudumba, gwa Siyoni,
wikangaze ng'hatu.
17Mkulu Nguluwi, Nguluwi wa hemwe, ka hamwe na hemwe
heye ndo yawele na mong'ho wa kulohola.
Heye kosangalala kwa chiwalo cha hemwe kwa kusangalala kukulu,
kwa igano lya heye kowadita msindamale.
Kosangalala kwa chiwalo cha hemwe kwa lwimbo lwa lizi likulu.”
18Mkulu Nguluwi kangulonga,
“Ndogosa masinzo kwa hemwe,
kuli mazuwa ga mnvina ziwichigwe,
kwa vila ago ndo itunyo na kudeula kwa hemwe.
19Mhela awo ndowagaza weng'ha walinguwabunza hemwe.
Ndowalohola vyete na kuwakungajiza wawele nawasambaluka.
Ndowapa hewo lutogo na kuhulichizwa,
kuli chila isi iwele nawali wabasigwe soni.
20Mhela awo ndowakungajiza hemwe,
ndowegala haluga.
Ndowadita mzeleche na kutogoligwa,
hali wanhu weng'ha muisi,
hondiwahilulila lufufu lwa hemwe,
kuno mlola.
Heni Mkulu Nguluwi nandonga.”
Iliyochaguliwa sasa
Sefaniya 3: Chividunda
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators
Sefaniya 3
3
Yelusalemu yangutagusigwa
1Mochona hemwe wanhu wa Yelusalemu,
mlingubunza na mkokomoche na mlingubelenhuka.
2Hamlinguhulichiza makanyo
ne kukunda kukanyigwa.
Hamlingitumbila kwa Mkulu Nguluwi,
ne kuwa habehi na Nguluwi wa hemwe.
3Vilongozi wake ndo misimba jilingubuma,
watagusa wake ndo mibwa ja kisolo jiwele na nzala ng'hatu mhela wa matinazo,
hajilinguleka choneche kwa chiwalo cha mitondo.
4Waloli wake hawalingudita chinhu kwa kulolela goya na walingubelenhuka.
Watambika wake nawavidita vinhu vyelile viwe vikokomoche
na kwajiliza malajizo ga Nguluwi kwa chiwalo cha hewo wawo.
5Ila Mkulu Nguluwi yawele Yelusalemu ndo yatanganiche,
halingudita mbuli yoneche yihile.
Chila mitondo kangulajilaga hachi ya heye,
ena, chila zuwa halingulemwela,
ila wehile wahela soni ne hado.
6Mkulu Nguluwi kangulonga,
“Nandiwadumya wanhu wa isi zinji,
ngome za hewo nandizibomola.
Nzila zawo nandiziwifya,
haduhu yalingukola amo.
Miji jawo najiwifigwa,
haduhu ne yumwe yalechigwe mkomu.
7Nandijesa, ‘Ndikomya Yelusalemu wondumba na kugakunda makanyo,
wahalechile kukumbuchila vyondiugazile.’
Ila wanhu wake nawali na maya lukami
ga kudita madito gawo gehile.
8Lelo, mmbeteze,
zuwa lyondikwima kulavya ulonjelezi.
Nanyamula kuwakungajiza wanhu wa isi na undewa,
na kuwalajila kuzudila kwa heni,
na ng'halazi ya heni yeng'ha ing'hang'hale.
Isi yeng'ha yolakazwa kwa chiluli cha fihi ya ng'halazi ya heni.
9Mhela awo ndojeliza milomo ja wanhu wa isi zeng'ha,
leka walicheme itagwa lya heni Mkulu Nguluwi,
na kung'holela mijito kwa kunuwila kumwe.
10Kulawa kumwambu mwa nzanda za Kushi
wanhu wa heni walingufugamila heni,
wanhu wa heni wawele nawasambaluka,
wongalila ndolendole.
11“Zuwa alyo, hambasigwa soni,
kwa chiwalo cha madito ga hemwe ga kumbelenhuka,
kwa vila ndowosa hali hemwe,
wala walingidaya na kiyipa ukulu.
Namwe hamuweza kidaya kahi kuli chidunda cha heni chelile.
12Ndowalechela wanhu wawele liholile na walingunyenyetela,
walingitumbila kikala goya kwa itagwa lya heni Mkulu Nguluwi.
13Waisilaeli wasigale,
hawoileka hachi ne kulonga udesi,
uhadi hauwa kuli milomo ja hewo.
Wolya na kuwasa,
haduhu munhu yoneche yawele kowadita wadumbe.”
Lwimbo lwa kusangalala
14Wimbe kwa lizi likulu, gwa Siyoni,
gwa Isilaeli ulavye lizi.
Usangalale na kutowa luchenze kwa nhumbula ya hegwe yeng'ha,
gwa Yelusalemu!
15Mkulu Nguluwi nakawosela utaguso uwele wahawafichile,
nakawawinga wang'honyo wa hemwe.
Mkulu Nguluwi, mndewa wa Isilaeli ka hamwe na hemwe,
hamlinguganigwa kudumba magazo kahi.
16Zuwa alyo, muji wa Yelusalemu wolonjelwa,
“Uleche kudumba, gwa Siyoni,
wikangaze ng'hatu.
17Mkulu Nguluwi, Nguluwi wa hemwe, ka hamwe na hemwe
heye ndo yawele na mong'ho wa kulohola.
Heye kosangalala kwa chiwalo cha hemwe kwa kusangalala kukulu,
kwa igano lya heye kowadita msindamale.
Kosangalala kwa chiwalo cha hemwe kwa lwimbo lwa lizi likulu.”
18Mkulu Nguluwi kangulonga,
“Ndogosa masinzo kwa hemwe,
kuli mazuwa ga mnvina ziwichigwe,
kwa vila ago ndo itunyo na kudeula kwa hemwe.
19Mhela awo ndowagaza weng'ha walinguwabunza hemwe.
Ndowalohola vyete na kuwakungajiza wawele nawasambaluka.
Ndowapa hewo lutogo na kuhulichizwa,
kuli chila isi iwele nawali wabasigwe soni.
20Mhela awo ndowakungajiza hemwe,
ndowegala haluga.
Ndowadita mzeleche na kutogoligwa,
hali wanhu weng'ha muisi,
hondiwahilulila lufufu lwa hemwe,
kuno mlola.
Heni Mkulu Nguluwi nandonga.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators