Kañaam 71
71
Pñehan pi ñaaŋ nantohi
1Iwi Yawe Nawat Kabuka, du iwi di di njaaŋ kamennaana ;
kwut nin bakowandënaan !
2Iwi inwooŋ naŧool, yeŋanaan ibot ibuuranaan !
Watan kabaţ iŧiinkën ibot ibuuranaan !
3Woon pnkuŋ pi nji ntëŋnuŋ,
pnkuŋ pi nhiluŋ kaya wal undoli.
Iŋal pbuuranaan,
iwo katoh ki ŋniw ŋankëmuŋ.
4Iwi Naşibaţi, buuranaan ţi iñen yi bañaaŋ bajooţ ;
buuranaan ţi ñaaŋ anwooŋ aanwo naŧool ;
buuranaan ţi ñaaŋ anwooŋ na udeeb ţi uhaaş.
5Iwi Yawe Nawat Kabuka Ajugun iwooŋ mnhaţ mi naan ;
dhaţ ţi iwi wi nwoonuŋ napoţ.
6Wi nhojuŋ du kayiŋ ki ni aşë mëban ţi iwi ;
iwi ipënanaanuŋ du kayiŋ ki ni ;
iwi i i njaaŋ kadëman unuur unjinţi.
7Bañaaŋ baŧum babi ñoŋar ţi uko wi naan,
kë iwi işë wo dko di mmeniiŋ dantuhuŋ bnuura.
8Mntum mi naan manji mandëmanu wal undoli ;
dji kaţup mndëm mi nu unuur undoli.
9Wutan kawutanaan wi pţaf pabiiŋ hënkuŋ ;
wutan kawutanaan wi mbiişniiŋ hënkuŋ.
10Başoorad naan baţiiniyaan uko wi naan ;
banklaaŋ pba na nji baţiini aŧiinkar.
11Baji : « Naşibaţi awutana ;
nadookaran na a namob,
nin aloŋ aanhil kabuurana. »
12Iwi Naşibaţi wutan kalowën !
Iwi Naşibaţi i naan, ŧaraan ibi iţënkën !
13Bañaaŋ bampoknuŋ bakeţan na mnkow, baba !
Bañaaŋ banklaaŋ pdolën buţaan,
bawoon na mnkow mnweek bakuţ bayewla !
14Kë nji nşë luŋ kayoonku na ŋnuur ;
ddo kadëmanaaru dëman maakan ;
15mntum naan manji manji iwo naŧool
kë ijaaŋ kbuuran wal undoli ;
mënhil kafën iko inuura yi idoluŋ.
16Iwi Nawat Kabuka, dluŋ kabi kaţup bañaaŋ iko iweek maakan yi idoluŋ ;
dluŋ kaţup kaji iwi ţañ iwooŋ naŧool.
17Iwi Naşibaţi, wi nwoonuŋ napoţ kë işë jukanaan,
kë te hënkuŋ nji kaţup iko iñoŋarënaan yi idoluŋ.
18Iwi Naşibaţi woli ddoo ţaf kë bkow bafaaŧ na nji,
wutan kawutanaan,
nhilna nţup kawuuŋ ki mnhina mi nu,
nhilna nţup bankluŋ kabuka mnhina mi nu.
19Iwi Naşibaţi, pwo naŧool pi nu paţëp uţup paya te du bko duuţ.
Iwi Naşibaţi, in awooŋ ji iwi ?
Iwi indoluŋ iko iweek maakan.
20Iwi idolnuŋ kë nţëp ţi unoor na pwuţan
aşë luŋ kadolën nka ubida,
iluŋ kadolën mpën du bnjiir.
21Iluŋ kahoţan mndëm mi naan,
iluŋ kabi katëŋţënaan.
22Iwi Naşibaţi i naan uŋal wi nu ujoonani,
dluŋ kakob bko banwooŋ na ital kabeebnu.
Iwi Nayimanaan i Iŧrayel,
dkob bko bi ital pa iwi
23Dluŋ kahuuran na mnlilan wi nji kaluŋ kayeeh kañaamarënu ;
uhaaş wi naan wi ibuuranuŋ bŧi uluŋ kayeehu.
24Dluŋ kaţup na mntum mi naan wal undoli kë iwo naŧool,
ţiki banklaaŋ pdolën buţaan bakeţ na mnkow
Iliyochaguliwa sasa
Kañaam 71: knf
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, Wycliffe Bible Translators, Inc. in cooperation with Le Groupe CIM-TBM, Senegal