'Anga'anga 28
28
Ko Paulo i te 'enua ko Mēlita
1E ora anake atura mātou, kua kite akera mātou ē, ko Mēlita te ingoa o taua 'enua ra. 2Kua tākinga meitaki ma'ata roa mai te au tangata o taua 'enua ra i a mātou: kua ta'u i'ora 'oki rātou i te a'i, ē kua arataki atura i a mātou rava rāi ki reira, nō te mea, tē topa 'ua maira te ua ē tē anu ra 'oki. 3Kua ko'iko'i i'ora a Paulo i tēta'i ruru va'ie, ē i tōna tuku'anga atu i te reira ki runga i te a'i, kua rere maira tēta'i vīpera ki va'o nō te vera 'oki o te a'i, ē kua piri maira ki runga i tōna rima. 4Kia 'ākara maira taua au tangata ra i taua ōvī ra i te tautau'anga mai mei tōna rima ra, kua kārangaranga i'ora rātou, rātou 'ua'orāi. “'E mea pāpū ē, 'e tangata tā tangata aia nei; ko te tuatua nōna kāre aia e ora mei tāna i rave, noa atu ē kua ora aia mei te moana mai.” 5Kua rūrū atura a Paulo i taua ōvī ra ki roto i te a'i, kāre tākiri rā aia i roko'ia e te kino. 6Ko rātou rā, tē tāpapa 'ua ra rātou i te 'ē'ē'anga aia ē te 'inga'anga ki raro i taua 'ati'anga rāi, ka mate rava atu ei. Kia tāpapa rā rātou e roa akera, ē kāre atura rātou i kite i tēta'i 'ua atu kino i te tupu'anga ki aia, kua taui atura rātou i tō rātou manako ē kua kārangaranga atura ē, “'E atua aia!”
7Ē i vaitata ki taua ngā'i ra te au kāinga o te tūtara o taua 'enua ra, ko Pōpiliō tōna ingoa, ko tei 'ō'ō mai i a mātou, ē tei 'ākono mai i a mātou 'ei manu'iri nāna i roto i tōna 'are e toru rā. 8Tē maki'ia ra te metua tāne o Pōpiliō e te vera ma te 'eke toto, tē 'aka'āvai 'ua ra. Kua 'aere atura a Paulo e 'ātoro i aia, pure i'ora, tuku atura i ōna rima ki runga a'o i aia ē e 'akaora atura i aia. 9E oti akera taua 'akaora'anga ra, kua 'akamata akera te aronga maki kātoatoa o taua 'enua ra i te 'aere mai, ē kua 'akaora'ia i'ora, 10ē kua 'akangāteitei ma'ata maira rātou i a mātou. Ē i tō mātou 'akaruke'anga i muri roa mai, kua tuku maira rātou i te au mea umuumu'ia ki runga i te pa'ī.
Te tere mei Mēlita ki Rōma
11E topa akera e toru marama ki muri, kua tere atura mātou nā runga i tēta'i pa'ī nō Ālekānētēria mai tei 'akaruru i te tuātau 'uri'ia i taua 'enua ra. Ko te “Mā'anga Tamāroa” te tiki 'akairo o taua pa'ī ra. 12E kake atura mātou ki uta i Sirakusa, ē kua no'o i'ora ki reira e toru rā. 13Ē tē 'ano atura mātou mei reira atu, tae atura ki Rēgio. E pō ta'i akera, kua 'akamata maira te matangi tonga i te 'arara mai, e pō rua akera 'oki, tae atura mātou ki Pūteoli. 14Ē 'e aronga taeake tei kitea'ia e mātou ki reira, ko tei pati 'akatenga mai ki a mātou kia no'o mātou ki ō rātou ra e 'itu rā. I pērā 'oki tō mātou tere ki Rōma. 15I tō te au taeake i Rōma 'akarongo'anga i te karere i a mātou, kua 'aere maira rātou e 'ārāvei mai i a mātou e tae 'ua maira ki Āpio Fora ē te 'Are Tāpae'anga Toru. Ko Paulo, i tōna kite'anga atu i a rātou, kua 'akameitaki atura i te Atua, ē māro'iro'i atura aia.
Tei Rōma a Paulo
16Kia tomo atu mātou ki roto i a Rōma, kua 'akatika'ia a Paulo kia no'o anake 'ua aia ē tēta'i va'e'au 'ei tiaki i aia.
17E topa akera e toru rā ki muri, kua kāpiki atura a Paulo i te aronga nunui o te Ngāti Iūda ki tēta'i 'uipā'anga. Ē kia putuputu maira rātou, kua karanga atura aia ki a rātou, “E tama mā ē te au taeake nei, ko au, noa atu ē kāre au i 'apa ana i tō tātou 'iti tangata, mē kāre ra i tā tātou au peu 'ui tupuna ra, kua tuku mou'āuri'ia atu rāi au ki roto i te rima o tō Rōma i Iērūsalēma ra. 18E oti akera rātou i te uiui mai i āku, kua 'āriki rātou i te tuku i āku, nō te mea, kāre āku mea i rave e tau ei i āku te mate. 19#Anga 25.11Kia pāto'ito'i 'ua mai rā te Ngāti Iūda, kāre atu āku rāvenga, māri rā, i te karanga ē, ‘Nā Kaisara au e 'akavā’, noa atu ē, kāre āku 'ei tāpepe atu i tōku 'iti tangata. 20Ē ko tēia 'oki te tumu i pati atu ei au kia 'ārāvei au i a kōtou, ē kia 'akakite atu au ki a kōtou ē, nō te tāpapa'anga o Īserā'ela i tāpeka'ia ai au ki tēianei piri'anganaoa.”
21Kua pa'u maira rātou, “Kāre ā mātou leta i rauka mai nō Iūdea mai nō runga i a koe, ē kāre katoa tēta'i o tō mātou au taeake Ngāti Iūda i tae mai ki konei i 'apai mai i te karere nō'ou, mē kāre ra, 'e tuatua kino mai nō runga i a koe. 22Tē 'inangaro nei rā mātou i te 'akarongo mai mei a koe mai ē, 'e a'a tō'ou 'ua'orāi manako, nō te mea, kua kite 'oki mātou i tēia pupu nō'ou ē, kua pāto'ito'i'ia ia i te au ngā'i kātoatoa.”
23Kua 'akapāpū atura rātou i tēta'i rā nō te 'ārāvei i aia. Ē kua 'aere maira rātou 'e mānganui 'ua atu ki tōna 'are, ē mei te pōpongi mai e a'ia'i 'ua atura tōna 'akamāramarama'anga atu ki a rātou ē te 'akakitekite'anga atu i te bāsileia o te Atua, ma te 'akapāpū atu ki a rātou i te tuatua nō runga i a Iēsū mei roto mai i te Ture a Mōse ē te au peroveta ra. 24Ko tēta'i pae, kua 'āriki maira rātou i tei tuatua'ia, ko tēta'i pae rā, kāre rātou i 'āriki mai. 25Kua 'akaruke maira rātou ma te taumārōrō i rotopū i a rātou 'ua'orāi, i muri ake i tō Paulo karanga'anga atu i tēianei tuatua 'okota'i ra: “E tau rāi tā te Vaerua Tapu tuatua ki tō kōtou 'ui tupuna nā roto i te peroveta i a Īsaia, 26#Isa 6.9,10i te nā kō'anga mai ē,
‘Ka 'aere kōtou ki taua aronga ra, ka karanga atu ei,
Ka 'akarongo kōtou ki ō kōtou taringa, ē kāre rāi e mārama,
ē ka 'ākara kōtou ki ō kōtou mata, ē kāre rāi e kite.
27Nō te mea, kua mātorutoru 'oki te ngākau o tēianei 'iti tangata
ē kua 'akarongo ngatā ō rātou taringa,
ē kua tōpiri i ō rātou mata,
ko te kite ā'ea rātou ki ō rātou mata,
ē ko te rongo ā'ea ō rātou taringa,
ē ko te mārama ā'ea ō rātou ngākau
ē ko te 'āriu ā'ea mai rātou,
ē tē 'akaora ra au i a rātou.’
28“Nō reira, kua mārama kōtou ē, ko tēia rāvenga ora a te Atua, kua tono'ia ia ki te au 'ētene; ka 'akarongo 'oki rātou.”#28.28 Kua tātā'ia te 'īrava i roto i ēta'i pōkaikai tuatua, kāre rā i roto i te au pōkaikai ta'ito tikāi: 29 E oti akera tēianei tuatua i te karanga'ia e Paulo, 'aere atura te Ngāti Iūda, ma te tau'ētono ma'ata rātou, rātou 'ua'orāi.
30No'o atura a Paulo e rua akera mata'iti pūpū ki roto i tōna 'ua'orāi 'are tāra'u ra, ē kua 'āriki maira aia i te tangata rava rāi tei 'aere mai e 'ārāvei i aia ra, 31ma te 'akakite atu i te bāsileia o te Atua ē te 'āpi'i atu i te karere o te Atu ra ko Iēsū Mesia ma te matakukore, ē kāre tākiri aia i ārairai'ia.
Iliyochaguliwa sasa
'Anga'anga 28: CIMRNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Cook Island Maori Revised New Testament © Bible Society of the South Pacific, 2021.
'Anga'anga 28
28
Ko Paulo i te 'enua ko Mēlita
1E ora anake atura mātou, kua kite akera mātou ē, ko Mēlita te ingoa o taua 'enua ra. 2Kua tākinga meitaki ma'ata roa mai te au tangata o taua 'enua ra i a mātou: kua ta'u i'ora 'oki rātou i te a'i, ē kua arataki atura i a mātou rava rāi ki reira, nō te mea, tē topa 'ua maira te ua ē tē anu ra 'oki. 3Kua ko'iko'i i'ora a Paulo i tēta'i ruru va'ie, ē i tōna tuku'anga atu i te reira ki runga i te a'i, kua rere maira tēta'i vīpera ki va'o nō te vera 'oki o te a'i, ē kua piri maira ki runga i tōna rima. 4Kia 'ākara maira taua au tangata ra i taua ōvī ra i te tautau'anga mai mei tōna rima ra, kua kārangaranga i'ora rātou, rātou 'ua'orāi. “'E mea pāpū ē, 'e tangata tā tangata aia nei; ko te tuatua nōna kāre aia e ora mei tāna i rave, noa atu ē kua ora aia mei te moana mai.” 5Kua rūrū atura a Paulo i taua ōvī ra ki roto i te a'i, kāre tākiri rā aia i roko'ia e te kino. 6Ko rātou rā, tē tāpapa 'ua ra rātou i te 'ē'ē'anga aia ē te 'inga'anga ki raro i taua 'ati'anga rāi, ka mate rava atu ei. Kia tāpapa rā rātou e roa akera, ē kāre atura rātou i kite i tēta'i 'ua atu kino i te tupu'anga ki aia, kua taui atura rātou i tō rātou manako ē kua kārangaranga atura ē, “'E atua aia!”
7Ē i vaitata ki taua ngā'i ra te au kāinga o te tūtara o taua 'enua ra, ko Pōpiliō tōna ingoa, ko tei 'ō'ō mai i a mātou, ē tei 'ākono mai i a mātou 'ei manu'iri nāna i roto i tōna 'are e toru rā. 8Tē maki'ia ra te metua tāne o Pōpiliō e te vera ma te 'eke toto, tē 'aka'āvai 'ua ra. Kua 'aere atura a Paulo e 'ātoro i aia, pure i'ora, tuku atura i ōna rima ki runga a'o i aia ē e 'akaora atura i aia. 9E oti akera taua 'akaora'anga ra, kua 'akamata akera te aronga maki kātoatoa o taua 'enua ra i te 'aere mai, ē kua 'akaora'ia i'ora, 10ē kua 'akangāteitei ma'ata maira rātou i a mātou. Ē i tō mātou 'akaruke'anga i muri roa mai, kua tuku maira rātou i te au mea umuumu'ia ki runga i te pa'ī.
Te tere mei Mēlita ki Rōma
11E topa akera e toru marama ki muri, kua tere atura mātou nā runga i tēta'i pa'ī nō Ālekānētēria mai tei 'akaruru i te tuātau 'uri'ia i taua 'enua ra. Ko te “Mā'anga Tamāroa” te tiki 'akairo o taua pa'ī ra. 12E kake atura mātou ki uta i Sirakusa, ē kua no'o i'ora ki reira e toru rā. 13Ē tē 'ano atura mātou mei reira atu, tae atura ki Rēgio. E pō ta'i akera, kua 'akamata maira te matangi tonga i te 'arara mai, e pō rua akera 'oki, tae atura mātou ki Pūteoli. 14Ē 'e aronga taeake tei kitea'ia e mātou ki reira, ko tei pati 'akatenga mai ki a mātou kia no'o mātou ki ō rātou ra e 'itu rā. I pērā 'oki tō mātou tere ki Rōma. 15I tō te au taeake i Rōma 'akarongo'anga i te karere i a mātou, kua 'aere maira rātou e 'ārāvei mai i a mātou e tae 'ua maira ki Āpio Fora ē te 'Are Tāpae'anga Toru. Ko Paulo, i tōna kite'anga atu i a rātou, kua 'akameitaki atura i te Atua, ē māro'iro'i atura aia.
Tei Rōma a Paulo
16Kia tomo atu mātou ki roto i a Rōma, kua 'akatika'ia a Paulo kia no'o anake 'ua aia ē tēta'i va'e'au 'ei tiaki i aia.
17E topa akera e toru rā ki muri, kua kāpiki atura a Paulo i te aronga nunui o te Ngāti Iūda ki tēta'i 'uipā'anga. Ē kia putuputu maira rātou, kua karanga atura aia ki a rātou, “E tama mā ē te au taeake nei, ko au, noa atu ē kāre au i 'apa ana i tō tātou 'iti tangata, mē kāre ra i tā tātou au peu 'ui tupuna ra, kua tuku mou'āuri'ia atu rāi au ki roto i te rima o tō Rōma i Iērūsalēma ra. 18E oti akera rātou i te uiui mai i āku, kua 'āriki rātou i te tuku i āku, nō te mea, kāre āku mea i rave e tau ei i āku te mate. 19#Anga 25.11Kia pāto'ito'i 'ua mai rā te Ngāti Iūda, kāre atu āku rāvenga, māri rā, i te karanga ē, ‘Nā Kaisara au e 'akavā’, noa atu ē, kāre āku 'ei tāpepe atu i tōku 'iti tangata. 20Ē ko tēia 'oki te tumu i pati atu ei au kia 'ārāvei au i a kōtou, ē kia 'akakite atu au ki a kōtou ē, nō te tāpapa'anga o Īserā'ela i tāpeka'ia ai au ki tēianei piri'anganaoa.”
21Kua pa'u maira rātou, “Kāre ā mātou leta i rauka mai nō Iūdea mai nō runga i a koe, ē kāre katoa tēta'i o tō mātou au taeake Ngāti Iūda i tae mai ki konei i 'apai mai i te karere nō'ou, mē kāre ra, 'e tuatua kino mai nō runga i a koe. 22Tē 'inangaro nei rā mātou i te 'akarongo mai mei a koe mai ē, 'e a'a tō'ou 'ua'orāi manako, nō te mea, kua kite 'oki mātou i tēia pupu nō'ou ē, kua pāto'ito'i'ia ia i te au ngā'i kātoatoa.”
23Kua 'akapāpū atura rātou i tēta'i rā nō te 'ārāvei i aia. Ē kua 'aere maira rātou 'e mānganui 'ua atu ki tōna 'are, ē mei te pōpongi mai e a'ia'i 'ua atura tōna 'akamāramarama'anga atu ki a rātou ē te 'akakitekite'anga atu i te bāsileia o te Atua, ma te 'akapāpū atu ki a rātou i te tuatua nō runga i a Iēsū mei roto mai i te Ture a Mōse ē te au peroveta ra. 24Ko tēta'i pae, kua 'āriki maira rātou i tei tuatua'ia, ko tēta'i pae rā, kāre rātou i 'āriki mai. 25Kua 'akaruke maira rātou ma te taumārōrō i rotopū i a rātou 'ua'orāi, i muri ake i tō Paulo karanga'anga atu i tēianei tuatua 'okota'i ra: “E tau rāi tā te Vaerua Tapu tuatua ki tō kōtou 'ui tupuna nā roto i te peroveta i a Īsaia, 26#Isa 6.9,10i te nā kō'anga mai ē,
‘Ka 'aere kōtou ki taua aronga ra, ka karanga atu ei,
Ka 'akarongo kōtou ki ō kōtou taringa, ē kāre rāi e mārama,
ē ka 'ākara kōtou ki ō kōtou mata, ē kāre rāi e kite.
27Nō te mea, kua mātorutoru 'oki te ngākau o tēianei 'iti tangata
ē kua 'akarongo ngatā ō rātou taringa,
ē kua tōpiri i ō rātou mata,
ko te kite ā'ea rātou ki ō rātou mata,
ē ko te rongo ā'ea ō rātou taringa,
ē ko te mārama ā'ea ō rātou ngākau
ē ko te 'āriu ā'ea mai rātou,
ē tē 'akaora ra au i a rātou.’
28“Nō reira, kua mārama kōtou ē, ko tēia rāvenga ora a te Atua, kua tono'ia ia ki te au 'ētene; ka 'akarongo 'oki rātou.”#28.28 Kua tātā'ia te 'īrava i roto i ēta'i pōkaikai tuatua, kāre rā i roto i te au pōkaikai ta'ito tikāi: 29 E oti akera tēianei tuatua i te karanga'ia e Paulo, 'aere atura te Ngāti Iūda, ma te tau'ētono ma'ata rātou, rātou 'ua'orāi.
30No'o atura a Paulo e rua akera mata'iti pūpū ki roto i tōna 'ua'orāi 'are tāra'u ra, ē kua 'āriki maira aia i te tangata rava rāi tei 'aere mai e 'ārāvei i aia ra, 31ma te 'akakite atu i te bāsileia o te Atua ē te 'āpi'i atu i te karere o te Atu ra ko Iēsū Mesia ma te matakukore, ē kāre tākiri aia i ārairai'ia.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Cook Island Maori Revised New Testament © Bible Society of the South Pacific, 2021.