'Anga'anga 15
15
Te 'uipā'anga i Iērūsalēma
1 #
Lev 12.3
Kua 'aere maira ēta'i tangata mei Iūdea mai ki Ānētiōka, ē kua 'āpi'i maira i te au taeake ē, “Mē kāre kōtou i peritome'ia mei te peu a Mōse ra, kāre kōtou e 'akaora'ia.” 2Kua riro tēia 'ei taumārō'anga pakari, ē 'ei tau'ētono'anga ma'ata rava atu nā Paulo rāua ko Bānaba ki a rātou. I reira, kua 'akaue'ia a Paulo ē Bānaba ma ēta'i o rātou ra kia 'aere atu ki Iērūsalēma e 'ārāvei i te au 'āpōsetolo ra ē te aronga pakari nō taua manamanatā ra.
3Ko te aronga i tonokia e te 'ēkālēsia, kua 'aere atura rātou nā roto i a Phēnia ē Sāmāria ma te 'akakitekite 'aere atu i tō te 'ētene 'aka'āriu'ia'anga mai. Kua riro tēia 'ei rekareka'anga ma'ata ki te au taeake. 4Ē kia tae atura rātou ki Iērūsalēma, kua 'āriki'ia maira rātou e te 'ēkālēsia, te au 'āpōsetolo ē te aronga pakari, ē kua 'akakite atura ki a rātou i tā te Atua i rave nā roto i a rātou ra. 5Kua tū mai rā ēta'i aronga 'akarongo nō te pupu o te au Phārīsea ra, nā kō maira, “Kia peritome'ia rāi te au 'ētene e tikāi, ē kia 'akaue'ia rāi rātou ē, kia 'ākono i te Ture a Mōse ra.”
6Kua 'uipā i'ora te au 'āpōsetolo ē te aronga pakari ra nō te 'uri'uri i taua tumu manako ra. 7#Anga 10.1-43I muri ake i tēta'i tau'ētono'anga roa, kua tū akera a Pētero ki runga, ē kua karanga atura ki a rātou, “E tama mā ē te au taeake nei, kua nakiro 'oki kōtou ē, kua 'iki te Atua i āku i te au rā muatangāna ra mei roto mai i a kōtou na, kia 'akarongo te au 'ētene mei tōku va'a atu nei i te tuatua o te 'ēvangelia ē kia 'irinaki i te reira. 8#Anga 10.44; 2.4Ē ko te Atua 'oki tei kite i te ngākau ra, kua 'akaāri mai aia ē, kua 'āriki aia i a rātou nā roto i te 'ōronga'anga mai i te Vaerua Tapu ki a rātou, mei tāna rāi i rave ki a tātou nei. 9Ē kāre 'oki aia i 'akatūkē atu i a tātou ē rātou, nō te mea, kua tāmā 'oki aia i tō rātou ngākau nō tō rātou 'akarongo. 10Ē tēianei, 'e a'a kōtou i tīmata atu ei i te Atua nā roto i te tuku'anga i te 'apainga teima'a ki runga i te kakī o te au pipi, tei kore i maranga i te 'apaina'ia e tō tātou 'ai tupuna ra ē e tātou katoa nei 'oki? 11Tē 'irinaki nei rā tātou ē, kua 'akaora'ia tātou nā roto mai i te aro'a 'ua o tō tātou 'Atu ko Iēsū, mei a rātou katoa ra 'oki.”
12Kua mūtēkī i'ora taua urupū tangata katoa ra, ē kua 'akarongo maira i a Bānaba rāua ko Paulo, i te 'akakitekite'anga atu i te au 'akairo vāvāria ē te au mea ūmeremere tā te Atua i rave nā roto i a rāua ki ō te 'ētene ra.
13Ē kia oti tā rāua tuatua'anga ra, kua karanga atura a Iākōbo, nā kō atura, “E tama mā ē te au taeake, ka 'akarongo mai ana i āku. 14Kua tuatua maina 'oki a Simona ē, kua 'ākara aro'a mai te Atua i te au 'ētene i muatangāna, ē kua rave mai i tēta'i pāpāki tangata mei roto mai i a rātou ra 'ei 'iti tangata nōna. 15Tē 'akatika nei 'oki te au tuatua a te au peroveta ra i te reira, mei tei tātā'ia ra ē,
16 #
Amo 9.11,12 ‘I muri ake i tēia e 'oki atu ei au,
e 'akatū 'aka'ou i te pū'ākapa o Dāvida i topa ki raro.
Ko tei topa ki raro ra, ka 'akatū 'aka'ou'ia e au
ē ka 'aka'ōu'ia 'oki;
17kia kimi'ia te 'Atu e te tōtoenga o te tangata
ē e te au 'ētene kātoatoa tei tapa'ia ki tōku nei ingoa,
18tē tuatua maira te 'Atu, ko tei rave i ēia mea nei tēia i kitea'ia mai mei tupua roa mai.’
19“Ē nō reira, tēia tōku manako, auraka tātou e tāmanamanatā atu i a rātou nō roto mai i te au 'ētene ra e 'āriu nei ki te Atua. 20#a: Exo 34.15-17; b: Lev 18.6-23; c: Lev 17.10-16E tātā atu rā tātou i te karere ki a rātou ē, e kōpae atu rātou i te kai 'aka'ātinga'ia ki te au 'ītoro; e kōpae katoa atu i te 'akaturi, ē pērā katoa i te kiko o te au manu i kukumi'ia ē te toto. 21Tē vai nei rāi 'oki te aronga e ako nei i tā Mōse ra 'āpi'i'anga i roto i te au 'ōire rava rāi mei te au uki o tupua mai, ē tē tatau'ia mai nei rāi 'oki aia i roto i te au sūnago i te au Sābati kātoatoa nei.”
Tē leta ki te au 'ētene 'akarongo ra
22Kua manako i'ora te au 'āpōsetolo, te aronga pakari ē te 'ēkālēsia kātoatoa ē, kia 'iki'ia ēta'i tangata mei roto mai i a rātou 'ua'orāi, e tono ki Ānētiōka rātou ko Paulo ē Bānaba. Kua 'iki i'ora rātou i a Iūda (ko Bārasaba tēta'i ingoa) ē Sila, 'e puke tangata pāpānunui rāua i roto i te au taeake ra. 23Ē kua tātā'ia atura te leta nā roto i a rātou:
Ko mātou, te au 'āpōsetolo ē te aronga pakari, tō kōtou au taeake nei, e tātā atu nei ki a kōtou, e te au taeake 'akarongo mei roto mai i te au 'ētene i Ānētiōka, i Sūria, ē i Kilikia na: Kia orana. 24Kua 'akarongo mātou ē, kua repua tō kōtou ngākau e te tuatua a ēta'i tangata mei konei atu i ō mātou nei. Kāre mātou i 'akaue atu ana i a rātou. 25Ē nō reira, kua 'akatika mātou kātoatoa ē, 'e mea meitaki kia 'iki'ia ēta'i tangata ē kia tonokia ki ō kōtou na, ma tō mātou ngā 'akaperepere nei, a Bānaba ē Paulo, 26ē puke tangata tei 'ōronga i tō rāua ora'anga nō te ingoa o tō tātou 'Atu ko Iēsū Mesia ra. 27Ē tēianei, tē tono atu nei mātou i a Iūda rāua ko Sila 'ei 'akapāpū atu i te reira nā roto i te tuatua va'a 'ua atu'anga. 28'E mea meitaki i te Vaerua Tapu ē i a mātou katoa nei 'oki, auraka rava 'ei teima'a kē e tuku'ia atu ki runga a'o i a kōtou na, māri 'ua, ko ēia mea nei: 29Auraka kōtou e kai i te mānga i 'apai'ia ana nā te au 'ītoro ra, ē te toto ē te kiko o te au manu i kukumi'ia ra, ē auraka 'oki e 'akaturi. Kia kōpae atu kōtou i aua mea ra, tē meitaki ra kōtou i reira. Kia orana kōtou.
30Kua tukuna'ia atura rātou, e 'aere atura ki Ānētiōka, ē kua 'akaputuputu maira rātou i te au tangata kātoatoa, ē kua 'ōronga atura i te leta. 31E oti akera i a rātou i te tatau, kua mareka rava akera rātou i te karere 'akamāro'iro'i. 32Ko Iūda 'oki rāua ko Sila, 'e ngā peroveta rāi 'oki rāua, kua 'akamāro'iro'i ē kua 'akamātūtū putuputu 'ua atura rāua i te au taeake. 33Ē kua pou tēta'i mānga tuātau i a rāua ki reira, kua 'aka'oki'ia atura rāua e te au taeake ma te 'au ki a rātou tei tono mai i a rāua ra.#15.33 Kua tātā'ia te 'īrava i roto i ēta'i pōkaikai tuatua, kāre rā i roto i te au pōkaikai ta'ito tikāi: 34 Ko Sila rā, manako akera aia ē, e no'o rāi i reira.
35Kua no'o atura a Paulo ē Bānaba nō tēta'i tuātau ki Ānētiōka i te 'āpi'i'anga ē te ako'anga atu i te tuatua a te Atua ma ēta'i tangata kē katoa 'oki 'e mānganui.
Kua ve'e a Paulo rāua ko Bānaba
36I ēta'i rā i muri mai, kua karanga atura a Paulo ki a Bānaba, “E 'oki tāua e 'ārāvei i te au taeake i roto i te au 'ōire rava rāi i ako'ia ana e tāua te karere o te 'Atu ra kia kite tātou i te tūranga o tō rātou 'irinaki'anga.” 37Kua 'akakoro a Bānaba i te arataki katoa i a Ioane tei kāpiki'ia ē ko Māreko. 38#Anga 13.13Kāre rā a Paulo i manako ē 'e tangata tau aia kia arataki rāua i aia, nō te mea, kua 'akaruke mai aia i a rāua i Pāmephūlia ra, ē kāre i āru atu i a rāua ki taua 'anga'anga ra. 39Tupu atura te taumārō'anga ma'ata tikāi, e takakē atura rāua. Kua rave atura a Bānaba i a Māreko, tere atura ki Kūpero. 40Kāreka a Paulo, kua 'iki i'ora aia i a Sila, e 'aere atura; kua oti 'oki i te tuku'ia e te au taeake ki te aro'a 'ua o te 'Atu. 41E 'aere atura aia nā Sūria ē nā Kilikia i te 'akamāro'iro'i'anga i te au 'ēkālēsia.
Iliyochaguliwa sasa
'Anga'anga 15: CIMRNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Cook Island Maori Revised New Testament © Bible Society of the South Pacific, 2021.
'Anga'anga 15
15
Te 'uipā'anga i Iērūsalēma
1 #
Lev 12.3
Kua 'aere maira ēta'i tangata mei Iūdea mai ki Ānētiōka, ē kua 'āpi'i maira i te au taeake ē, “Mē kāre kōtou i peritome'ia mei te peu a Mōse ra, kāre kōtou e 'akaora'ia.” 2Kua riro tēia 'ei taumārō'anga pakari, ē 'ei tau'ētono'anga ma'ata rava atu nā Paulo rāua ko Bānaba ki a rātou. I reira, kua 'akaue'ia a Paulo ē Bānaba ma ēta'i o rātou ra kia 'aere atu ki Iērūsalēma e 'ārāvei i te au 'āpōsetolo ra ē te aronga pakari nō taua manamanatā ra.
3Ko te aronga i tonokia e te 'ēkālēsia, kua 'aere atura rātou nā roto i a Phēnia ē Sāmāria ma te 'akakitekite 'aere atu i tō te 'ētene 'aka'āriu'ia'anga mai. Kua riro tēia 'ei rekareka'anga ma'ata ki te au taeake. 4Ē kia tae atura rātou ki Iērūsalēma, kua 'āriki'ia maira rātou e te 'ēkālēsia, te au 'āpōsetolo ē te aronga pakari, ē kua 'akakite atura ki a rātou i tā te Atua i rave nā roto i a rātou ra. 5Kua tū mai rā ēta'i aronga 'akarongo nō te pupu o te au Phārīsea ra, nā kō maira, “Kia peritome'ia rāi te au 'ētene e tikāi, ē kia 'akaue'ia rāi rātou ē, kia 'ākono i te Ture a Mōse ra.”
6Kua 'uipā i'ora te au 'āpōsetolo ē te aronga pakari ra nō te 'uri'uri i taua tumu manako ra. 7#Anga 10.1-43I muri ake i tēta'i tau'ētono'anga roa, kua tū akera a Pētero ki runga, ē kua karanga atura ki a rātou, “E tama mā ē te au taeake nei, kua nakiro 'oki kōtou ē, kua 'iki te Atua i āku i te au rā muatangāna ra mei roto mai i a kōtou na, kia 'akarongo te au 'ētene mei tōku va'a atu nei i te tuatua o te 'ēvangelia ē kia 'irinaki i te reira. 8#Anga 10.44; 2.4Ē ko te Atua 'oki tei kite i te ngākau ra, kua 'akaāri mai aia ē, kua 'āriki aia i a rātou nā roto i te 'ōronga'anga mai i te Vaerua Tapu ki a rātou, mei tāna rāi i rave ki a tātou nei. 9Ē kāre 'oki aia i 'akatūkē atu i a tātou ē rātou, nō te mea, kua tāmā 'oki aia i tō rātou ngākau nō tō rātou 'akarongo. 10Ē tēianei, 'e a'a kōtou i tīmata atu ei i te Atua nā roto i te tuku'anga i te 'apainga teima'a ki runga i te kakī o te au pipi, tei kore i maranga i te 'apaina'ia e tō tātou 'ai tupuna ra ē e tātou katoa nei 'oki? 11Tē 'irinaki nei rā tātou ē, kua 'akaora'ia tātou nā roto mai i te aro'a 'ua o tō tātou 'Atu ko Iēsū, mei a rātou katoa ra 'oki.”
12Kua mūtēkī i'ora taua urupū tangata katoa ra, ē kua 'akarongo maira i a Bānaba rāua ko Paulo, i te 'akakitekite'anga atu i te au 'akairo vāvāria ē te au mea ūmeremere tā te Atua i rave nā roto i a rāua ki ō te 'ētene ra.
13Ē kia oti tā rāua tuatua'anga ra, kua karanga atura a Iākōbo, nā kō atura, “E tama mā ē te au taeake, ka 'akarongo mai ana i āku. 14Kua tuatua maina 'oki a Simona ē, kua 'ākara aro'a mai te Atua i te au 'ētene i muatangāna, ē kua rave mai i tēta'i pāpāki tangata mei roto mai i a rātou ra 'ei 'iti tangata nōna. 15Tē 'akatika nei 'oki te au tuatua a te au peroveta ra i te reira, mei tei tātā'ia ra ē,
16 #
Amo 9.11,12 ‘I muri ake i tēia e 'oki atu ei au,
e 'akatū 'aka'ou i te pū'ākapa o Dāvida i topa ki raro.
Ko tei topa ki raro ra, ka 'akatū 'aka'ou'ia e au
ē ka 'aka'ōu'ia 'oki;
17kia kimi'ia te 'Atu e te tōtoenga o te tangata
ē e te au 'ētene kātoatoa tei tapa'ia ki tōku nei ingoa,
18tē tuatua maira te 'Atu, ko tei rave i ēia mea nei tēia i kitea'ia mai mei tupua roa mai.’
19“Ē nō reira, tēia tōku manako, auraka tātou e tāmanamanatā atu i a rātou nō roto mai i te au 'ētene ra e 'āriu nei ki te Atua. 20#a: Exo 34.15-17; b: Lev 18.6-23; c: Lev 17.10-16E tātā atu rā tātou i te karere ki a rātou ē, e kōpae atu rātou i te kai 'aka'ātinga'ia ki te au 'ītoro; e kōpae katoa atu i te 'akaturi, ē pērā katoa i te kiko o te au manu i kukumi'ia ē te toto. 21Tē vai nei rāi 'oki te aronga e ako nei i tā Mōse ra 'āpi'i'anga i roto i te au 'ōire rava rāi mei te au uki o tupua mai, ē tē tatau'ia mai nei rāi 'oki aia i roto i te au sūnago i te au Sābati kātoatoa nei.”
Tē leta ki te au 'ētene 'akarongo ra
22Kua manako i'ora te au 'āpōsetolo, te aronga pakari ē te 'ēkālēsia kātoatoa ē, kia 'iki'ia ēta'i tangata mei roto mai i a rātou 'ua'orāi, e tono ki Ānētiōka rātou ko Paulo ē Bānaba. Kua 'iki i'ora rātou i a Iūda (ko Bārasaba tēta'i ingoa) ē Sila, 'e puke tangata pāpānunui rāua i roto i te au taeake ra. 23Ē kua tātā'ia atura te leta nā roto i a rātou:
Ko mātou, te au 'āpōsetolo ē te aronga pakari, tō kōtou au taeake nei, e tātā atu nei ki a kōtou, e te au taeake 'akarongo mei roto mai i te au 'ētene i Ānētiōka, i Sūria, ē i Kilikia na: Kia orana. 24Kua 'akarongo mātou ē, kua repua tō kōtou ngākau e te tuatua a ēta'i tangata mei konei atu i ō mātou nei. Kāre mātou i 'akaue atu ana i a rātou. 25Ē nō reira, kua 'akatika mātou kātoatoa ē, 'e mea meitaki kia 'iki'ia ēta'i tangata ē kia tonokia ki ō kōtou na, ma tō mātou ngā 'akaperepere nei, a Bānaba ē Paulo, 26ē puke tangata tei 'ōronga i tō rāua ora'anga nō te ingoa o tō tātou 'Atu ko Iēsū Mesia ra. 27Ē tēianei, tē tono atu nei mātou i a Iūda rāua ko Sila 'ei 'akapāpū atu i te reira nā roto i te tuatua va'a 'ua atu'anga. 28'E mea meitaki i te Vaerua Tapu ē i a mātou katoa nei 'oki, auraka rava 'ei teima'a kē e tuku'ia atu ki runga a'o i a kōtou na, māri 'ua, ko ēia mea nei: 29Auraka kōtou e kai i te mānga i 'apai'ia ana nā te au 'ītoro ra, ē te toto ē te kiko o te au manu i kukumi'ia ra, ē auraka 'oki e 'akaturi. Kia kōpae atu kōtou i aua mea ra, tē meitaki ra kōtou i reira. Kia orana kōtou.
30Kua tukuna'ia atura rātou, e 'aere atura ki Ānētiōka, ē kua 'akaputuputu maira rātou i te au tangata kātoatoa, ē kua 'ōronga atura i te leta. 31E oti akera i a rātou i te tatau, kua mareka rava akera rātou i te karere 'akamāro'iro'i. 32Ko Iūda 'oki rāua ko Sila, 'e ngā peroveta rāi 'oki rāua, kua 'akamāro'iro'i ē kua 'akamātūtū putuputu 'ua atura rāua i te au taeake. 33Ē kua pou tēta'i mānga tuātau i a rāua ki reira, kua 'aka'oki'ia atura rāua e te au taeake ma te 'au ki a rātou tei tono mai i a rāua ra.#15.33 Kua tātā'ia te 'īrava i roto i ēta'i pōkaikai tuatua, kāre rā i roto i te au pōkaikai ta'ito tikāi: 34 Ko Sila rā, manako akera aia ē, e no'o rāi i reira.
35Kua no'o atura a Paulo ē Bānaba nō tēta'i tuātau ki Ānētiōka i te 'āpi'i'anga ē te ako'anga atu i te tuatua a te Atua ma ēta'i tangata kē katoa 'oki 'e mānganui.
Kua ve'e a Paulo rāua ko Bānaba
36I ēta'i rā i muri mai, kua karanga atura a Paulo ki a Bānaba, “E 'oki tāua e 'ārāvei i te au taeake i roto i te au 'ōire rava rāi i ako'ia ana e tāua te karere o te 'Atu ra kia kite tātou i te tūranga o tō rātou 'irinaki'anga.” 37Kua 'akakoro a Bānaba i te arataki katoa i a Ioane tei kāpiki'ia ē ko Māreko. 38#Anga 13.13Kāre rā a Paulo i manako ē 'e tangata tau aia kia arataki rāua i aia, nō te mea, kua 'akaruke mai aia i a rāua i Pāmephūlia ra, ē kāre i āru atu i a rāua ki taua 'anga'anga ra. 39Tupu atura te taumārō'anga ma'ata tikāi, e takakē atura rāua. Kua rave atura a Bānaba i a Māreko, tere atura ki Kūpero. 40Kāreka a Paulo, kua 'iki i'ora aia i a Sila, e 'aere atura; kua oti 'oki i te tuku'ia e te au taeake ki te aro'a 'ua o te 'Atu. 41E 'aere atura aia nā Sūria ē nā Kilikia i te 'akamāro'iro'i'anga i te au 'ēkālēsia.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Cook Island Maori Revised New Testament © Bible Society of the South Pacific, 2021.