ᐁᑭᓴᑕᔅ 9
9
ᐊᔭᐋᐎᔕᒃ ᑮᓂᐳᐙᒡ
1ᒦᔥ ᐅᐅ ᒨᓯᔅ Moses ᑳᐃᑯᒡ ᑳᑎᐯᒋᑫᓂᒡ, ᒫᒑᓐ ᐊᑕ ᐙᐸᒻ ᐯᕒᐆ Pharaoh ᐅᐅ ᒋᐃᓇᒡ, ᒦ ᓴ ᐅ ᐁᑭᑐᒡ ᑳᑎᐯᒋᑫᒡ, ᐄᐸᕒᐆᐗᒃ Hebrews ᐌᑭᔐᒪᓂᑑᒥᐙᒡ, ᐸᑭᑎᓐ ᓂᐱᒫᑎᓰᒪᒃ ᒋᒫᒑᐙᒡ, ᒋᐊᐎ ᐊᓇᒥᐁᑕᐎᐙᒡ᙮ 2ᑮᔥᐱᓐ ᐃᑕᔥ ᐐᓐ ᐃᓀᑕᓰᐗᓐ ᒋᒫᒑᐙᒡ, ᓀᐱᒋ ᑭᒋᐎᓇᑣ ᑕᔥ, 3ᒦᑕᔥ ᑳᑎᐯᒋᑫᒡ ᒋᓇᓇᐊᓯᒃ ᒋᐋᑯᓰᐋᒡ ᑲᑭᓇ ᑭᑕᔭᐋᐎᔑᒥᐙᐞ ᐁᑕᓶᐙᓇᑭᓯᓂᒡ ᒥᔕᐗᑲᒥᒃ ᐁᔮᓂᒡ; ᒥᑕᑎᒨᐞ, ᒫᔑᒥᑕᑎᒨᐞ, ᐱᒀᐎᑲᓀ ᒥᑕᑎᒨᐞ, ᐱᔑᑭᐗᐞ, ᒫᓇᒑᓂᔕᐞ, ᒫᓇᑎᑾᐞ᙮ 4ᑳᑎᐯᒋᑫᒡ ᓴ ᐸᑳᓐ ᐅᐐ ᑑᑕᐙᐞ ᐃᔅᕒᐃᔭᓬᐊᐞ Israel ᐅᑕᔭᐋᐎᔑᒥᓂ, ᐃᐃ ᑕᔥ ᑲᔦ ᐄᒋᑉ Egypt ᑳᐊᔮᓂᒡ ᐅᑕᔭᐋᐎᔑᒥᓂ᙮ ᑳᐐᓐ ᓴ ᑕᓂᐳᓰᐗᐞ ᐊᔭᐋᐎᔕᐞ ᐃᔅᕒᐃᔭᓬᐊᒃ ᑳᑎᐯᓂᒫᐙᒡ, ᐅᑮᐃᑰᓐ ᒋᐃᑭᑐᒡ᙮ 5ᑳᑎᐯᒋᑫᒡ ᐄᑐᒃ ᐅᑮ ᐅᓇᑑᓐ ᐅᐅ ᐊᐲ ᑫᐃᔑᓭᓂᒃ ᐁᑮ ᐃᑭᑐᒡ, ᐙᐸᕽ ᓴ ᐅ ᓂᑲ ᐃᔑᒋᑫ ᐃᐃᒫ ᐊᑮᕽ, ᑮᐃᑭᑐ᙮
6ᐁᐊᓂ ᐙᐸᓂᓂᒃ ᓴ ᒦ ᐃ ᑳᑎᐯᒋᑫᒡ ᑳᐃᔑᒋᑫᒡ᙮ ᑲᑭᓇ ᐊᔭᐋᐎᔕᐞ ᐄᒋᑉ ᑳᑎᓄᐎᓂᒡ ᑳᑮ ᑎᐯᓂᒫᓂᒡ ᑭᓂᐳᐗᐞ᙮ ᑳᐐᓐ ᐃᑕᔥ ᐐᓐ ᑲᓇᑫ ᐯᔑᒃ ᐊᔭᐋᐎᔕᐞ ᐃᔅᕒᐃᔭᓬᐊᐞ ᑳᑮ ᑎᐯᓂᒫᓂᒡ ᑮᓂᐳᓰᐗᐞ᙮ 7ᐯᕒᐆ ᑕᔥ ᑮᐃᔑᓂᔕᐅᐌ ᒋᐊᑕ ᑭᑫᒋᑫᓈᓂᐗᓂᓂᒃ᙮ ᒦᔥ ᑳᐃᔑ ᑭᑫᒋᑳᑌᓂᒃ ᐊᐙᒡ ᐯᔑᒃ ᐁᑮ ᓂᐳᓯᓂᒃ ᐄᓴᓐ ᐊᔭᐋᐎᔕᐞ ᐃᔅᕒᐃᔭᓬᐊᐞ ᑳᑮ ᑎᐯᓂᒫᓂᒡ᙮ ᔖᑰᒡ ᐃᑕᔥ ᐯᕒᐆ ᑮᐊᓂ ᔕᔒᐱᑕᒻ, ᑳᐐᓐ ᐃᑕᔥ ᐅᑮ ᐸᑭᑎᓈᓰᐞ ᐃᔅᕒᐃᔭᓬᐊᐞ ᒋᒫᒑᓂᒡ᙮
ᑮᐅᔑᑭᐱᓰᒥᓈᓂᐗᕽ
8ᒦᑕᔥ ᒨᓯᔅ, ᐁᕒᐊᓐ ᑲᔦ ᑳᐃᑯᐙᒡ ᑳᑎᐯᒋᑫᓂᒡ, ᑲᓂᑭᓇᒧᒃ ᐱᑶ ᐌᒋᓭᒃ ᐴᑕᐙᓈᐱᑯᕽ, ᒨᓯᔅ ᐃᑕᔥ ᐅᑲ ᐃᔥᐱ ᐌᐱᓈᓐ ᐃᐃ ᐱᑸᓂ ᐁᔑᐊᔮᓂᒡ ᐯᕒᐆᓐ᙮ 9ᒦᑕᔥ ᐃᐃ ᑫᐊᓂ ᐲᓵᐗᑭᓭᒃ ᒋᐊᓂ ᐹᔥᑭᓀᓭᒃ ᒥᓯᐌ ᐄᒋᐸᑮᕽ, ᒦᑕᔥ ᐃᐃᒫ ᑫᐊᓂ ᐅᒋᓭᒃ ᔑᑭᐱᓰᐙᐱᓀᐎᓐ᙮ ᐯᒫᑎᓯᐙᒡ ᐃᑕᔥ, ᐊᔭᐋᐎᔕᒃ ᑲᔦ ᑕᐅᔑᑭᐱᓰᒥᐗᒃ ᒋᐹᔥᑭᒥᓃᔥᑳᐙᒡ, ᐅᑮᐃᑯᐙᓐ᙮ 10#Rev 16.2. ᒦᑕᔥ ᑳᐃᔑᒋᑫᐙᒡ ᐁᑮ ᐅᑖᐱᓇᒧᐙᒡ ᐱᑶ ᐌᒋᓭᓂᒃ ᐴᑕᐙᓈᐱᑯᕽ, ᐁᑮ ᐊᐎ ᓃᐸᐎᐙᒡ ᐁᔑᐊᔮᓂᒡ ᐯᕒᐆᓐ᙮ ᒦᔥ ᒨᓯᔅ ᑳᑮ ᐃᔥᐱ ᐌᐱᓇᕽ᙮ ᒦᑕᔥ ᐃᐃᒫ ᑳᐅᒋᓭᓂᒃ ᔑᑭᐱᓰᐙᐱᓀᐎᓐ᙮ ᐯᒫᑎᓯᓂᒡ ᐃᑕᔥ, ᐊᔭᐋᐎᔕᐞ ᑲᔦ ᑮᐅᔑᑭᐱᓰᒥᐗᐞ ᐁᑮ ᐹᔥᑭᒥᓃᔥᑳᓂᒡ᙮ 11ᒣᒫᑖᐎᓯᓂᒡ ᐃᑕᔥ ᑳᐐᓐ ᐅᑮ ᑲᔥᑭᑑᓰᓂ ᒋᐱ ᐊᑕ ᐙᐸᒥᑯᒡ ᐋᓃᔥ ᐐᑫ ᒥᓯᐌ ᑮᐅᔑᑭᐱᓰᒥᐗᐞ ᑖᐱᔥᑰ ᑯᑕᒃ ᐄᒋᑉ ᑳᑎᓄᐎᓂᒡ᙮ 12ᒦ ᐄᑐᒃ ᑳᑎᐯᒋᑫᒡ ᐁᑮ ᑑᑕᐙᒡ ᐯᕒᐆᓐ ᐋᒌᑫ ᒋᔕᔒᐱᑕᒥᓂᒡ᙮ ᑳᐐᓐ ᐃᑕᔥ ᐅᑮ ᐱᓯᑕᐙᓰᓂ ᒨᓯᓲᓐ, ᐁᕒᐊᓅᓐ ᑲᔦ ᒪᔮ ᐁᑮ ᐃᔑᓭᓂᒃ ᑳᑎᐯᒋᑫᒡ ᑳᑮᐃᓈᑯᐸᓀᓐ ᒨᓯᓲᓐ᙮
ᑮᑭᒋᓭᓭᑲᒃ
13ᒦᑕᔥ ᒨᓯᔅ Moses ᑳᐃᑯᒡ ᑳᑎᐯᒋᑫᓂᒡ, ᐐᐸ ᑭᑭᔐᑉ ᐗᓂᔥᑳᑲᓐ ᒋᐊᑕ ᐙᐸᒪᒡ ᐯᕒᐆ Pharaoh ᒋᐊᐎ ᓃᐸᐎᐗᒡ ᐁᔑᐊᔮᒡ ᐅᐅ ᒋᐃᓇᒡ, ᒦ ᓴ ᐅᐌᓂ ᐁᑭᑐᒡ ᑳᑎᐯᒋᑫᒡ, ᐄᐸᕒᐆᐗᒃ Hebrews ᐌᑭᔐᒪᓂᑑᒥᐙᒡ: ᑕᑲ ᐸᑭᑎᓐ ᓂᐱᒫᑎᓰᒪᒃ ᒋᒫᒑᐙᒡ ᒋᐊᐎ ᐊᓇᒥᐁᑕᐎᐙᒡ᙮ 14ᓅᑯᒻ ᐃᑕᔥ ᐐᑫ ᑭᐐ ᑭᒋ ᑑᑕᐎᓐ ᐅᐅ ᑳᐐ ᒫᔑᓭᐃᓈᓐ, ᐃᑭ ᑲᔦ ᑭᑖᓂᑫᐎᑭᒫᒪᒃ, ᑭᐱᒫᑎᓰᒪᒃ ᑲᔦ, ᒋᑭᑫᑕᒣᒃ ᑯᑕᒃ ᐊᐎᔭ ᓃᓐ ᑎᓄ ᐁᐊᔮᓯᒃ ᐅᐅᒫ ᒥᓯᐌ ᐊᑮᕽ᙮ 15ᑮᔥᐱᓐ ᓴ ᓂᓂᓐᒡ ᐋᐸᒋᑑᔮᐹᓐ ᒋᑮ ᐸᑭᑌᐅᓈᐹᓐ, ᑭᐱᒫᑎᓰᒪᒃ ᑲᔦ ᒋᑮ ᐋᑯᓰᐃᓇᑰᑭᐸᓐ ᐋᔕ ᐅᔕ ᑳᐐᓐ ᓅᑯᒻ ᑭᑖᑮ ᑭᑫᑖᑯᓯᓰᒻ ᐅᐅᒫ ᐊᑮᕽ᙮ 16#Rom 9.17. ᒦ ᓴ ᐃ ᑌᐺ ᑳᐅᒋ ᐃᓀᓂᒥᓈᓐ ᒋᐱᒫᑎᓯᔭᓐ ᐁᐐ ᐙᐸᑕᐃᓈᓐ ᓂᒪᔥᑲᐎᓰᐎᓐ, ᓂᐐᓱᐎᓐ ᑲᔦ ᒋᐊᓂ ᐅᒋ ᐙᐐᑌᒃ ᒥᓯᐌ ᐊᑮᕽ᙮ 17ᔖᑰᒡ ᐃᑕᔥ ᑫᔮᐱ ᑭᑭᒋ ᐃᓀᓂᑎᔅ ᐊᐲᒡ ᓂᐱᒫᑎᓰᒪᒃ, ᑳᐐᓐ ᐃᑕᔥ ᑭᑲ ᐸᑭᑎᓈᓰᒃ ᒋᒫᒑᐙᒡ᙮ 18ᐅᐅ ᓴ ᐊᐲ ᐙᐸᕽ, ᓂᑲ ᐃᔑᒋᑫ ᐐᑫ ᒋᑭᒋ ᓭᓭᑲᒃ, ᐐᑳ ᒪᔑ ᑳᐱ ᑭᑫᒋᑳᑌᓯᓄᒃ ᒋᐱ ᐃᔑᐌᐸᒃ ᑮᒫᒋᓭᑯᐸᓀᓐ ᐅᐅ ᐄᒋᐸᑭ Egypt ᐲᓂᔥ ᐃᑕᔥ ᐅᐅ ᐃᔑ ᐊᐲ᙮ 19ᐊᓅᑮᓐ ᐃᑕᔥ ᑭᑕᐗᑳᓇᒃ ᐁᔮᐙᒡ ᒥᔕᐗᑲᒥᒃ ᒋᐃᔑᐎᓂᑣ ᐁᔑ ᑕᐱᓇᐙᒀᐃᑳᑌᓂᒃ, ᑲᑭᓇ ᑲᔦ ᑫᑰᓐ ᐁᔮᔦᒃ ᒋᐃᔑᐎᒋᑳᑌᑭᓐ ᐁᔑ ᑕᐱᓇᐙᒀᐃᑳᑌᒃ, ᐋᓃᔥ ᐅᐅ ᑳᐐ ᓭᓭᑲᒃ ᒥᓯᐌ ᑲᑭᓇ ᐊᐎᔭᒃ, ᐊᔭᐋᐎᔕᒃ ᑲᔦ ᐅᑲ ᒦᑯᔥᑳᑯᓈᐙ ᑫᐲᑎᑲᓈᓯᐎᑣ᙮ ᒥᓂᒃ ᓴ ᑯ ᐁᔮᐙᒡ ᒥᔕᐗᔭᐄ ᐅᑲ ᓂᓯᑯᓈᐙ ᑳᐐ ᓭᓭᑲᓂᓂᒃ, ᐅᑮᐃᑰᓐ ᒋᐃᑭᑐᒡ᙮ 20ᐃᐃ ᑕᔥ ᐋᓂᑕ ᐯᕒᐆ ᐅᑖᓂᑫᐎᑭᒫᒪᐞ ᑳᑮ ᑯᑖᓀᑕᒥᓂᒡ ᐁᑭᑐᓂᒡ ᑳᑎᐯᒋᑫᓂᒡ ᐌᔩᑉ ᐅᑮ ᐲᑎᑲᓈᓂ ᐯᒦᑖᑯᓂᒡ, ᐅᑕᐗᑳᓂᓂ ᑲᔦ᙮ 21ᐃᐃ ᑕᔥ ᐐᓐ ᑯᑕᒃ ᑳᑮ ᐸᐹᒥᑕᓯᓂᒃ ᐁᑭᑐᓂᒡ ᑳᑎᐯᒋᑫᓂᒡ ᑳᐐᓐ ᐅᑮ ᐲᑎᑲᓈᓰᓂ ᐯᒦᑖᑯᓂᒡ, ᐅᑕᐗᑳᓂᓂ ᑲᔦ, ᐁᑮ ᐊᔮᓂᒡ ᒧᔐᑲᒥᒃ᙮
22ᒦᑕᔥ ᒨᓯᔅ ᑳᐃᑯᒡ ᑳᑎᐯᒋᑫᓂᒡ, ᐃᔥᐱᒥᕽ ᐃᓇᑫ ᐃᔑ ᓃᒥᓂᑫᓂᓐ ᒋᓭᓭᑲᒃ ᒥᓯᐌ ᐄᒋᐸᑮᕽ᙮ ᑕᔑ ᓭᓭᑲᓐ ᓴ ᐁᔑᐊᔮᐙᒡ ᐯᒫᑎᓯᐙᒡ, ᐊᔭᐋᐎᔑᑳᕽ ᑲᔦ᙮ ᒥᓯᐌ ᑲᔦ ᒧᔐᑲᒥᒃ ᑫᑰᓐ ᐁᔑ ᓂᑖᐎᑭᕽ ᐃᐃᒫ ᒥᓯᐌ ᐄᒋᐸᑮᕽ, ᐅᑮᐃᑰᓐ᙮ 23ᒦᑕᔥ ᒨᓯᔅ ᐃᔥᐱᒥᕽ ᐃᓇᑫ ᑳᐃᔑ ᓃᒥᓂᑫᓂᒡ᙮ ᑳᑎᐯᒋᑫᓂᒡ ᐃᑕᔥ ᑮᐃᔑᒋᑫᐗᓐ ᒋᐱᓀᓰᐗᓂᓂᒃ, ᒋᓭᓭᑲᓂᓂᒃ, ᒥᑕᑲᒥᒃ ᐃᑕᔥ ᐃᓇᑫ ᐁᑮ ᐃᔑ ᐹᑭᓀᓂᒡ ᐁᑮ ᑭᒋ ᐙᐙᑌᓭᓂᒃ᙮ ᑳᑎᐯᒋᑫᓂᒡ ᐃᑕᔥ ᑮᐃᔑᒋᑫᐗᓐ ᒋᓭᓭᑲᓂᓂᒃ ᒥᓯᐌ ᐄᒋᐸᑮᕽ᙮ 24#Rev 8.7; 16.21. ᑮᓭᓭᑲᓂᓂ ᓴ, ᐁᑮ ᑭᒋ ᐋᔕᐎ ᐙᐙᑌᓭᓂᒃ᙮ ᒦ ᓴ ᐃᐌ ᒫᐗᒡ ᐃᑯ ᐁᑮ ᑭᒋ ᐃᔑᐌᐸᒃ ᐃᐃᒫ ᐊᑮᕽ ᐊᑯᓈᒃ ᑳᑮ ᐱ ᐊᔮᒃ ᐄᒋᐸᑭ᙮ 25ᒥᓯᐌ ᓴ ᑯ ᐄᒋᐸᑮᕽ ᑮᐃᔑ ᓭᓭᑲᓐ ᒧᔐᑲᒥᒃ, ᐯᒫᑎᓯᐙᒡ ᐁᔑᐊᔮᐙᒡ, ᐁᔑᐊᔮᐙᒡ ᑲᔦ ᐊᔭᐋᐎᔕᒃ; ᑲᑭᓇ ᑫᑰᓇᓐ ᑳᑮ ᓂᑖᐎᑭᑭᓐ ᑭᑎᑫᐗᑲᒥᑯᑳᕽ ᑮᓂᔑᐗᓈᑕᓅᓐ, ᒥᑎᑰᒃ ᑲᔦ ᑮᒪᔕᔥᑯᓭᐗᒃ᙮ 26ᐌᑎ ᓴ ᐁᑕ ᑰᔑᓐ Goshen ᐊᑮᕽ ᑳᑮ ᐃᔑᑖᐙᒡ ᐃᔅᕒᐃᔭᓬᐊᒃ Israel ᑳᐐᓐ ᑮᐃᔑ ᓭᓭᑲᐊᓯᓅᓐ᙮
27ᒦᑕᔥ ᒨᓯᔅ, ᐁᕒᐊᓐ ᑲᔦ ᑳᑮ ᐊᑐᒥᑯᐙᒡ ᐯᕒᐆᓐ ᐁᑮᐃᑯᐙᒡ, ᒦ ᓴ ᐃ ᓅᑯᒻ ᑮᒪᒋᑑᑕᒫᓐ; ᑳᑎᐯᒋᑫᒡ ᓴ ᐐᓐ ᑾᔭᑯᒋᑫ, ᓃᓐ ᐃᑕᔥ ᓂᐱᒫᑎᓰᒪᒃ ᑲᔦ ᑳᐐᓐ ᓭᓯᒃ ᓂᑎᔑᒋᑫᓰᒥᓐ᙮ 28ᐊᓇᒥᐁᑕᐎᒃ ᒋᑲᑴᒋᒣᒃ ᑳᑎᐯᒋᑫᒡ, ᒦ ᐃ ᑌᒥᓂᒃ ᑮᐃᔑᒋᑫᒡ ᐅᐅ ᑳᐱᓀᓰᐗᓂᓂᒃ, ᑳᓭᓭᑲᓂᓂᒃ ᑲᔦ᙮ ᒦᑕᔥ ᐃᐃ ᒋᐸᑭᑎᓂᓇᑰᒃ ᒋᒫᒑᔦᒃ, ᑳᐐᓐ ᐃᑕᔥ ᒣᒬᒡ ᑫᔮᐱ ᐅᐅᒫ ᑭᑲ ᐊᔮᓰᒻ, ᐅᑮᐃᑯᐙᓐ᙮
29ᒦᔥ ᐅᐅ ᒨᓯᔅ ᑳᐃᓈᒡ, ᔐᒫᒃ ᓴ ᑯ ᐅᒋ ᓵᑲᐊᒫᓐ ᐅᐅᒫ ᐆᑌᓈᕽ, ᓂᑲ ᓃᒥᓂᑫᑕᐙ ᑳᑎᐯᒋᑫᒡ᙮ ᒦᑕᔥ ᐃᐃ ᒋᐴᓂ ᐱᓀᓰᐗᕽ, ᒦᑲᔦᐃ ᒋᐴᓂ ᓭᓭᑲᒃ, ᒋᑭᑫᑕᒪᓐ ᑳᑎᐯᒋᑫᒡ ᐁᑎᐯᑕᕽ ᐅᐅ ᐊᑮᓂ᙮ 30ᔖᑰᒡ ᐃᑕᔥ ᓂᑭᑫᑖᓐ, ᑮᓐ, ᐃᑭ ᑲᔦ ᑭᑖᓂᑫᐎᑭᒫᒪᒃ ᒪᔑ ᐁᑯᑖᓀᓂᒫᓯᐌᒃ ᑳᑎᐯᒋᑫᒡ ᑭᔐᒪᓂᑑ᙮
31ᐃᐃ ᓴ ᑳᓂᑖᐎᑭᕽ ᐃᔒᑭᓄᐙᑎᒃ ᑮᓂᔑᐗᓈᑕᓐ, ᐊᐊ ᑲᔦ ᐸᕒᓬᐄ ᒪᓅᒥᓐ ᐋᓃᔥ ᐋᔕ ᑮᑮᔕᑎᑌᐙᑯᐸᓐ᙮ 32ᐊᐊ ᑕᔥ ᐐᓐ ᐸᑴᔑᑲᓂᒥᓐ, ᒪᔭᑭ ᐸᑴᔑᑲᓂᒥᓐ ᑳᐐᓐ ᑮᓂᔑᐗᓈᑎᓯᓰᐗᒃ, ᑳᐐᓐ ᐋᓃᔥ ᒪᔑ ᑮᐱ ᓵᑭᑮᓰᐗᒃ᙮
33ᒨᓯᔅ ᐃᑕᔥ ᐁᑮ ᓵᑲᐊᕽ ᐃᐃᒫ ᐆᑌᓈᕽ ᐅᑮ ᓃᒥᓂᑫᑕᐙᓐ ᑳᑎᐯᒋᑫᓂᒡ; ᒦᔥ ᑳᐃᔑ ᐴᓂ ᐱᓀᓰᐗᓂᓂᒃ, ᒦᑲᔦᐃ ᑳᐃᔑ ᐴᓂ ᓭᓭᑲᓂᓂᒃ, ᑳᐐᓐ ᐃᑕᔥ ᑲᔦ ᐊᐗᔑᒣ ᑮᑭᒥᐗᓯᓅᓐ ᐃᐃᒫ ᐊᑮᕽ᙮ 34ᐊᐲ ᑕᔥ ᐯᕒᐆ ᑳᐙᐸᑕᕽ ᐁᐴᓂ ᑭᒥᐗᓂᓂᒃ, ᐁᐴᓂ ᓭᓭᑲᓂᓂᒃ ᑲᔦ, ᐁᐴᓂ ᐱᓀᓰᐗᓂᓂᒃ ᑲᔦ, ᒦᔥ ᒦᓇᐙ ᑳᐃᔑ ᒪᒋᑑᑕᕽ ᐋᒌᑫ ᐁᑮ ᐊᓂ ᔕᔒᐱᑕᕽ, ᐃᐃ ᑲᔦ ᐅᑖᓂᑫᐎᑭᒫᒪᐞ᙮ 35ᒦ ᓴ ᐃ ᐯᕒᐆ ᐋᒌᑫ ᑳᑮ ᐊᓂ ᔕᔒᐱᑕᕽ᙮ ᑳᐐᓐ ᐃᑕᔥ ᐅᑮ ᐸᑭᑎᓈᓰᐞ ᐃᔅᕒᐃᔭᓬᐊᐞ ᒋᒫᒑᓂᒡ, ᐁᑮ ᐃᔑᓭᓂᒃ ᒪᔮ ᑳᑎᐯᒋᑫᓂᒡ ᑳᑮ ᐃᑭᑐᓂᒡ ᐁᐋᐸᒋᐋᓂᒡ ᒨᓯᓲᓐ᙮
Iliyochaguliwa sasa
ᐁᑭᓴᑕᔅ 9: OJBS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ojibwe Shorter Bible (Syllabic Script) © 2008 Canadian Bible Society
ᐁᑭᓴᑕᔅ 9
9
ᐊᔭᐋᐎᔕᒃ ᑮᓂᐳᐙᒡ
1ᒦᔥ ᐅᐅ ᒨᓯᔅ Moses ᑳᐃᑯᒡ ᑳᑎᐯᒋᑫᓂᒡ, ᒫᒑᓐ ᐊᑕ ᐙᐸᒻ ᐯᕒᐆ Pharaoh ᐅᐅ ᒋᐃᓇᒡ, ᒦ ᓴ ᐅ ᐁᑭᑐᒡ ᑳᑎᐯᒋᑫᒡ, ᐄᐸᕒᐆᐗᒃ Hebrews ᐌᑭᔐᒪᓂᑑᒥᐙᒡ, ᐸᑭᑎᓐ ᓂᐱᒫᑎᓰᒪᒃ ᒋᒫᒑᐙᒡ, ᒋᐊᐎ ᐊᓇᒥᐁᑕᐎᐙᒡ᙮ 2ᑮᔥᐱᓐ ᐃᑕᔥ ᐐᓐ ᐃᓀᑕᓰᐗᓐ ᒋᒫᒑᐙᒡ, ᓀᐱᒋ ᑭᒋᐎᓇᑣ ᑕᔥ, 3ᒦᑕᔥ ᑳᑎᐯᒋᑫᒡ ᒋᓇᓇᐊᓯᒃ ᒋᐋᑯᓰᐋᒡ ᑲᑭᓇ ᑭᑕᔭᐋᐎᔑᒥᐙᐞ ᐁᑕᓶᐙᓇᑭᓯᓂᒡ ᒥᔕᐗᑲᒥᒃ ᐁᔮᓂᒡ; ᒥᑕᑎᒨᐞ, ᒫᔑᒥᑕᑎᒨᐞ, ᐱᒀᐎᑲᓀ ᒥᑕᑎᒨᐞ, ᐱᔑᑭᐗᐞ, ᒫᓇᒑᓂᔕᐞ, ᒫᓇᑎᑾᐞ᙮ 4ᑳᑎᐯᒋᑫᒡ ᓴ ᐸᑳᓐ ᐅᐐ ᑑᑕᐙᐞ ᐃᔅᕒᐃᔭᓬᐊᐞ Israel ᐅᑕᔭᐋᐎᔑᒥᓂ, ᐃᐃ ᑕᔥ ᑲᔦ ᐄᒋᑉ Egypt ᑳᐊᔮᓂᒡ ᐅᑕᔭᐋᐎᔑᒥᓂ᙮ ᑳᐐᓐ ᓴ ᑕᓂᐳᓰᐗᐞ ᐊᔭᐋᐎᔕᐞ ᐃᔅᕒᐃᔭᓬᐊᒃ ᑳᑎᐯᓂᒫᐙᒡ, ᐅᑮᐃᑰᓐ ᒋᐃᑭᑐᒡ᙮ 5ᑳᑎᐯᒋᑫᒡ ᐄᑐᒃ ᐅᑮ ᐅᓇᑑᓐ ᐅᐅ ᐊᐲ ᑫᐃᔑᓭᓂᒃ ᐁᑮ ᐃᑭᑐᒡ, ᐙᐸᕽ ᓴ ᐅ ᓂᑲ ᐃᔑᒋᑫ ᐃᐃᒫ ᐊᑮᕽ, ᑮᐃᑭᑐ᙮
6ᐁᐊᓂ ᐙᐸᓂᓂᒃ ᓴ ᒦ ᐃ ᑳᑎᐯᒋᑫᒡ ᑳᐃᔑᒋᑫᒡ᙮ ᑲᑭᓇ ᐊᔭᐋᐎᔕᐞ ᐄᒋᑉ ᑳᑎᓄᐎᓂᒡ ᑳᑮ ᑎᐯᓂᒫᓂᒡ ᑭᓂᐳᐗᐞ᙮ ᑳᐐᓐ ᐃᑕᔥ ᐐᓐ ᑲᓇᑫ ᐯᔑᒃ ᐊᔭᐋᐎᔕᐞ ᐃᔅᕒᐃᔭᓬᐊᐞ ᑳᑮ ᑎᐯᓂᒫᓂᒡ ᑮᓂᐳᓰᐗᐞ᙮ 7ᐯᕒᐆ ᑕᔥ ᑮᐃᔑᓂᔕᐅᐌ ᒋᐊᑕ ᑭᑫᒋᑫᓈᓂᐗᓂᓂᒃ᙮ ᒦᔥ ᑳᐃᔑ ᑭᑫᒋᑳᑌᓂᒃ ᐊᐙᒡ ᐯᔑᒃ ᐁᑮ ᓂᐳᓯᓂᒃ ᐄᓴᓐ ᐊᔭᐋᐎᔕᐞ ᐃᔅᕒᐃᔭᓬᐊᐞ ᑳᑮ ᑎᐯᓂᒫᓂᒡ᙮ ᔖᑰᒡ ᐃᑕᔥ ᐯᕒᐆ ᑮᐊᓂ ᔕᔒᐱᑕᒻ, ᑳᐐᓐ ᐃᑕᔥ ᐅᑮ ᐸᑭᑎᓈᓰᐞ ᐃᔅᕒᐃᔭᓬᐊᐞ ᒋᒫᒑᓂᒡ᙮
ᑮᐅᔑᑭᐱᓰᒥᓈᓂᐗᕽ
8ᒦᑕᔥ ᒨᓯᔅ, ᐁᕒᐊᓐ ᑲᔦ ᑳᐃᑯᐙᒡ ᑳᑎᐯᒋᑫᓂᒡ, ᑲᓂᑭᓇᒧᒃ ᐱᑶ ᐌᒋᓭᒃ ᐴᑕᐙᓈᐱᑯᕽ, ᒨᓯᔅ ᐃᑕᔥ ᐅᑲ ᐃᔥᐱ ᐌᐱᓈᓐ ᐃᐃ ᐱᑸᓂ ᐁᔑᐊᔮᓂᒡ ᐯᕒᐆᓐ᙮ 9ᒦᑕᔥ ᐃᐃ ᑫᐊᓂ ᐲᓵᐗᑭᓭᒃ ᒋᐊᓂ ᐹᔥᑭᓀᓭᒃ ᒥᓯᐌ ᐄᒋᐸᑮᕽ, ᒦᑕᔥ ᐃᐃᒫ ᑫᐊᓂ ᐅᒋᓭᒃ ᔑᑭᐱᓰᐙᐱᓀᐎᓐ᙮ ᐯᒫᑎᓯᐙᒡ ᐃᑕᔥ, ᐊᔭᐋᐎᔕᒃ ᑲᔦ ᑕᐅᔑᑭᐱᓰᒥᐗᒃ ᒋᐹᔥᑭᒥᓃᔥᑳᐙᒡ, ᐅᑮᐃᑯᐙᓐ᙮ 10#Rev 16.2. ᒦᑕᔥ ᑳᐃᔑᒋᑫᐙᒡ ᐁᑮ ᐅᑖᐱᓇᒧᐙᒡ ᐱᑶ ᐌᒋᓭᓂᒃ ᐴᑕᐙᓈᐱᑯᕽ, ᐁᑮ ᐊᐎ ᓃᐸᐎᐙᒡ ᐁᔑᐊᔮᓂᒡ ᐯᕒᐆᓐ᙮ ᒦᔥ ᒨᓯᔅ ᑳᑮ ᐃᔥᐱ ᐌᐱᓇᕽ᙮ ᒦᑕᔥ ᐃᐃᒫ ᑳᐅᒋᓭᓂᒃ ᔑᑭᐱᓰᐙᐱᓀᐎᓐ᙮ ᐯᒫᑎᓯᓂᒡ ᐃᑕᔥ, ᐊᔭᐋᐎᔕᐞ ᑲᔦ ᑮᐅᔑᑭᐱᓰᒥᐗᐞ ᐁᑮ ᐹᔥᑭᒥᓃᔥᑳᓂᒡ᙮ 11ᒣᒫᑖᐎᓯᓂᒡ ᐃᑕᔥ ᑳᐐᓐ ᐅᑮ ᑲᔥᑭᑑᓰᓂ ᒋᐱ ᐊᑕ ᐙᐸᒥᑯᒡ ᐋᓃᔥ ᐐᑫ ᒥᓯᐌ ᑮᐅᔑᑭᐱᓰᒥᐗᐞ ᑖᐱᔥᑰ ᑯᑕᒃ ᐄᒋᑉ ᑳᑎᓄᐎᓂᒡ᙮ 12ᒦ ᐄᑐᒃ ᑳᑎᐯᒋᑫᒡ ᐁᑮ ᑑᑕᐙᒡ ᐯᕒᐆᓐ ᐋᒌᑫ ᒋᔕᔒᐱᑕᒥᓂᒡ᙮ ᑳᐐᓐ ᐃᑕᔥ ᐅᑮ ᐱᓯᑕᐙᓰᓂ ᒨᓯᓲᓐ, ᐁᕒᐊᓅᓐ ᑲᔦ ᒪᔮ ᐁᑮ ᐃᔑᓭᓂᒃ ᑳᑎᐯᒋᑫᒡ ᑳᑮᐃᓈᑯᐸᓀᓐ ᒨᓯᓲᓐ᙮
ᑮᑭᒋᓭᓭᑲᒃ
13ᒦᑕᔥ ᒨᓯᔅ Moses ᑳᐃᑯᒡ ᑳᑎᐯᒋᑫᓂᒡ, ᐐᐸ ᑭᑭᔐᑉ ᐗᓂᔥᑳᑲᓐ ᒋᐊᑕ ᐙᐸᒪᒡ ᐯᕒᐆ Pharaoh ᒋᐊᐎ ᓃᐸᐎᐗᒡ ᐁᔑᐊᔮᒡ ᐅᐅ ᒋᐃᓇᒡ, ᒦ ᓴ ᐅᐌᓂ ᐁᑭᑐᒡ ᑳᑎᐯᒋᑫᒡ, ᐄᐸᕒᐆᐗᒃ Hebrews ᐌᑭᔐᒪᓂᑑᒥᐙᒡ: ᑕᑲ ᐸᑭᑎᓐ ᓂᐱᒫᑎᓰᒪᒃ ᒋᒫᒑᐙᒡ ᒋᐊᐎ ᐊᓇᒥᐁᑕᐎᐙᒡ᙮ 14ᓅᑯᒻ ᐃᑕᔥ ᐐᑫ ᑭᐐ ᑭᒋ ᑑᑕᐎᓐ ᐅᐅ ᑳᐐ ᒫᔑᓭᐃᓈᓐ, ᐃᑭ ᑲᔦ ᑭᑖᓂᑫᐎᑭᒫᒪᒃ, ᑭᐱᒫᑎᓰᒪᒃ ᑲᔦ, ᒋᑭᑫᑕᒣᒃ ᑯᑕᒃ ᐊᐎᔭ ᓃᓐ ᑎᓄ ᐁᐊᔮᓯᒃ ᐅᐅᒫ ᒥᓯᐌ ᐊᑮᕽ᙮ 15ᑮᔥᐱᓐ ᓴ ᓂᓂᓐᒡ ᐋᐸᒋᑑᔮᐹᓐ ᒋᑮ ᐸᑭᑌᐅᓈᐹᓐ, ᑭᐱᒫᑎᓰᒪᒃ ᑲᔦ ᒋᑮ ᐋᑯᓰᐃᓇᑰᑭᐸᓐ ᐋᔕ ᐅᔕ ᑳᐐᓐ ᓅᑯᒻ ᑭᑖᑮ ᑭᑫᑖᑯᓯᓰᒻ ᐅᐅᒫ ᐊᑮᕽ᙮ 16#Rom 9.17. ᒦ ᓴ ᐃ ᑌᐺ ᑳᐅᒋ ᐃᓀᓂᒥᓈᓐ ᒋᐱᒫᑎᓯᔭᓐ ᐁᐐ ᐙᐸᑕᐃᓈᓐ ᓂᒪᔥᑲᐎᓰᐎᓐ, ᓂᐐᓱᐎᓐ ᑲᔦ ᒋᐊᓂ ᐅᒋ ᐙᐐᑌᒃ ᒥᓯᐌ ᐊᑮᕽ᙮ 17ᔖᑰᒡ ᐃᑕᔥ ᑫᔮᐱ ᑭᑭᒋ ᐃᓀᓂᑎᔅ ᐊᐲᒡ ᓂᐱᒫᑎᓰᒪᒃ, ᑳᐐᓐ ᐃᑕᔥ ᑭᑲ ᐸᑭᑎᓈᓰᒃ ᒋᒫᒑᐙᒡ᙮ 18ᐅᐅ ᓴ ᐊᐲ ᐙᐸᕽ, ᓂᑲ ᐃᔑᒋᑫ ᐐᑫ ᒋᑭᒋ ᓭᓭᑲᒃ, ᐐᑳ ᒪᔑ ᑳᐱ ᑭᑫᒋᑳᑌᓯᓄᒃ ᒋᐱ ᐃᔑᐌᐸᒃ ᑮᒫᒋᓭᑯᐸᓀᓐ ᐅᐅ ᐄᒋᐸᑭ Egypt ᐲᓂᔥ ᐃᑕᔥ ᐅᐅ ᐃᔑ ᐊᐲ᙮ 19ᐊᓅᑮᓐ ᐃᑕᔥ ᑭᑕᐗᑳᓇᒃ ᐁᔮᐙᒡ ᒥᔕᐗᑲᒥᒃ ᒋᐃᔑᐎᓂᑣ ᐁᔑ ᑕᐱᓇᐙᒀᐃᑳᑌᓂᒃ, ᑲᑭᓇ ᑲᔦ ᑫᑰᓐ ᐁᔮᔦᒃ ᒋᐃᔑᐎᒋᑳᑌᑭᓐ ᐁᔑ ᑕᐱᓇᐙᒀᐃᑳᑌᒃ, ᐋᓃᔥ ᐅᐅ ᑳᐐ ᓭᓭᑲᒃ ᒥᓯᐌ ᑲᑭᓇ ᐊᐎᔭᒃ, ᐊᔭᐋᐎᔕᒃ ᑲᔦ ᐅᑲ ᒦᑯᔥᑳᑯᓈᐙ ᑫᐲᑎᑲᓈᓯᐎᑣ᙮ ᒥᓂᒃ ᓴ ᑯ ᐁᔮᐙᒡ ᒥᔕᐗᔭᐄ ᐅᑲ ᓂᓯᑯᓈᐙ ᑳᐐ ᓭᓭᑲᓂᓂᒃ, ᐅᑮᐃᑰᓐ ᒋᐃᑭᑐᒡ᙮ 20ᐃᐃ ᑕᔥ ᐋᓂᑕ ᐯᕒᐆ ᐅᑖᓂᑫᐎᑭᒫᒪᐞ ᑳᑮ ᑯᑖᓀᑕᒥᓂᒡ ᐁᑭᑐᓂᒡ ᑳᑎᐯᒋᑫᓂᒡ ᐌᔩᑉ ᐅᑮ ᐲᑎᑲᓈᓂ ᐯᒦᑖᑯᓂᒡ, ᐅᑕᐗᑳᓂᓂ ᑲᔦ᙮ 21ᐃᐃ ᑕᔥ ᐐᓐ ᑯᑕᒃ ᑳᑮ ᐸᐹᒥᑕᓯᓂᒃ ᐁᑭᑐᓂᒡ ᑳᑎᐯᒋᑫᓂᒡ ᑳᐐᓐ ᐅᑮ ᐲᑎᑲᓈᓰᓂ ᐯᒦᑖᑯᓂᒡ, ᐅᑕᐗᑳᓂᓂ ᑲᔦ, ᐁᑮ ᐊᔮᓂᒡ ᒧᔐᑲᒥᒃ᙮
22ᒦᑕᔥ ᒨᓯᔅ ᑳᐃᑯᒡ ᑳᑎᐯᒋᑫᓂᒡ, ᐃᔥᐱᒥᕽ ᐃᓇᑫ ᐃᔑ ᓃᒥᓂᑫᓂᓐ ᒋᓭᓭᑲᒃ ᒥᓯᐌ ᐄᒋᐸᑮᕽ᙮ ᑕᔑ ᓭᓭᑲᓐ ᓴ ᐁᔑᐊᔮᐙᒡ ᐯᒫᑎᓯᐙᒡ, ᐊᔭᐋᐎᔑᑳᕽ ᑲᔦ᙮ ᒥᓯᐌ ᑲᔦ ᒧᔐᑲᒥᒃ ᑫᑰᓐ ᐁᔑ ᓂᑖᐎᑭᕽ ᐃᐃᒫ ᒥᓯᐌ ᐄᒋᐸᑮᕽ, ᐅᑮᐃᑰᓐ᙮ 23ᒦᑕᔥ ᒨᓯᔅ ᐃᔥᐱᒥᕽ ᐃᓇᑫ ᑳᐃᔑ ᓃᒥᓂᑫᓂᒡ᙮ ᑳᑎᐯᒋᑫᓂᒡ ᐃᑕᔥ ᑮᐃᔑᒋᑫᐗᓐ ᒋᐱᓀᓰᐗᓂᓂᒃ, ᒋᓭᓭᑲᓂᓂᒃ, ᒥᑕᑲᒥᒃ ᐃᑕᔥ ᐃᓇᑫ ᐁᑮ ᐃᔑ ᐹᑭᓀᓂᒡ ᐁᑮ ᑭᒋ ᐙᐙᑌᓭᓂᒃ᙮ ᑳᑎᐯᒋᑫᓂᒡ ᐃᑕᔥ ᑮᐃᔑᒋᑫᐗᓐ ᒋᓭᓭᑲᓂᓂᒃ ᒥᓯᐌ ᐄᒋᐸᑮᕽ᙮ 24#Rev 8.7; 16.21. ᑮᓭᓭᑲᓂᓂ ᓴ, ᐁᑮ ᑭᒋ ᐋᔕᐎ ᐙᐙᑌᓭᓂᒃ᙮ ᒦ ᓴ ᐃᐌ ᒫᐗᒡ ᐃᑯ ᐁᑮ ᑭᒋ ᐃᔑᐌᐸᒃ ᐃᐃᒫ ᐊᑮᕽ ᐊᑯᓈᒃ ᑳᑮ ᐱ ᐊᔮᒃ ᐄᒋᐸᑭ᙮ 25ᒥᓯᐌ ᓴ ᑯ ᐄᒋᐸᑮᕽ ᑮᐃᔑ ᓭᓭᑲᓐ ᒧᔐᑲᒥᒃ, ᐯᒫᑎᓯᐙᒡ ᐁᔑᐊᔮᐙᒡ, ᐁᔑᐊᔮᐙᒡ ᑲᔦ ᐊᔭᐋᐎᔕᒃ; ᑲᑭᓇ ᑫᑰᓇᓐ ᑳᑮ ᓂᑖᐎᑭᑭᓐ ᑭᑎᑫᐗᑲᒥᑯᑳᕽ ᑮᓂᔑᐗᓈᑕᓅᓐ, ᒥᑎᑰᒃ ᑲᔦ ᑮᒪᔕᔥᑯᓭᐗᒃ᙮ 26ᐌᑎ ᓴ ᐁᑕ ᑰᔑᓐ Goshen ᐊᑮᕽ ᑳᑮ ᐃᔑᑖᐙᒡ ᐃᔅᕒᐃᔭᓬᐊᒃ Israel ᑳᐐᓐ ᑮᐃᔑ ᓭᓭᑲᐊᓯᓅᓐ᙮
27ᒦᑕᔥ ᒨᓯᔅ, ᐁᕒᐊᓐ ᑲᔦ ᑳᑮ ᐊᑐᒥᑯᐙᒡ ᐯᕒᐆᓐ ᐁᑮᐃᑯᐙᒡ, ᒦ ᓴ ᐃ ᓅᑯᒻ ᑮᒪᒋᑑᑕᒫᓐ; ᑳᑎᐯᒋᑫᒡ ᓴ ᐐᓐ ᑾᔭᑯᒋᑫ, ᓃᓐ ᐃᑕᔥ ᓂᐱᒫᑎᓰᒪᒃ ᑲᔦ ᑳᐐᓐ ᓭᓯᒃ ᓂᑎᔑᒋᑫᓰᒥᓐ᙮ 28ᐊᓇᒥᐁᑕᐎᒃ ᒋᑲᑴᒋᒣᒃ ᑳᑎᐯᒋᑫᒡ, ᒦ ᐃ ᑌᒥᓂᒃ ᑮᐃᔑᒋᑫᒡ ᐅᐅ ᑳᐱᓀᓰᐗᓂᓂᒃ, ᑳᓭᓭᑲᓂᓂᒃ ᑲᔦ᙮ ᒦᑕᔥ ᐃᐃ ᒋᐸᑭᑎᓂᓇᑰᒃ ᒋᒫᒑᔦᒃ, ᑳᐐᓐ ᐃᑕᔥ ᒣᒬᒡ ᑫᔮᐱ ᐅᐅᒫ ᑭᑲ ᐊᔮᓰᒻ, ᐅᑮᐃᑯᐙᓐ᙮
29ᒦᔥ ᐅᐅ ᒨᓯᔅ ᑳᐃᓈᒡ, ᔐᒫᒃ ᓴ ᑯ ᐅᒋ ᓵᑲᐊᒫᓐ ᐅᐅᒫ ᐆᑌᓈᕽ, ᓂᑲ ᓃᒥᓂᑫᑕᐙ ᑳᑎᐯᒋᑫᒡ᙮ ᒦᑕᔥ ᐃᐃ ᒋᐴᓂ ᐱᓀᓰᐗᕽ, ᒦᑲᔦᐃ ᒋᐴᓂ ᓭᓭᑲᒃ, ᒋᑭᑫᑕᒪᓐ ᑳᑎᐯᒋᑫᒡ ᐁᑎᐯᑕᕽ ᐅᐅ ᐊᑮᓂ᙮ 30ᔖᑰᒡ ᐃᑕᔥ ᓂᑭᑫᑖᓐ, ᑮᓐ, ᐃᑭ ᑲᔦ ᑭᑖᓂᑫᐎᑭᒫᒪᒃ ᒪᔑ ᐁᑯᑖᓀᓂᒫᓯᐌᒃ ᑳᑎᐯᒋᑫᒡ ᑭᔐᒪᓂᑑ᙮
31ᐃᐃ ᓴ ᑳᓂᑖᐎᑭᕽ ᐃᔒᑭᓄᐙᑎᒃ ᑮᓂᔑᐗᓈᑕᓐ, ᐊᐊ ᑲᔦ ᐸᕒᓬᐄ ᒪᓅᒥᓐ ᐋᓃᔥ ᐋᔕ ᑮᑮᔕᑎᑌᐙᑯᐸᓐ᙮ 32ᐊᐊ ᑕᔥ ᐐᓐ ᐸᑴᔑᑲᓂᒥᓐ, ᒪᔭᑭ ᐸᑴᔑᑲᓂᒥᓐ ᑳᐐᓐ ᑮᓂᔑᐗᓈᑎᓯᓰᐗᒃ, ᑳᐐᓐ ᐋᓃᔥ ᒪᔑ ᑮᐱ ᓵᑭᑮᓰᐗᒃ᙮
33ᒨᓯᔅ ᐃᑕᔥ ᐁᑮ ᓵᑲᐊᕽ ᐃᐃᒫ ᐆᑌᓈᕽ ᐅᑮ ᓃᒥᓂᑫᑕᐙᓐ ᑳᑎᐯᒋᑫᓂᒡ; ᒦᔥ ᑳᐃᔑ ᐴᓂ ᐱᓀᓰᐗᓂᓂᒃ, ᒦᑲᔦᐃ ᑳᐃᔑ ᐴᓂ ᓭᓭᑲᓂᓂᒃ, ᑳᐐᓐ ᐃᑕᔥ ᑲᔦ ᐊᐗᔑᒣ ᑮᑭᒥᐗᓯᓅᓐ ᐃᐃᒫ ᐊᑮᕽ᙮ 34ᐊᐲ ᑕᔥ ᐯᕒᐆ ᑳᐙᐸᑕᕽ ᐁᐴᓂ ᑭᒥᐗᓂᓂᒃ, ᐁᐴᓂ ᓭᓭᑲᓂᓂᒃ ᑲᔦ, ᐁᐴᓂ ᐱᓀᓰᐗᓂᓂᒃ ᑲᔦ, ᒦᔥ ᒦᓇᐙ ᑳᐃᔑ ᒪᒋᑑᑕᕽ ᐋᒌᑫ ᐁᑮ ᐊᓂ ᔕᔒᐱᑕᕽ, ᐃᐃ ᑲᔦ ᐅᑖᓂᑫᐎᑭᒫᒪᐞ᙮ 35ᒦ ᓴ ᐃ ᐯᕒᐆ ᐋᒌᑫ ᑳᑮ ᐊᓂ ᔕᔒᐱᑕᕽ᙮ ᑳᐐᓐ ᐃᑕᔥ ᐅᑮ ᐸᑭᑎᓈᓰᐞ ᐃᔅᕒᐃᔭᓬᐊᐞ ᒋᒫᒑᓂᒡ, ᐁᑮ ᐃᔑᓭᓂᒃ ᒪᔮ ᑳᑎᐯᒋᑫᓂᒡ ᑳᑮ ᐃᑭᑐᓂᒡ ᐁᐋᐸᒋᐋᓂᒡ ᒨᓯᓲᓐ᙮
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ojibwe Shorter Bible (Syllabic Script) © 2008 Canadian Bible Society