Chapa ya Youversion
Ikoni ya Utafutaji

ᐁᑭᓴᑕᔅ 20

20
ᑭᔐᒪᓂᑑ ᑮᒦᑭᐌᒡ ᒥᑖᓱ ᐅᓇᔓᐌᐎᓇᓐ
1ᑭᔐᒪᓂᑑ ᑕᔥ ᐅᓄ ᑲᑭᓇ ᑮᐃᑭᑐ ᐃᑭᑐᐎᓇᓐ: 2ᓃᓐ ᐅᔕ ᑳᑎᐯᒋᑫᒡ ᑭᑭᔐᒪᓂᑑᒻ ᑳᑮ ᓵᑭᒋᐎᓂᓈᓐ ᐌᑎ ᐄᒋᐸᑮᕽ Egypt, ᑳᑮ ᐃᔑ ᑲᒀᑕᑭ ᒥᑦᑲᓄᑮᐃᑯᔭᐸᓐ᙮
3ᑫᑯ ᐸᑳᓐ ᒪᓂᑑᒃ ᐊᔮᐙᑫᓐ ᐁᓈᓴᒦᔮᓐ᙮
4 # Exo 34.17; Lev 19.4; 26.1; Deu 4.15-18; 27.15. ᑫᑯ ᐅᔑᑕᒫᓱᑫᓐ ᒪᓂᑑᐎ ᐅᔑᒋᑲᓇᒃ ᒋᐃᔑᓈᑯᓯᐙᒡ ᑫᑰᓐ ᐁᔑᓈᑾᒃ ᑭᒋ ᑮᔑᑯᕽ, ᑯᒫ ᑲᔦ ᐊᑮᕽ, ᑯᒫ ᑲᔦ ᐌᑎ ᑫᑰᓐ ᐁᔮᒃ ᐊᓈᒥᐲᒃ᙮ 5#Exo 34.6,7; Num 14.18; Deu 7.9,10. ᑫᑯ ᑲᔦ ᐅᒋᒌᑾᓇᐲᑕᐙᑫᓐ ᐊᐌᓀᓇᒃ ᐃᑯ ᑎᓄ ᒪᓂᑑᑳᓇᒃ, ᑫᑯ ᑲᔦ ᐊᓇᒥᐁᑕᐙᑫᓐ᙮ ᓃᓐ ᐄᑐᒃ ᑳᑎᐯᒋᑫᒡ ᐌᑭᔐᒪᓂᑑᒥᔭᓐ, ᑳᐐᓐ ᑕᔥ ᐊᐙᒡ ᐃᑯ ᑭᐸᑭᑎᓂᓯᓅᓐ ᐸᑳᓐ ᒪᓂᑑ ᒋᐊᔮᐗᒡ᙮ ᓂᑲ ᓇᓇᐊᓵᒃ ᓴ ᐃᑭ ᑳᔒᑫᓂᒥᐙᒡ, ᐅᐲᐌᓰᒥᐙᐞ ᑲᔦ, ᐲᓂᔥ ᓂᓯᕽ, ᑯᒫ ᑲᔦ ᓃᐎᕽ ᑫᓂ ᐊᔮᓂᑫ ᓂᑖᐎᑭᐃᑎᐙᒡ᙮ 6ᓂᑲ ᓈᑯᑕᒪᐙᒃ ᐃᑕᔥ ᐐᓐ ᐋᓃᓐ ᐁᔑ ᓵᑭᐊᒀ ᐲᓂᔥ ᒥᑖᔂᒃ ᑫᓂ ᓂᑖᐎᑭᐃᑎᐙᒡ ᐃᑭ ᑳᓵᑭᐃᐙᒡ, ᑳᓇᐃᑕᐎᐙᒡ᙮
7 # Lev 19.12. ᑫᑯ ᑕᔥ ᑲᔦ ᐊᓅᒋᑯ ᐃᓈᐸᒋᑑᐙᑫᓐ ᑳᑎᐯᒋᑫᒡ ᐅᐐᓱᐎᓐ ᑭᑭᔐᒪᓂᑑᒻ, ᑳᐐᓐ ᐅᔕ ᑳᑎᐯᒋᑫᒡ ᐅᑲ ᐋᓶ ᓇᓇᐊᓵᓰᓐ ᐃᓂᐌᓂᐗᓐ ᐊᓅᒋᑯ ᑳᐃᓈᐸᒋᑑᓂᒡ ᐅᐐᓱᐎᓐ᙮
8 # Exo 16.23-30; 31.12-14. ᒫᒥᑲᐎᓄᑕᓐ ᑲᔦ ᑳᐊᓉᐲᐎ ᑮᔑᑲᒃ, ᑭᔐᒪᓂᑑ ᓴ ᐃᐃᐌᓂ ᐅᑮᔑᑲᓄᒻ᙮ 9#Exo 23.12; 31.15; 34.21; 35.2; Lev 23.3. ᓂᑯᑣᓱᑮᔑᒃ ᓴ ᑭᐸᑭᑎᓂᑰ ᒋᑑᑕᒪᓐ ᑲᑭᓇ ᑭᑕᓄᑮᐎᓇᓐ᙮ 10ᐃᐃ ᑕᔥ ᐐᓐ ᑳᓃᔣᓱᑮᔑᑲᒃ ᒦ ᓴ ᐃ ᐁᐊᓉᐲᐎ ᑮᔑᑲᒃ ᑭᔐᒪᓂᑑ ᐐᓐ ᐃᑯ ᑳᑎᐯᑕᕽ᙮ ᑳᐐᓐ ᓴ ᐊᐎᔭ ᑕᐊᓄᑮᓰ ᐃᐃ ᐊᐲ᙮ ᑳᐐᓐ ᑭᑲ ᐊᓄᑮᓰᒻ, ᑭᑯᓯᓴᒃ, ᑭᑖᓂᓴᒃ, ᑭᑕᓄᑮᐋᑲᓇᒃ ᑳᐃᑴᐎᐙᒡ, ᑳᐃᓂᓃᐎᐙᒡ ᑲᔦ᙮ ᑳᐐᓐ ᑲᔦ ᑭᑕᐗᑳᓇᒃ, ᐃᑭ ᑲᔦ ᑳᒪᔭᑭᓯᐙᒡ ᑳᐐᒋ ᐊᔮᒥᒀ᙮ 11#Gen 2.1-3; Exo 31.17. ᒦᑕᔥ ᓃᓐ ᑳᑎᐯᒋᑫᔮᓐ ᓂᑯᑣᓱᑮᔑᒃ ᓂᑮ ᐊᓄᑮ ᐁᑮ ᐅᔑᑑᔮᓐ ᑮᔑᒃ, ᐊᑭ, ᑲᑭᓇ ᑲᔦ ᑫᑰᓐ ᐃᐃᒫ ᐁᔮᑭᓐ᙮ ᓃᔣᓱᑮᔑᒃ ᐃᑕᔥ ᐁᐃᔑᓭᒃ ᒦ ᐃ ᑳᑮ ᐊᓉᐱᔮᓐ᙮ ᒦᑕᔥ ᑳᑮ ᐅᒋ ᑭᑌᑖᑯᑑᔮᓐ, ᐁᑮ ᐃᓇᑭᑕᒫᓐ ᓃᓐ ᐃᑯ ᐁᐐ ᑎᐱᓇᐌᐎᓯᔮᓐ᙮
12 # Deu 27.16; Mat 15.4; 19.19; Mrk 7.10; 10.19; Luk 18.20; Eph 6.2; Eph 6.3. ᑭᑌᓂᒻ ᑭᑌᑌ, ᑭᒫᒫ ᑲᔦ, ᑭᓉᔥ ᒋᐱᒫᑎᓯᔭᓐ ᐃᐃᒫ ᐊᑮᕽ ᑳᑎᐯᒋᑫᒡ ᑭᑭᔐᒪᓂᑑᒻ ᑳᐐ ᒦᓂᒃ᙮
13 # Gen 9.6; Lev 24.17; Mat 5.21; 19.18; Mrk 10.19; Luk 18.20; Rom 13.9; Jas 2.11. ᑫᑯ ᑲᔦ ᓂᔑᐌᑫᓐ᙮
14 # Lev 20.10; Mat 5.27; 19.18; Mrk 10.19; Luk 18.20; Rom 13.9; Jas 2.11. ᑫᑯ ᑲᔦ ᐸᐹᒣᓂᒥᒫᑫᓐ ᐊᐎᔭ ᐅᐐᑎᑫᒫᑲᓇᓐ ᐱᔑᒀᒐᔭᐃᕽ ᐃᓇᑫ᙮
15 # Lev 19.11; Mat 19.18; Mrk 10.19; Luk 18.20; Rom 13.9. ᑫᑯ ᑲᔦ ᑮᒨᑎᑫᓐ᙮
16 # Exo 23.1; Mat 19.18; Mrk 10.19; Luk 18.20. ᑫᑯ ᑲᔦ ᐊᓅᒋᑯ ᐃᔑ ᐊᓂᔕ ᐊᓈᒥᒫᑫᓐ ᑮᒋᐱᒫᑎᔅ ᑫᐅᒋ ᒫᔑᓭᒡ᙮
17 # Rom 7.7; 13.9. ᑫᑯ ᑲᔦ ᒥᓴᐌᑕᒪᐙᑫᓐ ᑮᒋᐱᒫᑎᔅ ᐅᐙᑳᐃᑲᓐ᙮ ᑫᑯ ᑲᔦ ᒥᓴᐌᓂᒥᒫᑫᓐ ᑮᒋᐱᒫᑎᔅ ᐐᐗᓐ, ᑯᒫ ᑲᔦ ᐅᑕᓄᑮᐋᑲᓇᓐ ᑳᐃᑴᐎᓂᒡ, ᑯᒫ ᑲᔦ ᑳᐃᓂᓃᐎᓂᒡ᙮ ᑫᑯ ᑲᔦ ᒥᓴᐌᑕᒪᐙᑫᓐ ᐅᐱᔑᑮᒪᓐ, ᐅᒫᔑᒥᑕᑎᒨᒪᓐ, ᑫᑰᓂᓂ ᑲᔦ ᑮᒋᐱᒫᑎᔅ ᑳᐊᔮᒡ᙮
ᐯᒫᑎᓯᐙᒡ ᑮᑯᑖᓀᓂᒫᐙᒡ ᑭᔐᒪᓂᑑᓐ
18 # Heb 12.18,19. ᑲᑭᓇ ᑕᔥ ᐯᒫᑎᓯᐙᒡ ᐅᑮ ᐙᐸᑖᓈᐙ ᐁᑭᒋ ᐱᓀᓰᐗᓂᓂᒃ, ᐁᑲᑭᒋ ᐃᓈᑌᓭᓂᒃ ᑲᔦ᙮ ᐅᑮ ᓅᑖᓈᐙ ᑲᔦ ᑭᒋ ᐴᑖᒋᑲᓐ ᐁᓅᑖᑾᓂᓂᒃ, ᐅᑮ ᐙᐸᑖᓈᐙ ᑲᔦ ᑭᒋ ᐗᒌᓂ ᐁᐊᒀᐸᑌᓂᒃ᙮ ᐯᒫᑎᓯᐙᒡ ᑕᔥ ᑮᓂᓂᑳᓂᒥᓯᐗᒃ, ᐙᓴ ᑲᔦ ᑮᐃᔑ ᓃᐸᐎᐗᒃ᙮ 19ᒦᑕᔥ ᑳᐃᓈᐙᒡ ᒨᓯᓲᓐ Moses, ᑕᑲ ᑮᓐ ᑲᓅᔑᔑᓈᒻ, ᑭᑲ ᐱᓯᑖᑰ ᑕᔥ, ᑫᑯ ᑕᔥ ᐐᓐ ᐸᑭᑎᓈᑫᓐ ᑭᔐᒪᓂᑑ ᒋᑲᓅᔑᔭᒥᓐᒡ, ᒋᓂᐳᓯᐙᕽ, ᐅᑮᐃᑰᐞ᙮
20ᒦᔥ ᐅᐅ ᒨᓯᔅ ᑳᐃᔑ ᓇᑴᑕᐙᒡ, ᑫᑯ ᓭᑭᓯᑫᒃ, ᑭᔐᒪᓂᑑ ᐅᔕ ᑭᓇᑕ ᑭᑫᓂᒥᑯᐙ, ᐐᑳ ᒋᐴᓂ ᑯᑖᓀᓂᒫᓯᐌᒃ, ᐐᑳ ᒋᒪᒋᑑᑕᓯᐌᒃ, ᐅᑮ ᐃᓈᐞ᙮ 21ᐙᓴ ᑕᔥ ᐯᒫᑎᓯᓂᒡ ᑮᐃᔑ ᓃᐸᐎᐗᐞ, ᒣᒀ ᒨᓯᔅ ᐯᔓ ᐁᓈᓯᑲᕽ ᐗᑸᓂ ᑳᑮ ᑲᔥᑮᑎᐱᑭ ᑭᐸᑳᓇᑾᓂᓂᒃ ᐁᔑᐊᔮᓂᒡ ᑭᔐᒪᓂᑑᓐ᙮
ᐅᓇᔓᐌᐎᓐ ᑳᑮᒦᑭᐌᒡ ᑫᐃᔑᒋᑳᑌᒃ ᐅᓈᐱᑭᓂᑲᓐ
22ᒦᑕᔥ ᒨᓯᔅ ᑳᐃᑯᒡ ᑳᑎᐯᒋᑫᓂᒡ, ᒦ ᓴ ᐅᐌ ᑫᐃᓇᑣ ᐃᔅᕒᐃᔭᓬᐊᒃ, ᑮᓇᐙ ᓴ ᑯ ᑭᑮ ᐙᐸᑖᒻ ᐋᓃᓐ ᐃᓇᑫ ᑳᑮ ᐅᒋ ᑲᓅᓂᓇᑰᒃ ᑭᒋ ᑮᔑᑯᕽ᙮ 23ᑫᑯ ᐐᓐ ᐅᓵᐎ ᔔᓂᔮ ᐙᐱᑯᕽ, ᐙᐹᐱᑯ ᔔᓂᔮ ᐙᐱᑯᕽ ᑲᔦ ᐅᒋ ᐅᔑᑕᒫᓱᑫᒃ ᒪᓂᑑᑳᓇᒃ ᑫᐊᓇᒥᐁᑕᐌᒀ, ᐯᑭᔥ ᐃᑕᔥ ᓃᓐ ᒋᐊᓇᒥᐁᑕᐎᔦᒃ᙮ 24ᒥᑕᑲᒥᒃ ᓴ ᐅᒋ ᐅᔑᑕᒪᐎᔑᒃ ᑳᔑ ᐸᑭᑎᓈᓱᕽ᙮ ᒦᑕᔥ ᐃᐃᒫ ᑫᔑ ᐸᑭᑎᓈᔂᑕᒣᒃ ᑳᐊᒀᑭᑌᑭᓐ ᑎᓄ ᐸᑭᑎᓈᓱᐎᓇᓐ, ᐃᓂ ᑲᔦ ᒥᓄ ᐐᒌᑎᐎ ᐸᑭᑎᓈᓱᐎᓇᓐ᙮ ᒦ ᓴ ᐃᐌ ᑫᔑ ᐸᑭᑎᓀᒀ ᒫᓇᒑᓂᔕᒃ, ᒫᓇᑎᑾᒃ, ᐱᔑᑭᐗᒃ ᑲᔦ᙮ ᐊᐲ ᑕᔥ ᑫᐃᔑᒋᑫᔮᓐ ᒋᑭᑌᒋᑳᑌᒃ ᓂᐐᓱᐎᓐ, ᑭᑲ ᐱᐊᑕ ᐙᐸᒥᓂᓂᒻ ᒋᔕᐌᓂᒥᓇᑰᒃ ᑲᔦ᙮ 25#Deu 27.5-7; Jos 8.31. ᑮᔥᐱᓐ ᐃᑕᔥ ᐊᓯᓃᕽ ᐅᒋ ᐅᔑᑑᔦᒃ ᑳᔑ ᐸᑭᑎᓈᓱᕽ, ᑫᑯ ᐐᓐ ᐋᐸᒋᐋᑫᑾᓂᒃ ᐊᓯᓃᒃ ᑳᑮᔥᑳᐱᑲᐅᑣ, ᐋᓃᔥ ᑭᑲ ᐐᓂᑑᒻ ᑮᔥᐱᓐ ᐋᐸᒋᒋᑲᓇᓐ ᐋᐸᒋᑑᔦᒃ᙮ 26ᑫᑯ ᑕᔥ ᐐᓐ ᐃᔑᑑᑫᒃ ᒋᑕᑕᑯᑮᐎᓂᑲᑌᒃ᙮ ᒫᑭᔖ ᓴ ᐃᓈᑕᐌᔦᒃ ᑭᑲ ᐗᓈᒌᒻ᙮

Iliyochaguliwa sasa

ᐁᑭᓴᑕᔅ 20: OJBS

Kuonyesha

Shirikisha

Nakili

None

Je, ungependa vivutio vyako vihifadhiwe kwenye vifaa vyako vyote? Jisajili au ingia