مزامیر ۲۹

۲۹

خوداوندٚ عظمتَ اعلام بوکونید

داوودٚ دوعا

۱ اَی فرشته‌یأن، خوداوندَ ستایش بوکونید.

اعلام بوکونید کی جلال و قوّت، خوداوندٚ شینه.

۲ خوداوندٚ نامٚ جلالَ ستایش بوکونید!

خوداوندَ، اونٚ شکوه و قدوسیتٚ وأسی پرستش بوکونید!

۳ خوداوندٚ صدا، دریا آبأنٚ رو به گوش فأرسه؛

خودایٚ جلالٚ صدا، گورخانه مأنستنه،

خوداوندی کی ایتأ عالمه دریا آبأنٚ رو حوضور دأره!

۴ خوداوندٚ صدا پور جٚه قوّته؛

اونٚ صدا پور جٚه شکوهه.

۵ خوداوندٚ صدا سدرٚ دارأنَ ایشکنه؛

خوداوند، لبنانٚ سدرٚ دارأنَ نابودَ کونه.

۶ خوداوند کاری کونه کی لبنان ایتأ گوساله مأنستن واز واز بوکونه

و «سیریونٚ» کوه ایتأ جوانٚ گابٚ مأنستن.

۷ خوداوندٚ صدا، آتشی تیرأنَ اوسه کونه.

۸ خوداوندٚ صدا دشت و بیابانَ لرزأنه؛

خوداوند، قادِشٚ بیابانَ به لرزه تأوده.

۹ خوداوندٚ صدا، پسته کوهی دار و درختأنَ لرزأنه

و جنگلأنَ بی‌ولگَ کونه.

اونٚ معبدٚ دورون همه‌تأن فریاد زنیدی: «جلال!».

۱۰ خوداوند، طوفانی آبٚ جور نیشته،

خوداوند نیشته، اون، پادشا ایسه تا اَبد.

۱۱ ببه کی خوداوند خو قومَ قوّت ببخشه؛

ببه کی خو قومَ سلامتی اَمرأ برکت فأده.

Iliyochaguliwa sasa

مزامیر ۲۹: گیلکی (رشتی)

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Jifunze Mengi Kuhusu کیتاب مقدّس به گیلکی (رشتی)