SEI-ATAMAI VAHTAO 19
19
Paul nou Ephesa hinou Vah Souyu
1Apollos nou Korinth hi bubu kisü Paul nou teidei reikou lonou tachopoa Ephesa hi veloue. Sühinou puhnou tave rozümai kamaiye daoloue. 2Alia puhnou puletao hi noue, “Neletao nou louche louyu hinou Rako Mashi ngaoloure moe?”
Sühinou puletao nou puh hi chila peie, “Rako Mashi bue touyu Ehwo choua choukhai mohie.”
3Südonou Paul nou noue, “Sükulouzü neletaoye kakuyu zhai hinou dzükhao dapeie?”
Puletao nou chila peie, “Johan vei dzükhao dayu zhai hinoue.”
4Alia Paul nou paoe, “Johan nou dzükhao dapeiyu hai le dalouyu vei baie. Puhnou puh thainou velaiyu süolouzü Jisu ye louche loure donou maikhemai hi paopeie.”
5Puletao nou süsü choulouyu kisü, puletaoye Mapaowo Jisu zhih hinou dzükhao dapeire. 6Alia Paul nou puletao pei hi puh bah lakhai peiyu kisü Rako Mashinou puletao pei hi koulou loure; alia puletao nou la tyakuku hinou paopaloua rachi paola pare. 7Puletao hrülai sü mai kiahai phae.
8Alia Paul nou rathobuh hi talouloua Ramai vedei vanou maikhe maiye koa chi veiva-a ea paothou louche peire donou te-a khou asü khuveia doupeie. 9Ana kamainou le khousholoua ea loucheba-a maikhemai nghojünou Mapao vei Ludu naye sü paoshiyu kisü puhnou puletao hinou taloua ea lüloumai taoye saloua teithe tsünou Turanna vei kiduna hinou chi pha-kua bue. 10Haikua po ahaisü thaokhaimoa takoue. Südonou Asia teidei hi buyu maikhemai hrülainou süolouzü Jihudimai ea Greekmai taonou Mapao vei chipao sü chouloue.
Skiva Nahpoutu Maitao
11Ana Ramai nou Paul bah vanou mainou soulouho khupa vah panou soue. 12Sükua puh vasou hinou pahsousah moa sazha sü poloua lishi maitao hi poveyu kisü puletao sounou sü veiloue ea rashi tao-a puletao hinou tapaloue. 13Sükisü rashiye huta-a veisühao-a laiyu Jihudimai kamainou Mapaowo Jisu zhihsü kua rashinou louyu maitao pei hi, “Paul nou paodoua laiyu Jisu zhih hinou Enou neye tapalouwo tea kharochi peiwe,” tea paoe. 14Haikua souyu sü Jihudimai napao peichawo Skiva tea kuyu mai sünavei nahpoutu mai anai taonou soue.
15Ana rashi nanou puletao hi chila peie, “Enou Jisu ye süe ea Paulye süe; ana neletaowo thaoh-e?”
16Alia rashinou louyu mai sünanou puletao vahi chihshoa tukou sholoua puletaoye sü kokhai loure. Sükua puhnou puletaoye khousasa peiwu-a puletao sü baitoua ea zhupeiwu-a ki süna hinou vakou tupare. 17Alia ko süsü Ephesa hi buyu Jihudimai ea Greek maitao hrülainou sülouyu kisü ngaopinou puletao hrülai pei hi sü phouloure; alia Mapao Jisu zhih sü panou paosho loure. 18Alia chunou lülouyu mai alaosou taveloua puletao vei ashi vahtao sü dua paopa ngaoe. 19Alia khei khupado souyumai taolinou puletao vei larübvü taosü pove dzüloua sütaosü maikhemai nghojünou dua mei deiwure; alia sütao teitei vei muh sü puletao nou chovedzüyu kisü husha theraingou pae. 20Südonou Mapao vei chipao sü buh likihi chouveloua khouchihsho paloure.
Ephesa hi Büroyu
21Haitao hai pacheyu thaisü Paul nou Makedonia ea Akhaia tachopoa Jerusalem hi veloure donou puh lesü laloua paoe, “Enou sühi velouyu thaisü Rom-a ve zhu vuzüyu chie.” 22Alia puhye soukhayu hai Timothi ea Erastasye Makedonia hi seitawu-a puh lahnou teile jütou Asia teidei hinou nai-a bue.
23Teile süphaki sü Mapao vei Ludu vanou Ephesa hisü chi bvürosho loure. 24Daiolouzü Demetria tea kuyu shahu ku-a laiyu mai sünanou Diana basharapao sü shahunou soua bashavah soumaitao hisü vah alaosou peiwe. 25Puhnou sümaitao ea puletaoye vahlu zhoyu kukhe maitaoye kuve dzüloua puletao hi paoe, “Maikhe maitaore, bashavah haina vanou Eletao sü kini alaosou ngaowe touyu sü neletao nou sükhaiwe. 26Alia chuo, lah neletao noua Paul hainanou dai sousa touyu sü ngao-a ngaolai ea sü-a sülai süolouzü bahnou souyu ratao hai halia ramaimoe tea puhnou pao-a Ephesa hi likhei baimoa Asia teidei buh liki hinou maikhe maiye paothou louche peiwu-a mai taoli le soudare. 27Südonou Eletao buh haina likhei khekai souhayu baimoa Asia tamai hrülai ea deiphaomai hrülainou thoa buyu dushoyu rapfüpai Diana vei rathoki-a mainou ngaophou mozhei bailai ea sükua puhvei adushosü souhalou veie touyu kao-ashi sü bue!”
28Maikhe mainou chipao sütaosü choulouyu kisü puletao sü rarou sholoua “Ephesa tamai rapfüpai Diana nou dukayu nasüe!” tea shusoua shaloure. 29Südonou thalasou nuhdu sühisü bvürosho loure; alia puletao nou Paulye koa vei-a laiyu Makedonia tamai Gaius ea Aristarkha ye süthailoua tsü-le alikheisoua meime kihi tuveloue. 30Sükisü Paul nou maisou hrohi talounü loure, ana rozümai taonou baloure. 31Alia puhnou samai soua laiyu Asia teidei hi adumai kamainou puh hi chi paove-a puhye nou meimeki hi talou puhzhu ngaopei more donou puh hi khoe. 32Chuo sühisü kamainou chili pao, kukhe mainou chi kuli pao-a shusou rao-a buloure, daiolouzü meime teitei sü pha-bei sükhai more, alia maikhemai poulonou daidonou sühi tave dzüsa touyu koutea sümoe. 33Alia maikhemai kamainou Alekjandar ye sü maisou hrohinou talou süthai paloue; daiolouzü Jihudimai taonou puhye sü maikhemai nghojülo dokoue. Sükisü Alekjandar nou maikhemai hi kaona-a buloure donou puh bahsü zha-a puh zü chi sü paongaore donou te-e. 34Ana puletao nou puh hai Jihudimai alie touyu sü sülouyu kisü puletao hrülainou teilecho ahai pha pai alikheisoua, “Ephesa tamai rapfüpai Diana nou dukayu nasüe,” tea shusoua raopoloure!
35Alia nuhdu hi rü-akhaio nou maikhe maiye panou kaona-a buloua paoe, “Ephesa hi maitaore, Ephesa tamai nuhdu hainasü rapfüpai Diana aduna vei rathoki ea raki hinou dekouyu sheeyu chuh naye khowo nasüe touyu sümoyu thaoh bue? 36Südonou chi haitao hai maitalinoua motoulou hoyu donou neletao hatalia chaochao soumoa kaona-a bubaiyu kaoe. 37Daiolouzü neletao nou rathoki taohi talou vaomoyu moa Eletao rapfüpaiye paoshi-paokha moyu mai ahaiye buh haihi save khai khaitoue. 38Südonou Demetria nou ea puhye koa laiyu bashavah souyu maitao nou maitali pei hi mah dukhaire bue toulouzü chikuki taosü houkhaitoue ea chi kupeire paopumaitao-a bue; puletaoye panou sümaitao hinou tave chikulo. 39Ana neletao nou züpayu chi kukheli popa kure donou phoua bue toulouzü süsü zhai thaifüa tayu tsüme hinou kukoulai. 40Daiolouzü zhouvei bvü-royu haina vanou Eletao nou paozü loure qolia hayu vanou zhou Eletaoye nou sou bvü-ro peiwe tea paodulou veiyu kao-ashi bue.” 41Alia puhnou süsü paowu-a tsüme sü panou potare.
Iliyochaguliwa sasa
SEI-ATAMAI VAHTAO 19: POUMBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
SEI-ATAMAI VAHTAO 19
19
Paul nou Ephesa hinou Vah Souyu
1Apollos nou Korinth hi bubu kisü Paul nou teidei reikou lonou tachopoa Ephesa hi veloue. Sühinou puhnou tave rozümai kamaiye daoloue. 2Alia puhnou puletao hi noue, “Neletao nou louche louyu hinou Rako Mashi ngaoloure moe?”
Sühinou puletao nou puh hi chila peie, “Rako Mashi bue touyu Ehwo choua choukhai mohie.”
3Südonou Paul nou noue, “Sükulouzü neletaoye kakuyu zhai hinou dzükhao dapeie?”
Puletao nou chila peie, “Johan vei dzükhao dayu zhai hinoue.”
4Alia Paul nou paoe, “Johan nou dzükhao dapeiyu hai le dalouyu vei baie. Puhnou puh thainou velaiyu süolouzü Jisu ye louche loure donou maikhemai hi paopeie.”
5Puletao nou süsü choulouyu kisü, puletaoye Mapaowo Jisu zhih hinou dzükhao dapeire. 6Alia Paul nou puletao pei hi puh bah lakhai peiyu kisü Rako Mashinou puletao pei hi koulou loure; alia puletao nou la tyakuku hinou paopaloua rachi paola pare. 7Puletao hrülai sü mai kiahai phae.
8Alia Paul nou rathobuh hi talouloua Ramai vedei vanou maikhe maiye koa chi veiva-a ea paothou louche peire donou te-a khou asü khuveia doupeie. 9Ana kamainou le khousholoua ea loucheba-a maikhemai nghojünou Mapao vei Ludu naye sü paoshiyu kisü puhnou puletao hinou taloua ea lüloumai taoye saloua teithe tsünou Turanna vei kiduna hinou chi pha-kua bue. 10Haikua po ahaisü thaokhaimoa takoue. Südonou Asia teidei hi buyu maikhemai hrülainou süolouzü Jihudimai ea Greekmai taonou Mapao vei chipao sü chouloue.
Skiva Nahpoutu Maitao
11Ana Ramai nou Paul bah vanou mainou soulouho khupa vah panou soue. 12Sükua puh vasou hinou pahsousah moa sazha sü poloua lishi maitao hi poveyu kisü puletao sounou sü veiloue ea rashi tao-a puletao hinou tapaloue. 13Sükisü rashiye huta-a veisühao-a laiyu Jihudimai kamainou Mapaowo Jisu zhihsü kua rashinou louyu maitao pei hi, “Paul nou paodoua laiyu Jisu zhih hinou Enou neye tapalouwo tea kharochi peiwe,” tea paoe. 14Haikua souyu sü Jihudimai napao peichawo Skiva tea kuyu mai sünavei nahpoutu mai anai taonou soue.
15Ana rashi nanou puletao hi chila peie, “Enou Jisu ye süe ea Paulye süe; ana neletaowo thaoh-e?”
16Alia rashinou louyu mai sünanou puletao vahi chihshoa tukou sholoua puletaoye sü kokhai loure. Sükua puhnou puletaoye khousasa peiwu-a puletao sü baitoua ea zhupeiwu-a ki süna hinou vakou tupare. 17Alia ko süsü Ephesa hi buyu Jihudimai ea Greek maitao hrülainou sülouyu kisü ngaopinou puletao hrülai pei hi sü phouloure; alia Mapao Jisu zhih sü panou paosho loure. 18Alia chunou lülouyu mai alaosou taveloua puletao vei ashi vahtao sü dua paopa ngaoe. 19Alia khei khupado souyumai taolinou puletao vei larübvü taosü pove dzüloua sütaosü maikhemai nghojünou dua mei deiwure; alia sütao teitei vei muh sü puletao nou chovedzüyu kisü husha theraingou pae. 20Südonou Mapao vei chipao sü buh likihi chouveloua khouchihsho paloure.
Ephesa hi Büroyu
21Haitao hai pacheyu thaisü Paul nou Makedonia ea Akhaia tachopoa Jerusalem hi veloure donou puh lesü laloua paoe, “Enou sühi velouyu thaisü Rom-a ve zhu vuzüyu chie.” 22Alia puhye soukhayu hai Timothi ea Erastasye Makedonia hi seitawu-a puh lahnou teile jütou Asia teidei hinou nai-a bue.
23Teile süphaki sü Mapao vei Ludu vanou Ephesa hisü chi bvürosho loure. 24Daiolouzü Demetria tea kuyu shahu ku-a laiyu mai sünanou Diana basharapao sü shahunou soua bashavah soumaitao hisü vah alaosou peiwe. 25Puhnou sümaitao ea puletaoye vahlu zhoyu kukhe maitaoye kuve dzüloua puletao hi paoe, “Maikhe maitaore, bashavah haina vanou Eletao sü kini alaosou ngaowe touyu sü neletao nou sükhaiwe. 26Alia chuo, lah neletao noua Paul hainanou dai sousa touyu sü ngao-a ngaolai ea sü-a sülai süolouzü bahnou souyu ratao hai halia ramaimoe tea puhnou pao-a Ephesa hi likhei baimoa Asia teidei buh liki hinou maikhe maiye paothou louche peiwu-a mai taoli le soudare. 27Südonou Eletao buh haina likhei khekai souhayu baimoa Asia tamai hrülai ea deiphaomai hrülainou thoa buyu dushoyu rapfüpai Diana vei rathoki-a mainou ngaophou mozhei bailai ea sükua puhvei adushosü souhalou veie touyu kao-ashi sü bue!”
28Maikhe mainou chipao sütaosü choulouyu kisü puletao sü rarou sholoua “Ephesa tamai rapfüpai Diana nou dukayu nasüe!” tea shusoua shaloure. 29Südonou thalasou nuhdu sühisü bvürosho loure; alia puletao nou Paulye koa vei-a laiyu Makedonia tamai Gaius ea Aristarkha ye süthailoua tsü-le alikheisoua meime kihi tuveloue. 30Sükisü Paul nou maisou hrohi talounü loure, ana rozümai taonou baloure. 31Alia puhnou samai soua laiyu Asia teidei hi adumai kamainou puh hi chi paove-a puhye nou meimeki hi talou puhzhu ngaopei more donou puh hi khoe. 32Chuo sühisü kamainou chili pao, kukhe mainou chi kuli pao-a shusou rao-a buloure, daiolouzü meime teitei sü pha-bei sükhai more, alia maikhemai poulonou daidonou sühi tave dzüsa touyu koutea sümoe. 33Alia maikhemai kamainou Alekjandar ye sü maisou hrohinou talou süthai paloue; daiolouzü Jihudimai taonou puhye sü maikhemai nghojülo dokoue. Sükisü Alekjandar nou maikhemai hi kaona-a buloure donou puh bahsü zha-a puh zü chi sü paongaore donou te-e. 34Ana puletao nou puh hai Jihudimai alie touyu sü sülouyu kisü puletao hrülainou teilecho ahai pha pai alikheisoua, “Ephesa tamai rapfüpai Diana nou dukayu nasüe,” tea shusoua raopoloure!
35Alia nuhdu hi rü-akhaio nou maikhe maiye panou kaona-a buloua paoe, “Ephesa hi maitaore, Ephesa tamai nuhdu hainasü rapfüpai Diana aduna vei rathoki ea raki hinou dekouyu sheeyu chuh naye khowo nasüe touyu sümoyu thaoh bue? 36Südonou chi haitao hai maitalinoua motoulou hoyu donou neletao hatalia chaochao soumoa kaona-a bubaiyu kaoe. 37Daiolouzü neletao nou rathoki taohi talou vaomoyu moa Eletao rapfüpaiye paoshi-paokha moyu mai ahaiye buh haihi save khai khaitoue. 38Südonou Demetria nou ea puhye koa laiyu bashavah souyu maitao nou maitali pei hi mah dukhaire bue toulouzü chikuki taosü houkhaitoue ea chi kupeire paopumaitao-a bue; puletaoye panou sümaitao hinou tave chikulo. 39Ana neletao nou züpayu chi kukheli popa kure donou phoua bue toulouzü süsü zhai thaifüa tayu tsüme hinou kukoulai. 40Daiolouzü zhouvei bvü-royu haina vanou Eletao nou paozü loure qolia hayu vanou zhou Eletaoye nou sou bvü-ro peiwe tea paodulou veiyu kao-ashi bue.” 41Alia puhnou süsü paowu-a tsüme sü panou potare.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.