Mistari Maarufu ya Biblia kutoka Colosenses 1

Shirikisha

Paimari ñucanchijtaca, amsa mandashpa charicunmanta llujshichirca. Chaimanta llujshichishpami, Paipaj cʼuyashca Churi mandacunpi churarca.

Taita Diosca, Paihuanmari jahua pachapi, cai pachapi tucui imalla tiyajtaca, ricuipajllacunatapish, mana ricuipajllacunatapish rurarca. Jatun mandajcunatapish, jatuncunatapish, shujtaj mandajcunatapish, ima mandanata charijcunatapish Paipaj Churipaj cachunmi, paillahuantaj rurarca.

Paimari, tucui imapish manaraj tiyajpi, ñaupamanta tiyan. Tucui imapish Paipaj maquipimi, maillapi cana cashcapi sumajta tiyacun.

Cristoca, mana ricuipaj Taita Dios ima shina cashcatataj ricuchijmi. Shinallataj tucui imalla tiyajcunapaj ñaupamanta Tiyajmi.

Ñucanchijpish chaita uyashca punllamantami, cancunamanta Diosta mañanataca manataj saquinchij. Paipaj munai ima cashcata alli yachachichun, Paipaj Espiritupish, ashtahuan alli yachaita, alli yuyaita cancunaman cuchunmi mañaracunchij. Cancunaca Apunchij Jesuspaj cashca shinataj, tucuipi Paita cushichishpa causachunmi mañanchij. Chashnami alli granota pʼucuj shina, imatapish allita rurashpa causanguichij. Taita Diostapish, ashtahuan allimi rijsinguichij.