Mistari Maarufu ya Biblia kutoka ROM 11

Shirikisha

Zecawtamaw tatah zezong vytei heh Ama taitah le, Ama a thongtah le, Ama a cawtah a cang he. Ama khatah rungnawnah cawh chaizaw tah ung ky seh! Amen.

Khazing a rungnah le singnah le hnikhynah vytei heh a thuh caimang dei e! A biacenah cawh ahomaw a silang a thui pase thai! A hming tuanah ningcang heh ahomaw a hnih khy a!

“Ahomaw Abuipaw thinglung cawh a hnih khy a? Ahomaw sing a ching khypaw a ung?”

Ma thly thly hraco ato zong heh a cang. Khazing tah ning a donah caw he tah a thingpaw a cawngpe a ung thlang hrah he. A thingpaw he cawh ning a donah caw he tah a cang caco, aaning aa hming tuanah rawng tah cang be. Ma hratei a cang caco ningdonah cawh ningdonah tling cang be.

Aa cingpaw Oliv kung a cai thaikheh khah thleh he ka, lyraangpaw letei a cypaw oliv kung a cai khah cingpaw Oliv kung letah pei a cang myca. Ma lyraangpaw letei a cypaw oliv kung hraco naaning Gental cawngsaw cawh na cang he ceh. Atoheh cawh Juda cawngsaw sahlo chongnah le hringnah khah na hrong myca he ceh. Macawtaco thliapaw a cai hratei a cangpaw he khah naa zongte ruapaw he cang be. Zecawtamaw na palai he ceh? A cai pui naa cang caw, a hrang cawh naa cang tlung be. A hrang tah pui a ca cawng he caw!