Mistari Maarufu ya Biblia kutoka Mwanduso 6

Shirikisha

IMNDEWA kaghanzika ng'ani kumlumba imunu muisi, na kona usungu sideke mmoyo mwake.

IMNDEWA kawona iwanu wotenda ghehile ng'ani na ghose ghawokwalangula mna mimoyo yawo gheha ghamatsuwa ghose.

Lekeni Nuhu tsakoneka kanogha kwe IMNDEWA.

Aino mbuli ya Nuhu. Nuhu tsakakala imunu yanoghile yaliheka, tsakakala kahela totso mna ghamatsuwa ghake. Yang'ali yokala pfinoghile ne Imulungu.

Apfo IMNDEWA kalonga, “Nitsowakoma iwanu wose yaniwalumbile iwali muisi, pfipfila nitsowakoma iwanyama na pfilumbe iwotambala na iwapfideghe. Nakona usungu kwaapfila tsaniwalumba muisi.”

Iwanu hawongetseke muisi na kweleka iwana mapinga, iwana we Imulungu tsawawona iwana we iwanu wanogha, na chila yumwe kamkwela yula iyamsaghule. Kuya IMNDEWA kalonga, “Sitsowaleka baye iwanu wakale ghamatsuwa ghose, watsakufa. Kulawa sambi na kughendelela ng'awatsokala baye kubita miyaka miya imwe na ishirini.” Mna ghamatsuwa ghala, hata hambele muisi tsakukala ne mitsinu mikulu iyelekighwe ne iwana we Imulungu iwawasile ne iwana mapinga we iwanu. Awo iwo iwanu iwakalile wane ngupfu na iwamanyike ghamatsuwa agho. Tsawakemighwa Wanefili.

Nuhu katenda ka Imulungu pfayamlaghitse.

Apfo Imulungu kamlongela Nuhu, “Nitsowakoma iwanu wose iwali muisi, kwaapfila woimemesa ughobo isi yose. Nolongesa nitsowakoma wose na isi yose.

Apfo witsengele safina kwa mbiki wa mmingo, utende pfiheleto mghati mwake na uibakatse lami mghati na kunze.

Imulungu kailola isi, kayona ikala iha, kwaapfila iwanu wose wang'ali wokala pfihile.

Uwaghale mna safina wapfilumbe weli weli, immale ne ipinga, ili wawe waghima hamwe naghwe.