Mistari Maarufu ya Biblia kutoka ROMA 14

Shirikisha

Nə pa' Nəfo Si tə́ bɑ nwə ywətsʉ kɑ mlu' pɑ; a bɑ́ nwə dəŋdəŋ, bɑ hwitə́, ba ŋwɛnyə nthʉm Zhwenyə Dɔlɔ̌. Mo bɑ́ fa' bi Kristo m̀ nthi po'o tə buŋ Si, ba pɔmnəŋ kuŋ o.

Nə pa' pɑ vɔk bɑ pɑ̌ bvɔk m bi Cyəpɔ; bi a pɑ nəŋ pfʉ́ bɑ pɑ̌ pfʉ m nə Cyəpɔ. Kɑ pɑ bvɔkvɔk kɑ pɑ pfʉ́ pfʉ́ lə bɑ pɑ m bi Cyəpɔ.

Pɑ pɑ́ shəŋ pɑ ywə yə a buŋ nə hwitə á ba yə a ŋkwɑ́ pɔ nthamtə́ wap a.

Pɑ ya' nə pɑ fyɛ' nɑ́ tsɔk pɑ cəcɑ̌ pɑ. Pɑ pɑ sa' m gɑ ka fɑ mo pɑ ywə yə yə mu' fɑ gɔ cyə m nə́ vʉ̀si a, kə ywə fa'tə lə.

Nə pa' a bɑ pu və gɑ: Dəŋ pa' ǎ nyənyɔ gɑ́ gɑ̌ bɑwə a, Cyəpɔ nə gɔm, guŋ mkwi'tə awɛ gɔ sɔ' kam dzə m̀, ba guŋ mghɔm awɛ sɔ' gu'tə Si. A bɑ po'o tə bǎ ya mo lə nə pɑ̀ pɑ́ gɔ sɔ' siŋ myə́ mcùŋ bi Si pɑ́ nə yə thə́.

Po nyəŋ mo yə piŋnthʉm é pwa a dyə́ tə tébya nə́ yə nə sɛnwə.

O bɑ wɑ́ tə bɑ fyɛ' gɛfa' yə e tə bɑ yù a pɑ? Kɑ ě tiŋnyə thə́, kɑ ě vʉ̀ pɑ si lɑ, bɑ a bɑwə dé pɑ́ kwa' ta fa' e. Tə́ e gɔ tiŋnyə thə́ pɑpuŋ nə pa' Cyəpɔ bɑ ě ghə tʉɔ nə gə e tiŋnyə thə́.