Mistari Maarufu ya Biblia kutoka Marcus 15

Shirikisha

Tawamhã si'ubdatõ na bâtâ pibuzéb ãma, Zezusi hã hârâ 'rãihâ na ma tô hâ, ãne: — “Eloi, Eloi, lema sabactani.” Ã hã imreme ãma isaprĩzé hã ãne: — “Ĩte 'Re ihâimana u'âsi mono, Ĩte 'Re ihâimana u'âsi mono, e marĩ wa, ma tô ĩsiwaprosi ĩrẽ.”

Tawamhã Romanu na dawamri na dasi'wapéi 'manharĩ'wa norĩ wada'uri'wa Zezusihi nho're ipapara isa hã, Zezusi hã hârâ 'rãihâ na ihârâzé te te wapari wamhã, duré niha na idâ'âzé te te 'madâ'â wamhã, te ãne tinha: — Tô sena ã hã aibâ hã, 'Re ihâimana u'âsi mono 'ra.

Tawamhã zazahâ ihâpa hã, 'Re ihâimana u'âsi mono nhorõwa ãma 'ri 're wa'wa nhitobzé hã ma tô hâihaipo'o, hâimo hawi pi'reba maparane iwa'õtõ na aiwa.

Tawamhã Zezusi hã hârâ 'rãihâ na ma tô hâ, irẽme ma. Taha pari, ma tô pẽ'ẽ hai'utõ.

Tawamhã abzuma wa'wa ma tô tirobra uburé daro mono bâ. Bâdâ isipi'razéb u si'ubdatõ na bâtâ pibuzéb u, te robra na tiromhâiba.

Tawamhã Pilatu hã te te dama arowẽ da, ma tô rob'ru Barabasihi ma si, da te tiwi iwaptẽrẽ za'ra zéb uwaibaba. Taha pari, ma tô Zezusi hã ti'ru, abazei hâ nhorõ 'manharĩ na dapré'ézém na da te dasiwi 're pré'é mono da. Taha pari, dasi'wapéi 'manharĩ'wa norĩ ma, ma tô hâiba za'ré Zezusi hã, wedepo'o nhonhi'rãmi na te te siwi sasõmri da.