Mistari Maarufu ya Biblia kutoka Lucas 10

Shirikisha

Ma'ãpé ĩwapari pese za'ra wa'aba. Asimiroti pire hã wa aima sõmri za'ra wa'wa, wahi norĩ hã aipara na 're wati'i za'ra wa'aba mono da, duré apa'apa 'wa nhi'oto zama. Wa tô duré asimiroti pire hã aima sõmri za'ra wa'wa, wa'uburé norĩ nhiptetezém nhipai u 're ihâimana mono hã. Tahawa niha hã te te 're ai'manharĩ wasété za'ra wa'aba mono õ di za.

Tahawa Wanhib'apito hã ma tô sada'â ãne: — Marta, Marta, airési ãna asãmra õ di. Duré marĩ i'ahâ na si te aihâtâ. Tane nherẽ, misire i'ru zahi hã! Ta hã Maria hã ma tô sima pisutu, uburé marĩ nhipai u iwẽ uptabi hã. Ta hã ni'wa hã te te tiwi wazere waihu'u õ di za.

Tawamhã aibâ hã ma ãma sada'â, ãne: — Uburé Danhib'apito ate 'Re ihâimana u'âsi mono hã 're sawi pese mono, duré uburé aipẽ'ẽ na, duré uburé aihâimanazé i'rowi uptabi na, duré uburé asiptede aima 're ihâimana mono na duré uburé asimirosa'rata na zama. Duré ai'rata 're ihâimana za'ra mono hã 're azawi pese mono, 're i'asisawi pese mono ne.

Tawamhã te te satõrĩ za'ra wana ré, ma tô tãma rowasu'u za'ra, ãne: — Amnho itehâri da hã sa'ẽtẽ uptabi di. Tane nherẽ, romhuri'wa norĩ hã umrore di. Tahawa, ma'ãpé roptehâri'wa tede'wai wi waptẽrẽ za'ra wa'aba, romhuri'wa norĩ hã ahâ na te te we satõrĩ za'ra da, tite roptehâri u hã.

Tawamhã Zezusi hã ma tô oto ãma sadanha, aibâ hã, ãne: — Aima hã si'ubdatõ te te iro'rahâri za'ra hã, e ma hã ma tô aibâ zawi na tihâiba 'râwi i'ratamhã, isimisaihuri te te siwi i'azâri 'ratamhã. Tawamhã aibâ hã ma tô ãma sada'â, ãne: — Aibâ ãma isime! Tawamhã Zezusi hã ma tô ãne tãma tinha: — Tane tô. Mo oto aimorĩ. Isine 're 'manharĩ mono!

Mo oto ai'aba'réi wa'aba. Wa oto asatõrĩ za'ra wa'wa datẽme, pone'ẽrebâ i'rare norĩ hã abaze zahi wa'wa u 're isisisi mono ne.