Mistari Maarufu ya Biblia kutoka Zuwã 12

Shirikisha

Ni'wa hã ĩma romhuri'wai wamhã, sina simnhasi, 're ĩmorĩzém na 're morĩ da. Tawamhã nimame 're ĩhâimana mono zéb ãma te za duré 're hâimana, ĩsiré ĩma romhuri'wa hã. Ĩmama hã te za duré te te 're a'uze, uburé ĩma romhuri'wa norĩ hã.

Ni'wa hã tihâimanazé te te sima 're sawi pese mono wamhã, niwa dahâimanazé isi'utõrĩ'õ tãma ihâimana da hã, waihu'u õ di. Tanei õ di, ni'wa hã ti'ai ãma tihâimanazé te te sima sawi õ wamhã. Ta hã te za sina uwaimra, dahâimanazé isi'utõrĩ'õ hã.

Tô sena wa za aima waihu'u za'ra wa'wa, ãne: Amnho trigu 'rãire hã ti'ai 'rowi da te sẽrẽ õ wamhã, duré dâ'â õ wamhã, te za tô misire 're hâimana u'âsi. Dâ'â wap si, te za 'rãi pese na ti'rã.

Dama rowa'a'wa na wa tô we datẽme mo ti'ai u hã, ni'wam norĩ hã te te 're ĩzaze za'ra mono wamhã, robra na 're hâimana za'ra mono tõ da.

Ni'wa hã ĩnhimiroti te te wapari nherẽ, te te 're a'madâ'â pese õ wamhã, ihâimanazéb zarina te ãma rowairébé õ di za. E marĩ wa. Dahâimanazéb zarina, te da'ãma 're arowairébé mono da, we ĩmorĩ õ wa. Te 're da'anho'reptui mono da si, wa tô wei mo.

Tawamhã Maria hã ma tô simhi wedewa'u isadazei ré hã ti'â, iwa'âbâ za'ẽtẽ uptabi hã, Nardu na wedewa'u nhisi hã. Ta hã ma tô Zezusihi para nhisiwi sa'wa. Taha pari ma tô tizéré na para u'ré. Tawamhã dasisadazezé hã ma tô uburé 'ri 're zadaze.

Tahawa, wa'a wede su hã ma tô 'wasari ni. Ma tô duré dasina uzusi za'ra ni, ãne dahãsi mono sina: — 'Re ihâimana u'âsi mono ãma si 're wawata za'ra wa'aba mono! Uburé Danhib'apito nhisi na we imorĩ hã, 'Re ihâimana u'âsi mono iwẽ hã te te tãma 're ipisutu u'âsi mono da si! 'Re ihâimana u'âsi mono hã iwẽ si te te tãma 're ipisutu u'âsi mono da si, Izaraéu nhihudu norĩ nhib'apito ma hã.

Te te tãma rowasu'u zahuré wamhã, ma tô ãne sada'âbâ zahuré: — Bâdâ hã ma tô iwa waptãrã, Ti'ai ãma Dasiré Ipodo, iwẽ uptabi na 're ihâimana mono zém na Imama te te ihâi'rézéb da hã.