Tawamhã Festu hã ma tô tihâiba, 8 na ãté niwamhã 10 bâtâ na isiré za'ra hã. Taha pari ma tô sina siri, Cézaréia u hã. Awẽm na hã ma tô nhamra, da'ãma rowairébézéb ãma. Tawamhã ma tô ti'ru, Paulu da te dasiwi ãwisi da, itẽme. Paulu hã oto wisi wamhã, Zudeu norĩ Zeruzalẽ hawi isihudu hã ma tô imana wawi sina ubumro. Tawamhã te te ãma siwi iwasu'u wasété zé ipire uptabi na ma tô ãma sãna'rata za'ra. Tane nherẽ, te te siwi hâi'ré waihu'u õ di, te te iwasu'u wasété zara zé hã sena i'uptabi da wamhã.