Mistari Maarufu ya Biblia kutoka Uan 1

Shirikisha

Adquid icnubien utsibon: Nuquin Papan Madombo nec, quequin aid tantiabenquid icsho Nuquin Papan: Cun mado nec. Cun champi nec, capanëdash.

Ëndenquimboshë abitedimbo uabi yequi Nuquin Papabëd Esus icpampic. Aidi Nuquin Papapadquidquiobidi yec aid tantiamianquidquio nec.

Nuquin Papan bëdambuen iste matses chuibanquidquio icsho Esus chieshënquin ënmetiapimbo icpondash.

Aden abimbo chuiquin Nuquin Papa tantiamianquidquio Esus matsespanëdash. Nuquin Papan Mado abentsëcquiobi yec bëdamboshëcquid nepondash. Aidëmbi ubitedibëd tabadquin nadatiambocquin nabanquin matses tantiaquin nashunquid yec bëchamauanquiecsho ispondambi. Aden Esusën Nuquin Papambo tantiamepondashi.

Aidëmbi Nuquin Papan namiacpadombuen abitedimbo uapampic. Ambi uacmaid utsi nibëdec. Aidquio Nuquin Papa yacno tabadmianquid nec. Nuquin Papapadquidquiobidi yec: Nadquio Nuquin Papa iquec, quec tantiamianquidquio Esus nepondash.

Badiadshun padpiden Uanën matses acten mentobanuapondash. Aden mentobannubien Esus chopondash. Chosho isashien Uan mentoquid nadpondash: Is. Nuquin Papan Chomiaid yec obecabimbuecquid choeque. Aidi matsesën icsambuen naid bedshunec abided cuidadec uënësendac.

Adec Nuquin Papa tantiamianquid choash aidobëd tabadsho ambi uaidombi matsesën aid tantienquio icpondash. Adembidi Nuquin Papan: Cun matses nec, caidombi isadaidbon Esus tantiate bunenquio icpondash.

Nidaidën choshon cuëte dëbedmequin ismiacbimbuen matses Nuquin Papambo tantiamendac, quequin chuibampondash.

Ëndenquimboshë Nuquin Papan: Naden nata, quequin Chiaid Moises dada uamepampic. Padnuen Esuquidistunuidtsëqui Nuquin Papan bëdambuen iste tantiamequin: Nadquio Nuquin Papa iquec, quequin matses abimbo tantiamepondash.