Mistari Maarufu ya Biblia kutoka Hechos 2

Shirikisha

Entonces ojron e Pedro y che: —Actanic tunor e mab'amb'anir lo que war iche, y actanic ib'a tua' ixch'ujya inte' intiox taca e ja' tama uc'ab'a e Jesucristo tua' ixcorpesna tama tunor imab'amb'anir, y de allí erer ich'ami Unawalir e Dios.

Y tunor tin e cay c'upseyanob' tama Cawinquirar Jesucristo q'uec'ob' tamar lo que war acansenob' umen e apostolob', y war atzayob' y war umorojse ub'ob' y war uc'uni ub'ob' tamar Cawinquirar, y inte' intiob' war utaresob' lo que tua' uc'uxiob' y war awiob' tama inte' taca lugar, y war uc'ajtiob' taca e Dios. Y b'an war uchiob' iraj iraj.

Y b'ujt'a uyalmob' tunor e ajc'upesiajob' era taca Unawalir e Dios y cay ojronob' inte' intiob' tama inte' ojroner xe' majax tuob'ach. Jax Unawalir e Dios xe' uche tua' uyub'iob' o'jron inte' intiob' tama inte' ojroner xe' majax tuob'ach.

Y wacchetaca cay uyub'iob' inte' nuxi jicnar xe' tari tut e q'uin. B'an e jicnar era cocha conda war ajicna axin inte' nuxi ic'ar. Y tunor tin e turob' macuir e otot cay uyub'iob' e jicnar era. Entonces cay checta lo que lar uwirnar cocha inte' c'ajc xe' awawan tujorob' tama e ic'ar, y b'an uwirnar e c'ajc era cocha inte' uyac inte' winic. Y cay uxere ub'a ixin e c'ajc era este que war inte' c'ajc tujor inte' inte' ajc'upesiajob' xe' turob' tama e otot era. Y b'ujt'a uyalmob' tunor e ajc'upesiajob' era taca Unawalir e Dios y cay ojronob' inte' intiob' tama inte' ojroner xe' majax tuob'ach. Jax Unawalir e Dios xe' uche tua' uyub'iob' o'jron inte' intiob' tama inte' ojroner xe' majax tuob'ach.

Y iraj iraj war umorojse ub'ob' tama e templo, y war umorojse ub'ob' tama uyototob' tua' awiob' y war atzayob' tama uyalmob' y war uchiob' tunor era taca e c'unersiaj tama uyalmob'. Y war utattz'iob' uc'ab'a e Dios iraj iraj, y war atzay irnob' umen tunor upiarob', y ajq'uin ajq'uin war ab'oro e gente watar y Cawinquirar war uche ab'oro e gente era tin e war acorpesnob'. Y tamar era war ach'i' axin tunor e nuxi grupo ajc'upesiajob' tama Cawinquirar Jesucristo.

Tama e tiempo conda axin ac'apa tunor or e rum era, che e Dios, c'ani inwech'e axin Ninawalir tama tunor e gente xe' turob' tama tunor or e rum. Y c'ani inware isitzob' y iwijch'octacob' inte' inte' ojroner y jaxirob' tua' asutpa uyareox tuc'a era otronyajr, y e ch'om maxtacob' tua' amayjutiob' tamar lo que c'ani inwirsiob', y e onian winicob' tua' uch'amiob' cora wayac lo que c'ani inwajc'uob', che e Dios.

Y tunor tin e cay c'upseyanob' tama Cawinquirar cay sutpa ub'ijnusiajob' tua' aquetpa intera ub'ijnusiajob' tunorob', y war uyajc'uob' lo que ayan tama uc'ab'ob' tua' utacriob' uyet ajc'upesiajirob' tin e matuc'a ayan tacarob'. Y war uchoniob' lo que ayan tuob' y war uyajc'uob' e tumin era inte' inte' tin e ayan unecesidob'. Y tin e más nojta unecesidob' más nojta war a'jc'unob'.

Y tunor tin e axin upejca Cawinquirar c'ani acorpesnob'. B'an ch'ar tz'ijb'ab'ir tama uyojroner e Dios umen e profeta Joel.

Y e q'uin c'ani asutpa incsib'an uwirnar, y e luna c'ani asutpa uwirnar b'an cocha e ch'ich. B'an tua' anumuy b'ajxan que ac'otoy e día conda watar Iwinquirar, xe' jax e día xe' más imb'ac'ajr uwirnar y xe' más nojta tama tunor, che e Dios.