Mistari Maarufu ya Biblia kutoka KALATIA 6

Shirikisha

Ia me da kakua ni ceguoca e na caka vinaka, ni da na tamusuka e na kena yabaki, kevaka eda sa sega ni oca.

O koya oqo, ni sa rawa, me da caka vinaka vei ira na tamata kecega, ka vakalevu vei ira era veitokani e na vakabauta.

Dou veivuke ni colata na nomudou i colacola, ka mo dou vakayacora kina na vunau i Karisito.

Mo dou kakua ni vakaisini kemudou; a Kalou ena sega ni vakalialiai; na ka kecega sa kaburaka na tamata ena tamusuka talega ko ya.

Ko koya sa kaburaka na ka ni nonai tovo vakayago, ena tamusuka na rusa mai nai tovo vakayago; ia ko koya sa kaburaka na ka ni Yalo Tabu, ena tamusuka na bula tawa mudu mai na Yalo Tabu.

Oi kemudou na veiwekani, kevaka sa vakidacalataki e dua na tamata mei valavala ca, mo dou vakavinakataki koya e na yalo malumalumu, oi kemudou sa vakayalo; ka mo vakaraici iko, de ko sa dauveretaki talega.

Kevaka e dua sa nanumi koya me ka levu, ia sa ka walega, sa qai vakaisini koya vakai koya. Ia me lewa deivaka na nona cakacaka na tamata yadua, ena qai rekitaki koya e na vuku i koya ga ka segai e na vukuna na tani: ni na colata na nonai colacola na tamata yadua.