Mistari Maarufu ya Biblia kutoka MALAKO 13

Shirikisha

Olonamabini na bato basusu tina e kombe e mbi. Endelo iyona o gbindeabi molema tee mbunoko a suka ahelabi.»

Kebani! Sɛndjɛlɛni, modjɔ mo otadjebakadeani ndelo ndani eimeabi ehole emina.

Ehole eoimedjabini ibo ta sambi, pɛpɛ bosatungeabini oko na eka ebwani nanu bobala; tina ebo midjɔ mibalabi ino ta ngonga iyena modjɔ mo mitadongabi ta dii ino, endelo midongabi ta dii Mwembo Mosɛnɔke.

Diko na kpɔtɔ idimoabi, endelo mibalo mi mbi minɔetebi.»

«A modjɔ moindji busa bomina kaoko ngonga emina, moto omɔti tadjebe nongo babwɛndi ta busa te badjebe, na nongo Mwana tadjebe, oko Sesa iyo mɛnɛ.

Ndelo eokabi ino gala e bila ko nungunungu dji bila, pɛpɛ bobangani; modjɔ mo midjɔ mimina mibwani bodoa, endelo iyena ediiti mɛnɛ suka e ngondo.

Na tina emina sɛndjɛlɛni, modjɔ mo otadjebakadeani isu ihulabi moswa ndako: ahulabi mɔkɔmɔkɔ, ta ndanda e bulu, ta kɔkɔ o boso, kaoko ehuma. Akahula gbundumo asakaotaneani odiini ta hiyɔ. Mɛko imimi misabala mbi na nu nabali na ino basusu: Sɛndjɛlɛni!»

Modjɔ mo bato ba ekomi emɔti baanabi bila na bato ba ekomi ekina, bato ba bokumu bomɔti baanabi bila na bokumu bokina; kpɔtɔ djikumanabi pamba djisusu, ndja epipo ekwabi. Edaabi ondingo mondumba mokabange epeko e mwana.

Boso mɛnɛ etungi na Bwɛndi Bopele bolehama ta dii bikomi bisusu.

Bato banɛnɛ badoabi na kombe e mbi. Babalabi bo: “Mbi nadii Masiya!” Ko bakoseabi bato banɛnɛ.

Sabaneani ino bɛnɛ modjɔ mo baokababini ta mɔmɔ ma leta bɛngi baosambedjeni ko baobomabini ta ndako dji miɔngɔnɔ mi Bayudha; baosambedjabini ta miso ma ba gupɛlɛnɛlɛ na bakondji tina e mbi, edaabi tati tina e bobo.

Modjɔ mo ba masia ba bokuta na batɛli ba bokuta bainamabi; bakɔbi midjɔ mi bokamoa na bingengo, ibia bibwani bokosea bato ibia bahɔɔ Ndjakomba.

«Ekahia ta masu mamina, ngɔngɔ dji masu imia ma ikamba, modaakabusa mohombanabi modidi, songe atangɛsɛbi na ikina, ndjɔtɔ bakwabi, ko ngulu djisusu dji diko djikumanabi.