Mistari Maarufu ya Biblia kutoka माथ 13

Shirikisha

आर भागे हासारे एरलेनिच् दोए उनि काना, ओने उनि काथाय आँजोम आरे बुजहा़उ, आर जोआनिच्‌ए होयेनगे आदोम दो मित् साय, आदोम दो तुरुइगेल आदोम दो पे गेल दोबोड़गे।

आर जा़नुम तालारे एरलेनिच् दोए उनि काना, ओने उनि काथाय आँजोम, मेनखान नोवापुरि रेयाक् दा़ँदि आर धोन रेयाक् लिलका़रते काथाय झुरा, आर बिन जोआनिच्‌ए होयेनगे।

जाहाँय होड़ राजोसटि रेयाक् काथाय आँजोम आर बाय बुजहा़उ खान बा़ड़िच्‌इच् दोए हिजुक्‌आ आर उनियाक् मोनरे एराक्‌ए आ़तकिरा, होर आड़ेरे एरलेनिच्‌ दो उनि कानगेयाय।

आर चा़टा़इनि ओतरे एरलेनिच् दो उनि कानाय, ओने उनि काथा आँजोम तोरा रा़सका़ते ओनाय हाताव, आच्‌रे दो रेहेत्‌ बा़नुक्‌ताया, मेनखान बा़रसिञरेन कानाय, आर काथा इया़ते सानताव से खेद होयलेन खान साटमेनतेये ता़किच्‌ गोत्‌एनगे।

“सेरमा राज दो गोडारे तोपा ओकोआकान धोन लेकाना, ओने ओकाटाक् मित् होड़ ञामकातेये ओकोकात्, आर ओना रेयाक् रा़सका़ते सेनकाते ताहेंकानताय जोतोवाक्‌ ए आ़खरिञकेदा, आर ओना गोडाय किरिञकेदा।”

आर आदोमाक् दो बोगे हासारे ञुरेना आर गेले बेलेयेना, आदोम दो मित् साय, आदोम दो तुरुइगेल आर आदोम दो पे गेल दोबोड़।

इरोक् दिन हा़बिच् बानारगे हारा ओचोवाक्‌पे, आदो इरोक् जोखेच् नाहाँक्‌ इरोक्‌कोञ मेताकोवा, सामा घाँस जारवा माड़ाङपे आर ओनाको आ़टिपे आतार गिडि ला़गित्, मेनखान गुहुम दो इञाक् मुरा़इते आ़गु जारवाकाक्‌पे।