Mistari Maarufu ya Biblia kutoka Markus 2

Shirikisha

Hesus e longolong ramael eda parüyeri eda dölü bwa, “E tawol nifaari tahota iyoloil yalemat hara la tai hamatahi, hara marahara la hamatahi na e nifa iyoloil. I tei bwitoho bwa ibwe fadöngüül lei maho, bwa i bwitoho fadöngüül lei tammaü.”

Nga ifiri mena Hesus eda käkäne ppouri yael hatödü eda haüya mwana e mangüs bwa, “Rai, eda mori tara tammaümu.”

Hesus e habwangi yara ulongolong nga e dolu bwa, “Lani Sabbat e faülüyehi bwa nifael yalemat; tai yalemat na nifaari lani Sabbat.

Nga e ngütüngütü dewa e tasüye labwe halepa Hesus. Lada haramarama ungeri iimwe ra hataingehiri burukara Hesus e mire irang, lada hädilatiwo mwana e mangüs räni hiyar.

Ibwe hanangarihemi bwa Rauri Yalemat e wol ppour uwori farüyeri yalemat bwa ebwe tatar tammaü.” Eda haüye mwana e mangüs bwa, “I hauho, düütahe, hoda hädi hiyomu, hoda raho matariimwomu!”

Iyefa ra e fäli süye, ra ibwe haüye mwaare e mangüs bwa, ‘Eda mori tara tammaümu,’ hale ibwe dölü, ‘Düütahe, hädi mena hiyomu, hoda fatare’?

Ifiri mena urutael yalemat la süyeri hakabaühü, nga mwana eda düütahe, eda hädi mena hiyar, eda süye. Urutael dewa nga la lüdü dewa lada yataheya Dios, lada dölü bwa, “Di tösü ra wela-mo me dibwe hawengari mere!”