Mistari Maarufu ya Biblia kutoka Markus 14

Shirikisha

E sipesipe nga e dölü bwa, “Abba, Tamai! Uruteri faülümire nga e süya ngariho. Häditengiyei pöüleri iram. Nga dari na ho tawai faaülü ra ngaangu i masariye bwa hobwe faaülü ra heer ho masariye.”

Eda haüül bwa, “Hau haneraho hauda sipesipe bwa hau tawai püngütiwo ifiri hapaan. Tipemi ra e masari faülü titiro maho nga dari na podümi ra e mangüs.”

Ibwe haü dewahami bwa e tawaweri burukara labwe kaü Titiro Maho ma uwawori farüyeri yalemat nga mere e faülü faifirer ra labwe haye fiyangowa bwa yalemat labwe mengiye.”

eda haüül bwa, “E rap dewa tammaüri faringörüngöri e weya me ebwe rii madeyai. Hau mire iha nga haubwe haneraho sahü.”

Ifiri yaela mamwangaü nga Hesus eda hädi faraawa eda haparüye Dios eda tipiye eda hariil marahara lei tabwer nga e haüül bwa, “Hau hädi mere, mere podi.”

Eda hädi we pöül eda haparüye Dios eda hariil lada uru urutael. Hesus eda haüül bwa, “Mere ssai, ebwe dele hataingehiil pipiyeri yalemat bwa ebwe happou hatödü nipatari Dios ma yalemat.

Hesus e haüül bwa, “Hami ma urutemi nga haubwe peitiyeiraho eda weya-mo e dölü Farüförü Liya bwa, ‘Dios ebwe riiye yalematara lei hafaniri siipi, nga siipi hara ra larau mahar fataangi.’

Hau düütahe bwa dirou süye! Habaühü bwa iyer yalematara e fangayairaho.”

Hesus eda haüye Petrus bwa, “Bwongireiye, imowari na ebwe ddölü hayang faluwou, nga ebwe fadörüwe yaamu dölü bwa ho tahürayai.”