Mistari Maarufu ya Biblia kutoka 2 कुरिन्थियो 6

Shirikisha

अविसवासियो रै साथै असमान संबंध में नीं जुड़ो। क्यूंकै धारमिकता अर अधरम रौ कांई मेल जोल? या उजाळै रौ अंधारै ऊं कांई संगति?

अर मूरतों रै साथै परमेसर रै मिंदर रौ कांई संबंध? क्यूंकै म्हौ तो जीवते परमेसर रा मिंदर हो। ज्यौ परमेसर कयौ है, “म्हैं उणमे बसूंला अर उणमे चालूं ला अर फिरूं ला। अर म्हैं उणौरौ परमेसर होवूंला, अर वे म्हारा लोग होवैला।”

इण वास्तै परभु कैवै है, “उणौरै बीच में ऊं निकळौ अर अलग रैवौ। अर असुद्ध चीज नै मत छुओ, तो म्हैं थांनै स्वीकार करूंला। अर म्हैं थौरो पिता होवूंला, अर थै म्हारा बेटा अर बैटियां होवोला। ओ सर्वसक्तिमान परभु परमेसर रौ वचन है।”

अर मसीह रौ सैतान रै साथै कांई लगाव? या विसवासी रै साथै अविसवासी रौ कांई नातो?