Mistari Maarufu ya Biblia kutoka 2 कुरिन्थियो 1

Shirikisha

म्हौरै परभु यीसु मसीह रै पिता परमेसर रौ धन्यवाद हो, जिकौ दया रौ पिता अर सगळी तरैह री तसली देवणवाळौ परमेसर है। वो म्हौरै सगळै तकलीफो में तसली दैवै है, ताकी म्हौ उण तसली रै खातर जिकौ परमेसर म्हौ नै दैवै है, म्हौ उणौनै भी तसली दे सकौ, चाहे किणी तरैह री तकलीफ में हो।

क्यूंकै ज्यूं मसीह रै घणौ दुखौ में म्हौ सहभागी होया हो, व्यौंही म्हौ घणा तसली में भी मसीह रै द्‍वारा सहभागी होया हो।

साचांणी, म्हौ म्हौरै मन में मांन लियौ हो, की म्हौरै माथै मौत री सजा री आग्या हो चुकी है, ताकी म्हौ म्हौरौ भरोसौ नीं राखौ, बल्कि परमेसर रौ जिकौ मरयोड़ौ में ऊं जिलावै है।

वोहीज परमेसर है जिकौ म्हौ नै थौरे साथै मसीह में मजबुत करै है, अर जिणै म्हौ नै अभिसेक किया। वोहीज परमेसर म्हौ ऊपर आपरी मोहर लगाई, अर जमानत रै रूप में म्हौरै काळजै नै पवितर आतमा दीनी है।

जे म्हौ तकलीफ पाओ हो, तो ओ थौरी तसली अर उद्धार रै लियै है अर जे तसली पाओ हो, तो ओ थौरी तसली रै लियै है। जिणनै थै हीमत रै साथै तकलीफो नै सह लेवो हो, जिणनै म्हौ भी सह रिया हो।