Mistari Maarufu ya Biblia kutoka 1 कुरिन्थियो 2

Shirikisha

पण ज्यूं लिख्यौ है, “जिकौ बातां आंख्यां नै नीं देखी अर कांनो नै नीं सुणी, अर जिकौ बातां मिनख रै चित में नीं चढ़ी, वे इज है जिकौ परमेसर नै अपणै परैम राखनेवाळौ रै लियै तैयार की है।”

पण सांसारिक मांनखौ परमेसर री आतमा री बातां स्वीकार कोनीं करै, क्यूंकै वे उणरी निजर में पागलो री बातां है, अर नीं वो उणै जांण सकै है क्यूंकै उणरी जांच आत्मिक रीति ऊं होवै है।

पण परमेसर नै अपणी आतमा रै दवारा म्हौ माथै परगट कियो, क्यूंकै आहीज आतमा सगळी बातां एठै तांई की परमेसर री छुपयोड़ी बातां भी सौध लेवे है।

म्हौ संसार री आतमा कोनीं, पण वो आतमा पाई है, जिकौ परमेसर री तरफ ऊं है की म्हौ उण बातां नै जांणौ जिकौ परमेसर म्हौ नै दी है।

और म्हारै वचन, अर म्हारै परचार में ग्यांन री लुभानेवाळी बातां कोनीं, पण पवितर आतमा अर सामरथ रौ सबूत हो, इण वास्तै की थौरो विसवास मिनखौ रै ग्यांन माथै नीं, पण परमेसर री सामरथ माथै रैवै।