Mistari Maarufu ya Biblia kutoka Yohanna 6

Shirikisha

Ndang kǝ Yesu tanda wa, “Nggǝt nech kǝ kulkuli thla thlǝ fǝrchǝ shishingnda. Chika wun ɓech kǝmɗinchi nggǝ mitǝ haɗ anchi wa, chika wun paɗ fǝrchǝ kit kǝ nenchi peˈwu kuchimndǝ hwaranda wa.

Ənɗi thlǝ fǝrchǝ shishingnda ndaˈan nech kǝ Shemeti Farta, fat paɗ nech mbahǝn chit ǝna wa. Ndikta thla mbuˈowunndi nech kǝ Shemeta, tǝ shishingnda.

Kǝ nowun ɓahtǝha ǝ ɗar ka ɗǝsǝmnda thla nech sǝɓtǝ kaɗ wa. Kwechan kǝ ɓahwun ha kǝ ɗar ka ɗǝsǝmǝnda thla nawakchǝ sǝɓtǝ kaɗi kǝ kwekǝɗan, thla nati nggǝta Waˈi Nefa fǝrowunda. kǝthlǝm mǝthlan nech kǝ thla pǝndǝ Farta kǝ Chinda ndat wa, mǝthlan nech kǝ thla fǝrandǝn alkǝta kǝ chit ichiɗiya.”

Thleya nech kǝ ǝnɗi yahtǝ Papa, ndat wa, chika wuni nech ɗǝf wanɗǝkaɗat kǝmɗinchi nggǝta Wanan, paɗ kǝ fǝrtǝ kit kǝ nenchi. Nan mbǝs shishinggnda thla kǝ poriˈ. Nggǝt paɗ ni thlaˈanda fartǝɗi naa heshi tǝɓata.”

Nggǝman kǝ Yesu tanda wa, “Thleya nech kǝ tarchǝɗi yahtǝ Farta wa kǝ chǝwun, kǝ fǝrwun kit kǝmnɗi thla thlǝndǝn.”

Chika wuni thla fǝritǝ Papa nan ɓat kǝmɗinchi, nat thla paɗ ɓech kǝmɗinchi nggi rǝk anchi wa.

Nggǝman kǝ Siman Biturus ndakan wa, “Ai Chinda, kǝmɗi wuni nat ǝn ɗǝta? Chi nech tǝ ndik shishingnda thla kǝ poriˈ.”

Nggǝt nech kǝ kulkuli thla thlǝ fǝranchǝ nafcha shishingnda, thla ɓech kaha hulafǝrta. Chika wun sǝmchǝ kulkulitaˈan, nan tarat ha kǝ poriˈ. Kulkuli thla nati fǝrta kǝthlǝm shishingndi nafchi heshi, ndaˈan thlu fatinchi.”

Nggǝ nefsi nech mbahǝn ɓat kǝmnɗinchi wa. Maangga Papa thla thlǝnchi nenchi kaɓchi anchi wa, nggǝt paɗ ni thlaˈanda fartǝɗi naa heshi tǝɓata.

Kǝthlǝm, kulkuli i Farta ndaˈan thlǝ ɓech kaha thlaˈtǝ hulafǝrta, thla thlǝ fǝranchǝ shishingndǝ heshi.”

Nggǝt nech kǝ kulkuli thla thlǝ fǝrchǝ shishingnda.

Tǝrkǝ Yesu kulkulitaˈan, kǝrsǝ chan usoko Farta, chakankan fee chokchi ha. Kǝɗu paɗ chitǝn tǝ yirfan. Kǝ sǝm kanda nggalkanda, ndang kan kǝmsichiyan wa, “Nggomaman fishirchaˈan tǝɗi hǝhatech kah yu kǝ thlǝm kǝ sǝɓ chika mǝ kaɗ wa.”

Kǝrsǝ wiˈtǝ kǝɗ kilomita ɗǝrman ndu michcha, kǝɗu nak Yesu ɓat nduk tǝ kombawal taˈan, paɗ kǝmsichaˈan lekǝkanda. Ndang kǝ Yesu tanda wa, “Nggǝta, mǝ lekǝwun wa.”