Mistari Maarufu ya Biblia kutoka ‌စောင့်လုကာ 3

Shirikisha

နောင်နယ့်ဆီ တကြားအောင်းချားထောင် မနယ့်ခမ်ခွေတ် ယောဟန်န အောင်းကွန်းလေမကျေးမလေ ခမ်ရေနှစ်မင်္ဂလာဟောင့်ဝ်မားဝိုက်။ စောင့်ယေရှုကော့် ခမ်ရေနှစ်မင်္ဂလာဆီ တကြားရောန်းဆုန တောင့်ဖလ ပူကော်ဆီ ဉာဏ်အလင်းတော်န တောင်းပုံစံနုတ်တူ့တောင်း လုန်းတိုမားရာခနေမွန်းကော်ဝိုက်။ စောင့်ဖလားလ ဆီမေတောင့်ဖ အောင်းတန့်မားလ “မောန လုစိုင်းအောင်းကောချဉ်းနယ့်ဟောက်။ အောင်းမော ကောကျေနပ် ကောအားရ” ဆီ ပေးဝိုက်။

ကောပ့်နယ့်ညော့ ယောဟန်န အောင်းစမနော် “ကောလ အောင်းကွန်းလေ တောင်းနမ့်တောင်းနဲဟော် ဟောင့်ဝ်ရေနှစ်မင်္ဂလာဟော။ တော်နယ် ဆာဆီကောမကား ကွန်းအောင်းအစွမ်းရောင်းဆီ ကွန်းအောင်းမြတ်ကော်နိမ် တထီန်မားကော့်။ ကောလ အောင်းဆိုင်ချက်ပ်တဉ်းမွန်း ဟပေါနယ့်ကျယ့်ဟောင့်ဝ်ကိုးသကော့် မတန်။ မွန်းန အောင်းစမဆူ တောင်းဉာဏ်အလင်းတော်တောင်းကော့်ခရောင့်ဝ်၊ တောင်းဖိုင်းတောင်းကော့်ခရောင့်ဝ် တမားခမ်ရေနှစ်မင်္ဂလာဟောင့်ဝ်။

ကောပ့်နယ့်ညော့ အပြစ်မဆူအောင်းမနီးမငမ်းလေ မရောင်းကော့်ဝါလ ဟပေါနယ့်ပြားသက်သေ တူးနိမ်မတူးနိမ် ဟေပြားဟင်းနူ။ အောင်းမဆူတောင်းမဆူ ပေးမျိုးဆတ်အာဗြဟံဆီ ပီဝါဟင်း။ ဟေဟောင်းဆီပေါဝါလော့် စောင့်ဖလားန အောင်းကောင့်ဟဉ်ဟိုက်လေ တော်ပေါပေးမျိုးဆတ်အာဗြဟံ ဖန်စန်းပဲ့။

အချီန်အစောင် စောင့်ဖလားလ အောင်းကွန်းနောင်တသံဝေဂမနွိုက်လေ အပြစ်လုန်ဟပေါနယ့်ဟောင့်ဝ် အဆင်သင့်ရောင်း။ ကောပ့်နယ့်ညော့ နောင်တသံဝေဂမနွိုက်ဆီ ကွန်းဟေလောင်အောင်းမနီးလေန အောင်းစောင့်ဖလားဟောင့်အပြစ် နယ့်ခမ်ဆီ အောင်းဟူခေါင့်ဝ်ခနောဝ်ဖိုင်း တနယ့်ခမ်” ဆီ ဝါကော်ဝိုက်။

ခနောဝ်လိကျမ်းပရောဖက်ဟေရှာယ တင့်မ်ဝိုက်လ “ရာတီတောင်းကွန်းလေတောင်းကိုင်း ကွန်းကော်နိမ်လ ကွာခွန့်ကွာလောင်ဆီ စေဆီအူလ ‘အောင်းခွန်တန်းစောင့် အဆင်သင့်ဟပေါပေး မဲဟင်း။ အောင်းခွန်းတန်းစောင့် ဟနောန်ဟင်း။ အောင်းဝပ့်လေ တောင်းနောင်နဉ်းတောင်းဖို့ဆီ အောင်းနွဲလေတောင်း အောင်းကုန်းနွဲလေကော့် ဟညီဟင်း။ အောင်းခွန်တန်းကို့လေ ဟနောန်ဆီ အောင်းခွန်တန်းကြမ်းလေ ဟပေါလိန့်မ် ဟေဟင်း။’ နောက်လောင်နော့် ကွန်းတောင်းလုန်န အောင်းစောင့်ကယ်အောင်းစောင့်ဖလားပွယ်မား တနယ့်ဟောန်ဟင်း” ဆီ ပေးဝိုက်။