Mistari Maarufu ya Biblia kutoka மல்கியா 3

Shirikisha

என் ஆலயத்தில் உணவு இருக்கும்படியாக, உங்கள் பத்தில் ஒரு பங்கு முழுவதையும் களஞ்சியத்துக்குக் கொண்டுவாருங்கள். இவ்வாறு என்னைச் சோதித்துப் பாருங்கள் என சேனைகளின் கர்த்தர் சொல்கின்றார். நீங்கள் இவ்வாறு செய்யும்போது, நான் வானத்தின் மதகுகளைத் திறந்து, நிறைந்து வழியும்படி இடங்கொள்ளாத அளவு அதிக ஆசீர்வாதங்களை உங்கள்மீது பொழிய மாட்டேனோ என்று பாருங்கள்.

உங்கள் பயிர்களைப் பூச்சி புழுக்கள் தின்றுவிடாமலும், உங்கள் தோட்டங்களிலுள்ள திராட்சைக்கொடிகளிலிருந்து காய்கள் உதிராமலும் காத்துக்கொள்வேன் என சேனைகளின் கர்த்தர் சொல்கின்றார். அப்போது அனைத்து இனத்தவரும் உங்களை ஆசீர்வதிக்கப்பட்டவர்கள் என அழைப்பார்கள். ஏனெனில் உங்கள் நாடு ஒரு மகிழ்ச்சி நிறைந்த நாடாக இருக்கும்” என சேனைகளின் கர்த்தர் சொல்கின்றார்.

“எனக்கு அருமையான சொத்தை நான் சேர்க்கும் நாளில், அவர்கள் எனக்கொரு தனிப்பெரும் சொத்தாய் இருப்பார்கள் என சேனைகளின் கர்த்தர் சொல்கின்றார். ஒருவன் தனக்குப் பணி செய்யும் தன் சொந்த மகனை மனமிரங்கி காப்பாற்றுவது போல, நானும் அவர்களைக் காப்பாற்றுவேன். அப்போது நீங்கள் நீதியானவர்களுக்கும் கொடுமையானவர்களுக்கும் இடையிலுள்ள வித்தியாசத்தையும், இறைவனை வழிபடுகின்றவர்களுக்கும் வழிபடாதவர்களுக்கும் இடையிலுள்ள வித்தியாசத்தையும் மீண்டும் காண்பீர்கள்.

“பாருங்கள், நான் என் தூதுவனை அனுப்புவேன், அவன் எனக்கு முன்பாக வழியை ஆயத்தம் செய்வான்; நீங்கள் தேடுகிற ஆண்டவர் தம்முடைய ஆலயத்துக்குத் திடீரென வருவார்; நீங்கள் விரும்புகின்ற உடன்படிக்கையின், தூதுவனானவர் வருவார்” என சேனைகளின் கர்த்தர் சொல்கின்றார்.